رواية من القاتل الفصل الثالث
*فـي غرفة زين .. كان يجلس علي الارض وهو يبكي بـ حرقة ويمسك صوره لـ حبيبته ويتحدث معها وهو منهار .. كان في حاله لا توصف حرفيا.. حتي سمع باب غرفته يدق*
*فتح زين الباب وتفاجأ بـ عمار .*
زين بغضب / انت ايه اللي جابك هنا .
عمار بسخريه / انت بتعيط يا زين !. تصدق اول مره اعرف ان انت بتحبها اوي كده .
زين / طبعا .. من حقك تتريق عليا .. وانت هتعرف الحب منين .
عمار ببرود/ انا مش جايلك عشان تعملي محاضرة .. انا مليش علاقه باللي حصل لـ شهد .. انت ازاي تقول للـظابط أن انت شاكك فيا .. ده انا ابن عمك حتي !.
زين / تصدق بالله .. بعد ما جيت دلوقتي وقولتلي كده انا شكيت فيك اكتر .. وانت مش ابن عمي.. ابن عمي ده المفروض يبقي اخويا .. يقف جنبي .. مش يحاول ياخد مني حببتي .. انا ميشرفنيش أن يبقي فـ عيلتنا حد زيك اصلا .
عمار بغضب/ اسمع يا زينـ.
زين بغضب / اسمع انت .. اطلع من هنا دلوقتي حالا وإلا والله هتشوف تصرف مش هيعجبك .. غور من وشي وسيبني فـ حالي .
عمار بشر / ماشي يا زين .. انا هوريك .
*_خرج عمار من الغرفة ورجع الي غرفته.. وجلس زين علي الارض وهو يتوعد لمن فعل ذلك بـ حبيبته.!_*
_____________________________________
*_في بيت نادر الغندوري"._*
بسمه بجانب والدها / عامل ايه دلوقتي يا بابا...بقيت كويس .
نادر بحزن / مين فينا كويس يا بنتي .. شهد اختك كانت الفرحة اللي فـ البيت .. ماتت وهي فـ عز شبابها .. وكمان في حد السبب .. مين بس اللي عمل فيها كده .. شهد اختك الله يرحمها .. كانت طول عمرها طيبة وكويسة مع الناس . عمرها ما اذت حد ولا حد زعل منها .. مين ده اللي بيكرها لدرجه انه يقتلها ؟... كل ده وعاوزاني اكون كويس !.
بسمه بدموع / عندك حق يا بابا .. بس شهد دلوقتي عند اللي احسن مني ومنك .. واكيد اللي عمل فيها كده هيتعاقب وهياخد جزائه .. ربنا يرحمها .
نادر بدموع / يارب يا بنتي .. يارب .
بسمه / يالا خد العلاج عشان تتحسن .. وانا هروح اشوف فرح فين .
نادر / حاضر يا بنتي .. هاخده .
_اخذ نادر علاجه وتسطح علي المهد ( السرير) ودخل في نوم عميق بعد حزن وبكاء طويل علي ابنته شهد._
_______________________________
*_في غرفه فرح كانت تجلس علي السرير وهي تنظر إلي صورتها هي واختها معا ..وهي تبكي ..وتتذكر ذكرياتها معها._*
فرح بدموع/ فاكرة يا شهد لما كنت فـ ٢ اعدادي وحصلت مشكله معايا ف المدرسه مع البنات اللي كانوا بيضايقوني .. وانتي جيتي واشتكيتي عليهم واخدوا رفد .. ومن ساعتها محدش قدر يكلمني ف المدرسه وكله بقي بيعاملني كويس .... وفاكره لما بابا كان بيضربني وجيتي كنتي يتحوشيه عني ... كل دي حاجات حلوه .. مكنتيش بتعمليها معايا انا بس .. انتي كنتي طيبة وكويسة مع كل الناس .
```Flash back```
*"من اسبوع قبل وفاة شهد "*
*_كانت شهد هي واختها فرح في السوق ووجدت سيده عجوز تتشاجر مع البائع ._*
السيده / يعني اي مش هتديني فلوسي .. انا واخده منك علبه سمنه وطلعت صلاحيتها منتهيه .. وانت مش عاوز تديني حقي .
البائع/ والله بقي ده اللي عندي .. انتي ملكيش فلوس معايا .
تدخلت شهد بغضب / هو ايه اللي ملهاش فلوس عندك .. انت هتستهبل.. هي مش جايبه منك حاجه وطلعت صلاحيتها منتهيه!..وكمان مش عاوز تديها حقها .
البائع / وانتي ايه اللي دخلك انتي كمان .
شهد بغضب / اقسم بالله العظيم لو ما اديتها فلوسها .. لاهكلم البوليس وقولهم انك بتبيع منتجات بايظه وصلاحيتها منتهيه .. واخليهم يقفلولك المحل بتاعك ده .
البائع بخوف / انا كل الحاجه اللي عندي سليمة ومفيش غير العلبه دي .
شهد /لو خايف علي اكل عيشك رجعلها فلوسها .
البائع بخوف / حاضر .
*_رجع البائع للسيده الفلوس ._*
السيده / ربنا يكرمك يا بنتي ويخليكي يارب ويسعدك ف حياتك .
شهد بابتسامه / يارب يا حجه .
فرح وهي تهمس لأختها / بجد انتي جامده ابت .
شهد / اي خدمه .
```back"```
فرح بدموع / طول عمرك كنتي كويسة حتي مع الغريب .. الله يرحمك يا شهد يارب .
*_دخلت بسمة في تلك اللحظه علي اختها "_*
بسمه بحزن / عامله اي دلوقتي يا حببتي .
فرح بدموع/ هكون عامله ايه يعني .. هكون عامله ازاي من غير شهد .
بسمه / ربنا يرحمها يارب يا رب يا فرح .. ادعي لها بالرحمه يا روحي .. والعياط ده مش حلوه عشانها .
فرح بدموع/ مش قادره .. مش قادره يا بسمه اتخيل فكره أنها مش هتبقي معانا تاني .. حاسه ان كل حاجه هتبقي سوده من بعدها.
بسمه وهي تضمها / اهدي بس يا حببتي حرام تقولي كده .. ربنا قادر أنه يصبرنا علي فراقها .. ادعيلها بالرحمه يا فرح .
فرح بدموع/ ربنا يرحمها يارب .
بسمه / قومي نصلي وندعيلها .
فرح بحزن / يالا .
*نهضوا الاثنان ودخلوا الي المرحاض ليتوضأ كلا منهما وبدأو بالصلاه وظلوا يصلون الاثنان ويدعون لها بالرحمة'.*
*_" " " " " " " " " " " " "_*
*_`مرت الليلة وكانت طويلة ومليئة بالعذاب علي الجميع وبالتحديد بيت عائله نادر الغندوري وفي قصر الدمنهوري علي زين وعلي مراد أيضا الذي كان غاضب من حبيبته وعمار الذي يخاف من زين ابن عمه وريهام أيضا كانت خائفه واسلام كان خائفا... كل هولاء يشعرون بالخوف فـ من منهم القاتل يا تري ؟!.`_*
*_بعد تلك الليلة الطويله منهم من نام فيها ومنهم من لم تغمض عيناه لحظات.. آتي الصباح علي الجميع والجميع يشعر بالحزن ومنهم من يشعر بالخوف ومنهم من يشعر بالقلق"._*
_________________________________
*_استيقظ زين ووجد نفسه نائما علي الارض مكان ما كان يبكي ويتذكر حبيبته'._*
*نهض من علي الارض ودخل الي المرحاض وغسل وجهه وتوضأ وصلي الصبح ودعي لحـبيبته المتوفيه بالرحمه ونزل الي أسفل ووجد مراد وعمار وحازم يجلسون'.*
حازم بابتسامه لـلتخفيف عنه / عامل ايه دلوقتي يا بني .
زين بحزن / الحمدلله .
مراد /خليك مريح انهارده فـ البيت يا زين مش لازم تروح الشركة.
زين برفض/ لالا .. انا كويس وقادر اني اروح الشركه .. وكمان انا كده كده هروح للـظابط عشان اديله باقي تسجيلات الكاميرات عشان نشوف مين اللي عمل كده .
حازم/ ماشي يا بني ربنا يقويك .
عمار / عن اذنكم انا ماشي ... هتيجي يا عمي ؟.
حازم / يالا يـ بني .
*_خرج حازم وعمار من القصر متجهين إلي الشركه ._*
_فـي القصر"_
مراد / انت لسه شاكك في عمار !.
زين / ايوه لسه شاكك فيه ولما اروح للظابط هقوله تاني أن أنا شاكك فيه .
مراد باستغراب / انا نفسي اعرف .. ايه السبب اللي يخليك تكره عمار للدرجه دي ! وتبقي شاكك فيه أن ممكن يعمل جريمه زي دي .
زين / هتعرف كل حاجه فـ وقتها يا مراد .. عن اذنك بقي عشان متأخرش.
مراد / اتفضل .
*_خرج مراد و زين من القصر وكلا منهم ركب سيارته واتجه مراد الي الشركه بينما زين ذهب للظابط اولا ``_*
*" " " " " " " " " " " " " "*
_فـي بـيـت نـادر الـغـنـدوري||`_
*_استيقظت فرح من نومها وهي في قمه التعب والارهاق وهي تتذكر أن اختها قد توفت .. نزلت الدموع من عينيها .. دخلت الي المرحاض وغسلت وجهها وتوضأت وصلت الصبح وظلت تدعي لأختها بالرحمه كثيرا وهي تبكي بغزاره .. خرجت من غرفتها ووجدت بسمة جالسه علي الاريكة تضم قدمها الي صدرها وتنظر الي الارض وهي شارده والدموع تهبط من عينها._*
فرح باستغراب / انتي منمتيش ولا اي يا بسمه .
بسمه / لا منمتش يا فرح .. هيجيلي نوم ازاي بعد امبارح .
فرح بحزن / طب وبابا نام ولا لأ..واخد العلاج ؟.
بسمه / متقلقيش أخد العلاج .. وعشان العلاج في زي مخدر كده بيخليه ينام .. فـهو برضه نام من التعب .. الله يكون فـ عونه ويصبرنا كلنا.
فرح / يارب .
بسمه / هقوم احضر الفطار وانتي خشي شوفي بابا لو صاحي هاتيه عشان الفطار لو نايم خلاص سيبيه .
فرح / طب والشغل .
بسمه / مدير الشغل اتصل عشان يعزيه واداله اجازه اسبوع عشان يرتاح شويه .
فرح / كتر خيره والله .
بسمه / يالا انا هقوم اعمل الفطار .
*_وقفت بسمه ودخلت الي المطبخ وقامت بإحضار الفطار .. الذي كانت تساعدها شهد به كل يوم وكانوا يمزحون معا في المطبخ ولكن الان فـ هي وحيدة بدون اختها ''._*
_خرجت بسمه وهي تحمل صينيه عليها الافطار ووضعتوا علي السفره ونادر كان نائما .. ظلت بسمه وفرح جالسون وهم ينظرون إلي الاكل ولا يريدون اكل اي شيئ._
بسمه بحزن / بجد الاكل ملهوش اي طعم من غيرها ... انا مليش نفس اكل..كلي انتي .
فرح / ولا انا نفسي اكل .. انا هقوم البس عشان هروح الدرس .
بسمه / ماشي يـ حببتي وانا كمان هلبس عشان الجامعه .
استيقظ نادر وخرج / صباح الـخير.
بسمه / صباح النور يـ بابا .
نادر / كل واحده تروح تشوف اللي وراها .. وانا كمان هروح اشوف الشغل .
فرح / ايوه يا بابا بس مدير الشغل اداك اجازه اسبوع .
نادر / انا مش عاوز اجازه .. مش هقدر اقعد ف البيت طول ما اختك الله يرحمها مش فيه .
بسمه / ماشي يا بابا علي راحتك بس خد بالك من نفسك .
نادر / طيب يا بنتي.
*_ارتدت بسمه وفرح ملابسهم التي كانت كلها من اللون الاسود وركبت بسمه سيارتها وذهبت فرح درسها مشيا علي قدمها وذهب نادر الي عمله ''._*
_*' ' ' ' ' ' ' ' ' ' ' ' ' ' ' ' ' ' ' ' '*_
*_فـي القسم (عند الظابط)".._*
زين / دي باقي التسجيلات بتاعت الكاميرات .. ياريت تحاول توصل لـ دليل فـ اسرع وقت .
الظابط / احنا هنعمل اللي علينا يا استاذ زين .
زين / تمام .
*_راجع الظابط كاميرات المراقبة وظل يعيد كـل التسجيلات.. حتي تفاجأ بـ.._*
الظابط / رجع تاني المقطع ده .
العسكري / اهو يا فندم .
الظابط / مين ده يا استاذ زين .
زين نظر للكاميرات بصدمه / ده اسلام .. صاحب عمار ابن عمي
الظابط / انت متاكد ؟... بس هو داخل بيبص حواليه كده .. ده كمان داخل من الباب الخلفي للبيت يعني كأنه حرامي !.. هو كان في بينو وبين شهد الله يرحمها عداوه أو حاجه .
زين بنفي / لالا . دي تقريبا مشافتهوش غير مره واحده ومفتكرش أنه يعرفها اصلا .
الظابط / احنا هنحقق معاه ومع عمار وريهام اللي حضرتك قولت عليهم امبارح .. وان شاء الله نوصل لـ حاجه .
زين/ أن شاء الله .
*_خرج زين من القسم واتجهه الي الشركه وهو يزداد شكه كل لحظه أن عمار له دخل بما حدث لـ حبيبته `._*
_دخل إلي الشركه وهو يبدو عليه الحزن والارهاق ودخل الي مكتب مراد''._
مراد / ها عملت اي عند الظابط ؟.
*حكي له زين ما رآه وما حدث مع الظابط ".*
مراد بصدمه / معقول يا زين يكون كلامك صح و عمار اللي وراها .
زين بجديه / صدقني يا مراد .. انا متأكد أنه ليه دخل باللي حصل .
مراد / طب انت ليه مش عاوزاني اعرف هو عملك ايه .
زين / عمار كان عاوز ياخد شهد مني يا مراد .. طول الوقت كان بيحاول يوقع بينا .. حتي قبل ما شهد تـ .. تم..تموت جه وقالي ابعد عن شهد ..عشان قال اي !.هو مش بيخسر ..شوفت البجاحه وصلت لـ حد فين .
مراد بصدمة / معقول كل ده من عمار .
زين/ عشان تعرف أن أنا كرهي ليه مش غل ولا حقد .. هو اللي كان عاوز يوقع بيني وبينها .. وعشان كده انا متاكد انه اللي ورا اللي حصل لـ شهد .
مراد / ده لو كلامك صح .. يبقي نهايته علي ايدي .. الظابط هيحقق فـ كل حاجه وان شاء الله نوصل للـحقيقة.
زين / أن شاء الله .
_خرج زين من مكتب مراد وذهب الي مكتبه واتصل مراد بـ شخص ما ...._
مراد / الو .
_ الو يا مراد بيه .. اتفضل .
مراد بغرور/ عمار الدمنهوري مراقبه ٢٤ ساعة وكل أخباره توصلي .
_تحت امرك يا مراد بيه .. مع السلامة .
*_اغلق مراد معه الخط وهو يتوعد لـ عمار إذا كان هو من فعلها''._*
______________________________________
*في الكافيه''.*
شادي / مالك يا حببتي في اي .
_حكت له شاهيناز علي مكالمتها مع مراد في ليلة الأمس ''._
شادي / بصي يا شاهي انتي برضه غلطانه .. احنا عاوزين مراد يثق فينا مش يقطع علاقته بيكي .
شاهيناز / يعني اعمل اي يعني يا شادي .
شادي بتفكير / بصي .. انا هقولك.
_اخبرها شادي بـ ما يجب أن تفعله وهي وافقته علي الفكره ورجعوا الي البيت ''._
__________________________________
*أمر الظابط العساكر بـ أمر ضبط وإحضار اسلام المنشاوي لـلتحقيق معه '' .*
*_الي ماذا سيصل الظابط بعد التحقيق يا تري؟!._*
_______________________________________
*_بعد يوم طويل من العمل والدراسه رجع الجميع الي منزله... رجعت بسمه من الجامعه ووجدت اختها في المنزل هي ووالدها وجلسوا معاا وهم صامتون وكل أحد منهم في ذكرياته مع شهد ''._*
*_رجع زين من الشركة ودخل الي غرفته دون أن يحكي مع أحد ومراد كان يجلس فـ الliving room يعمل علي اللاب توب وظل عمار وحازم في الشركه ''._*
_دق جرس الباب وفتحت واحده من الخدم''._
_عاوزه اشوف مراد .
الخادمه / تمم اتفضلي .
*_دخلت الخادمه وأخبرت مراد .. خرج من الـ living room (غرفه المعيشه) وذهب ليري من يريد رؤيته و تفاجأ بـ........_*
