رواية حارس المقابر الفصل الثانى بقلم مصطفى عبد الحميد
يرجع عشماوي الي المقابر بعد قضاء الليل مع اصدقائه وعند وصوله الي المقابر ويجلس علي السرير يبدأ يسمع صوت عالي باستغاثه يقول:الحقوني
فقوم عشماوي ويأخذ في يده الجروف الحديدي ويبدأ يتحرك ببطء حتى يصل الي مصدر الصوت اتي من اين ويضل يتحرك حتي يجد مصدر الصوت يأتي من اسفل احدي المـ.دافن فينصدم عشماوي قائلاً:مين هنا؟!!
الصوت:افتح لي بسرعه انا بني ادم والله بني ادم
فيقوم عشماوي بفتح المـ.دفن فأذا يجد شخص حي فينظر له عشماوي قائلاً:انت ازاي جيت هنا؟
الصوت:طلعني الاول يابني وانا هحكي لك
فيطلعوا عشماوي ثم يغسل له جسده بالماء ويعطيه ملابس ويعمل له كوب شاي ويجعله يجلس علي السرير ثم يجلس بجانبه عشماوي قائلاً:ماقولتليش ياعم الحج انت ادفـ.نت ازاي وانت فيك الروح كده؟يعني الدكاتره ماقولوش دا لسه في النفس
الراجل:عيالي اللي عملوا كده انا متأكد
عشماوي مندهشاً:عيالك اي ياعم الحج!!هو في عيال هتعمل كده في ابوها؟!
الراجل:اه في عيالي..وكل ده بسبب الفلوس والورث
عشماوي:ورث اي لامواخذه؟
الراجل:ورثي
عشماوي:ورثك ازاي وانت عايش؟!
الراجل:هقولك يابني..عيالي قبل مايعملوا كده فيا كانوا رافعين عليا قضيه حجر بحكم اني كبرت في السن وخرفت لكن خسروا القضيه وفي يوم سمعتهم وهما بيقولوا انهم عاوزين يخلصوا مني
عشماوي مندهشا:اي ده!!هو في كده دول عيال ولاد كـ.لب صحيح..اسف ياعم الحاج مش قصدي بس هما ميتقالش عليهم غير كده
الراجل:ولا يهمك يابني الغلط مش عليك الغلط عليهم هما
عشماوي:خلاص نام انت دلوقتي وانا بكره هحاول اجيب لك عيالك دول يتأسفولك ويبوسوا رجليك كمان
الراجل:لا خلاص مش عاوزهم زمانهم دلوقتي بيقسموا الفلوس وكل واحد اخد نصيبه
عشماوي:اومال هتروح فين كده ؟!
الراجل:هروح بيتي القديم عيالي ميعرفوش عنه حاجه
عشماوي:طب خلاص نام دلوقتي والصباح رباح
فينام الراجل ويخرج عشماوي ويجلس علي باب غرفته ويشـ.عل سجارته ويبدأ يقول في اعماق نفسه:ياااه هو في عيال تعمل كده في ابوها...الله يرحمك يابا
...........................................
في صباح اليوم التالي:
يستيقظ عشماوي من نومه ثم يقوم لكي يقظ الراجل فأذا به يجده مـ.يت فيندهش عشماوي قائلاً:لا حول ولا قوة الا بالله انا لله وانا اليه راجعون..الراجل رجع لدنيا امبارح عشان يفارقها انهارده
ثم يبكي عشماوي حزناً عليه ثم يأخذه ويذهب به الي مـ.دفنه الذي خرج منه ويـ.دفنه من جديد وبعد ان يـ.دفنه رجع الي غرفته يجد طفل في عمر السابعه عشر في انتظاره وعند رأيته له قال:معلم عشماوي صباح الفل
عشماوي:صباح الفل يلا يادبش..في حاجة ولا اي؟
دبش:اه المعلم بعتني ليك عشان اقولك ان اليافطه بتاعت امبارح خلصت
عشماوي:طب مجبتهاش معاك لي؟
دبش:بصراحه كسلت يامعلم
عشماوي:كسلت..ماشي خد ياض هات لي وهات لك فطار عشان نفطر مع بعض
دبش:والله طول عمري بقول عليك انزه معلم فيكي ياكرموز
عشماوي ضاحكاً:كل ده عشان فول وفلافل..اومال لو فطرتك سمك وجمبري كنت قولت اي
دبش:لا ساعتها بقي هجيب عربيه بكروفون وهلف كرموز كلها واقول المعلم عشماوي فطرني سمك وجمبري
عشماوي ضاحكاً:طب يلا اجري وهات الفطار بسرعه
دبش:حمامه
ثم يخرج عشماوي الي القهوه ويأخذ قهوته ثم يرجع الي غرفته ويجلس ويشـ.عل سجارته ويشربها بجانب القهوه وبعد لاحظات يصل دبش ومعه الفطار :يلا يامعلم احلي سندوتشات فول وفلافل
عشماوي:خد نصيبك وسيب لي نصيبي
ويبدؤا في تناول وجبه الافطار وبعدها يقوم دبش متجهاً الي عمله وبعد دقائق يدخل اليه شخص ومعه ورقه في يده قائلاً:انت عشماوي؟
عشماوي:اه ياباشا خير؟!
الشخص:دا تصريح دفـ.ن لامي وعاوزك تفتح لنا التربه عشان هنيجي بعد صلاه الظهر
عشماوي:تحت امرك ياباشا..فين الترب بتاعتكم
فيأخذه الشخص الي مكان المـ.دفن ثم ينظر اليه عشماوي قائلاً:ماشي ياباشا هحتاج 3000جنيه حق فتح التربه باليافطه
الشخص:خد كل اللي انت عاوزوا اهو
فيأخذ عشماوي منه المبلغ ثم يقول:خلاص ياباشا هتيجي هتلاقي التربه مفتوحه ومرشوشه مايه و زاي الفل
ثم يتركه الشخص ويبدأ عشماوي في فتح التربه وتنظيفها من بواقي العظام...
وبعد صلاة الظهر تأتي الجنازه ويتبعها صوت البكاء والحزن عليها ويقف بجانب المـ.دفن عشماوي فيستلمها منهم ويبدأ في وضعها ثم يغلق التربه ويقف بعيدا عنهم حتي يأخذوا العزاء واذا وهو وقف بعيدا ويشرب سجارته يلاحظ انثي بمفردها حركاتها مريبه وتنظر الي كل اتجاهه بكثره حتي لاحظها تحفر في الارض بيدها فيجري نحوها ويمسكها قائلاً:انتي بتعملي اي؟
الفتاه:ابوس ايدك استر عليا يسترك ربنا
عشماوي:استرك اي...انتي بتعملي اي؟
الفتاه:هقولك
عشماوي:يلا اخلصي
الفتاه:حاضر..دا عمل عشان جوزي يحبني اكتر
عشماوي غاضباً:ياولاد الكـ.لب هو انتوا بتوع الاعمال..دا انا مش هسيبك
الفتاه:ابوس ايدك سيبني ومش هعمل كده تاني
عشماوي:دا انا هخليكي تحرمي تدخلي هنا تاني غير وانتي مـ.يته
الفتاه:ابوس ايدك استرني
عشماوي:غوري من هنا وعلي الله اشوفك هنا تاني
فتجري الفتاه ثم يقول عشماوي:يعني خلاص هتسحري لاحمد عز ياخيبه
فأذا فجأه يسمع من خلفه احد ينادي عليه فينظر الي حيث مصدر الصوت فيجد شخص واقف من ظهره ويرتدي عبايه وجلابيه وعمه بيضاء فيقول عشماوي:انت مين؟!
الراجل:تعالي ياعشماوي
فيبدأ من القرب اليه بحذر شديد وعند قربه اليه يقول:انت مين؟!
فيلف هذا الشخص فأذا بأبيه فينصدم عشماوي قائلاً:ابويا!!ازاي ده؟!!
ابيه:ماسيبتش البت لي تدفن العمل اللي معاها؟
عشماوي:دا اذي يابا وبعدين انت اللي عملتني كده
ابيه:مين قالك انه اذي كنت سيبتها
عشماوي مندهشا:يابا دا سحر و اذي و...
ابيه بعصبيه شديده:قولتلك مش اذي..انا هخليها ترجع تاني وسيبها
عشماوي:لا مش هسيبها يابا
ابيه بعصبيه:لا هتسيبها
واذا ابيه يضـ.رب عشماوي علي وجهه بقوه شديده يجعله يسقط علي الارض ورأسه ترتطم بأحدي المـ.دافن ويفقد الوعي.........
