رواية قرين عاشق(كاملة حتى الفصل الاخير)بقلم محمود الامين

... 

الو ايوه يا حسين انا في المقابر  بزور ماما الله يرحمها.. هخلص وجايه علي طول.... قريت الفاتحه كعادتي وقعدت شويه وبعدها قررت اني همشي.. وانا ماشيه لاحظت ان في حاجه متكومه كده قدام قبر... قربت بحذر وانا خايفه لكن فضولي هو المتحكم فيا.. كانت جثه.. جثه متكفنه.. معرفش ليه حاجه جوايا بتقولي قربي واكشفي وش الجثه معرفش جبت الجراءه  دي منين وكشفت وشها....... اتصدمت ورجعت لورا دي جثه.. جثه 😱😱

......... 

#قرين_عاشق

الجزء الاول 

انا اسمي صابرين عندي 27سنه وانا بحكي دلوقتي لكن القصة دي حصلت معايا وانا عندي 25 سنه يعني من سنتين ولحد دلوقتي انا بسأل نفسي هو انا عشت ده حقيقي ولا ده مجرد خيال من دماغي..... انا من المنصورة من قريه هناك وعايشه مع اهلي في بيت عيله كبير ماما متوفيه من سنه .. خريجه كليه اداب.. انا علي قدر عالي من الجمال دي ميزه وعيب في نفس الوقت.... ميزه لان الجمال حاجه حلوه اكيد وعيب لاني كنت بتعرض لمعاكسات كتير.... كان بيتقدملي عرسان كتير وكنت برفض واقول اني مش عاوزه اتجوز دلوقتي لكن دوام الحال من المحال اكيد هياجي عليا وقت وهتجوز زي اي بنت في الدنيا هيجالها وقت وتتجوز....... القصه بدأت من يوم كنت في زياره لواحده صحبتي بعيد عن القريه في المدينه قررت اني هدخل كافيه اشرب حاجه وبعدين امشي.... وانا قاعده لاحظت ان فيه شاب مركز معايا... عملت نفسي مش واخده بالي لكنه قام وجيه ناحيتي وقالي مساء الخير..... قولتله مساء النور.. افندم قالي انا اسمي حسين انا شوفتك كذا مره وبصراحه انا عايز اتقدملك من غير لف ودوران.... مكنتش عارفه ارد سكت شويه وبعدها قولتله انا اسفه مش بفكر في الكلام ده دلوقتي.... حسيته اتحرج شويه وبعدها قالي اديني فرصه بس انا طالب الحلال وصدقيني مش هتندمي..... بصراحه وافقت واتعرفت عليه.. حسين انسان محترم وخريج كليه طب وحيد ملهوش حد غير والدته بس ومسافره بره مصر..... وجيه فعلا اتقدملي بصراحه مواصفاته متخليش اي حد يرفضه ووافقوا اهلي واتخطبنا... كنت فرحانه وفي نفس الوقت قلقانه مش عارفه ليه.... بابا قالي اني لسه مش متعوده واني هتعود.... لحد ما في يوم كنت بتكلم مع حسين في التليفون بصيت في الساعه كانت 2 بليل قولت لحسين انا هروح انام بقا الوقت اتاخر..... قلي ماشي وقفل ونمت نمت عشان احلم حلم غريب.... شوفت نفسي واقفه قدام مرايا الحمام بس الانعكاس الي في المرايا مكنش صورتي لا.. كانت صوره حسين وكان مبتسم بطريقه مفزعه.... رجعت لورا خبط بايده علي الازاز اتكسر وصرخ... قومت من النوم مفزوعه وباخد نفسي بالعافيه... مش فاهمه اي الي انا شوفته ده لكن في النهاية ده حلم مش هتوقف عنده... تاني يوم حاولت اتصل بحسين مكنش بيرد لحد ما فونه اتقفل.. قلقت يا تري فيه اي..... خرجت بره اوضتي عشان اروح الحمام وشوفت اختي واقفه قدام حيطه وبتخبط دماغها فيها مره واتنين وتلاته..... قربت منها وقولتلها انتي بتعملي ايه... اتلفتتلي عينيها بيضه تماما راسها كانت متعوره مكان الخبط وايديها مليانه عروق سوده ونافره... رجعت لورا وانا بقول اعوذ بالله من الشيطان الرجيم.. اعوذ بالله من الشيطان الرجيم.... قلتلي او قالي لان الصوت كان صوت اجش انا بحذرك ابعدي عنه متكمليش معاه هقتله وهقتلك انتي ليا انتي عهدي.... مش هسيبك تتجوزيه.. ووقعت وفقدت الوعي كنت مرعوبه جريت صحيت كل الي في البيت وفوقوها ومكنتش فاكره اي حاجه..... في الوقت ده تليفوني رن كان حسين... رديت عليه بسرعه وانا بقوله انت فين ومش بترد ليه وقافل فونك...... قلي انا تعبان ومحتاج اتكلم معاكي عاوز اقابلك ضروري... وفعلا نزلت قابلته في كافيه كان باين عليه التعب والارهاق..... وقلي انا بشوف حاجات غريبه الموضوع بدأ بعد اخر مره كلمتك فيها.. قومت بليل عشان ادخل الحمام بمجرد ما قفلت الباب النور بدأ يترعش بقوه وظهر في انعكاس المرايا اقرب ما يكون بمسخ وشه مقطع بينزف دم عينيه بيضه... وقلي ابعد عنها دي ملكي انا مش هسيبك تتجوزها..... واختفي فتحت باب الحمام وخرجت لكن احساس انه موجود حواليا موجود حتي وانا معاكي دلوقتي... حاولت اطمنه رغم اني مش مطمنه  ... لحد ما حصلت حاجه خلتنا قدمنا ميعاد الفرح.... كنا بنتكلم في الفون انا وحسين... سمعت خطوات حد ماشي في الصاله  .. يا تري مين  بره..... قولت لحسين خليك معايا مش عارفه مين صاحي دلوقتي... خرجت الصاله واكتشفت ان النور مقطوع حسيت بنفس سخن في وشي نورت بالموبايل قدامي رجعت لورا اتكعبلت ووقعت... اعوذ بالله علي المنظر الي شوفته وش مشوه عينين بيضه.... اعوذ بالله من الشيطان الرجيم.... وسمعت صوت حسين بيقول ابعد عني وصوت زمجره وبعدها صوت خلع قلبي من مكانه كان صوت صرخه صرخه حسين.. وضربه قويه في وشي وفقدت الوعي لما فوقت كنت علي سريري واهلي جمبي.... بابا اتكلم وقلي مالك وحصل اي..... قولتله وانا بعيط حسين يا بابا الحقوا حسين... بابا وعمي نزلوا وروحوا بيت حسين لقيوه فاقد الوعي.... ولما فاق هو الي اقترح اننا نقدم ميعاد الفرح وقال اننا محتاجين نكون جمب بعض اكتر... وفعلا اتفقنا علي كل حاجه وتم الجواز... فرحي كانت اخر حاجه فرحت بيها.. بمجرد ما دخلنا الشقه وانا مش مطمنه اتخنقت حاسه بتكسير في كل جسمي وصداع رهيب مكنتش طايقه حد ولا حتي حسين..... دخلت اوضه النوم وكانت الصدمه لاني شوفت 

....... 

يتبع الجزء الثاني 

انتظروني في الجزء الثاني واحداث مرعبه جدا من قصه قرين عاشق

#محمودالأمين