رواية بنات الاسد الفصل الثالث3 بقلم السلطانة نور القمر

بنات_الأسد 

الحلقة_الثالثة 

                                              

في المصانع....... 

                      

العمال عاملين اضراب الكل عمال يشتم و يزعق وتدخل نور وفهد والكل أول لما يشوفها يسكت 

نور بثبات : ايه اللي بيحصل هنا ده 

عامل في المصنع : احنا عايزين كبير عشان نتكلم معاه 

نور بسخرية : مش لما تبقي أنت كبير تبقي تتكلم وبعدين أنت اساساً فيه اكبر منك يبقي تخرس أنت 

العامل : أنتي ازاي......  

نور بعصبيه غير معهوده : أنت يالا اتلم بدل لما المك بطريقة مش هتعجبك فاهم ومش انتوا عايزين حد كبير هتلاقوا احسن من بنت الأسد وبصت للعمال اللي استغربوا أنها بنته 

نور بهدوء : أنا ابقي نور أسد عمر عز الدين بنت أسد  

عم حسين وده مساعد أسد في المصانع كان لسه داخل المصنع : اهلا يا نور هانم منوره 

نور بهدوء : شكراً ازيك يا حسين 

حسين : الحمد لله يا هانم تعالي نتكلم في المكتب 

نور : أنا مش جايه عشان اقعد ولا اشرب أنا جايه عشان اشوف الاضراب اللي حاصل ده وأنا عايزه واحد بس يتكلم باسم الكل اختاروا أو حد يطلع وأنا هسمع كل كلامه و طلباتكم كلها اتفضلوا وفعلاً اختاروا واحد وهو أكبر واحد فيهم واسمه عبد الرحمن 

عبد الرحمن : احنا مش عايزين اكتر أن نشتغل واحنا هنا مافيش مواد للتصنيع وبصراحه أنتوا مش ذي ابوكم ﷲ  يرحمه في عز المشاكل كان بيبقي قوي أما أنتوا وسكت 

نور ضحكت بسخرية : إحنا إيه بقي ما تكمل واكملت بجديه وبصوت واثق مش بيخوف ولا عالي لكن اداها رهبه و كبرياء : ولما أنتوا خايفين علي الشغل أوي كدا حد فكر إيه سبب التأخير  أو حد فكر يجي ويتكلم معانا ذي البشر الطبيعيه لما بتعمل وأحنا لسه ابونا ميت من يومين وأنتوا بتفكروا في شغل الشغل كآن اللي مات ده كلب وراح ده بقي اللي عندي اللي عايز يمشي الباب يفوت جمل عادي واللي عايز يبقي و يساندنا ذي ما كان بيساند في عهد أبونا براحته أنا مش هجبر حد وكل واحد هياخد فلوسه قبل ما يمشي عشان مش احنا اللي ناكل حق حد اختاروا وعايزه اسمع اجابه حالا 

                      

أما الكل بص ليها بكسوف و احراج من اللي عملوه 

                      

عبد الرحمن : إحنا اسفين يا بنتي بس إحنا كنا خايفين وأحنا معاكوا ذي ما كنا مع ابوكم ﷲ  يرحمه وماحدش هياخد جنيه غير لما كل حاجه ترجع ذي ما كانت 

                      

نور بهدوء : أنا مقدره خوفكم ده و أن أنتوا كنتوا فاكرين أن احنا هنمشي حد بس أحب أقول ليكم أن المواد هتوصل النهارده وعلي بكرا بالكتير المصانع بتاع الحديد والصلب ومصانع الأسمنت والرخام الكل هيشتغل بكرا ودلوقتي الكل ياخد نفسه ويروح كدا عشان بكرا في شغل كتير جدا و الطلبيات هتتسلم في معادها واكملت بمزاح : يلا من هنا بقي 

الكل ضحك و حبوها جداً وهي كمان والكل روح ذي ما نور قالت وطلبت من حسين الحسابات وقعدت هي وفهد يشوفوا الخسائر اللي حصلت في اليومين دول 

                      

__________________ 

                      

في اسكندريه في المينا........  

                      

نورين دخلت هي و آوس والكل بيبص عليهم وعلي جمالهم وسألوا علي الضابط المسئول عن الشحنه وراحوا ليه و نورين دخلت وقعدت علي الكرسي من غير استاذن والضابط اتصدم من وقحتها أما آوس كتم ضحكه علي الضابط 

مروان : أنتي ازاي تقعدي كدا من غير استاذن وأنا 

نورين قاطعته وشالت نظاره الشمس من علي عيونها : اخرس يالا و اترزع هنا 

الضابط مروان اتصدم من كتله الجمال اللي قدامه وأسلوبها المتناقد معاها خالص : نعم 

نورين ببرود : لا نعم ديه جايه بعدين أن شاء ﷲ عشان أنت هتسمع اللي عمرك ما سمعته مني ومش هتصدق أنه يطلع من البوق الكلام ده و اكملت بقرف : أنت بقي مروان 

مروان اتوتر للحظه منها و بلع ريقه بصعوبه و حاول سكون هادي : ايوا أنا انتي مين 

نورين : أنا عزرائيل ان شاء ﷲ اللي هياخد روحك  و مسكته من ياقه القميص أما آوس قعد يضحك علي  منظر مروان 

نورين بعصبيه : أنت مين أنت عشان مش راضي تخرج الشحنه من المينا 

مروان بلع ريقه بصوت مسموع : إني شحنه 

نورين ضربته بالبوكس في وشه : اه هنبدا عبط من أولها 

مروان وهو بيمسح الدم : طب اهدي بس و شحنه ايه أنا مش مسئول عن حاجه واحده بس وبعدين أنا مش راضي امد ايدي عليكي عشان أنتي بنت بس 

نورين : لا رجل  ياض اسمع يا روح امك إذا كنت فاكر إني هخاف وهكش منك تبقي غلطان و الشحنه بتاعته شركات الأسد تطلع فاهم 

مروان بتوتر : هو أنتي تبع شركات الأسد 

نورين بسخرية : لا أنا من أصحاب شركات الأسد أنا نورين أسد عز الدين 

مروان بصدمه : نعم 

نورين : لا ده أنت اطرش بقي هي كلمه ومش هقولها تاني الشحنه تطلع فاهم وإلا ورحمه أبويا اللي عمري ما حلفت بحاجه تخصه كدب لخليك منور في موسيقى الشرطه كدا وتبقي ماسك بدل المسدس طبله 

مروان بتوتر : الشحنه بتتفتش وأحنا جالنا بلاغ أن فيها مخدرات 

نورين : لا ازاي وأحنا عنيا للحكومه المصريه يا سلام اسمع يالا مخدرات إيه اللي بتتكلم عنها أنت أمك كانت بتتوحم فيك علي تخلف ولا شكلك كدا شركات الأسد هتاجر في المخدرات طب اسمع بقي الشحنه تطلع ودلوقتي فاهم 

مروان : علي فكره كدا اسمها تعدي باللفظ والضرب لرجل شرطه يقوم بعمله و أنا ممكن احبسك واطلب تعويض 

نورين : طظ 

مروان بصدمه: نعم 

نورين بسخرية : مش أنا قولت ليك أن الموضوع مطول في نعم إيه رائيك تعمل محضر و أنا اعمل محضر ونشوف إني اللي هيمشي تعدي باللفظ ولا تحرش لبنت رجل أعمال ليه سمعته ولا ايه يا آوس 

آوس : طبعا وكمان أنتي سبقتيني علي المكتب ولقيته لا لا لا لا لا مش قادر اكمل 

مروان : ده أنتوا عصابه بقي 

نورين مسكته من القميص تاني : لا العصابه ديه عليها وقت شويه اسمع يالا بدل ما اقسم بالله اقسمك هنا والرجل يحوش عنك الشحنه تطلع 

مروان بخوف : حاضر علي بكرا بالكتير 

نورين : لا النهارده وكمان الضابط بتوعك هما اللي يشلوها ولا تحب تنور موسيقيه الشرطه وأنا اعرف هناك ألف مين يساعدني 

مروان : اللي أنتي شايفاه 

نورين : احبك و أنت شاطر و بتسمع الكلام وابقي قول للي بعتك مش بنات الأسد اللي بيتلعب معاهم عرفت هتوصلها لمين 

                                      

                        

مروان بتوتر : قصدك مين أنا قولتك أن الشحنه كانت واقفه عشان محضر مخدرات 

نورين : وأنا عايزه اشوف المحضر ده 

مروان : نعم 

نورين ضحكت بصوتها كله بصتله بشراسه  : لو أنت فاكر أن الحوار العبيط ده علي حد من بنات أسد تبقي غلطان مخدرات إيه أنت بتكلم بنت في  ابتدائي ده اوديك البحر و ارجعك عطشان بس أنت حسابك مش خلص  معايا ولا ايه يا آوس 

آوس بضحك : اللي أنتي شايفاه يا سلطانه 

نورين  : استعنا علي الشقي بالله 

نورين أدت مروان علقه محترمه وبعد كدا مسكت الجاكيت بتاعها و مسكته في أيدها وعدلت هدومها : يلا سلام بقي يا مارو ده بس كدا عشان تفتكر السلطانه كويس وعرفت هتقول للي بعتك ايه 

مروان وهو تعبان من الضرب : عرفت 

نورين : شاطر يا مارو يلا البضاعه بقي عايزه أروح قبل الليل 

مروان : حاضر 

وفعلاً الشحنه طلعت و نورين خدتها و ودتها المصانع عشان تشتغل بكرا ذي ما نور قالت وراحت لفهد ونور هي و آوس عشان يساعدوهم في الشغل الباقي و الأربعة  قعدوا في المكتب اللي في المصنع يشتغلوا عشان المناقصة الجديده 

 ___________________

في الشركه نوران عملت مقابله مع أصحاب المشاريع والكل قاعد في اوضة الاجتماعات مستني اللي بعته كلهم مره واحده و بيتكلوا و يسمعوا مره واحده صوت كعب وتدخل منه بنتين أحلا من بعض وهما جيسي ونوران ونوران لابسه بدله مكونه جاكيت باللون الأبيض وهوت شورت باللون الأبيض مع بادي باللون الأسود وعامله شعرها علي ديل حصان بصرامه 

وجيسي لابسه جيبه من الجلد مع بادي باللون الاسود و بوط لحد بعد الركبه 

والكل اتصدم من جمالهم 

نوران دخلت هي وجيسي وقعدوا في الكراسي اللي في النص معادا كرسي أسد فضل فاضي 

نوران بعظمه : أنا ابقي نوران أسد عز الدين 

شاكر وده رجل اعمال : أنتي نوران الامبراطورة 

نوران : اه أنا 

نادر وده رجل اعمال اكبر من نوران بشويه يعني في الثلاثينيات : و أنتوا بقي مافيش رجل يتكلم معانا بعتوا اطفال 

جيسي ضحكت بسخرية  : أطفال أنت عارف الأطفال دول ممكن يعملوا فيك إيه يا شاطر أنت ده إحنا كنا بندرس ونتعلم وأنت كانت ماما بتاكل سيادتك 

نادر : وأنتي مين أنتي عشان تتكلمي كدا معايا 

جيسي ضربت علي المكتب بغضب : أنا ابقي جيسي الوجداني الاميرة سمعت عنها ولا اسمعك 

أما الكل سكت بصدمه من أن من أكبر سيدات أعمال في لندن وروسيا وتركيا وفرنسا طلع عمرهم مش بيتجاوز اكبر واحده فيهم ٢١ سنه 

نوران : احنا مش جاين النهارده ولا نتخانق ولا نتعرف و اظن أن إحنا سمعتنا غنيه عن التعريف وأنا بدير فرع امريكا من لما كان عمري ١٦ سنه وليا اسمي وسمعتي يمكن في ناس ما كنتش تعرف أن أنا بنت أسد وفي اه لكن ده مش موضوعنا أنا جمعت الكل النهارده عشان المشاريع اللي واقفه وماحدش يقاطعني المشاريع هتتعمل و تتسلم في المواعيد المحددة من غير تأخير وأن كل حاجه هتمشي ذي ما هي حتي بموت أسد  

نادر باستخفاف : ازاي بقي وأنتوا عندكم مشاكل قد الدنيا إيه سوبر مان أنتوا 

نوران ببرود : اسمع يا ابني أنت عشان أنا مش هعيد كلامي مرتين ده اللي عندي فاهم ولا لا تاني حاجه أنت اصلا شركتك خسرت كتير الفتره اللي فاتت ديه عشان كدا اشتغلت مع شركات الأسد عشان أنت عارف أنها هتغوض خسرتك اللي فاتت ديه و أسد كان عارف وسكت قال عيل بقي وكمان عشان أبوك ياسر كان صاحب أبويا فعشان كدا سكت ونبره صوتك لو استخفت بيا أو باخواتي وربنا في سماه لخليك تندم اللي باقي من عمرك علي اللحظه ديه 

أما الكل خاف من برودها وكلامها وباين أنها واثقه من كلامها أما نادر اتصدم أنها عارفه بخسارته اللي أخفاها ببراعه وعرف أنها مش قليله 

                

                        

جيسي كملت : وطبعا اللي مش عايز يكمل هو حر أما اللي هيكمل هتبقي مسئوله عن التصماميم السلطانه نورين أسد و شركات علمدار المسئوله عن الديكور وطبعا الكل سمع عنها وهي بتاعتي 

وفعلاً الكل وافق علي كلام نوران وجيسي أما الإعجاب ابتدأ يكبر من نادر لنوران بعد ما الكل مشي نوران لسه هتمشي لقت نادر بينادي عليها 

نادر : آنسه نوران 

جيسي وهي بتبص ليه بقرف : طب يا امبراطورة أنا ماشيه ورايا شغل ولما تخلصي مع البتاع ده أبقي تعالي سلام 

نادر بصدمه : بتاع 

نوران ببرود : سلام يا جيسي وبصت لنادر 

نعم يا نادر بيه خير في حاجه 

نادر باحراج : أنا عايز اعتذر علي اسلوبي  متزعليش  مني بس أنا ما كنتش اعرف إنك بنت الأسد وغير كدا الامبراطورة

نوران بلا مبالاه : عادي في ناس كتير مش تعرفني ولا يهمك يا نادر بيه 

نادر : ليه بس أنا نادر وأنتي نوران ونبقي أصدقاء 

نوران ببرود : سوري يا نادر بيه الالقاب مطلوبه وياريت اسمي الامبراطورة أو نوران هانم واحنا مش قاعدين في رحله عشان نتصاحب أو نتعرف احنا بتشتغل وأنا مش عندي ثانيه واحده اضيعها في كلام جانبي عن اذنك واه مشروعك هيتسلم في خلال شهرين بالكتير يعني في المعاد وقبله كمان نورت وسابته ومشيت أما هو بص عليها بإعجاب 

نادر بإعجاب : ذكيه اكتر من لما سمعت وكمان بنت الأسد و أحلي من لما كانوا بيقولوا عليكي يا خرابي هو فيه عيون كدا اوعدنا يا رب

ومشي من الشركه 

___________________ 

في مكان تاني نحط الضوء عليه 

مروان الضابط بوجع : ﷲ يخرب بيتك يا شيخ 

المجهول بضحك : هههههههههههه ليه بس كدا 

مروان : ديه قادره يا عم البت أول لما شوفتها قولت ملاك أول لما اتكلمت لقيت مسوره شتايم وفتحت وبتقولي ارفع محضر وأنا محضر ونشوف مين اللي هيمشي و لبستني قضيه وقتي بت جبروت ﷲ  يخرب  بيتها و خلتني كمان اخلي الضباط هما اللي يشيلوا الشحنه وكنت هبقي في موسيقيه الضباط 

أما المجهول ضحك بصوته كله 

مروان : رعد بص ابعد عني يالا أنا اساعدك في أي حاجه إلا موضوع بنات الأسد ده إذا كانت بنت ما كملتش واحد وعشرين سنه بالجبروت ده أومال أخواتها الثانين ازاي اكيد هيبقوا العن منها بمراحل وكمان بعتالك رساله بتقولك أنت مش قد بنات الأسد وفعلا البت قادره اعوز بالله منها يارب ما اشوفها تاني ولا هي ولا أخواتها القادرين  دول صح الجمال مش كل حاجه 

رعد بعصبيه : مروان لم لسانك كل إلا نورين فاهم 

مروان بهدوء : رعد عشقك لنورين ده غلط  وأنت متوقع أنها ما تعرفش إنك اللي قتلت أبوها اكيد عارفه وهيجي يوم وتنتقم منك هي واخواتها عشان دول مش من النوع اللي بيسامح 

رعد بعصبيه : لا ده العدل اللي حصل أبوها كان السبب في موت أبويا وأنا قتلته ونورين هتبقي ليا 

مروان : براحتك أنا قولت اللي عليا عشان إحنا أصحاب و أبوك اللي حب أمها عشان تبقي فاكر إذا نورين وافقت اوعي تنسي الامبراطورة ولا العقرب عشان الإتنين العن من بعض اوعي تستقل بنور لا نور ديه عامله ذي العقرب هادي ومره واحده يسمك بالسم بتاعه ولا ماك الاندلسي ولا فهد ولا آوس ولا جيسي ديه كوم تاني و أي حد  لحد عندها ويقف خلي بالك من نفسك يا صاحبي بس معلش أنا بعيد عن الموضوع ده عشان أنا مش قد الجبابره ولا بنات الأسد سلام 

رعد بصوت عالي : حتي وأنت ميت بناتك مش ساكتين و بيحلوا المشاكل أنت إيه بس وربنا في سماه لاخلص من نوران و نور اللي عاملين ليا ذي اللقمه في الزور دول واخلي اسطوره الامبراطورة والعقرب في الأرض أما نورين فهي ليا و بتاعتي أنا لو هموت الكل عشانها و هنشوف يا أسد يا أنا يا بناتك وذي ما خلصت منك هخلص من بناتك الإتنين و نورين هتبقي ليا ويا أنا يا بنات الأسد  

___________________

في الشركه........

جيسي دخلت مكتب نوران........

جيسي : عملت اللي طلبتيه مني 

نوران باستماع : تمام مين اللي داخل المناقصه ديه 

جيسي : شركات الوائل وديه شركات لسه بدأ في سوق العمل ومش ليهم شهره اوي واصحابها تلات ولاد وتلات بنات وكانوا في جامعه واحده وبعد التخرج قرروا يعملوا شركه بس عيال شمال وعايزين فلوس وبس يسيبوا  المناقصه مقابل الفلوس 

وشركات السلطان وديه أصحابها ولاد بس والمالك بتاعها إسمه سيف الجارحي وزين التهامي و معاهم اخواتهم بس هما شغلهم كله سليم ومافيش  حاجه احم ويعني 

نوران بهدوء: كملي يا جيسي 

جيسي بتردد : و شركات الحديدي وفي شركات تانيه بس دول الأهم 

نوران بصت ليها بنظرات فهمتها جيسي كويس وليه لا وهما اكتر من أخوات وعرفت أن الجاي فيه كوارث 

نوران ببرود : اتصلي علي الشباب هما في المصانع وخليهم يجوا عشان هنبتدي شغل في المناقصه الجديده 

جيسي : اوك 

واتصلت جيسي علي فهد وقالت ليه يجيب الكل الشركه عشان يتكلموا في المناقصه وفي ظرف نص ساعه الكل وصلوا ونوران لقتهم عملوا كتير من الشغل وهي كملت معاهم الباقي 

__________________

في شركه السلطان عرفوا أن شركات الأسد داخله المناقصه ومع شركات الحديدي 

أدهم : هما بيعملوا ايه 

ياسين : شكلهم خرف مناقصه ايه اللي يدخلوها بكم المشاكل اللي عندهم ديه

زين : أنا بصراحه مش عارف هما بيفكروا في إيه وازاي ده المشاكل اللي موجوده تهد جبل مش شويه بنات 

سيف بهدوء : للمره الالف اوعوا تستقلوا بيهم عشان دول بنات أسد واكيد بيفكروا في حاجه 

ياسين : تلاقيهم عايزين عرض ليهم ولا حاجه 

أدهم : هما مش من النوع ده و لو كانوا عايزين يعملوا كدا كان في الف طريقه غير ديه 

زين : معاك حق خبر بفلوس بكرا يبقي ببلاش 

سيف : أدهم أنت عملت المناقصه خلاص 

ادهم : اه و هبعت حسام بكرا عشان يقدم بس شوف السعر النهائي 

سيف : تمام واظن أن ده كويس و ولا حد حتي بنات الأسد هيعرفوا يعملوا السعر ده 

ياسين : اكيد بس أنا نفسي اشوفهم بيقولوا التلاته مزز الصراحة 

سيف بنفس الخبث : اه والله وأنا كمان ده حتي ننبسط 

أدهم : طب يلا نخرج بقي شويه 

زين : يلا 

وخرجوا الخامسه من الشركه وراحوا عشان يسهروا مع اقذر ناس علي وجه الارض وهما  خارجين وهم بيضحكوا علي بنات أسد و غبائهم علي حسب اعتقادهم 

ومش عارفين أن بكرا دول هما اللي هيبقوا أسياد الكل وأولهم هما أسياد قلوبهم 

يتبع 

ياترا ايه اللي هيعمله رعد الحديدي عشان يخلص من نوران ونور وهيعرف ياخد نورين منهم بنات الأسد هياخدوا حق أبوهم ازاي جيسي عملت ايه