رواية همسة وجع الفصل الثامن والعشرون 28 بقلم اسماء العذب

 

رواية همسة وجع الفصل الثامن والعشرون بقلم اسماء العذب

لايك الاول يا شطار 

28

#همسه_وجع

 

صلوا علي الحبيب المصطفى 

_^_^_^_^_^_^_^_^_^_^_^_^_^_^_^ 

عمر خرج من الاوضه زي العاصفه ومل تفكير ان وعد ووليد هربوا تاني مع أنه اتأكد قبل ما ينام انه قفل الباب بالمفتاح يبقي اواي خرجوا 

معقول يكونوا شافوني وانا وبقفل الباب وعرفوا مكان المفتاح واخده وخرجوا 

طيب إمتي ده لما دخلت الاوضه كانوا في سابع نومه 

معقول يكونوا بي.....

عمر وقف كلام مع نفسه لما شافهم قاعدين علي ارضيه الصاله ومعاهم العاب بيلعبوا بيها وهم مبسوطين ومش واخدين بالهم منه..لكن انتي

انتفضوا علي صوت عمر وهو بيزعق فيهم 

عمر:انتوا ميت قالكم تخرجوا من الاوضه وما استأذنتوش ليه 

التفتوا ليه بخوف وكل الي في ايدهم وقع وهم وقفوا بيبصوا لعمر ولسان الواحد فيهم انعقد من الخوف اللي اتلبس جسمهم

وليد:اصل..اصل .اصل 

عمر بزعيق: انت لسه هتأتأ في الكلام

وعد بدموع: والله يا خالو احنا بس صحينا وخوفنا نضايق حضرتك وانت نايم عشان كده خرجنا 

عمر هدي شويه لما شاف دموعها ودموع وليد بعد ما زعق فيه وهم خايفين منه 

عمر بهدوء: طب وانتوا قاعدين هنا لوحدكم 

وليد هز راسه وهو بيمسح دموعه:لا جدو هو كمان صحي بس راح يصلي وسابنا احنا نلعب لحد.ما يخلص 

عمر هز راسه وانتبه للألعاب والاكياس اللي حواليهم قرب منها وهو بيتفحص الاكياس اللي لاقاها فيها العاب تانيه وحلويات من مختلف الأنواع 

عمر بأستغراب:هو انتوا جيبتوا الحاجات دي كلها منين انا امبارحلما اخدت الشنطه من السواق مدهنيش ولا بابا هو اللي جابها ..بس غريبه انا مشفتوش وهو بيجيب الحاجات دي كلها

وعد هزت راسها وهي بتقول ببرأه: لا يا خالو ده عمو هشام هو اللي جاب الحاجات دي كلها وقال انها ليا انا ووليد 

عمر حواسه اتحفزت لما قالو الاسم وعاد السؤال وهو بيتأكد من اللي سمعه :قولتيلي مين اللي جاب الحاجات دي

وعد بتردد:عمو هشام

عمر: ايوه انا عارف انه عمو هشام..هشام مين بقي قوليلي 

وليد :عمو هشام الدكتور اللي هيعالج ماما عشان تخف وتبقي كويسه وجوز طنط إيمي 

عمر اتحول في ثانيه وهو بيتكلم عليهم بسرعه وخطف الألعاب منهم وهو بيقول بعلو صوته وعروق رقبته بانت 

:بتقووووول ميييين ...واخدتوها منه لييييه إذا تاخدوها منه انتوا مجانيييين 

الاتنين رجعوا للدورة برعب منه ومن تحوله المفاجئ وهم بيعيط بصوت عالي خرج علي اثره مازن وسعيد بخضه من الاوضه

سعيد بخضه:في ايه ..حصل ايه يا عمر بتزعق في العيال

وعد ووليد اول ما شافوه جريوا واستخبوا وراه مم خوفهم 

مازن قرب وهو تقريبا عرف ايه اللي جنن عمر لما شاف الألعاب في ايده وحاول يهديه

مازن :اهدي يا عمر ما حصلش حاجه 

عمر بعصبية: انا بتقول ما حثلش حاجه؟ ؟؟ده حصل حاجات وحنا نايمين علي ودانا 

سعيد بحده:ولد انت وطي صوتك واتكلم كويس وقول ايه اللي حصل 

عمر اخد نفس وهو بيحاول يهدي نفسه 

عمر:حقك عليا يا بابا..بس ممكن افهم مين ادس الحاجات دي للعيال

يعيد اتنهد وشاور لمازن انه ياخدهم معاه الاوضه لحد ما يخلص كلام

سعيد :خد انت يا مازن وعد ووليد الاوضه عندم شويه علي بال الفطار ما يجهز وهبقي اناديكم

مازن هز راسه:ماشي يا بابا...يلا يا حبايبي ندخل الاوضه شويه 

الاتنين هزوا رأسهم ودخلوا مع مازن بسرعه وهم بيحاولوا يتفادوا عمر

بعدها عمر التفت لابوه وهو بيتكلم بنفاذ صبر 

عمر :اهم دخلو لا مشاعرهم تنجرح ممكن بقي حضرتك تفهمني مين جاب الحاجات دي 

سعيد.:انت عارف كويس مين الي جابها 

عمر بغل مكبوت :ويجيبها بصفته ايه 

سعيد: وانا ايه دراني يابني 

عمر :ايه دراك ازاي يابابا..طب ما رجعتوهاش ليه وقولتوا مش عايزين من وش اهلك حاجه

سعيد: حاسب علي كلامك واحترم انك واقف قدام ابوك يا عمر

عمر :يابابا مهو اللي بيحصل ده يجنن ..هو فاكر كده يعني انه عشان بيقرب من العيال يبقي المايه هترجع لمجاريها ونبقي اهل من تاني ولا ..لاده بيحلم الواد ده باين جراله حاجه في دماغه ولا عنده هطل متأخر 

هو هياخد ايه من الي بعمله ده كله ..هو مش عارف ان العيال دي تبقي عيال طليقته اللي هي اختي واللي اتخلي عنها في اكتر وقت هي محتاجه ليه فيه 

ولا دلوقتي لما رجعت وبقت قدامه حليت في عيونه 

ههه هو كا يعرفش انها متجوزه ولا ايه وجوزها يقدر يوديه ورا الشمس بأشاره منه

سعيد بيأس: مش عارف يابني مش عارف بس خليك بعيد عنه احنا ما صدقنا بعدنا عنه وانا هقول للعيال ملهمش دعوه بيه ولو ادي ليهم اي حاجه ما يخدوهاش منه ..مرضي 

عمر:طب والحاجات اللي هو جايبها دي هنعمل فيها ايه

سعيد هنعمل ايه يعني هنخليك العسال مبسوطين اوي بيها ومش عاوزين نكسر قلبهم 

عمر بتوعد :اللي تشوفه يا بابا اللي تشوفه انا ليا تصرف تاني مع الأشكال دي

 

سمر كانت نازله في الشارع عشان رايحه شغلها 

لكن لاحظت حاجه غريبه ان في نظرات كتير من الناس متوجهه ليها هي بالتحديد 

بقت تبص علي لبسها ممكن يكون فيه حاجه مش مظبوطه وطلعت التلفون وشافت وشها ممكن بكون عليه حاجه 

لكن كل حاجه طبيعي ومفيش اي شئ يستدعي انهم يبثوا عليها بالطريقه دي

لحد ما سمعت همسه واحد من البياعين وهز بيكلم واحده ست بتشتري منه وهو بيقولها

البياع:شايفه البجحه قال ايه نازله الشغل وهي بتنزل تقابل شبان وعامله فيها بنت الحسب والنسب كل ما حد يكلمها ..نتس يتدب في عينها رصا.صة

الست وهي بتمصمص شفايفها وبتبص لسمر بقرف: ربنا يستر علي ولايانا يارب

سمر:؟؟؟ 

باااااااااااااااااااااس 

عارفه ان الفصل قصير لكن ده لسببين 

الاول ان التفاعل مفيش لو كل حد قرا عمل لايك وعشر كومنتات ده هيفرق معايا بجد

التاني اني تعبانه وناسه بهبوط مفاجئ مش عارفه ليه وما قدرتش اكتب اللي الشويه دول 

اعذروني 

تفاعل بلايك وعشر تعليقات عشان الفصل الي بعده 

يلا

أستودعكم الله 

اسماء العذب(كروان)

الفصل التاسع والعشرون من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال