رواية همسة وجع الفصل السادس والعشرون 26 بقلم اسماء العذب

 

رواية همسة وجع الفصل السادس والعشرون بقلم اسماء العذب

لايك الاول يا شطار 

26

#همسه_وجع 

صلوا علي الحبيب المصطفى 

___________________________________________________

مازن :ايه ده 

هشام: انت شايف ايه يا مازن

مازن: شايف حاجات كتير لكن معرفش مناسبتها ايه ولاجيبتها بصفتك ايه 

:بصفتي ابوهم 

قالها هشفي سره وكأن يتمني ان لسانه ينطقها لكن الصبر 

مازن برفعه حاجب: ما تقول جايبها بأي مناسبه ولا بصفتك ايه 

هشام اتنهد وهو بيقول: وهو لازم يكون فيه مناسبه عشان اجيب للعيال حاجه 

مازن بص لوعد ووليد وقال :معلش يا حبايبي روحوا اقعدوا عند الكرسي ده وما تتحركوش لحد ما اقول حاجه لدكتور هشام وبعدها نكمل لعب مع بعض ماشي؟؟

وعد:طب والهدايا اللي جابها عمو هشام 

مازن بضجر: خدوها معاكم ..لكن ما تتحركوش من مكانكم ماشي 

هزوا رأسهم بمعني ماشي وبعدها راحوا علي المكان اللي شاور عليه مازن ومازن رجع بص لهشام وهو تقريبا اتحول وريأكشنات وشه بقت زي عمر وهو بيقول

مازن: قولتلي بقي ان مش لازم يكون فيه مناسبه عشان تجيب للعيال حاجه ..لكن فكرني بقي العيال دول يقربوووا ليييك اييييه

هشام اتوتر وعيونه زالت يمين وشمال ومعرفش يرد

ومازن كمل بمكر وهو بيضيق عيونه 

مازن :هو انت فاكر اني مش واخد بالك من بصاتك لهمسه ولا انك دكتور جراحه والمفروض بعد اختي عملت العمليه وخرجت بالسلامه ما تشوفش وشك تاني لكن لازق فيها طول الوقت بحجه الدوا والكشف اليومي والكلام الفرسان اللي عمال تقوله ده لكن الكلام ده ما خلش عليا اصلي في طب انا كمان ونفس التخصص بتاعك يا دكتره 

هشام بلهفة وتوتر:انت فاهم الموضوع غلط يا مازن واال

مازن قاطعه وهو بيتكلم من تحت أسنانه وقال

:الكلام ده تقوله لحد تاني يا هشام ..وفوق انا اختي متجوزه ومخلفه وجوزها لو طرقع صوابعه بس هيوديك ورا الشمس ولو فكرك انها عشان فقدت الذاكره ومش فاكره انت عملت فيها ايه زمان و انك بالطريقه دي السكه هتخلالك ليها يبقي انت بتحلم ولاخر مره بقولك ابعد عن اختي يا هشام وإلا هتشوف مازن الصغير يقدر يعمل فيك ايه وقد اعذر من أنذر

بعدها فرد ايديه بمعني ان الموضوع منتهي وادخله ضهره ونشي كام خطوة لكن ادور تاني وهو بيقول 

مازن:صحيح الهدايا اللي انت بتحاول تضحك بيها علي العيال دي وتاخد نقطه في ملعبهم مقبوله منك لكن نصيحه ما تحاولش تكررها آمين؟ ؟؟آمين ان شاءالله 

بعدها مشي من قدامه وراح ناحيه الأطفال ادواللي كانوا خرجوا اللي في الاكياس وبيتفرجوا عليه وهم مبسوطين بالألعاب اكتر حاجه 

وهشام واقف مكانه وهو بيضغط علي ايديه لحد ما تفاصيلها ابيضت و بيتكلم من تحت أسنانها مع نفسه 

هشام في نفسه:ماشي يامازن صحيح انت كشفت اللي كنت بخططله لكن انا دايما سابق اي حد بخطوه وانت حته عيل صغير لا رحت ولا جيت واختك هتكون ليا برضاك او غصب عنك 

___________________________________________________ 

المجهول كان رايح جاي وهو بيكسر في كل اللي حواليه لانه اضطر يغير خطته في آخر لحظة ومحصلش مشكله للمستشفى اللي شغال فيها هشام 

اتكلم من تحت أسنانها وعيونه الحمر تخوف 

:ماشي يا هشام نفدت المره دي لكن مسيرك توقع ولو علي اللي حصل فا معلش العيار اللي ميصبش يدوش ولو ما روحتش المره دي في ابو حديدة المره الجايه تروح في ابو زعبل واخلص منك وافضي بقي للي اسمه مشعل ده كمان ..صبرك بس عليا 

بعدها اتحول صوته للحنان كأنه شخص تاني وهو بيقول 

:وهمسه حبيبتي تبقي معايا وليا علي طول وتخلف لينا عيال زي وعد ووليد حلوين ومؤدبين ويتاكلوا اكل زيهم ل

وزي امهم حته الحلويات اللي تدوب في البوق تدوب 

آآآآه يا همسة إمتي يجي اليوم ده بس إمتي

___________________________________________________

 

علي الساعه تمانيه بعد المغرب كامت إيمي في بيتها وامها معاها لأنها بقت لازمها الايام دي كتير بسبب سوء حالتها النفسيه 

كانت موجوده في الصالون وهي سرحانه في هشام اللي بقي متجاهلها زياده عن اللزوم الايام دي وبقي يقضي معظم وقته في المستشفى ويجي علي معاد النوم وساعات بينام هناك ويسبها هي لوحدها من غير اعتبار انها مراته او انها وحده ست في بيت طويل عريض لوحدها وممكن تتعرض لأي خطر من اي نوع 

امها قعدت قصادها وهي بتبص علي حاله بنتها اللي الحزن باين عليها وهي سرحانه ومش واخده بالها من اللي حواليها

ناهد:إيمي..إيمي 

مخدتش عليها 

قربت منها وهزتها من كتفها لحد ما اخدت بالها منها

ناهد:مالك يا حبيبتي سرحانه كده 

إيمي: ولا حاجه يا ماما كنت بس بفكر هو انا لو ما كنتش اتجوزت هشام حياتي كانت هتبقي عامله ازاي دلوقتي 

ناهد بدهشة: ايه اللي جاب الفكره دي في دماغك يا بنتي 

إيمي بسخرية: بجد مش عارفه ايه اللي جاب الفكره دي في دماغي يا ماما..مش ان هشام جوزي حبيبي من ساعه ما اتجوزنا وهو مش معبرني وطول اليوم بره وسايبني هنا لوحدي مبيفكرش حتي يتصل يسأل عليا

ولا لما بقي يعاملني ببرود وجفاء من اول اسبوع جواز كلني كنت لعبه كان نفسه فيها ولما بقت معاه مل منها ورماها ولا لما اشو معاملته ليا قدام حد وقد ايه هو زوج مثالي قدام الناس لكن في الحقيقة بتعاملي زي الغريبه وعمر ما جبر بخاطري بكلمه واحده من ساعه ما اتجوزنا.. اه اسفه قصدي من ساعه مل اتجوز مركزه الجديد في المستشفى والفلوس اللي بيكسبها من ورا شغله مع محمد هو ده اللي اتجوزه هشام مش انا ..انا بس كماله للديكور 

كملت كلام والدموع بتنزل منها بوزاره وامها بتبص عليها بوجع كبير

:حتي الخلفه ربنا مش كاتبها لياوبعد احمل واتعب واربي واولد واتعب في والولاده وافرح يتاخد مني كده في غمضه عين 

وجوزي حبيبي بدل ما يقعد معايا ويجاول يهديني ويطيب بخاطري ما بشوفش وشه غير علي النوم ده لو نام في البيت اصلا 

عرفتي انا ليه بفكر كده يا ماما 

امها اخدتها في حضنها وهي مش مصدقه كميه الوجع اللي بتقطر من كلام بنتها ودموعها اللي مش بتبطل نزول وهي بتحاول تهدي فيها وتطبطب عليها 

ناهد بتنهيده: حقك عليا يا بنتي حقك عليا لكن صدقيني مل ده هيتصلح وااا

مكملتش كلامها لان إيمي زقتها وهي بتصرخ فيها بجنون:ما تقوليش يتصلح ما فيش حاجه بتتصلح كل حاجه كل مالها وبتتخرب اكتر ماهي خربانه ..ارحميني بقي وبطلي تضحكي عليا بكلامك ده انا تعبت ..انا اللي فيا مكفيني ما تجيش انتي وتزيدي همي بكلامك ده وتديني امل كداب ان هشام بيحبني وأنه اتجوزني عشان نفسي ..ارحموني بقي وسيبوني في حااااالي

بعدها سابت انها وجريت حبست نفسها في الحمام وهي بتصرخ بعلو صوتها انهم يبعدوا عنها ويسيبوها في حالها وناهد بتخبط علي الباب بجنون وشوفها علس بنتها هو اللي بيحركها وهي بتنادي عليها انها تفتح الباب وما تعملش حلجه في نفسها لكن كل الي قابلته من إيمي هو صراخ وبس

ناهد ارتعبت انها تعمل حاجه في نفسها في خالتها دي بسرعه طلعت تلفونها وانت علي حد واول ما فتح اتكلمت بلهفه والرعب باين في صوتها وهي بتقول 

:محمد تعالي بيت اختك إيمي وهات معاك هشام بسرعه 

ومل انتهوا حتب فرصه الرد وهي بتقول المكالمه والتلفون وهي بتخبط من تاني علي إيمي والي كانت بتبص علي نفسها في مرايه الحمام بطريقه غريبه 

___________________________________________________

مازن اخد الاولاد ورجعوا الاوضه بعد فتره وبقوا هناك ووليد ووعد بيتكلموا مع همسه عن كل حاجه هم فاكرينها وهمسه كل اللي عليها انها تهز رأسها وتبتسم 

وعد بفرحه وهي بتساورعلي الشنطه اللي جابها هشام

:بصي يا ماما عمو هشام جب لينا ايه 

همسه بأستغراب: هشام مين ده يا حبيبتي 

وليد :يا ماما عمو هشام الدكتور وجوز طنط إيمي 

همسه هزت: اه عرفته جاب إيه يا حبايبي

وليد: بي جاب ليا ان ايه

وليد بقي يخرج اللي في الشنطه ووعد هي كمان تحت دهشه الكل واستغرابهم ما عدا مازن 

مشعل بحده غير مقصوده: وبأي حق بيشتري هدوليك الهدايا..شو دكتور هشام بؤقرب مريتي وانا مو عندي علم ولا شو ام همسه 

ام همسه بلعت ريقها بأرتباك وهي مش عارفه تقول ايه

مازن بسرعه:ما انت عارف يا استاذ مشعل ان هشام احد الاولاد وباتوا عنده قبل كده لما ما حدش كان معاها يمكن عشان كده اتعلق بيهم او كان في العاب عنده في بيته وجبتهم وهو وعدهم أنه يجيب ليهم لما مامتهم تخف او حاجه زي كده وإلا هيجيب ليهم بأي مناسبه 

مشعل هز راسه وهو بيتكلم بأسف لهمسه باللهجه المصريه:

:معلش يا حبيبتي انا بس انفعلت شويه من غير قصدي اصلي مش متعود ان راجل غريب يجيب اي حاجه للعيال وكل حاجه انا ا بجيبها او بوصي عليها واحد من اللس شغالين عندي ..مع انو العيال مش محتاجين اي العاب لكن لسوء الحظ كل العابهم في البيت لكن اول ما هنحول للبيت الجديد وعد هعمل اوضه للعب زي اللي في البيت للحلوين 

همسه ببسمه بسيطه: ولا يهمك انا كمان برضو مش عارفه ليه حاجه زي كده ضايقتني انا كمان 

مشعل ببسمه: لانوا دي عادتك ما بتحبي تستلمي حاجه من حد ولا حد غريب يقتحم حياتك 

سعيد بضحك:من وانتي صغيره فيكي الخاله دس يا همسة ولحد دلوقتي 

همسه: ياااه باين عليا كانت راسي ناشفه وعنيده 

وفاء بسرعه :وكنتي طيبه اوي اوي اوي يا حبيتي ما كنش فيه منك اتنين 

وبقيوا علي الحال ده لحد ام جه عمر هو كلمن وسلم علي همسه بأقتضاب وبعدها قعد ساكت بعيد عن الكل لحد ما جه معاد المرواح وراح عشان يجهز العربيه 

لكنه شاف عبال اخته جايين مع مازن وابوه 

عمر وهو بيشاور عليهم:ايه اللي جايب دول هم مش هيروحو مع ابوهم 

سعيد: لاطبعا انل عايز اشبع من احفادي فلازم يقعدوا معابا ويلا سوق وانت ساكت وعدي علي اي مطعم هات منه عشا 

عمر ركب العربيه وهو بيبرطم ومش طايق نفسه وشغلها بعدها راح وساعد ايوه عشان يركب وقعد الاولاد جنبه ومازن ركب ظن قدام بعدها ساق وهو ضارب بوز طول الطريق 

___________________________________________________

اول ما رجعو البيت كان وعد ووليد ماسكين ايدين بعض والايدين التانيه ماسكين بيها الاكياس اللي جابها هشام

سعيد للكل بعد ما دخل:انا هروح اغير هدومي يا عيال واستحمي الجو كان حر النهارده ولما اخرج ناكل كلنا مع بعض وانتو كمان كل واحد يروح يغير هدومه بعدها بص علي وعد ووليد وقال 

:وانت يا عمر خد العيال غير ليهم وشطفهم عشان مينفعش يستحموا دلوقتي اخاف ياخدوا برد وبعد كده هنشوف هيناموا في انهو اوضه ومع مين 

عمر بحنق: ما ارضعهم بالمره يابابا 

سعيد بحده طفيفه: ولد عيب انت خالهم والخال والد

عمر :والد مش والده يا والدي العزيز..لكن باللي انت بتقوله ده انا بقيت الداده بتاعتهم مش كفايه كنت الداده بتاعه البيت بعد ما ماما بقت تبات عند همسه كمان هبقي الداده بتاعه العيال ..لا كده حرام بجد

مازن بعدم فهم:انا مش فاهم انت متعصب وزعلان علي ايه ده انت كل اللي هتعمله انك هتغير ليهم وتشطفهم من التراب فين الإنجاز في الحوار

عمر:لو مش عاجبك اعمل ده كله انت يا فالح

مازن بعدم اهتمام: كان علي عيني ياولدي بس العين بصيره والايد قصيره وانا ايدي ورجلي زي ما انت شايف 

سعيد:خلصتوا انتوا الاثنين خلص يا عمر اعمل زي ما قولت خلي حبايب جدوا ياكلوا ويرتاحوا شويه اكيد تعبوا من الصبح ..مش كده يا حبايبي 

هزوا رأسهم بمعني ايوه 

بعدها سعيد دخل الاوضه وعمر بص بشر للاولاد خلاهم يبلعوا ريقهم بخوف وهم بيرجعوا ورا من نظراته ومازن مكنش مهتم بده كله لانه دخل اوضته يغير هو كمان اول ما ابوه اتحرك 

عمر بجمود:ورايا علي اوضتي عشان اغير ليكم

هزوا رأسهم ومشيوا وراه وسابوا الشنط بره 

اول ما دخلوا عمر بقي يفتش في الشنطه اللي جابها السواق وبقي يخرج لبس ليهم وهو كل دقيقه والتانيه يتأفف بغضب ونفاد صبر

شاور لوليد :تعال انت قرب 

قرب منه بتردد وخوف واول ما وصل قدامه عمر شده بقوه وهو بيقلعه هدومه بسرعه وغيظ وهو بيقول

: اخرتك يا عمر بتشتغل داده لشويه عيال تأكل وتشرب وتلبس وتشطف فيهم ..مش عارف انا بابا ماسك فيهم كده ليه ما كانوا غاروا مع ابوهم كان لازم يعني وجع الراس ده وابوهم ما بيصدق يرميهم لينا يعم هي ناقصه برودك انت التاني 

علي اخر كلامه كان خلص تغيير هدوم وليد زاحه بعيد وشاور لوعد تقرب هي التانيه واللي قربت برعب من عمر لكن وليد وقف قدامها وهو بيقول بقوة مصطنعه

وليد:م معلشش يا خالو ب بس وعد بنت وحضرتك راجل ومينفعش انت تغير ليها خليني انا اغير ليها او هس تغير لنفسها

عمر غمض عيونه بنفاذ صبر وهو بيتكلم من تحت أسنانه 

عمر:عارف يلا انت لو ما بعدتش من قدامي وخلتني البس اختك هزعلكم واخليكم تندموا..ابعدددد من وشي الاثنين اتنفضوا من صوته وعمر زاح وليد وخطف وعد اللي كانت بترتعش من الخوف منه وبقي يلبسها هدومها وهو ملاحظ خوفها وارتعاش جسمها منه 

لكنه قاوم كل المشاعر بتاعته وضميره اللي بيأنبه علي معاملته ليهم 

بعد ما خلص :يلا تعالوا ورايا خليني اشطفكم زي ما بابا قال ومش عايز اسمع صوت واحد فيكم مفهوم 

هزوا رأسهم بخوف 

ومشيوا وراه لحد ما وصلو الحمام عمر بقي يغسل وش كل واحد فيهم بقوه ورجليه وايديه وكأنه بيعاقبهم باللي هو بيعمله ده لحد ما اخيرا وقبل ما يخرجوا من الحمام عمر وطي لمستواهم وهو بيتكلم بفحيح

عمر: اسمع يالا انت وهي بعد ما تطفحوا تقولو انكم عاوزين تناموا وتعبانين مفهوم؟؟؟

هزوا رأسهم بخوف منه ومن نظراته اللي ترعب 

بعدها خرجوا وعمر قعدهم علي كنبه وشغل ليهم التلفزيون عشان ابوه ما يخدش باله من معاملته وجاب لهم قناه كرتون وسابهم وراح هو كمان يغير هدومه 

بعدها خرج سعيد وقرب منهم وهو شايف انهم اندمجوا في اللي بيشوفوا بعدها بشويه خرج عمر ورص الاكل علي السفره ونادي مازن وقعد الكل عشان ياكل وسعيد بيأكل الاثنين بأييديه وهو بيبتسم ليهم بحنان 

بعد ما خلصوا عمر بصلهم برفعه حاجب وهو بيشاور ناحيه الحمام بمعني يعملوا اللي قلت عليه لما كنا هناك 

وليد:ا أحنا تعبانين وعاوزين ننام يا جدو

سعيد:حاضر يا حبايب جدو..عمر خدهم عشان هيناموا معاك في الاوضة 

عمر بصد.مه:ايه يناموا مع مين يا بابا ما يناموا معاك انت ولا مازن 

سعيد :وينامون مع مازن فين إن شاء الله علي السرير الصغير اللي عنده 

عمر :خلاص يناموا معاك انت

سعيد بغيظ مكبوت:انا بالذات ما ينفعش وانت عارف السبب ..وبعدين هم مش هيناموا معاك علي نفس السرير دول هيناموا علي سرير مازن القديم بعني مش هيضايقوك في النوم ولا هتضايقهم 

عمر:يابابا بس ال

سعيد بمقاطعه:بلا بس بلا بتاع خد العيال خليهم يناموا بيقولو انهم تعبانين يلا

عمر بص عليهم كانوا مرعوبين ولاحقين في بعض من الخوف ومسك ايد وليد وقيل ما يتحرك بيهم اتكلم سعيد ببسمه وحب:تصبحوا علي خير يا حبايبي مع اني كان نفسي تبقوا معايا شويه ونتفرج علي التلفزيون لكن ما دام انتوا عاوزين تناموا وتعبانين خلاص نعمل كده بعدين يلا تصبحوا علي خير ولو احتجتوا اي حاجه نادوا علي خالكم عمر او عليا او علي مازن ماشي 

عمر بسرعه: ماشي يابابا ماشي 

عمر اخدهم دخلهم الاوضه وهو بيقفل الباب وبيبص عليهم بشر خارج من عيونه

باااااااااااااااااااااس

 

تفاعل بلايك وعشر تعليقات عشان الفصل الي بعده 

يلا

أستودعكم الله 

اسماء العذب(كروان)

الفصل السابع والعشرون من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال