رواية همسة وجع الفصل السابع عشر 17 بقلم اسماء العذب

 

رواية همسة وجع الفصل السابع عشر بقلم اسماء العذب

لايك الاول يا شطار 

17

#همسه_وجع

#رمضان_مبارك 

صلوا علي الحبيب المصطفى 

___________________________________________________

اول ما وصلوا البيت 

سعيد طلب من عمر انه يودي وعد ووليد اوضته ويرجع تاني وهو بيبص علي مازن نظرات حاده واللي كان قاعد قدامه متوتر ومنكمش علي نفسه من نظرات ابوه ولانه عارف اللي مستنيه 

اول ما رجع عمر قعد جنب مازن والاتنين بصوا لابوهم

سعيد :قولي بقي يا مازن باشا ايه اللي عمل فيك كده 

مازن بتوتر:ما انا قلت لحضرتك ف..

سعيد بحده:اللي قلته في المستشفى جزء من اللي حصل انا عاوزك تقولي الحكايه بالتفصيل ..فاهم بالتفصيل..من إمتي بتشتغل الشغل ده ووصلتله ازاي ومين اللي دلك علس والأهم من ده كله بتعمل كده ليه 

مازن:ااا...........

سعيد بصراخ :احكيييي 

عمر :اهدي يا بابا..وانت اخلص واحكي كل حاجه ..خلصنا  

مازن بتوتر :انا ..إنا من حوالي سنتين رحت مع جماعه صحابي مكان بيعملوا فيه سباق للموتسكلات كان المكان ده بيحضره العيال الغنيه واللي معاها فلوس ...بيقعدوا يراهنوا علي مين هيكسب واللي بيعلب سواء فاز او خسر بيكون ليه جزء من فلوس الرهان ..لكن الفايز طبعا بياخد اكتر 

علي صاحبي كان فيه واحد صاحبه من اللي بيتسابقوا قعد يلعب في عقلي انا وعلي آن دي فلوس ساهله وأنه بيجيب كل اللي نفسه فيه منها من غير ما يحتاج لحد وبيتعرف علي ناس أكابر منها لوقت الذنقه بتنفع معرفتهم والكلام ده 

قعدت افكر وقلت طب انا ليه ما اجربش الموضوع مش هخسر حاجه 

رحت قلت لعلي وشجعني واداني الموتسكل بتاعه وكلملي صاحبه اللي قعد يقنعنا وطلب منه انه يخليني أشارك في السبق ووافق

رحت اول مره شاركت مع مجموعه مبتدئين وسابقت وطلعت في المركز التاني 

واخدت اول مبلغ كان ١٠٠٠ جنيه 

فرحت بيه جدا والموضوع عجبني ودخل دماغي 

وقعدت فيه 

لحد.اخر مره اللي عملت فيها الحادثه

كان فيه متسابقين عاوزين يخلصوا مني ويخلوني ابطل الشغلانه لاني اكلت الجو منهم فقرروا يلعبوا في الفرامل ولما ما عرفوش بقوا يحاولوا يزنقوا عليا في السبق عشان يوقعوني 

وفعلا عرفوا ووقعت بس الحمد لله جات سليمه 

سعيد حط راسه بين ايديه وهو حاسس بالخذلان من ابنه اللي طعنه في نص قلبه وبص عليه وهو بيتكلم بلوم وعتاب شديد

سعيد :هو ده بقي شغلك اللي بتشقي فيه..؟؟؟

هو ده اللي بتصرف عليه من نفسك ولما تسألك تقول بتبيع حاجات انت وسي علي اللي مصاحبه؟ ؟

القمار والرهانات بقت حلال وتشتغل فيها وتصرف منها علي فيك وجيب لينا هدايا منها ؟؟

قصرنا معاك في ايه عشان تروح تشتغل شغلانه زي دي؟؟؟

هو ده اللي ربيناك عليه واتعلمته مننا انا وامك ؟؟

قولي بس قولتلنا عاوز الحاجه الفلانيه واحنا قلنالك لا ممعناش حقها قولي في يوم قولنالك كده شفتنا مش قادرين نأكلك انت وأخوك ولا قادرين نصرف عليكم ؟؟؟

سمعنننننني صووووتك وقولييييي قصرنا معاك في ايه عشان تروح تعمل اللي عملته ..عملت كده ليه يا ابني 

نزل راسه بعد.اخر جمله والكلمات طلعت منه بعجز وقهر علي اللي بيعملوه عياله بعدها رفع رأسه وبانت عيونه اللي الوجع واضح فيها ومازن نزل رأسه بخزي وكسور وابوه وكمل كلامه 

سعيد : بس عندكم حق تعمل ا كده واكتر ما انا هنا مليش لازمه رجل كرسي 

كلامي لا بيقدم ولا بيأخر ..عشت وشفت اليوم اللي عيالك مش عامللك فيه اعتبار يا سعيد بقيت زي قلتك ما حدش بيعملك اعتبار ..انا الموت اشرف ل علي اللي بيحصلي ده 

ليه بتكسروني كده وأما بتعكز عليكم 

مازن ما قدرش يتحمل طريقه كلام ابوه والوجع والخذلان اللي بينقط من كلامه ونظراته فقام بسرعه رغم الوجع اللي هو فيه وقرب مز ابوه وهو بيحاول يمسك ايده عشان يبوسها لكن ابوه سحب ايده وبيدور بالكرسي بتاعه عشان ميشفهوش 

وعمر كمان قام بسرعه وهو بيترجي ابوه انه يبصله

مازن :يا بابا حقك عليا والله انا بس الفلوس عجبتني وكنت عاوز احس اني ليا قيمه واني مش عاله علي حد واني عيل لسه بياخد المصروف من اهله لحد دلوقتي 

والله ما كان قصدي انا اقلل من حضرتك ولا كلن قصدي اي حاجه وحشه..سامحني والنبي يا بابا 

عمر : يابابا ده عيل لسه صغير وغلط سامحه 

ده انت اكتر واحد عارف مازن وعارف طيبته 

سامحه يابابا بالله عليك 

ابوهم ما ردش عليهم وحرك الكرسي بتاعه ناحيه اوضته ودخلها وهو متجاهل تماما نداء عياله عليه 

عمر ومازن بصو لبعض ومازن حس بزعل ووجع كبير من نظره ابوه وبقي يتسند علي العكاز اللي معاه لحد.اوضته ودخلها 

لاقي الاوضه بحالتها اللي كانت عليها آخر مره صندوق الفلوس مرمي جنب الباب والسرير متبادل والمرتبة في الارض راح علي كرسي المكتب بتاعه وقعد وهو بيبص للفلوس بندم وخيط رفيع من الدموع اتكون في عيونه وهو بيبكي وجعه 

عمر كلن قاعد بره بعد ما الكل دخل الاوض 

حرك راسه ناحيه اوضته شاف وعد ووليد بيبصو من الباب وهم تقريبا سمعوا كل حاجه لكت ملامح وشهم بتقول انهم ما فهموش حاجات كتير مز اللي اتقالت 

كل اللي وصله ليهم عقلهم الطفولي تن خالهم مازن عمل حاجه مش كويسه زعلت جدهم منهم 

مد شفايفه بغيظ وراح عندهم بسرعه والاتنين اول ما شافوه جاي ناحيتهم سابوا الباب بسرعه وراحو قعدوا علي السرير

اول ما عمر شاف كده ابتسم بسخريه 

قال يعني انا ما شفتش انكم كنتم عاي الباب 

عمر:انتوا كنتوا واقفين علي الباب بتعملوا ايه ؟؟؟

الاتنين بتن عليهم الارتباك ووعد بصت لاخوها اللي مسك تيدها واتكلم هز

وليد:احدنا يا خالو سمعت صوت عالي فتحت الباب عشان اعرف ايه فيه ووعد جات ورايا بس احنا والله مش كنا بنتصنت احنا بس خفنا يكون حد تاني عمل حادثه زي ماما وخالو

عمر هز راسه وهو بيدور حواليهم 

عمر:امممم طب وسمعتوا ايه بقي منك ليها 

وليد :هو بصراحه سمعنا حاجات كتير لكن ما فهمناش كتير ...هو ليه جدوا زعلان وزعق لخالو يا خالو؟؟؟

