رواية همسة وجع الفصل التاسع عشر بقلم اسماء العذب
لايك الاول يا شطار
19
#همسه_وجع
#رمضان_مبارك
صلوا علي الحبيب المصطفى
___________________________________________________
:ينهار اسود..ينهار اسود..العيال راحوا فين
عمر كان بيدور عليهم بجنون في البيت وهو بيكرر الكلمه دي ومازن بيراقبه وهو مش فاهم حاجه
مازن:العيال فين يا عمر
عمر بص عليه بهلع ووشه مخطو وووف
عمر :مش عارف انا قبل ما انام قلتلهم يناموا قالوا عاوزين يروحوا الحمام ومن ساعتها وانا نسيتهم خالص لحد انت ما فكرتني ...ودلوقتي مش عارف راحوا فين
..اكيد خرجوا من هنا
مازن:طب وهيخرجوا ليه ..انت عملتلهم حاجه
عمر :يا مازن سيبني دلوقتي انا لازم اغير هدومي وانزل ادور عليهم
مازن :طب وبابا لو صحي اقوله ايه لما يسأل عليهم ..ده لو كلمني يعني
عمر بأستعجال: قوله اي حاجه قوله عمر نزل يشتري حاجه واخدهم معاه اخترع اي كدبه ده انت استاذ في الكدب
مازن بتكشيره: كلامك جارح علي فكره
عمر ما ردش عليه ودخل اوضته وفي أقل من دقيقه كام لابس وخارج يدور علي الاولاد وهو مرعوب
___________________________________________________
ولاء بأستنكار وهي شايفه هشام في اوضه همسه
ونسيت أن هشام شغال في المستشفى وان وأنه حاليا لابس البالطو الطبي
وسألت همسه وتقريبا نسيت انها فقدت الذاكره
ولاء: انتوا رجعتوا لبعض
همسه بعدم فهم: نعم رجعت لمين ومين حضرتك انتي مره واحده كده دخلتي حضنتيني ولا كأني بنتك ..هو فيه ايه حد.يفهمني مادام انا مش فاكره حاجه
هشام دخل وقرب من السرير وهو بيبص علي ولاء بتحذير وولاء حست انها عكت الدنيا
لكن وفاء صلحت الموضوع بسرعه لما قالت
وفاء: دي ولاء أعز صاحبه من اصحابك يا حبيبتي وبالنسبه للي بتقوله فده ولا حاجه هي بس قصدها علي مشكله حصلت بيني انا وابوك بيكي قبل ما تختفي لكن كانت بسيطه ما تستهلش الطريق الأوفر اللي قالتها ولاء دي
همسه هزت راسها وهشام قرب منها وطلب من وفاء وولاء يبعدوا عنها عشان يتطمن علي حالتها
بعد شويه هو كمان خرج وهو بيحاول ينحي مشاعره بعيد.ويفكر نفسه انه في الشغل ولازم ما فيش حاجه تعطله اول ما خرج دخلت وفاء وولاء
وهو راح علي مكتبه واتصل بعصام واول ما فتح قاله جمله واحده
هشام:اللي اتفقنا عليه تم جهز انت الباقي
عصام:اعتبره حصل
___________________________________________________
إيمي كانت قاعده بملل مع تمها واختها بعد ما رجعت من الحمام وهي بتفتكر وعد ووليد وما تعرفش ليه قلبها اتعلق بيهم وكأنها تعرفهم من زمان وهي اللي مربياهم ..وفي اللحظه دي اتمنت انها لو ربنا رزقها بأولاد يكونوا زيهم
كملت بجيبه امل وهي بتقول لنفسها
لكن ازاي يكونوا زيهم وهي وهشام هيكونوا أهلهم
ابوهم هيكون للمباني ومش بيهتم بيهم ولا سائل عنهم وامهم بتعاني من الوحده وحالتها النفسيه في الحضيض بدرجه انها بقت تأذي نفسها وممكن تأذي اللي حواليها
محدش مهتم بيها محدش هامه هي حاسه بأيه ولا فكر.يسألها نفسها في ايه اللي الكل شايفينه انها إيمي بنت راضي باشا و ناهد هانم
من اغنياء مصر ومعاهم فلوس متكلهاش النا ر
محدش يعرف انها بتعاني من الوحده وقله الثقه والانطوائيه
حتي اصحابها بيصحبوها لمركزها وشفقه عليها ولأن امها طلبت منهم كده لانهم بنات اصحابها لكن مع الوقت اتعودت زي ما كل الناس بتتعود
اتنهدت بألم في صدرها وهي بتبص لامها
إيمي: انا ماشيه يا ماما مليت وحاسه بصداع هروح ارتاح شويه
امها:طيب يلا واجي معاكي
إيمي بأعتراض: لا خليكي انتي انا هروح لوحدي اني هروح انام فمفيش داعي انك تروحي معايا
خرجت بعد كلامها ولأنها جايه في عربيه اخوها اخدت تاكس وراحت علي البيت
وطول الطريق احساس بالخنقه محاصرها وايه انها موجوعه في مختلف أنحاء جسمها وجسمها بيعرق عرق بارد وكل الافكار السلبيه والذكريات السيئه حاصرتها مره واحده انها عمرها ما هتكون زي الناس الطبيعيين ابدا وانا شخص منبوذ
لحد ما اخيرا وصلت للبيت وطلعت بسرعه وهي بتدور علي أبره الخياطه واول ما لاقتها وبقوه وغرز تها في دراعها لحد ما دراعها نزل د/م
بعدها خرجت الابره واتكورت علي الارض وهي بتبكي من حالتها ومن اللي وصلتله
انها مبترتحش غير بأذيه نفسها بنفسها
وممكن قريب تأذي اللي حواليها
انها انسانه مش طبيعيه والناس من غير سبب بعيدين عنها وما حدش فيهم مهتم بيها
اومال لو عرفوا كمان مريضه نفسيه هيعملوا ايه تاني
عند الفكره دي وايمي انهارت في البكاء
وهي بتدعي بحرقه قلب أن ربنا يريحها
___________________________________________________
:ادخلو يا حلوين ما تخافوش
سمر قالت كده وهي بتفتح باب بيتها لوليد ووعد
والاتنين دخلوا وهم بيبصوا في الارض
سمر :انتوا خايفين كده ليه تعالوا متخافوش
مسكت أيديهم ودخلت للصالون واللي كان قاعد.فيه
ست كبيره في أواخر السبعينات وست أصغر في السن وبنتين تانيين من سن سمر وشاب في نص العشرينات
الكل التفت علي صوت فتح الباب وشافوا سمر لكن اللي لفت انتباههم الطفلين اللي مع سمر مش سمر نفسها
:مين دول يا سمر
سألتها الست اللي الظاهر امها
سمر ارتبكت مع انها تكيد هتتسأل السؤال ده
سمر: دول ..دول ااا
:ما تنطقي يا بنتي عيال مين دول
سألتها الست الكبيره واللي بتكون جدتها
سمر :شهد ممكن تاخديهم جوه لحد ما اتكلم كلمتين
بصت شهد علي امها تاخد منها الأذن واللي هزت راسها بمعني ايوه وسمر طلبت منهم انهم يروحوا من غير ما تقلقهم
بعد ما دخلت بيهم الاوضه
ام سمر:هااا بقي قولي مين دول احسن ابتديت اقلق
سمر:دول ..
وحكت ليهم علي كل حاجه.من ساعه ما لاقت المدير بيزعق فيهم
وقف الشاب وقرب عليها وهي بيتكلم بتريقه
:وانتي بقي يا بريئه يا اللي علي نياتك صدقتيهم
سمر: قصدك ايه يا احمد
احمد:قصدي ان دول عيال منعرفلهمش اصل من فصل يعني ممكن يكونوا حراميه ولا عامين عمله
سمر:عمله ايه يا جيمس بوند انت انت مش شايف هو عندهم كام سنه ..وبعدين هم ما طلبوها مني مساعده انا اللي راحت لحد عندهم وطلبت اساعدهم ..انتوا ما شفتوش منظرهم ومدير المطعم بيزعق فيهم ويطردهم الراجل الواطي ده
امها:واحنا بقي اي عيل تايه من اهله المفروض اننا ناخده عندنا ولا ايه
سمر:يا ماما انتي ليه محسساني أننا هنتبناهم احنا بس هنخليك هنا لحد ما نعرف مين أهلهم لانهم اكيد هيدورو عليهم واحنا هندي خبر للبوليس عشان أهلهم لما يبلغوا يلاقوهم علي طول
وبعدين يعني هم هيكلفونا ايه الاكل اللي هياكلوه ومكان النوم ولو علي مكان النوم يناموا معايا في الاوضه انا وتيته
جدتها بحنق:بس هيناموا علي سريرك انتي انا مبحبش انام جنب حد ولا حد ينام جنبي
احمد:ثواني بس يا تيته القرار النهائي في ايد بابا واللي اكيد هيرفض سمر اتغاظت من اخوها
سمر:بقولك يا احمد.هو مش احنا جوزناك وخلصنا من همك...أومال كل يوم ناطط عندنا ليه ..ياخي تعال حتي كل أسبوع تكون وحشتنا لكن كل يوم جاي انت ومراتك ليه
احمد بأستفزاز: وانتي مالك انتي هو انا باجي بيتك ده بيتي وحر اجي وقت ما احب مش كفايه البت شهد اخدت اوضتي ..وانتي مش عيزاني اجي
سمر:عارف لولا أن مراتك دي ست غلبانه وصحبتي انا كنت اتصرفت تصرف تاني
:حبيبتي يا سموره
قالتها البنت التانيه واللي بتكون مرات احمد واسمها أمل
سمر :طيب انا علي بال ما باجي بابا هعمل سندوتشين للعيال وكوبايتين عصير علي بال ما ياجي بابا ونتعشي
احمد: اعمليلي معاكي كمان
سمر بالامبالاه: خلي مراتك تعملك يخويا
ام سمر:هتستني ابوكي عشان يتغدوا معاه علي اساس انه وافق علي قعادهم يعني ايه العيال اللي تجيب الهم دي
اخمد :اكيد انا مش من العيال دي يا ست الكل مش كده
امه لحنق :ده انت العيال دول كلهم يا حبيبي
___________________________________________________
عدت حوالي اربع ساعات
وعمر رجع البيت وهو أمله خايب لانه ملقهمش
اول ما دخل من الباب شاف ابوه مستنيه قدامه ومازن وراه باين عليه الرعب وبيشاور علي رقبته علامه الد بح
سعيد :العيال فين يا عمر
سأل ابوه ااالل عيال ..العيال
مازن بسرعه: مش انا قولتلك يابابا انه خرج يشتريلهم شوكلاته ويخرجهم عشان كانوا زعلانين
سعيد بزعيق: انا مكلمتكش انت انا بكلم عمر هاا بقي العيال فين يا عمر
مازن بص في الارض بزعل وخوف وعمر بلع ريقه
عمر:ز زي ما مازن قالك يابابا
سعيد:وانت بقي العيال اللي ما كنتش طايقهم بقيت حنين عليهم وعاوز تنسيهم زعلهم وتفسحهم..اممم هعمل نفسي مصدقك فين العيال بقي ..اننننطق عيال اختك فيييين
عمر عيونه زالت بخوف
وقال بصوت واطي:ضاعوا
سعيد حس بدوخه وان الدنيا بتلف بيه
سعيد :قصدك ايه ..انطططططق قصدك ايه
عمى بخوف:قصدي انهم خرجوا وما اعرفش.ىاحوا فين ولما نزلت ادور عليهم ملقهمش
سعيد حط راسه بين ايديه وهو مش مصدق اللي بتسمعه وحاسس بأنقباضه في قلبه
سعيد:انت بتقول ايه ضاعوا اواي وخرجوا ليه انت عملتلهم ايه يا حيو ان انت خلاهم يهربوا من ألبيت
عمر:والله العظيم ما لمستهم هم مشيوا لوحدهم من غير ما أعملهم حاجه
سعيد :وانت كنت فين وهم بيتمشوا دول كانوا قاعدين في اوضتك
عمر انا كنت جاي تعبان وكنت عايز انام قلتلهم يناموا قالوا عاوزين نروح الحمام قلتلهم يروحوا وانا والله من التعب النوم خدني غصب عني ولما حسيت انهم مش في البيت اختفوا
سعيد مسك قلبه وهو بيقول
سعيد:....
بااااااااااااااااااااس
ايه رأيكم في فصل النهارده
قولوا رأيكم وتوقعاتكم في التعليقات وياريت تفاعل ومتابعه عشان الجديد يوصل كله
كل سنه وانتو طيبين والتنمية اكبر وقت ممكن في العباده ولا تنسوا اخواننا الفلسطينين من دعائكم
يلا
أستودعكم الله
اسماء العذب(كروان)
بدل ماتدور وتبحث علي الروايات خليها علي تليفونك وحمل تطبيقنا
