رواية من القاتل الفصل الثاني 2 بقلم يارا البرعي

*ذهب زين ومعه مراد وبسمه وفرح الي الحمام وظلوا يطرقوا الباب ولكن لم تجيب شهد ..قرر زين كسر الباب وعندما كسره ..تفاجأ بـ شهد تقع الأرض مغشيا عليها وعندما اقترب منها وجد أن لا يوجد اي نبض.*

زين بخوف وزعيق / جهزوا العربيه بسرعه .

*حمل زين شهد وذهب مراد الي السياره وفتح الباب وركب مراد وزين وشهد وبسمه معا وكان مراد يسوق وبسمه بجانبه `..وفي السياره الأخري ركب نادر وحازم وفرح `.. وظل عمار وريهام بالمنزل ``.*

ريهام / انت عملت ايه للبت يا عمار احنا متفقناش علي كده .

عمار باستغراب / انا منفذتش حاجه اصلا وبعدين مش ده اللي احنا اتفقنا عليه .. انا افتكرت أن انتي اللي عملتي كده .

ريهام بتوتر / ايه انا !..وانا هعمل كده لي وازاي اصلا ما كنت معاك طول الوقت .

عمار بتفكير / مش عارف بس ممكن يكون أغمي عليها عادي .

ريهام / ممكن .

______________________________________

*_في السيارة``._*

زين بزعيق / بسرعههه شويه يا مراد.

مراد / اهدي يا زين انا ماشي علي اسرع حاجه .

بسمه ببكاء/ ارجوك حاول تسرع شويه .. انت مش شايف حالتها عامله ازاي .

*زود مراد السرعه وبعد دقائق وصلوا الي المستشفي `.*

_"اخدوها الممرضات علي التراولي وذهبوا بها الي غرفه العمليات ."_

نادر بخوف / استرها يارب .. يارب استرها يارب .

مراد بعطف/ متقلقش يا عمي أن شاء الله هتكون كويسة .

فرح ببكاء / دي عمرها ما اغمي عليها ف حياتها يا تري اللي حصل ده من ايه !.

زين بخوف / لما الدكتور يطلع هنعرف كل حاجه.

بسمه ببكاء / ربنا يستر يارب .

*_بعد حوالي ساعة إلا ربع خرج الدكتور من الغرفه `._* 

زين بخوف / خير يا دكتور طمني .

الدكتور / الحمدلله هي بقت كويسه واضح انها اتعرضت لحالة تسمم .. كان نسبه السم في جسمها كبيره جدا .. احنا عملنالها غسيل معده وان شاء الله هتكون كويسه .. عن اذنكم .

زين بصدمه / تسمم ! مين ده اللي هيعمل فيها كده .. ما كلنا اكلنا من نفس الاكل.

مراد بحيره / مش عارف بجد مين اللي عمل كده ... تكونش هي عملت كده فـ نفسها ؟.

بسمه بدموع / لالا انا اختي عمرها ما تعمل حاجه زي دي .. وبعدين هتعمل كده ليه اصلا ؟.

زين / عندك حق .. فكر قليلا ثم... هو فين عمار .

حازم / ف البيت لي ؟.

زين / هو اللي عملها .

مراد بغضب/ زين .. مش معني ان فيه مشاكل بينك وبين عمار يبقي هو اللي عمل كده .. وهو عمره ما يفكر في حاجه زي دي .

*_خرجت الممرضه في تلك اللحظه من الغرفه وهي تنادي علي الدكتور بسرعه `._*

*_اتي الدكتور سريعا ._*

الدكتور / ايه في اي ؟.

الممرضه / قلب المريضه وقف نبض .

بسمه بصدمه / ايه ازاي مش انتو لسه قايلين انها اتحسنت !.

الدكتور / انا هعمل اللازم .. ارجوكم اهدوا.

نادر ببكاء/ ربنا يقومك بالسلامه يا بنتي .. يارب استرها معانا يارب .

فرح بعطف / هتبقي كويسه يا بابا أن شاء الله هتبقي كويسه .

زين بصدمه وخوف / لالا اكيد النبض هيرجع .. اكيد .. مش معقول ..  ازاي بعد ما تبقي كويسة النبض يقف ازاي .

مراد / خير يا جماعه أن شاء الله ربنا يستر .

*_ظلوا الجميع يدعوا ل شهد أن تقوم بالسلامه وبعد ثلث ساعة خرج الدكتور من الغرفه بحزن وقال ._*

الدكتور بأسف / انا اسف يا جماعه البقاء لله .

زين بصدمه وانفعال / ايه اللي انت بتقوله ده .. انت مش لسه قايل أنها كويسه .

الدكتور / انا اسف والله يا زين باشا .. بس نسبه السم كانت كبيره جدا وغسيل المعده معملش اي حاجه .. انا اسف ... البقيه ف حياتكم .

بسمه بصراخ / لااااااا... اكيد اختي مماتتش لا لا اكيد .

فرح بصدمه / شهد لسه عايشه اكيد .. مستحيل شهد تسيبنا .. يارب لااااااا .

زين بصدمه وهو يقع علي الارض / مستحيل .. لالا مستحيل شهد تسيبني مستحيل .

*_وقف نادر من الصدمة وهو يبكي ويقول `._*

_بنتي مماتتش .. اكيد الدكتور ده فاهم غلط.. لالا انا مقدرش اعيش من غير بنتي .

مراد بدموع وهو يواسيه/ اهدي يا عمي البقاء الله .. شهد دلوقتي ف مكان احسن .

نادر ببكاء/ لا يا بني .. انا مقدرش اعيش من غيرها مقدرش .

مراد / اهدي يا عمي بالله عليك .. شهد دلوقتي راحت اللي احسن منك ومننا كلنا .. ادعلها بالرحمه `.

زين بصدمه/ اكيد في حد ورا اللي بيحصل ده .. شهد مماتتش .. انا وشهد هنتجوز .. اكيد كل ده كابوس .. اكيد هصحي منه .. انا مقدرش اعيش يوم واحد من غير شهد .

بسمة ببكاء غزير/ مين اللي عمل كده فيكي يا شهد ... يارب .. اهه يا بابا .

اقترب مراد منها وضمها دون أن يشعر / اهدي يا بسمه بالله عليكي .. كل ده غلط عليكي وكمان عشان باباكي .. بالله عليكي اهدي ادعيلها بالرحمه يا بسمه احسن .

حازم بحزن / ادعيلها بالرحمه يا نادر .. يارب ارحمها . 

*_خرجت الممرضات من غرفة العمليات وهم يضعون شهد علي التراولي ويذهبوا بها الي الغرفه وهم يغطون جميع جسدها بغطاء ابيض وسط بكاء الجميع وانهيار زين وبسمه وفرح ونادر ومراد حازم علي تلك الفتاه التي توفت في عز شبابها دون أن تحقق أحلامها._*

فرح ببكاء وهي تضع يدها علي شهد / قومي يا شهد .. قومي متسيبناش .. احنا بنحبك  وانتي عارفه كده صح .. مش انتي قولتي انك بتحبينا ومش هتسيبينا .. طب لي كده .. قومي يا شهد بالله عليكي .. مش انتي قولتي ل زين أن انتي بتحبيه وهتكملي حياتك معاه .. لي مشيتي وسيبتيه !. قومي يا شهد قومي ونبي .. مش كفايه ماما راحت كمان انتي هتروحي !.

زين وهو يحاول التماسك / انا هكلم البوليس عشان يحققوا بالموضوع .. اكيد في حد ورا اللي حصل ده .

حازم / ايه اللي انت بتقولوا ده يا زين .. شهد اتوفت وده قضاء وقدر .

زين بدموع وزعيق / لا مش قضاء وقدر .. دي مقصوده في حد عامل كده ... اومال السم دخل جسمها ازاي !.ما كلنا اكلنا من نفس الاكل ومحدش حصلوا حاجه .. وشهد عمرها ما تعمل كده فـ نفسها ... انا هطلب من البوليس يحقق فـ الموضوع .. ووالله اول ما اعرف مين اللي عمل كده .. انا مش هرحموا .

بسمة بتماسك/ زين عندو حق .. اكيد في حد ورا اللي حصل ده احنا لازم نكلم البوليس .

*_بعد أن وافق الجميع علي قرار زين وبسمة .. أنهوا اوراق خروج جسد شهد من المستشفي وتم وضعها بالسيارة وهم بالطريق الي البيت_*

_____________________________________

*_في قصر الدمنهوري `._*

عمار بقلق / اتأخروا اوييي ... تفتكري يكون حصلها حاجه .

ريهام بتوتر / لالا أن شاء الله خير.

عمار بخوف اكبر / لالا انا هكلم مراد واسألوا.

ريهام / طب اتصل بيه .

*اتصل عمار بـ مراد واجاب وبعد فترة*

عمار بخوف / ايه مراد اللي حصل .. انتو طولتوا اوي .. شهد ايه اللي حصلها !. هي كويسة صح؟.

مراد بحزن / للاسف يا عمار ..شهد الله يرحمها .

عمار بصدمه وخوف / ايه !!!.ازاي ده .

مراد وهو يقود السياره / الدكتور قال إنها اتعرضت لـ حاله تسمم واتوفت.

*_عمار من صدمته قفل السكه علي طول `_*

ريهام بقلق / ها قالك اي ؟.

عمار ومازال مصدوم /ماتت.

ريهام بخوف / ايه .. لالا مستحيل .. ماتت ازاي .

عمار بتوتر / بيقولوا اتعرضت لحاله تسمم . 

ريهام / طب ده از.. ازاي .

عمار / مش عارف .. بس اكيد في حد عمل كده .

ريهام بصدمه / انت يا عمار اللي عملتها .

عمار بتوتر/ انتي هبله ولا اي .. هعمل كده لي اصلا وانا عاوز اخدها من زين ... المفروض انا اللي اقول كده لان انتي بتحبي زين .

ريهام بتوتر  / نعم .. لا طبعا .. حتي لو كنت بحبوا ده مش معنااه اني اعمل مصيبة زي دي .

*_دخل اسلام في تلك اللحظه ( رفيقهم الثالث)'._*

ريهام بصدمه / انت جيت أمتي ؟.

اسلام / انا هنا من بدري من قبل ما تيجي كمان بس كنت مستخبي عشان محدش يشك فينا .. المهم ..  البت شهد ايه اللي حصلها ؟.

عمار / انت اللي حطيتلها سم يا اسلام .

اسلام بتوتر / نعم .. انا هعمل كده لي.. وامتي اصلا .. ما انا كنت مستخبي طول الوقت .

عمار / انا هلبس واروح علي بيتهم وبعدها نشوف الحوار ده 

*_ظلوا الثلاثة يشكون ببعضهم .._*

*_من فيهم القاتل يا تري .. أم هو أحد غيرهم ؟!._*

________________________________

*وصل الجميع الي بيت نادر الغندوري وانزلوا جسد شهد من السياره وسط بكاء وانهيار الجميع .. بعد حوالي ساعه وصلت المغسلة وغسلت جثه شهد وقاموا بتكفينها '..وبدأو في مراسم العزاء '.*

*كان كل السيدات بالمنزل والكل حزين ومقهور علي موت شهد ..والرجال كانوا يجلسون بالخارج وكان أكثرهم بكاء وحزن هو نادر وزين .. لان زين كان يحب شهد بكل صدق وكان يريد أن يكمل حياته معاها .. ولكن ذهبت الي ربها الكريم .*

*_انتهي العزاء والدفنه بعد ما عزي الجميع عائله شهد ._*

_كل ده كانت العشاء أذنت من حوالي ساعتين ''._

*_اتي عمار بعد ما انتهي كل شيئ._*

عمار / البقاء لله يا عمي .

نادر/ حياتك الباقيه يا بني .

زين بسخرية / هه لسه فاكر تيجي .. يا اخي كل يوم بتثبتلي أن انت أقذر واحد ف الدنيا .. ويكون فـ علمك انا شاكك فيك انت اول واحد انك تكون عملت فيها كده .

عمار بصدمة / انا يا زين .. انت ازاي تفكر فيا كده .. حرام عليك بقي وانا هعمل كده لي .

زين بغضب / غور من هنا يا عمار عشان مقولش كلام يزعلك .

مراد  بانفعال/ بس بقي انت وهو ده وقتوا .. احنا ف اي ولا ف اي !.

*_اتت الشرطه بعد أن تحدث معهم زين ._*

الظابط / خير يا زين باشا .

*_حكي له زين كل ما حدث بالتفصيل ._*

الظابط / ايوه يا زين بيه بس دي ممكن تكون ماتت عادي مش شرط تكون جريمة .

زين بغضب / لا مش عادي .. مش كل شويه حد يقولي عادي .. شهد لوحدها اللي اتسممت بعد ما اكلت .. واحنا محدش فينا حصلوا حاجه .. وهي عمرها ما تعمل كده فـ نفسها .. انا عاوزك تعمل كل جهدك عشان توصل للي عمل كده .

الظابط / تحت امرك يا زين بيه بس لو سمحت ادينا وقتنا ... انت شاكك ف حد معين ؟.

زين / اه .

الظابط / مين ؟.

زين / عمار و ريهام اللي كانت معاه .

عمار بصدمه / انت بتتهمني اني انا اللي عملتها ؟.. انت ازاي تفكر كده .

زين / اه بتهمك .. انت وهي بس اللي كنتوا ف البيت قبل ما توصل شهد .. والله اعلم انتوا عملتوا اي .

الظابط / علي العموم احنا هنحقق مع كل الناس .. ومنهم عمار و ريهام دي وهنشوف كاميرات المراقبة عشان نشوف لو حد دخل أو خرج من القصر.

مراد / تمام يا فندم ... بس ياريت التحقيق يخلص بسرعه .

الظابط / احنا هنعمل اللي علينا .

*ذهب الظابط من البيت دخل مراد بالداخل .*

*وجد مراد بسمة جالسه علي الارض وتبكي بغزاره ..اقترب منها وجلس بجانبها .*

مراد بعطف /وحدي الله يا بسمة .. شهد دلوقتي راحت عند اللي احسن مني ومنك .. ادعيلها بالرحمه .. والعياط ده مش حلو خلي بالك عشانها وعشانك .. هي كده بتتعذب .

بسمة ببكاء/ انت متعرفش شهد كانت بالنسبة لي اي .. دي مكنتش اختي .. دي كانت حته مني ..دي امنا التانيه بعد ماما الله يرحمها .. عمر ما حد احتجلها وموقفتش جنبوا .. علي طول بتحللي مشاكلي انا واختي .. كانت هي كل حاجه ف حياتنا ... انت مش متخيل فراقها صعب ازاي .

مراد / مقدر والله وعارف كل ده .. بس العياط مش هيرجع حاجه .. ادعيلها بالرحمه يا بسمة وان شاء الله ربنا هيصبركم علي فراقها .. وكمان انتي لازم تكوني قويه عشانك وعشان اختك وباباكي.. ولا اي .

بسمه / عندك حق بس انا مش قادره اتقبل فكره أنها مش هتبقي معانا تاني .

مراد / ادعي لها بالرحمه .. دي الحاجه الوحيده اللي تجوز لها .

بسمه ببكاء/ ربنا يرحمك يا شهد يارب .

مراد / قومي اغسلي وشك.. يالا قومي .

*وقفت بسمه ودخلت الي المرحاض وغسلت وجهها الذي كان احمر من شده البكاء وعيونها تحولت إلي اللون الاحمر .*

*_وقف نادر والجميع يعزونه في ابنته .. ووقع مغشيا عليا وحملوه علي غرفته سريعا واتصلوا بالدكتور .._*

*_بعد ربع ساعه وصل الدكتور وفحص نادر وقالـ_*

_هو الحمدلله بقي احسن دلوقتي بس ياريت يا جماعه تحاولوا تخففوا عنوا شويه .. ده مريض قلب يعني الضغط ده كله مش كويس عشانه .. ياريت ياخد الادويه ف معادها .. عن اذنكم 

*_خرج الدكتور وتركت عائلة الدمنهوري بيت شهد بعد أن اطمئنوا علي نادر ..ورجعوا الي البيت وقام زين بـ أخذ تسجيل كاميرات المراقبة وإرسالهم الي الظابط"._*

______________________________________

*_كان مراد في غرفته واتصلت به شاهيناز '_*

شاهيناز بغضب / انت متصلتش لي من الصبح ولا انت بس لما ترن وانا مردتش تفتح لي محكمه .

مراد / ما انتي لو مهتمه بـ حبيبك كنتي عرفتي أن زين خطيبته اتوفت وانتي ولا علي بالك .

شاهيناز/ انا مالي انا ما تموت ولا تولع .. انا مش بكلمك انت دلوقتي .

مراد بغضب شديد / انتي ازاي قلبك اسود كده .. بقولك شهد ماتت والبيت كله متدمر وبالذات اخوياا وانتي كل اللي فارق معاكي اني متصلتش ... غوري بقي يا شيخه جتك الارف .

*_اغلق مراد الخط في وجهها وهو غاضب جدا من رد فعلها ودخل في نوم عميق ._*

____________________

*فـي غرفه زين ..كان يجلس علي الارض وهو يبكي بـ حرقة ويمسك صوره لـ حبيبته ويتحدث معها وهو منهار .. كان في حاله لا توصف حرفيا .. حتي سمع باب غرفته يدق .*

*_فتح زين الباب وتفاجا بـ........_*

الفصل الثالث من هنا