رواية بنات الاسد الفصل الثانى بقلم السلطانة نور القمر
بنات_الأسد
الفصل_الثاني
بعد جواز جيهان و أسد وجيهان اتقربوا من بعض جداً وهي حبته اكتر وهو كمان بس مقالش ليها و اتأخر الحمل عند جيهان وكانت فاكره أن أسد هيزعق و يتخانق لكن خد الموضوع ببساطه و اتفهم ده
_ وده خلي حبه يزيد في قلبها وبقت بتعشقه وبعد فتره أسد راح القصر بيدور عليها عرف أنه اغمي عليها النهارده و تعبت وطلع بسرعة ليها ودخل لقي رأفت و أليف ووجد وشمس مع فاضل دخل وقعد جنبها ومسك أيدها
أسد بلهفه : أنتي كويسه يا عمري فيكي حاجه تعالي نروح للدكتور
جيهان بفرحه : لا يا أسد أنا كويسه بس
أسد قاطعها : كويسه ازاي أنا ميه مره اقول اهتمي بنفسك وأنتي مطنشه بس شكلي اتسهلت معاكي
أليف : يا عم ارحم نفسك حتي في كدا جبار ومش راضي تسمع اوف
أسد : اخرس يالا
أليف باحراج : احم اللي أنت شايفه
شمس بابتسامه : متقلقش يا أسد هي كويسه بس ابقوا تعالوا المستشفى عشان بقي عشان نتابع مع الهانم والبيه اللي جي في الطريق
أسد : ماشي ما فيش مشكله وبعد كدا بص ليها بصدمه : نعم يا أختي
أما الكل ضحك علي أسد
اسد بتهديد : صوت كلب اسمعه هولع فيه ويلا كله برا بقي
جيهان بكسوف من جوزها : أسد عيب كدا
أسد : ما عيب اللي العيب ديه مش أول مره اطردهم براا يا حيوان منك ليه
رأفت : إيه الاحراج ده يلا يا شموسه ننزل احنا سلام بقي هنشوفكم علي الغدا
أليف وهو بيشد مراته وشال جيسي : اه معاك حق وبالمره الواحد يدور علي حاجه يأكلها يعني قصر بالطول والعرض ده و مفيهوش اكل عدل كله بتاع اجانب أنا اروح احسن مصمت ام فتحي ديه عليها شويه كوارع عنب
وجد : ايه القرف ده هات بنتي ديه كدا عشان أنا هتبوظ اخلاقها يلا يا جيس
جيسي بارف : يلا يا مامي حاجه قلبه معده
أما أليف بسخريه : الله يرحم امك
وجد بتحذير : أليف الفاظك
أليف وهو بيخرج : عندي نسختين ارحمني يا رب أنا لازم اجيب ولد ويبقي شبهي كدا كتير الله يكون في عونك يا أسد و ﷲ علي الخلفه ده أنت هتشوف أيام منيله ونزل وهو ووجد وجيسي و شمس و رأفت و فاضل بعد ما بارك ليهم
أما أسد قعد جنبها وما اتكلمش
جيهان بتردد : أسد هو أنت زعلان أنا ممكن
أسد بصلها بحده : ممكن إيه أنتي عارفه أنا مستني اللحظه ديه من زمان
جيهان بحزن و عيونها دمعت : اصل أنا حساك زعلان
أسد حضنها : لا أنا بس من فرحتي مش عارف اقول ايه
جيهان بصتله بصدمة و مش مصدقه كلامه : بجد فرحان
أسد ابتسم و قرص خدها بخفه : اه ........ جيهان
جيهان باستماع : إيه
اسد : بحبك
جيهان بصدمه : إيه
أسد بحب : بحبك وعلي فكره من ساعه ما خبطي فيا ولقيت حوريه قدامي وأنا مبسوط إني ولادي هيبقوا منك
جيهان عيطت و حضنته جامد : وأنا بعشقك وحضنته وبعد شويه قالت بتردد: طب لو بنت
أسد وهو حاضنها: هبقي فرحان اكتر أنها بنت عشان هتبقي شبهك بس هتبقي بنت الأسد
_ وعدا فتره حمل جيهان ودائما شمس معاها و عرفوا أن وجد حامل معاها وده خلي الكل يفرح و أسد دائما متابع مع شمس ومش سايبها خالص
ويوم ولاده جيهان أسد كان مسافر ولما عرف رجع علي أول طياره وراح المستشفى وعرف أنه خلف تلاته بنات تؤام الكل بارك ليه و اطمن علي جيهان وفي نفس الوقت و خلفت وجد مع جيهان مع وجد في نفس الأوضه والكل قاعد معاهم
فاضل : اومال يا أسد هتسمي بناتك إيه بقي
أسد بص علي بناته الثلاث بحنان : أول واحده هتبقي نوران
الكل استغرب الإسم ده
جيهان : اشمعنا الإسم ده يا أسد
أسد : عشان معني الإسم أميره النور وبنتي هتبقي أميرتي الحلوه و بتاعتي أنا وبس
أما التانيه نورين عشان معناه الابتسامة أو انعكاس ضوء القمر علي الماء وهي هتبقي ابتسامتي سر سعادتي و الاخيرة ديه نور عشان هتبقي نوري و قطتي أنا وبس
رأفت بضحك : احب ابشرك يا جيهان أن أنتي مش هتعرفي تشوفي بناتك أصلا أسد طالما قال بتاعتي أنا وبس هيبقوا نسخه منه التلاته و هيبقوا الجبابره
الكل ضحك
أسد : ما حدش ليه فيه واللي هيقرب من أميرتي و ابتسامتي و قطتي هولع فيه
أليف : طب بص بقي بما أن أنت سميت فهد و جيسي وسميت ولادك بصراحه كل اسم احلا من التاني و معناهم احلا أنا عايزك تسمي ابني
أسد : يا ابني ده ابنك وبعدين تلاقي وجد عايزه تسمي ابنها
وجد بنفي : لا يا أسد وبعدين ما ده هيبقي ذي إبنك برضوا ولا ايه واكملت بزعل طفولي و اشمعنا ابني أنا بقي ما أنت سميت جيسي وفهد وبناتك سمي ابني
راح أليف حط الولد علي ايد أسد اللي بصله
أسد بص ليه وأكمل بابتسامه: اممم أسمك أنت آوس
وجد بفرحه : حلو أوي الإسم ده يا أسد
رأفت : هموت واعرف بيجيب الأسماء ديه منين
أليف باستفسار : معني آوس إيه بقي
أسد : معناه الفرصه أو الذئب وده من اصل يوناني
أليف مال علي رأفت : أسد ده مثقف اوي أنا بحس اني خريج سلالم مش كليه لما بيتكلم معايا
أما أسد سمعه وقعد يضحك هو و الكل
وتمر الأيام أسد بيتعلق ببناته أوي وبقي مش بيسبهم غير لما بيروح الشغل وبيرجع بسرعه عشان خاطرهم وجيهان مبسوطه من ده لأنها كانت فكره أنه هيزعل أنهم بنات وبرغم تعلقه ببناته إلا أن أسد بيهتم بجيهان جداً وخلصت دراستها وقررت مش هتشتغل عشان خاطر بناتها وجوزها و أسد قدم معلومات عن نائل الحديدي أنه بيتجار في المخدرات والاعضاء وبسبب الجرائم بتاعته خد اعدام ومات ولكن في الوقت ده كان في واحد بيسعي للانتقام من أسد وهو رعد الحديدي ابن نائل الحديدي إلا أن أسد مش اداله اهتمام وبقي الأولاد كلهم قربين من أسد وبيحبوه اكتر من ابوهم وأمهم وفهد اللي خد كتير من أسد وفي عيد ميلاده أسد ادله حصان عربي اصيل هديه وعيد ميلاد جيسي جيسي طلبت منه ذئب أبيض وهو وافق و جبلها ذئب أبيض جميل وده سبب خوف لوجد أنها تروح البيت لكن جيسي قررت تسيبه في بيت أسد و أسد يبربيه مع اسوده عشان وجد وبنات أسد كبروا وبقوا اذكا من سنهم و أسد كان مانع أن أي حد ينزل صور لبناته أو لجيسي وفهد و آوس و
ماحدش اعترض علي قرار أسد وده سبب فضول للصحافه أنهم يشوفوا بنات الأسد اللي الكل بيخلف بجمالهم
وفي نفس الوقت كان سيف بيكبر و علقه بيكر اكتر ودمج أكتر من سنه في سنه واحده وخلص كليه هو وزين و قرورا يفتحوا شركه سوا وبقي وسيم جداً بس هو مش مهتم بحد وعايز يكبر شركته بسرعه و ينافس شركات الأسد
و بنات أسد بقوا عندهم عشرين سنه وبقوا بيعشوا أسد و قربين منه جداً وقرورا ينزلوا الاجازة ديه ذي كل سنه مصر عشان يقعدوا مع أهلهم و كلموا جيسي مكالمه فيديو علي اللاب توب معاهم آوس
جيسي قابلتهم بابتسامه ساحره : أهلا ببنات الأسد واحشني اوووووي
الأربعه في صوت واحد : جيييسسسي
جيسي ضحكت
نور بحب : وحشتيني أوي يا جيسي
جيسي : وأنتي كمان يا قطتي الحلوه
نورين : اه يا ست جيسي ما نزلتيش فرنسا ذي ما قلتي ليه
جيسي : طلعلي شغل ضروري وكان المفروض ابقي في تركيا وأنتي عارفه أن الشغل اتراكم عليا بعد موت جدو وعلي العموم أنا كنت هكلمك عشان ابارك ليكي أنتي و آوس علي الجائزه بتاعته افضل مصممين للسنه أنا بجد فخوره بيكي أنتي و آوس يا نورين
نوران : لا الشغل ده ماينفعش إيه تكلمينا ديه احنا بنكلمك عشان تنزلي مصر هتقعدي الاجازه سوا السنه ديه وكمان أسد يا ستي واكل نفوخي عشان تنزلي وعلي فكره ده أمر من الامبراطورة
جيسي بضحك : طالما كدا أنا هحضر الشنطه دلوقتي حالا وبعدين أسد وحشني أوي
آوس : طب يلا بقي يا جيس روحي حضري وشويه تبقي في المطار
جيسي : حاضر يا آوسي
وفعلا الخامسه نزلوا مصر و اتقابلوا في المطار وراحوا قصر عز الدين وراحوا القصر اللي أول لما الكل القصر انقلب و آسد في الوقت ده كان قاعد مع أليف و رأفت سوا وكل واحد معاه مراته وسمعوا دوشه
أسد : إيه الصوت ده
أليف : مش عارف
رافت : تعال نشوف
البنات أول لما شافوا أسد صرخوا وجريوا عليه ونطوا عليه وحضنوه و وقعوا كلهم في الأرض والباقي قعد يضحك عليهم
نوران وهي بتبوسه : وحشتني اوي يا أسدي
نورين : أسدي الحلو وحشتني اوي
نور: والله يا ابو الأسود ليك واحشه
جيسي : أسدي المز وحشتني اوي
وهو ضحك : طب واحده واحده
وسلموا علي الباقي وكل واحده طلعت خدت شور ونزلت لقوا فهد جه قعدوا يهزروا معاه و يضحكوا
ومره واحده جه اتصال لأسد أن فيه مشاكل في الشركه و تسد راح ورفض يخلي حد يروح معاه ويجي اتصال لنوران يخليها تتنفض بخوف
نوران بأمر : نورين نور جيسي فهد آوس يلا معايا بسرعه
جيهان بخوف : في ايه يا نوران
نوران : مافيش في بس شغل يا جيجي اهدي أنتي بس يلا يا شباب
الخامسه خرجوا سوا والكل بقي في حاله قلق
جيهان بدموع : حاسه إني قلبي مقبوض
شمس : اهدي يا جيجي أن شاء الله خير
جيهان بدموع : حد يتصل بأسد أنا حاسه أنه فيه حاجه
ومره واحده يجي اتصال لأليف ويوقع التليفون منه
رافت : في ايه يا أليف مالك
أليف : أسد
جيهان بصراخ : ماله أسد جوزي ماله يا أليف
أليف : عمل حادثه و هو في المستشفى
جيهان اغمي عليها و رأفت شالها وراحوا مستشفي عز الدين بتاعه أسد ولقوا جيسي وفهد ونوران ونورين ونورن و آوس هناك وجيسي راحت مع الدكتور عشان تشوف جيهان أما الكل واقف برا
نوران بأمر : أنا داخله
رافت : داخله فين بس استني أنا ادخل اشوفه
نورين : لا احنا اللي هندخل يلا يا نور
رأفت : بس
نور : رأفت في ايه مالك ده أبويا اللي جوا
ودخلوا التلاته وبعد شويه خرجوا وهما مصدومين
اليف : راح عليها : ماله أسد يا نوران
ما حدش رد وده سبب ليهم خوف
رأفت بصراخ : ما حد يرد عليا في ايه
نوران بصوت عالي : مااااتت أبويا مات فاهم يعني إيه يعني ما بقاش موجود سبنا ومشي الكل اتصدم و أليف قعد علي أقرب كرسي ليه أما رأفت كان هيقع فهد سنده
فهد : بابا واحد الله مش يغلي علي اللي خلقه
اما شمس ووجد قعدوا يعيطوا علي الأخ والسند ليهم دائما
نوران بصراخ : مش عايزه اسمع صوت حد بيعيط فاهمين
الكل بص ليهم بصدمه وازاي قوتهم ديه
نورين بأمر للدكتور اللي واقف من أول ما خرجوا : أنت
الدكتور بخوف : نعم يا هانم
نورين : حضر حاجه الغسل عشان إحنا اللي هنغسل ابونا فاهم
الدكتور بخوف : حاضر يا هانم
أليف بدموع : ليه يا نورين ما احنا موجودين
نور : معلش يا أليف احنا موجودين وماحدش هيعمل كدا غيرنا
نوران : ألبرت
ألبرت : نعم يا إمبراطورة
نوران : خبر موت أسد ينزل في الجرائد والمجلات وكل الناس تعرف ده فاهم واتصل علي ماك وقوله ينزل مصر عشان الامبراطورة عايزاه
ألبرت : أمرك يا إمبراطورة
نوران : فهد خد الكل وروح ومعاكم جيهان هي مش هتصحي قبل يومين أنا مش عايزاها تنهار وأنت عارف هتعمل ايه
فهد بخبث اخفاه ببراعة : عارف يلا يا جيس
رأفت : أنا مش هتحرك من هنا
نور بلا مبالاه : إحنا مش بناخد رائيك إحنا بنقول ليك يلا يا فهد
ومشيوا التلاته سوا وفهد خد الكل وروح بيهم ذي ما نور قالت وجيهان اللي مش حاسه بحاجه في كل اللي بيحصل ده
وخبر موت أسد نزل ذي ما نوران قالت والكل اتصدم وشركات أسد خسرت كتير من أسهما في البورصه بعد ما كانت رقم واحد
و في الوقت نفسه كان سيف وأهله بيتابعوا البرنامج
المذيع : يحزنا اليوم موت من أكبر رجال الأعمال المصريين هو أسد عز الدين
الخبر نزل كالصاعقة علي محمود وهنا بصوا لبعض وتابعوا باقي الكلام أما سيف اتصدم هو طول عمره نفسه كان يكون ذي الأسد وذي ما الناس بتحكي عنه
المذيع كمل : أخبرنا بتوكد أن سبب الموت هو حادثه و مراته جيهان فاضل جالها انهيار عصبي نتيجه الصدمه وبنات أسد عز الدين رفضوا أن حد يدخل علي أبوهم وهما اللي عملوا كل حاجه تخص الدفن وما رضوش حد يغسل أبوهم غيرهم حتي أصدقاء عمره أليف الوجداني و رأفت السوهاجي ورفضوا يعملوا أي لقاء صحفي أو يقولوا اي حاجه عن سبب الموت غير أنه حادثه شركات الأسد تخسر كتير من أسهمها في أول يوم يا ترا بنات الأسد هيعرفوا يعملوا المجد اللي والدهم عملة ويلحقوا الشركات من الإفلاس أو أن مجدعز الدين انتهي بموت أسد و إلي اللقاء في حلقه جديده من برنامجنا
بعد البرنامج
أدهم بصدمه : أنا مش مصدق ده كان ليه من يومين عامل مشروع والكل بيتكلم عنه
ياسين بسخرية : اكيد بناته بتوع بابي و مامي دول واللي مقضينها و هيخسروا الدنيا وبكرا تقول ياسين قال
سيف بسخريه : تبقي غلطان دول ولاد الأسد
واديك شوفت رفضوا حد يدخل يغسل أبوهم غيرهم حتي أصحابه و كلمتهم مشيت علي الكبير وبعدين دول ولاد الأسد
ادهم : طب احنا كدا لازم نروح نعزي ولا إيه
هنا : معاك حق يا أدهم
سيف : لما نشوف ولاده هيعملوا عزا ولا لا
_________
وفعلا بناته غسلوا أسد و اتكفن ورفضوا حد يشيل النعش بتاع أبوهم غيرهم وجيسي شالت معاهم وهي وفهد و آوس ديه كانت أول مره بنات تشيل نعش أبوهم وماحدش من الصحافه عرف ياخد صور لبنات الأسد ولا الباقي ولكن عرفوا اللي حصل من الناس و صدمتهم وإن ولا واحده فيهم عيطت ولأول مره البنات هي اللي تشيل نعش أبوها مش الرجاله وسيف عرف كدا هو وأخواته و استغربوا قوتهم وجبروتهم ده
_____________
والكل روح واللي عملوه ده سبب خنق أليف و رأفت وكمان لما عرفوا أنهم مش هيعملوا عزا غير لما حق ابوهم يرجع الصدمه الأكبر أنه عرفوا أن أسد مات مقتول لأن العربيه مش فيها فرامل بس ما رضوش يقولوا مين حتي جيسي وفهد رفضوا
وماك الاندلسي رجع روسيا بسبب شغل نوران طلبته منه وهي هتحصله بعد فتره هي و أخواتها و جيسي نقلت شغلها لمصر عشان تديره من مصر الفتره ديه
ومر أسبوع علي وفاة أسد وجيهان حبسه نفسها في الأوضه ومش بتاكل ولا بتشرب والكل قاعد في اوضة المعيشه
رافت : هنعمل إيه في جيهان
أليف : معاك حق حالتها بقت وحشه أوي
شمس : أنا قلبي وجعني عليها
وجد : مش أنتي بس ده الكل كلنا خسرنا السند والأخ
نوران ببرود وهي بتشرب القهوه: ولا تعملوا أي حاجه هي بتطلع حزنها ولما تروق هتخرج لوحدها وتبقي كويسه
نورين : اه وماحدش يضغط عليها
نور : ماشي
جيسي بتأييد: معاكي حق
رافت بزعيق : أنتوا ايه أنتوا السته ما فيش دم ابوكم اللي مربيكم مات وأنتوا قاعدين كدا بكل برود حتي رفضتوا أن احنا نغسله أو نشوفه للمره الاخيره وكمان أنتوا اللي شيلتوا النعش إيه الجبروت ده ولا كمان فهد بيه اللي كنت مبسوط إنك واخد من أسد لكن أنت عمرك ما تبقي ربعه حتي جاتكم الأرف عيال عره ينعل أبو اللي عايز من خلفتكم
وخرج ووراه شمس
نورين بعصبيه : هو بيزعق ليه بقولك إيه ياعم فهد قول لأبوك يهدي علي نفسه كدا ماشي عشان هو مش عارف حاجه يبقي يسكت أنا عمر ما ابويا رفع صوته عليا عشان نبقي حلوين سوا ومش اقتل حد وأنت عرفني كويس
وطلعت اوضتها ورزعت الباب وراها
نور بصت ليهم : دلوقتي المشكله مش دي هنحل الموضوع مع رأفت بعدين الشركه يا نوران أسهمها بتقل اوي وبطريقه خطيره
أليف : ما أنتوا لو تريحونا وتقولوا بتفكروا في ايه انتوا الخمسه
آوس : اهدي يا حج وكل وقت وليه اذان
نوران : جه الوقت اللي نرجع الشركه تاني يلا الكل يطلع يستريح وينام شويه عشان عندنا شغل كتير بكرا
جيسي : ماشي يلا تصبحوا علي خير
فهد : وأنتي من أهل الخير يا قلب الفهد
جيسي بصت ليه مع ابتسامه وباست خده وطلعت تنام
_________________
وكل واحد طلع علي اوضته ونام وفي الصبح نوران صحيت وخدت دوش بارد و صحت اخواتها وجيسي عشان يجروا ذي كل يوم وأن هما مش هيغيروا حاجه أسد علمهم ليهم ولبسوا لبس رياضي وجيسي فكت الذئب الأبيض اللي كان هديه من أسد ودلوقتي كبر جداً و نوران فكت الأسد بتاعها وكان هديه من أسد في عيد ميلادها العاشر ونور فكت النمر بتاعها نورين فكت الذئب الاسود بتاعها وكل واحده بتجري وجنبها الأسد أو النمر أو الذئب بتاعها وكان شكلهم بخوف اي حد و ووجد بصوا عليهم بفخر من فوق ومعاه رأفت وشمس ورافت اللي حس أنه جرح بناته أو أنه دايما بيعتبر بنات أسد بناته وحس أنه زعل ابنة وبعد ما خلصوا جري كل واحدة طلعت و خدت شور ونور راحت تصحي فهد و جيسي آوس ونزلوا علي الفطار وما حدش استجراء أنه يقعد مكان الأسد و رأفت اعتذر لابنه و لنورين ونوران ونور وجيسي و آوس بس لقاهم مش زعلانين منه ونور بصت علي كرسي أبوها بحزن و خبث العقرب و حلفت أنها هتندم اللي كان السبب أما فهد مسك أيدها
فهد بهمس : أنا دايما جنبك
نور بنفس الهمس مع ابتسامه : عارفه يا فهدي الحلو
أما رأفت بص لابنه بفخر أنه دايما السند لاخواته البنات وجيسي اللي بصت لاخوها التاني و ابتسمت
و نورين بصت للكرسي بعيون ذي الدم وحلفت أنها لتخليه يتمني الموت أما نوران خدت اخواتها وكل واحده ركبت عربيتها وراحوا الشركه في دخله اسطوريه والكل خاف من شكلهم الجدي ذي أبوهم الرجاله والبنات اللي اتصدمت من جمالهم أمروا الكل أن الشغل يمشي ذي ما كان شغال من الأول و نورين عرفت أن في بضاعه محجوزه في المينا وماحدش عارف يخرجها
نورين دخلت مكتب نوران لقت جيسي هناك ونور و آوس وفهد : في بضاعه محجوزه في المينا
نور : وفي مشاكل في المصانع والعمال عاملين اضراب
نوران : وشركات الهندسه فيها مشاريع واقفه و أصحابها عايزين الشروط الجزائيه
جيسي : هنعمل إيه و هنحل إيه بالظبط
نور : أنا هاخد فهد ونروح المصانع و نكلم العمال وأنا هعرف احل الموضوع ده
نورين : وانا هسافر اسكندريه مع آوس وهاجي علي بالليل وهروح اشوف حيلتها اللي مش راضي يدخل البضائع و رحمه جدي لخليه مش لاقي ثمن رغيف العيش ونشوف مين فينا اللي هيقدر علي الثاني
نوران : و أنا هحل مشاكل المشاريع وهكلم أصحابها النهارده عشان يجيوا وأنتي يا جيسي ولا هتشتغلي في شركات الهندسه ولا المصانع
جيسي : أومال ايه يا ليدي
نوران : في مناقصه الكل متوقع أن إحنا هنخسرها بموت أسد بس مش احنا أنا وأنتي والباقي هنشتغل فيها بعد ما الكل يرجع بس أنا طالبه منك تعرفي مين اللي داخل المناقصه ديه
جيسي وهي خارجه : اعتبري ده حصل
نوران : الكل يعمل اللي اتفقنا
وفعلا نورين وآوس راحوا اسكندريه ونور فهد راحوا المصانع عشان العمال ونوران طلبت من السكرتيره تعمل مقابلات مع العمال أصحاب المشاريع النهارده وفعلا كله اتعمل ذي ما قالت
نوران غمضت عيونها و علي وشها ابتسامه مكر : الواحد بقاله زمن ملعبش مع حد و جات الفرصه
يتبع
اللي اللقاء في الحلقه القادمه
ياترا مين اللي موت أسد بنات أسد هيعملوا إيه في المشاكل اللي نازله علي دماغهم ديه هيحلوا مشاكل المصانع والشركات بتاعته الهندسه والمناقصات جيسي هتعرف تجيب معلومات مين اللي هيكسب المناقصه ديه شركات الأسد ولا السلطان
