رواية همسة وجع الفصل العشرون 20 بقلم اسماء العذب

 

رواية همسة وجع الفصل العشرون بقلم اسماء العذب

لايك الاول يا شطار 

20

#همسه_وجع

#رمضان_مبارك

 

صلوا علي الحبيب المصطفى 

___________________________________________________ 

سعيد مسك قلبه وهو بيقول 

سعيد: اعمل فيكم ايه ..انتوا بتعملوا كده ليه حرام عليكم بجد ..ايه حصلكم غيركم بالطريقه دي 

هي دي تربيتي ليكم هو ده الادب وجمعان الكلام اللي معودكم عليه 

واحد بيراهن عي حياته عشان الفلوس 

وواحد.اخد عيال اخته اللي لسه لاقينها النهارده وضيعهم بقسوته عليهم وهم عيال ميفهموش حاجه 

بص عليهم وهم كانوا باصين في الارض وكمل 

:اقول ايه لامكم لما تاجي ..العيال ضاعت ..عيال بنتك ضاعوا ..ضاعوا ؟؟؟؟ قصدي هربوا من خالهم اللي اكيد عملهم حاجه خليتهم يهربوا ومش بعيد يكون هو اللي قلهم امشوا

عمر بسرعه وهو حاسس بالاتهام

:والله يا بابا ماحصل هم اللي مشيوا لوحدهم مقلتلهمش يمشوا وإلا مكنتش نزلت ادور عليهم 

سعيد ادور بالكرسي بتاعه وهو حاسس بالعجز 

سعيد:مش قادر اصدقك مش قادر ..انا شفت نظراتك في المستشفى وانت بتبص عليهم وكأنهم ذنب أو فضي/حه والكره خارج من ملامح وشك ليهم

حرام عليك يا أخي دول عيال صغيره مش فاهمين حاجه ولا عارفين حاجه 

وبقي يضرب كف علي كف وهو بيقول بجسره وزعل بينكر في قلبه

سعيد:نجيب العيال من فين دلوقتي ولا نلاقيهم فين 

عمر قرب عليه بسرعه وهو بيبوس ايد ابوه وبيترجاه 

عمر:يابابا والله البصات دي كانت غصب عني لما افتكرت أن همسه سيبانا نتعذ ب وهي عايشه ولا فارقلها ومخلفه ومحستش بنفسي غير وانا ببص لعيالها علي انهم ..انهم غلطه اختي 

سعيد بعد الكلمه دي نفض ايده بسرعه وبعد عنه وهو بيقول بصوت عالي 

:غلطه.. غلطه ليه لو اختك هي الي غلطت زي ما بتقول العيال البريئه دي ذنبها ايه ..عملوا ايه عشان تعمل اللي عملته

عمر وانا عملت ايه بس يابابا..والله هم اللي هربوا لوحدهم

سعيد: انت كمان بتبجح ومش عاجبك وبتبرر لنفسك غلطك ..الظاهر اني معرفتش اربي 

مازن ادخل لما لاقي الوضع اتصعد بينهم فراح عند عمر ورجعه لورا وهو بيحذره بعيونه انه يسكت وبعدها التفت لابوه وهو بيتكلم بأسف

مازن :خلاص يابابا حقك عليا والله عمر ما يقصد انت عارفه كويس ..هو بس لما بيتنرفز مبيعرفش بيقول ايه وعلي طول اللي في قلبه علي لسانه ..لكنه طيب والله ..يعمي هو انا الىي هوعيك علي ابنك وانت اكتر واحد عارفه وعارف عصبيته اللي واخدها عن ماما 

سعيد سكت وما اتكلمش ومازن كمل 

مازن:خلاص يابابا انا وعمر هننزل بسرعه وندور عليهم ومش هنرجع غير وهم معانا 

سعيد اعترض بسرعه وما قدرش يخفي لهفته

سعيد :لا انت لسه تعبان ما تخرجش هو اللي يخرج ويشوف هيرجعهم ازاي 

مازن فرح أن ابوه لسه مبين اهتمامه رغم انه زعلان منه ووافق وهو بيهز رأسه وعمر خرج تانى عشان يدور علي وعد ووليد 

___________________________________________________ 

همسه وامها وولاء قاعدين بقالهم فتره مع بعض في الاوضه وامها وصاحبتها بيحكوا ليها عن كل حاجه تخص حياتها قبل ما تختفي 

وفاء بحنان: شدي حيلك بقي يا حبيبتي عشان تخفي وترجعي لينا ونكون زي الاول ..هو مش زي الاول اوي لانه دلوقتي بقي في وعد ووليد وشعله ده اللي مش عارفه انطق اسمه لحد دلوقتي 

همسه بأستغراب: ومين دول اللي قولتي عليهم 

ولاء كمان التفت لوفاء وهي عايزه تعرف مين دول 

وفاء بصت لولاء وقالت بمنتهي الجديه

وفاء: ولاء لو سمحتي انا عارفه انك صاحبه همسه وانها مكنتش بتخبي عليكي حاجه زمان لكنه لو سمحتي اللي هقوله ده متقوليهوش لحد ولا حتي اهلك 

ولا بأستغراب اكبر هزت راسها بأيوه وهي مستنيه التكملة هي وهمسه علي احر من الجمر 

وفاء: وعد ووليد دول يبقوا عيالك يا حبيبتي والراجل الخليجي يبقي ابوهم وجوزك..احنا منعرفش انتي اتجوزتيه إمتي ولا سافرتي بره مصر ازاي بكن احنا متأكدين انك معملتيش حاجه غلط وده شفناه بعنينا من عيالك اللي مربايين احسن تربيه رغم صغر سنهم وجوزك اللي قعد يمدح فيكي وكان مرعىوب عليكي وهيمىوت من القلق 

همسه سرحت بعد كلام امها وبقت تفكر بعدها قالت

همسه: طب هم فين عاوزه اشوفهم هم وجوزي ده 

وفاء: هم روحو دلوقتي علشان وقت الزياره انتهي وهييجوا كلهم بكره مع بعض جوزك واخواتك وابوكي وعيالك كلهم و.اا

وفاء بطلت كلام لما انتبهت علي حاجه 

بعدها التفتت وسألت ولاء بأستغراب 

وفاء: صحيح يا ولاء انتي مين اللي قلك

ان همسه هنا ... واصلا ازاي قدرتي تدخلي ووقت الزياره انتهى 

ولاء بثقه:لينا واحده زميلتنا أنا وهمسه من ايام الجامعه شغاله هنا هي اللي بلغتني لاني لسه علس تواصل معاها وهي اللي دبرتلي الدخول بعد مواعيد الزياره 

علس آخر كلام ولاء والباب اتفتح ودخلت منه ممرضه وهي بتطلب من ولاء انها تمشي بسرعه قبل ما حد يلاحظ

الممرضة: يلا يا استاذه الدكتوره صاحبتك بتقولك أن خلاص الوقت بتاع زيارتك خلص يلا لا حد.يلاحظ وتحصل مشاكل..وبتقولك انها اسفه لأنها مجتش بنفسها لكن شغلها في الناحيه التانيه من المستشفى ولو جات هنا هيتشك فيها ولأنها عندها حالات كتير 

ولاء هزت راسها قامت حضنت همسه وباستها 

هي بتوعدها انها هتكون عندها بكره في مواعيد الزياره الأساسية 

ووفاء باصه علي طيفها بأستغراب وغموض والأفكار بقت تلعب في دماغها

___________________________________________________

وعد ووليد كانوا قاعدين علي السرير قدام سمر بعد ما أكلوا وهي بتحاول تاخد منهم اي معلومات عشان تعرف 

سمر:قولولي يا حلوين انتو مامتكم دخلت المستشفى ليه

وعد:لأنها عملت حادثه يا طنط

سمر كشرت من الكلمه وهي بتحاول تطلب منهم يبطلوها لانهم من ساعه ما قابلوها وهم بيقولوا يا طنط وهي مش بتحب الكلمه دي 

سمر :معلش يا حبايبي ممكن متنادوني طنط دي..قولولي سمر عادي 

الاتنين هزوا رأسهم بمعني ماشي 

سمر:طيب خلينا نكمل ..كنا فين اه يعني مامتكم عملت حادث 

هزو رأسهم 

سمر: بجد.الف سلامه عليها ..طب مش فاكرين المستشفى موقعها فين ولا حاجه بتميزها من بره يعني اي علامه نعرفها بيها 

بصو لبعض بعدين بصولها وهزوا رأسهم بمعني لا مش فاكرين 

سمر.:طيب انتوا فين باباهم

وليد بابا راح الفندق ينام فيه واحنا رحنا مع جدوا واخوات ماما بس لما خالو عمر ده بقي يزعق فينا وقالنا انه هيد/بحنا خوفنا ومشينا 

سمر بغضب: نفسي اشوف عمر ده انا وانا هعرف اواي يخوف عيال حلوين وشطار زيكم 

سمر كانت لسه هتعمل كلامها لكن الباب اتفتح علي غفله ودخل راجل كبير واللي الظاهر انه ابوها وشافها قاعده علي السرير مع الاولاد

سمر بارتباك :ا ازيك يابابا كويس انك جيت اصلي كنت عوزاه في موضوع 

ابوها :انا اللي عاوزك في موضوع ..تعالي لو سمحتي بره في الصالون 

بعدها خرج بعد.ما بص علي الاولاد نظره شامله 

وسمر.طلبت منهم انهم يستنوا في الاوضه لحد ما تشوف بباها عاوز ايه 

بعد ما خرجت لاقت الكل موجود في الصالون وهي واقفه زي التلميذ المشاغب واتكلم ابوها 

:ممكن اعرف ايه اللي بتعمليه ده يا سمر 

سمر:وانا عملت ايه بس يا بابا

احمد:استعبطي يا بت قال يعني مش عارفه سمر بصت عليه بحده وابوه طلب منه يسكت وكمل

ابوها :العيلين اللي انتي جيباهم دول اللي لا نعرفلهم اصل من فصل ولا بيتنا بقي ملجأ..اشرحيلي 

بقي ايه اللي عملتيه ده

سمر بتبرير:يابابا يعني انت م بيني علي مساعده الغير وعمل الخير وعاوزين اشوف حد محتاج ومسعدهوش

ابوها :لكن مش.لدرجه انك تجيبي عيال مشردين للبيت دول الشوارع مليانه بيهم... ايه كل عيل هتلاقيه في الشارع ملوش اهل هتجيبه عندنا

سمر:يابابا ومين اللي قال انهم معندهمش اهل ..لا دول عندهم بس تايهين منهم لانهم صغيرين ومش قادرين يفكروا عنوان اي مكان 

ابوها:يا بنتي كنتي سلمتيهم لاقرب قسم وهم يتصرفوا 

سمر بترجي :يابابا دول مجرد أطفال صغيره قسم ايه اللي اوديهم ليه واسيبهم هناك الله اعلم ممكن يشوفوا ايه ...دول كانوا خايفين وجعانين وبتاع المطعم طردهم لانهم ممعهمش فلوس ..والله كان شكلهم يق:طع

القلب بجد 

ابوها بتنهيده:انتي عاوزه ايه دلوقتي يا سمر

سمر :عاوزه حضرتك توافق يبقوا هنا لحد منلاقي أهلهم 

ابوها :وافرض متلاقوش

سمر:انا بكره هنزل القسم أبلغ عشان لو حد سأل يعرفوا انهم عندنا وانا هحاول اخد منهم اي معلومه تكون مفيده..ولا حضرتك يرضيك نرميهم في الشارع وانت كنت شايف اشكالهم عامله ازاي ومل صدقوا يلاقوا حد يحتويهم وياخد باله منهم 

..ابوها اتنهد وهز رأسه بمعني لاوقال

:لا مايرضنيش لس ياريت تسرعي وتشوفي طريقه عشان يرجعوا لاهلهم بأسرع وقت 

سمر فرحت لنه سمحلها تخليهم وبسرعه جريت عليه وهي بتحضنه وتضحك

سمر:ربنا يخليك ليا يا احلى بابا في الدنيا دي كلها 

احمد بغيره :ايوه يختي ادلعي ..ادلعي لما نشوف اخره دلعك

سمر بقرف: اطلع انت منها وهي هتعمر ولا نق علي علاقتي انا وبابا حبيبي عيل غيار

تحمد وقف عشان يمسكها لكن في ثواني كلنت هربت وهو وراها والكل بيضحك عليهم 

___________________________________________________

رجع عمر بالليل بعد ما فقد الأمل انه مش هيلاقيهم خلاص وقرر انه اول ما يطلع النهار هيروح يبلغ البوليس يمكن هم يلاقوهم

اول ما دخل من الباب لاقي ابوه ومازن مستنيين قدامه 

ابوه بلهفة: ها لاقيتهم ..طمن قلبي

عمر هز في الارض وهز رأسه بخيبه امل 

وابوه كتافه اتهدلت ومازن طبطب علي كتفه

مازن :هدي نفسك يا بابا إن شاء الله نلاقيهم بش انت هدي نفسك انت ما اكلتش حاجه من الصبح ولا اخدت دواك من امبارح 

عمر:والله يابابا اول ما يطلع النهار هروح أبلغ البوليس ومش هرتاح قبل ما يرجعوا

سعيد وعيونه شارده بزعل وهو متخيل اللي بيمر بيه لطفال زيهم في الشارع وقساوته

سعيد: اكيد خايفين وهم بيدوروا علي حد يعرفوه ينجدهم من اللي هم فيه 

وأكيد جعانين وما حدش حن عليهم برغيف عيش 

ولا ليكون واحد ما يعرفش ربنا عمل فيهم حاجه و...

مازن قعه بسرعه

مازن:لا يابابا متقولش كده تفائل خير وإن شاء الله ربنا يسلم مش انت علي طول يتقول تفاءلوا بالخير تجدوه 

يبقي تفائل بالخير وإن شاءالله ربنا يردهم سالمين 

سعيد رفع ايده للسما وهي بيدعي 

:ملهمش غيرك يارب ..يارب الطف بيهم يارب 

___________________________________________________

اليوم التاني عمر علي الساعه تانيه كان في قسم الشرطة عشان يبلغ قبل ما يروح هو وابوه ومازن المستشفى وقبل ما حد يكتشف اختفائهم خصوصا ابوهم 

عمر لأمين الشرطة: لو سمحت كنت عاوز اقدم بلاغ 

التفتله الامين وقبل ما يتكلم جه صوت من ورا عمر هو عارفه كويس 

الصوت :لو سمحت عاوزه أبلغ عن الطفلين دول لانهم تايهين من امبارح 

عمر بسرعه البرق التفت وشافها هي فعلا 

حول نظره لتحت وعيونه انفتحت من الصد/مه 

ووليد ووعد نطقها بصوت واحد بخوف لما شافوا عمر

:خالو

سمر بصت لهم بصد/مه وهي بتبص لعمر ورجعت بصت ليهم تاني وهي بتسأل بعدم تصديق 

سمر :هو ده اللي كان بيخوفكم وعاوز يدب/حكم

عمر:...

بااااااااااااااااااااس 

ايه رأيكم في فصل النهارده 

قولوا رأيكم وتوقعاتكم في التعليقات وياريت تفاعل ومتابعه عشان الجديد يوصل كله

كل سنه وانتو طيبين والتنمية اكبر وقت ممكن في العباده ولا تنسوا اخواننا الفلسطينين من دعائكم 

يلا 

أستودعكم الله 

اسماء العذب(كروان)

الفصل الواحد والعشرون من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال