رواية همسة وجع الفصل الواحد والعشرون 21 بقلم اسماء العذب

 

رواية همسة وجع الفصل الواحد والعشرون بقلم اسماء العذب

لايك الاول يا شطار 

21

#همسه_وجع

#رمضان_مبارك 

صلوا علي الحبيب المصطفى 

___________________________________________________ 

عمر تنح من جمله سمر وبص علي وعد ووليد بصد/مة 

انهم قالولها علي حاجه زي كده 

:خلصونا يا اساتذه وواحد فيكم يقول هو عاوز ايه 

عمر التفت لأمين الشرطه وهو بيحاول يتكلم بصوت طبيعي 

عمر:لا خلاص حضرتك حصل خير وانا مش ناوي أبلغ انا والاستاذه اللي ورايا

بث وراه لسمر لاقاها رافعه حاجبها وهي بتبص ليه بغضب مكتوم وبتتكلم من تحت أسنانها وقررت أنها تجاريه في الكلام قدام امين الشرطه عشان ميحلصش مشاكل 

سمر:ايوه حضرتك حصل خير واحنا خلاص هنزل الموضوع ودي بينا 

امين الشرطه هز راسه بضجر منهم وعمر مسك ايد ولاد اخته واللي رفضوا يسيبوا ايد سمر وظهر والرعب ظهر عليهم وهم بيستنجدوا بيها بعيونهم 

لما رفضوا يسيبوا ايديها بصت لعمر برفعه حاجب بمعني يسيبهم وهو اتنهد 

بيأس وسابهم وهي شدتهم وخرجت بره القسم وهو وراها ...لكن اول ما خرجوا انفجرت في وشه لصوت عالي لما مقدرتش تتحكم في نفسها 

سمر:بقي انت يا مريض يا متخلف بتخوف العيال المساكين دول وتهددهم انك هتد/بحهم لحد ما هربوا من خوفهم منك ..لا انت بجد انسان ناقص عقل ومحتاج تتعالج من اللي انت فيه ..قال وانا اللي كنت فكراك محاسب محترم وابن ناس 

عمر حس بوجع من كلامها 

المره اللي اتكلمت فيها معاه من اول ما كانوا أطفال تكون بالطريقه دي والاسلوب ده 

اتكلم بهزار وهو بيحاول يتجنب حاله الغضب اللي هي فيها 

عمر :بثي انتي بجد بتصدقي عيال صغيره 

سمر بعيون ضيقه وهي مركزه مع كل كلمه بينطقها 

سمر :وهم هيكدبوا ليه 

عمر بتبرير:لانهم مكنوشقاعدين ساكتين وعاوزين يروحو لمامتهم ووقت الزياره خلص بس هم مصرين انهم يروحوا وانا لما تعبت منهم ومن عنادهم قولتلهم كده علشان يسكتوا لحد ما نروح التاني يوم واللي المفروض النهارده 

بس هم تقريبا اخدوا كلامي جد اوي عشان كده خلوني انام وهربوا 

سمر بصت عليهم والاتنين هزوا رأسهم بمعني لا كلامه مش صحيح 

لكن اللي لفت نظرها فس كلامه حاجه تاني 

سمر:هو ازاي انت خالهم ..قصدي انت ليك اخت واحده واللي خي همسه ودي تقريبا مختفيه من اكتر من خمس سنين..هو انت ليك اخوات بنات تانيين غيرها 

عمر هز راسه بمعني لا وهو مش عارف يقولها ايه واتكلم بصوت فيه نبره التحذير 

عمر ::ممكن اللي اقولهولك محدش يعرفه ابدا 

سمر هزت راسها 

عمر :طيب ممكن اتفضلي معايا نقعد في اي مكان بدل وقفتنا دي 

سمر هزت راسها بسرعه بمعني لا وقالت بضيق 

سمر:لا طبعا اقعد معاك بصفتي ايه ولا بصفتك ليا ايه 

انت اكيد بتهزر 

عمر بتأفف:اومال هنفضل واقفين كده في الشارع الرايح والجاي يخبط فينا ولو عاوزه يا ستي حاجه تربط ما بينا انا معنديش اي مانع بالمره ده انا اتشرف

خلص كلامه وهو بيغمز ليها وتقريبا هو مش واعي بيقول ايه

وسمر كانت بتبص عليه وهي متنحه ومره واحده نزلت وشها وهي بتحاول تجمع شتات نفسها وقالت

سمر:انت بتقول ايه انت يا بني آدم هو ده وقت هزار 

ولو علي القعاد ممكن نقعد علي الرصيف في اي شارع جانبي وتقول اللي عاوز تقولو المهم اني مش هيلمك الاولاد غير لما تشرحلي ازاي انت خالهم

عمر اتنهد وشاورلها بأيده بمعني انها تتفضل وتحدد الرصيف اللي هيقولوا عليه 

عمر في سره :اخرتك يا عمر هتقعد علي الرصيف مع اللي بتحبها ..قمه الرومانسية بجد 

بعد ما قعدوا والأولاد بينهم

سمر :ها احكي بقي يا حضره البشمحاسب 

عمر بابتسامه غبيه:الله انتي عارفه انا شغال ايه كمان 

سمر بأستغراب: يا ابني احنا جيران واهلنا يعرفو بعض كويس يعني اكيد اعرف..خلصني بقي واحكي 

عمر :طيب يا ستي..همسه فعلا كانت مختفيه من اكتر من خمس سنين ومعرفنش عنها حاجه لكن من يومين كده مازن اخويا تعب ووديناه المستشفى وهناك قابلنا اختي همسه

 وكانت عامله حادثه عربيه وللأسف فقدت الذاكره علي اثرها وطلعت متجوزه واحد خليجي ودول عيالهم ..لكن منعرفش ايه اللي وداها الخليج وايه اللي حصلها خلاها تسبنا كده واحنا هنمووووت عليها من الزعل والأفكار تلعب في دماغنا كل يوم

سمر حست بنبره الحزن في صوته عشان كده من غير ما تحس حطت ايدها علي وطبطبت عليه بمواساه 

وعمر بصلها بزهول من حركتها 

ولما حست انها اتمادت وانوا مينفعش يحصل بينهم اي تجاوز رجعت ايدها باحراج علي طول 

بعدها سألها 

عمر:أن مش هتقولي لحد مش كده 

سمر :اكيد مش هقول لحد حتي تهلي نفسهم بس ليه؟؟

عمر:علشان نلتزم نعرف هي سابتني ليه الاول مينفعش نقول أننا لاقينلها ولما الناس تسأل منعرفش نجاوب وكل واحد يألف قصه علس مزاجه وفي الغالب هتضر بسمعه العيله كلها 

سمر هزت راسها بتفهم خصوصا انها بنت زي همسه وأكيد مقدره مشاعرها لو حد حاول يجر حها بكلامه 

بعد شويه سمر اتكلمت

سمر:طيب انت تقدر تاخد ولاد اختك لبها المستشفى ..علي فكره هيموتوا من الشوق ليها وياريت متحاولش تخوفهم تاني لو انت زعلان من مامتهم هم ملهمش ذنب ..دول مجرد أطفال بريئه 

عمر بص ليها وبعدها بص للعيال اللي قاعدين ومركزه مع كلامهم وكأنهم فاهمينه بالحرف وهم كده فعلا

عمر بص ليهم وهو بيقول 

عمر :حقكم عليا يا عيال انا مش هخوفكم تاني بس انتوا اسمعوا الكلام ماشي؟؟؟

هزوا رأسهم بمعني ماشي

سمر وقفت بعدها وسلمت علي الاولاد وهي بتعيد كلامها للمره التانيه لعمر بتحذير

سمر:إياك اسمع انك حاولت تخوفهم ولا تعمل لهم حاجه ماشي؟ ؟؟

عمر ابتسم :انتي تؤمري يا سموره 

سمر تنحت من الطريقه اللي بتكلم بيها ومن الحب اللي باين في عيونه لكنها اتجاهلت كل ده وودعتهم ومشيت بسرعه لأنها حاسه بالتوتر من نظرات عمر الغريبه 

وعمر باصص لطيفها وهي بتخيل يوم فرحه هو وسمر حب عمره اللي كان بيحوم حواليها وهي مش واخده بالها منه 

____________________________________________________ 

هشام كان قاعد في بيت عصام اللي بيتقابلوا فيه وهو مستنيه ييجي عشان يقوله علي نتيجه اللي عملوه 

ثواني ودخل عصام وهو بيرقص بفرح وبيغني 

واول ما شاف هشام جري عليه وحضنه وهو بيصرخ بصوت عالي في ودنه

عصام: ارقص يا هشام النتيجه ظهرت وهتبسطك 

هشام بعد عنه بسرعه وهو بيبص ليه بلهفة 

هشام: النتيجه ايه قول بسرعه 

عصام: العيال طلعوا عيالك انت وهمسه يا إتش إبسط يا جدع

هشام:...

__________________________________________________ 

عارفه ان الفصل قصير لكن ده لقله التفاعل 

يا جماعه بجد ايه ده الفصل مش بياخد ١٠٠ لايك يعني مش جاي من تعبه وانا والله بتعب فيه خالص لكن مفيش تفاعل خالص 

لو الحال فضل كده انا هوقف الروايه لان الموضوع مش جايب همه 

ياريت بقي لو كل واحد قري عمل لايك علي الفصل وعشر تعليقات 

الموضوع هيفرق معايا صدقوني عشان حتي ما احسش اني بضيع وقتي علس الفاضي 

ياريت يكون في تقدير شويه لمجهوداتي

وكل سنه وانتم طيبين قربنا نخلص رمضان وندخل علي العيد فربنا يحقق احلام الكل في الأيام المفترجه دي ..قولوا آمين 

يلا 

أستودعكم الله 

اسماء العذب(كروان)

الفصل الثانى والعشرون من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال