رواية حارس المقابر الفصل الثالث بقلم مصطفى عبد الحميد
بعد ان ظهر لعشماوي ابيه وضـ.ربه علي وجهه بقوه شديده جعلته يسقط علي الارض ورأسه ارتطمت بأحدي المـ.دافن وفقد الوعي نجده يفتح عيناه وبجانبه دكتور وتقف امامه فتاه فينظر اليهم عشماوي قائلاً:في اي؟هو اي اللي حصل؟
الفتاه:اسكت ياخويا لاقيتك واقع علي الارض وغرقان في دـ.مك فجريت وجبتلك الدكتور
الدكتور:متقلقش دي خبطه بسيطه كل المطلوب منك انك تستريح
الفتاه:متقلقش يادكتور دا انا هحطه في عيني
عشماوي:لا ياسعاد متشكر اتكلي علي الله دلوقتي
سعاد:بقت كده ياعشماوي؟
عشماوي:يلا بقي انا مش فايق لك
سعاد:طب مش قدام الدكتور طيب
عشماوي:لا حول الله يارب..يادكتور مش انا المفروض ليا الراحه؟
الدكتور:اه
عشماوي:خلاص انا عاوز ارتاح بقي
فيقوم الدكتور قائلاً:خلاص ياسعاد يلا بينا دلوقتي نسيبه عشان يستريح
سعاد:عشانك بس يادكتور..بس حط في علمك هجيلك تاني
عشماوي في اعماق نفسه:غوري بقي دا انتي بت رزله
ثم يخرجوا ويتركوا عشماوي بمفرده فيقوم عشماوي وهو ماسك رأسه من آلام ثم يشـ.عل سجارته ويبدأ يقول:بقت كده يابا وصلت انك تضـ.ربني وانت مـ.يت..دا انت معملتهاش وانت حي..ماشي يابا
واذا يقاطعه دخول حمو وكرتله عليه قائلين:اي ياخويا اي اللي حصل لك؟
عشماوي:انتوا عرفتوا منين؟!
كرتله:البت سعاد جت قالتلي روحت جيتلك جري
حمو:اه وقالتلي انا كمان
عشماوي:سيحت لي بت الكـ.لب
حمو:حرام عليك ياعش..بت علي فكره بتحبك
عشماوي:حب اي بس ياعم صلي على النبي في قلبك
حمو:عليه افضل الصلاه والسلام بس برضو بتحبك
كرتله:اه انا حسيت برضو كده
عشماوي:سيبكوا من الكلام اللي مش بيأكل عيش ده وخلونا في المهم
حمو:قول ياعش
عشماوي:طلما جيتوا عندي فانا عازمكوا علي الغداء
كرتله:ايوه بقي ياعش..شكل الخبطه عملت عمايلها
عشماوي ضاحكاً:وعشان كلامك ده هعزمكوا علي سمك مشوي
حمو:اي ياعش الكلام ده انا بدأت اقلق دا الجنيه بيخرج من جيبك بيزغرت
عشماوي ضاحكاً:طب اهو خد ياكرتله 150جنيه اهو وضبطنا بقت سمك ورز وسلطات
فيأخذ منه الفلوس سريعاً قائلاً:حمامه قبل ماعقلك يرجع لك
ثم يقوم كرتله ويذهب الي احدي محل الاسماك ثم يأتي بالطعام ويجلسوا يتناولوا الطعام واذا وهما جالسين تأتي سعاد قائله:بقت زاي الفل اهو وبتاكل سمك كمان
عشماوي:طب اقعدي كلي الاول
سعاد:ماهي الله يرحمها حماتي شكلها كانت بتحبني
عشماوي:لو كانت عايشه كانت زهقت منك زاي منا زهقان منك كده
سعاد:حقك ماهو انا اللي غلطانه
كرتله:ياسعاد مش وقته الكلام ده خلينا ناكل في هدوء
سعاد:هسكت اهو
ثم يأكلوا وبعدها كل شخص يذهب الي طريقه
..........................................
في الليل:
نجد عشماوي جالس بجانبه غرفته وبجانبه الراديو علي اغنيه شفيقه (جاي بيشكي)وفي يده كوب الشاي وسيجارته وعلي الجانب الاخر جالس كـ.لب ويأخذ رشفه من كوب الشاي قائلاً:الله قولي كمان ياست..ياسلااام ياجدعاان اما كوبايه شاي مزاااج
واذا وهو في اجوائه الممتعه يلاحظ بخيال يجري خلفه فيقوم عشماوي قائلاً:اعوذ بالله من الشيـ.طان الرجيم
ثم يبدأ في البحث عن مصدر هذا الخيال فأذا يجد شخص يجري مسرعاً يحاول الهروب فيقوم عشماوي بالجري خلفه حتي يلاحقه ويمسكه قائلاً:انت مين يلا
الشخص:هقولك هقولك
فيقوم عشماوي بضـ.ربه قائلاً:اخلص يلا
الشخص بتوتر وخوف:هقولك بس ابوس ايدك استر عليا
عشماوي:جرا اي هو كل ماامسك حد يقولي استر عليا طب ماتخافوا ربنا الاول
الشخص بتوتر: ابوس ايدك استر عليا
عشماوي:قول كنت بتعمل اي هنا؟
الشخص بتوتر:انا كان معايا واحده وجيبتها هنا وفجأة وانا شغال معاها مـ.اتت فخوف وجريت ومش عارف اطلع من هنا
عشماوي بأندهاش:ياولاد الكـ.لب في المـ.دافن بتعملوا كده
الشخص بحزن:سيبني وانا والله مش هعمل كده
عشماوي:اسيبك اي امشي قدامي وريني مـ.اتت فين
فيأخذه الشخص الي المكان الذي كانوا فيه وعندما يصلوا وينظر اليها عشماوي يجدها عـ.اريه تماماً فينظر عشماوي إليه قائلاً:وعاوزني اسيبك ورحمه ابويا ماهسيبك غير في القسم دي جـ.ريمه
الشخص بتوتر:طب هديك كل اللي انت عاوزوا بس سيبني امشي
عشماوي:والله ماهسيبك
ثم يسحب الشخص الي غرفته ويغلق عليه الباب بأحكام ثم يتصل بالشرطه وبعد دقائق تصل الشرطه الي المقابر وفي انتظارهم عشماوي فيجري عليهم عشماوي قائلاً:ياباشا انا متحفظ عليه وكله تمام
الضابط:اي اللي حصل بضبط؟
عشماوي:مسكت واحد كان بيعمل حاجات استغفر الله العظيم مع واحده والواحده دي مـ.اتت
الضابط:فين اللي عمل كده؟
عشماوي:في اوضي ياباشا..اتفضل
فيخرج من جيبه المفتاح ويفتح باب الغرفه واذا بيها لا يوجد احد فينصدم عشماوي وينظر اليه الضابط قائلاً:فين اللي بتقول عليه ده؟
عشماوي منصدماً:ياباشا والله كان هنا
الضابط:راح فين يعني هرب؟
عشماوي:هيهرب ازاي والاوضه زاي ماحضرتك شايف مفيهاش حتي شباك صغير
الضابط:خلاص طب فين جـ.ثه البت اللي كانت معاه
عشماوي:تعالي ياباشا اوريهالك
فيأخذهم الي مكان الجـ.ثه وعند وصولهم لا يجدوا اي شيء فينصدم عشماوي وينظر اليه الضابط:هاا فين الجـ.ثه؟
عشماوي مندهشا:والله ياباشا كانت هنا برضو
الضابط بعصبيه:انت شارب حاجه يلا
عشماوي بتوتر:والله ياباشا ابدا
الضابط بعصبيه: اومال جايبنا علي الفاضي ليه؟
عشماوي بتوتر:والله ياباشا دا اللي حصل بضبط
الضابط:انت شكل الخبطه اللي في دماغك دي مأثره عليك فسيبك لكن لو اتكررت تاني اقسم بالله ماهسيبك
ثم تذهب الشرطه وتترك عشماوي واقف منصدماً مما حدث واذا فجأة يظهر ابيه من خلفه قائلاً:اي رأيك في الحدوته اللي حصلت دي؟
عشماوي مندهشا:ابا!!انت اللي عملت كل ده؟!!
ابيه:دي بس حاجه بسيطه عشان اعرفك لو مخلتش البت بكره تـ.دفن العمل هعمل فيك اي
عشماوي:لي كده يابا دا انا ابنك وبحبك
ابيه:كلامي خلص وانت ودماغك
ثم يختفي ابيه ويترك عشماوي في حيره من امره.........
