رواية دار الايتام كامله جميع الفصول بقلم احمد محمود محمد
1️⃣
اتخرجت وقررت انى اشتغل فى المجال اللى بحبه كانت كُل امنيتى انى اكون مدرس او مشرف فى دار ايتام ده كان حلم حياتى
يمكن ناس كتير مستغربه من حلمى وبيقولوا ان طموحى قليل وان مش ده الحلم اللى يتجرى وراه
بس انا كُنت مقتنع باللى بقوله ومتأكد ان ربنا هيوفقنى فى مجالى ده
ورقى خلص وروحت على ملاجئ كتير بس مكنش فيه نصيب لحد ما فى يوم م الايام رن عليا عم " شكرى "
ده صديق شخصى لأبويا ووكيل وزاره سابق وقالى ان فيه ملجأ كويس وعاوز يختبرك عشان تشتغل فيه
والملجأ ده عاملينه مجموعه من رجال الاعمال الكبار كُل غرضهم تربيه الاطفال وتأهيلهم وتخريج جيل مميز
ميكونش مُعقد من فكره ان ملوش اهل ولا يكون فاكر انه نبته شيطانى او ابن حـ.ـرام والفكره دى اول حاجه بتركز عليها الدار دى
بس مشكله الدار انها بتستقبل من سن يوم لحد سن 15 سنه بس وبعد كده بيخرج الطالب لدار تانيه بيفضل فيها لسن العشرين وبعدها بياخد مبلغ كويس يعمل منه مشروع ويعيش منه
الدار كمان كانت قسمين اولاد وبنات وكل قسم واخد نصف الدار بالتساوى والانشطه مُقسمه بينهم بالعدل
لما اخدت ورقى وروحت استقبلونى استقبال جميل جداً صحيح دى دار بس اشبه بقصر كُل اتنين ليهم اوضه فيها سريرين وحمام
يعنى ده فندق شامل متكامل حاجه جميله جدا بصراحه يسلم ايد كُل اللى ساهم فى الدار دى
ده غير ان المشرفين الرجاله كان ليهم مكان جميل جداً وكل مشرف كانت ليه اوضه خاصه وكذالك الستات
لأنهم كانوا بيباتوا فى الدار بيروحوا شهر وبياخدوا اسبوع اجازه
المديره سألتنى شويه اسأله منها مثلا ليه عاوز تشتغل معانا؟
- والله حضرتك انا حلم حياتي اشتغل فى دار للأيتام من صغرى بحب الاطفال ونفسى اخرج جيل من الاطفال على قدر عالى من الكفاءه
هايل خالص انتا اسمك مازن صح؟
- صح سيادتك مازن عبد الحميد
طيب احنا هنعملك كشف طبي كده نشوف حالتك الصحيه ولو اجتازت الكشف هتتوظف معانا هنا
- ياريت يا فندم
الكشف بأذن لله بعد يومين هتسيبلى ورقك وانا هظبطلك كل حاجه انتا هتيجى تكشف بس وتطلع النتيجه وان شاء الله هتكون معانا
- متشكر يا فندم بعد اذنك
بيعدوا اليومين ونتيجه الكشف بتظهر والحمد لله اخيرا اتوظفت
بصراحه حلم لأى حد انه يتوظف فى مجال هو بيحبه وانا بصراحه كان بالنسبالى حلم بعيد وربنا قربهولى وكافئنى بالدار دى
او كُنت فاكر كده !!
بعد اول اسبوع شغل لقيت ان الاطفال سواء البنات او الاولاد مفيش بهجه ولا روح للمكان
كُل بنت او ولد تحس ان فيه حاجه مضيقاها.. مكنتش فاهم سبب البؤس والحزن ده
او سبب عدم وجود البهجه دى.. يعنى دار كامله متكامله مفيهاش غلطه وفيها كُل وسائل الترفيه دى يكون ليه على ملامح وشوش الاطفال كميه الحزن دى والكئابه
مكُنتش فاهم السبب ايه
لحد ما فى يوم حبيت اتقرب من الاطفال اللى هنا واعرف ايه مشكلتهم
بدأت اديهم دروس موسيقى تحت اشراف الاداره طبعا
فى الاول المديره كانت رافضه بحجه ان الموسيقى مش كويسه للأطفال
- بالعكس ية فندم الموسيقى فن وليه قواعد وفاتحه بيوت ناس كتير
طاب وده ايه علاقته بالطلاب هنا
- علشان حضرتك احنا بنعتبر دى مدرسه مش ملجأ او دار ايتام واى حاجه بتصب فى مصلحه الطالب احنا بنعلمهاله حضرتك اى طالب يقدر لما يكبر انه يكون مُلحن او مُسيقار معروف وفى النهايه حضرتك احنا مش بنعلمهم حاجه قميـ ـئه لقدر الله
والله كلامك مُقنع فعلا يااستاذ مازن وانا مبدئيا موافقه بس خلينى اتشاور مع مجلس الاداره وهطلبك اعرفك بقرارهم
- تمام يا فندم وانا مستنى رد حضرتك عن اذنك. لما خرجت من المكتب خبطت فى ميس " ايناس " نتيجه لأندفاعى وهيا مشرفه معانا فى الدار تبع البنات..
- انا اسف والله مقصدش
لا لا عادي ولا يهمك.. انتا المشرف الجديد؟
- اه مازن عبد الحميد..
اهلا يا ستاذ مازن نورت الدار
- اهلا بحضرتك
انا ميس ايناس مشرفه معاكم هنا بس فى قسم البنات
- اهلا بيكى
ابتسمت اهلا بيك عن اذنك علشان متأخره ع البنات
اتفضلى
لسه مشكله الاولاد دى فى دماغى بس انا محبتش اخلى دماغى تاخدنى فى تفاسير غلط للى بيحصل ده
وقولت يمكن او كملنا النشاطات اللى ناقصه
العيال تفرح.... وهنا مثلا زى نشاط كره القدم للأولاد
والسله او الطايره او اليد للبنات الموسيقى مثلا. حفظ القرآن نجيبلهم العاب تليق بسنهم
رغم كُبر الدار ومستواها المادى العالى
الا ان النشاطات دى مش متوفره فعلا كلمتنى المديره وأكدتلى ان مجلس الاداره موافق ولأجل الفكره الهايله بتاعتك دى هُما وافقوا انك تعمل اى نشاط تانى يفيد الطالب.. كا مكافأه ليك
فرحتى بكلامك ده وانى بدأت احقق اللى طول عُمرى بحلم بيه كانت بتساوى دهشتى اه كُنت مندهش
ازاى وافقوا من غير اى دراسه ويعنى مثلا محدش ابدا فكر فى فكرتى دى قبل مااجى
بصراحه مكُنتش مطمن بس مش مهم المهم انى هعمل اللى طول عُمرى بحلم بيه..
شويه ولقيت ميس ايناس جايه ناحيتى وكانت فرحانه جدا باللى سمعته واللى انا قدرت اعمله فى اقل من اسبوع
انا بجد فرحانه اوى يااستاذ مازن باللى انتا عملته
- انا كمان فرحان اوى اصل ده حلمى من وانا صغير انى عِشت شيئ من مأساه الاولاد دول وحاسس بيهم علشان كده كان كُل حلمى انى اوفر حياه جديده لأى طفل يتيم زى كده علشان محدش يمر بالازمه اللى انا عديت بيها
بس انتا حقيقي عملت انجاز انتا مش مُتخيل الدار هنا كانت ترفض اى نشاطات زى كده بحجج واعذار واهيه انتا قدرت تعمل اللى محدش فينا قدر يعمله
- طاب الحمد لله انتى كده فرحتينى اكتر
انا من زمان وانا نفسي اعمل اى نشاط يفيد الاولاد زى كده قُلت يمكن لما اعمل كده ده يفرحهم شويه ويشيل عن وشوشهم مشاهد الحُزن والبوئس اللى ديما موجوده
- انتى كمان ملاحظه كده.. ؟
مش انا وبس وكمان ميس امل وميس هناء مُشرفه الباص اللى بتطلع معاهم اى رحلات..
- طاب هوه انا ممكن اقعد مع ميس هناء دى؟
اه اكيد طبعا بس ليه؟
- انا حاسس انى ممكن اعرف من كلامها عن الاطفال سبب اللى هُما فيه ده ومهما كان حجم المُشكله نقدر بأذن لله نحلها..
بيعدى يوم واتنين وفى لحظه واحنا مُندمجين مع الطُلاب بنسمع صوت بنت صغيره بتصرخ بصوت عالى
الصوت جاى من حمامات البنات الكُل بيجرى على هناك بتكون واقفه قدام باب الحمام بتقرب ميس ايناس من البنت اللى بتكون اسمها " تُقى "
وبتهديها وبتقولها مالك فا البنت من شده الخوف شاورت على باب الحمام
فتحت باب الحمام علشان اتفاجئ بميس هناء
مدبـ ـوحـ ـه فى واحد من المشاهد المُروعـ ـه ومرميه جوه الحمام والـ ـدم مغرق المكان
يتبع
الجــــــــزء الثانى
#رعب_احمد_محمود
لسه معانا احداث كتيره غريبه وحكايه دار الايتام لسه مكمله