عمر: خله سنان لما تدب في عينك انت واختك ..ولالا

انتوا طول ما انتوا قاعدين هنا تقعدوا مؤدبين ومسعش

صوتكم وإلا هزعلكم وانا زعلي وحش ..مفهوووم؟؟

الاتنين هزوا رأسهم بخوف من نبره صوته

وعمر كمل 

:بصوا بقي يا حلوين انتوا هتقعدوا معايا هنا في الاوضه لحد ما بابا يخرج من اوضته ويشوف هيعمل فيكم ايه فا زي الشطار كده روحوا اتخمدوا لحد ما ده يحصل 

وكمل كلامه بتحزير كبير ونبره صوت غليظه وهو مبرق عيونه وشكله يخوف

:وحسكم عينكم انت وهي تقولوا لحد علي اللي انا بعمله ..ادبح/كم بسك/ينه وادفنكم انتوا الاتنين..فاهميييين

الاتنين هزوا رأسهم بخوف شديد وهم بيعيطوا بخوف منه ومن شكله وكلامه ووعد ماسكه في خدوم اخوها بخوف والاتنين بيرجعوا ورا منه وبيبعدوا عنه

عمر للحظه قليه وجعه علي شكلهم وعلي سلوكه معاهم لكنه نحي ده كله من راسه وافتكر عذابه سنين علي اخته وهو متخيل اسؤ السيناريوهات اللي بتحصل معاها وفي الاخر هي عايشه حياتها ومبسوطه 

عند الفكره دي كل الشفقه اللي قلبه والعطف قفل عليهم

بقفل من حديد

بعدها خرج هدوم من دولابه وخرج مز الاوضه عشان يستحمي ويغير وسابهم

وعد اول ما خرج انفجرت من العياط

وهي بتقول

وعد:انا عاوزه ماما يا وليد خلينا نمشي من هنا انا خايفه من خالو ده اوي ده عاوز يد/بحنا خلينا نمشي ونروح لماما 

وليد حضنها وهو كمان بيعيط :وانا كمان خايف ..خلينا نروح عند ماما أو حتي بابا مشعل انا مش عاوز اقعد هنا 

وعد :طب وهنروح ازاي ؟؟؟

وليد:ايه رأيك لما يناموا نخرج احنا ونروح لماما

وعد :ماشي ..بس المفروض نعمل ايه دلوقتي؟ ؟

وليد:خلينا نعمل نفسنا علوزين ننام عشان الكل يطمن أننا مش هنخرج ويسيبونا علي راحتنا 

وعد:طيب ماشي 

الاتنين فضلوا مستنيين عمر لحد ما جه ولما دخل لاقاعم واقفين مكانهم مهتمش وهو بيقعد علي السرير بعد ما استحمي وغير وعاوز يرتاح لانه حاسس ان جسمه مهدود

وليد :اا..احنا عا ..عاوزين ننام يا خالو

عمر بلا مبالاه وهو بيحط راسه علي المخده براحه 

عمر :نامو في حته ما يخصنيش 

وليد:طب ممكن ندخل الحمام 

عمر وهو بيغمض عيونه وتيار النون بيسحبه

عمر:روحو ولما تيجوا اتخمدوا هنا علي الكنبه 

الاتنين خرجوا بسرعه من الاوصه بعد ما قال كده 

اول ما خرجوا بصوا يمين وشمال ولما ما لاقوش حد بسرعه راحوا ناحيه الباب اللي مكنش مقفول بالمفتاح وخرجوا بسرعه من غير ما حد يحس بيهم 

___________________________________________________

همسه كانت بتبص حواليها وهي بتحاول تفتكر اي حاجه 

هي مين أو ايه الي جابها هنا ومين الأطفال اللي شافتهم لما صحيت اول مره 

جسمها ابتدي يتنفض بخوف لما حاولت انها تفتكر اي حاجه لكن ما قدرتش 

لاحظت الباب بيتفتح وبتدخل عليها 

اول ما الممرضة شافتها صحيت قربت منها بالراحه وهي بتحاول تحتوي موقفها عشان ميحلصش معاها زي اخر مره 

الممرضه :انا الممرضه اللي بتابع حالتك ..اهدي لو سمحتي وقوليلي حاسه بأيه

الغريب أن همسه كلنت هاديه جدا واتكلمت بهدوء 

همسه :حاسه بوجع في راسي ورجلي وبطني 

ومش قادره افتكر حاجه خالص ...انا مين جاوبيني

الممرضة: اهدي لو سمحتي انتي عملتي حادثه هي المسؤولة عن الآلام المختلفه ا في جسمك دي وكمان وخلتك تفقدي الذاكره

اما حكايه انتي مين فا في واحد من اخلك موجوده بره خي اللي تقدر تجاوب علي السؤال ده 

همسه: يعني اللي بتقولي عليها دي تعرف انا مين 

الممرضة: ايوه دي حتي كلنت هتمو ت من العياط مز زعلها عليكي 

همسه: طيب هي مين الست دي ما تعرفيش تقربلي ايه 

الممرضه هزت راسها ب لأ بمعني انها ما تعرفش 

همسه:طب لو سمحتي خليها تدخل

الممرضة بتحذير: طيب انا هدخلها لكن لو سمحتي حافظي على هدوئك وما تنفعليش عشان صحتك 

الدكتور بعد شويه هيمر عليكي علشان يتطمن علي حالتك ..مفهوم 

همسه هزت راسها بهدوء 

والممرضه خرجت وما عداش ثواني ولاقي واحده داخله عندها بلهفه كبيره والشوق باين في عيونها 

وفاء:همسه

همسه: هو حضرتك تعرفيني

في اللحظه دي وفاء حست بالزعل أن بنتها مش عرفاها

قربت عليها بدموع ومن غير اي كلام حضنتها وهي بتبكي بصوت موجوع 

وجع ام افترقت عن بنتها سنين والشيطان كل يوم يصورلها مشهد بشع لمصيرها 

وجع لمنظرها اللي باين عليه اثار الحادثه 

وجع عن كل حاجه واي حاجه حصلت معاها قبل كده 

همسه ما كنتش فاهمه حاجه والست دي مين وليه بتعيط بالحرقه دي

همسه: لو سمحتي اهدي وفهميني انتي مين وبتعيطي 

ليه ؟؟؟

وفاء الوجع كان باين في صوتها وهي بتتكلم وبتقول 

وف:انا امك يا بنتي أنا امك يا همسه ..امك يا ضنايا اللي انكويت بفراقك وقلبي اتوجع من بعدك عني 

همسه حاولت تبعدها عنها وهي بتتكلم بعدم فهم 

همسه: مش فاهمه حاجه مز حضرتك غير انك امي ممكن تشرحي ليا ايه اللي حصل وفراق ايه اللي بتقولي عليه 

وفاء مسكت فيها اكتر وهي بتقولها برجاء 

وفاء: هقولك كل حاجه لمن خليكي في حضني خليني تحس بوجودك جنبي انا ما صدقت 

همسه هزت راسها بقله حيله ووفاء طلبت منها برجاء 

وفاء: طب عشان خاطري بادليني الحضن انتي كمان عشان خاطري

همسه التمست بكره التوسل فس كلامها ورفعت ايدها بالراحه وحضنتها ووفاء في اللحظه دي بقت تبكي بصوت عالي وهي بتحضر بنتها اكتر 

همسه: ممكن بقي حضرتك تقوليلي كل حاجه انتي عرفاها عني 

وفاء اتنهدت وهي بتمسح دموعها وقالت بصوت متحشرج من بكاها

وفاء: من اكتر من خمس سنين.... ..

وحكتلها كل حاجه هي عرفاها وكملت 

:لحد وا لاقيناكي النهارده وما صدقناش نفسنا لما ده حصل 

علي اخر كلامها اتفتح الباب ودخل اخر شخص كانوا يتوقعوه 

وفاء: ؟؟؟؟ 

.......

باااااااااااااااااااااس 

كل سنه وانتم طيبين ولا تنسوني في دعائكم 

تفاعل الله يكرمكم 

والناس اللي بتشتكي أن القصه مش بتوصلها اعملوا متابعه الأحداث هتو لع من هنا ورايح 

يلا

أستودعكم الله 

اسماء العذب(كروان)

الفصل الثامن عشر من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال