رواية همسة وجع الفصل الواحد والثلاثون 31 بقلم اسماء العذب

 

رواية همسة وجع الفصل الواحد والثلاثون بقلم اسماء العذب

لايك الاول يا شطار 

31 

#همسه_وجع

صلوا علي الحبيب المصطفى

 

♡_______________♡

 

مشعل كان في اوضته في الفندق وهند في اوضه تانيه لانه رفض يقعد معاها في اوضه واحدة 

ومعاه الأطفال التلاته بعد ماا رفضوا رفض قاطع انهم يسيبوا بعض ..لكنهم كانوا بيلعبوا بالألعاب اللي جابها هشام واللي جابها زيد هو كمان

بينما مشعل قاعد اتبعتت رساله علي تلفونه كانت مكتوبه باللهجه المصريه وكأن محتواها

(حاسب علي مراتك في واحد بيحوم حواليها وناوي ياخدها منك ..انت حر) 

مشعل بسرعه حاول انه يتصل علي الرقم اللي بعت الرساله لكنه لاقاه غير موجود بالخدمة 

ضغط علي التلفون بأيده والتفت للأولاد ولاقاهم منسجمين مع بعض وكأنهم مشفوش بعض من سنين وخم ما كملوش شهر بهاد عن بعض 

لس بسبب قربهم الشديد من بعض بقوا وكأنهم اخوات بجد وفراقهم صعب جدا 

قرب عليهم وهو شايف ابنه واللي اكبر من التؤم وعد ووليد بسنه واحده مبسوط معاهم جدا وابتسم 

لكن ابتسامته اختفت وهو بيفتكر عمايل هند واهمالها لابنها اللي عاني من الوحده وقله الاهتمام بسببها وبسبب هو كمان لانه معظم الوقت مشغول ..لكن الحق الأكبر خليها هي لانها المفروض الام وهي اللي تهتم بده كله

:يلا يا عيال عالنوم الوقت اتأخر ولازم تصحون الصبح للزيارة 

وعد برجاء: معلش يابابا ممكن تسيبنا نلعب شويه وبعدها نقوم ننام بليز 

مشعل بمكر:اي ما في مانع بس انا رايح نام وكنت ناوي اقلكم حكايه قبل النوم ..بس واضح ما تبون مشان هيك بروح نام من غير ما قول شي

وليد وزيد بصوت واحد: لا لا بنروح نام 

وعد بفرحه :خلاص يابابا هنروح ننام مادام هتحكي لينا حكايه قبل النوم 

مشعل ابتسم وهز رأسه وراح علي السرير واتمدد عليه ونام زيد من الناحيه اليمين ووليد ووعد من الناحيه التانيه وهم حاضنين درعاته 

وابتدا مشعل يحكي حكايه كان دايما يسمعها هو وصغير لحد ما ناموا 

وهو بقي بيص علي السقف ويفكر في الرساله اللي اتبعتت ليه وبيفكر مين اللي بعتها واحده ايه بالكلام ده 

معقول تكون هند ..بس دي لسه واصله مصر النهارده بس عي الوحيده اللي يعرفها مش بتطيق همسه بالاضافه إن الرقم كان من مصر بعني حد عارف ان همسه هنا وعارفها كويس ..

المشكله انه ما يعرفش أشخاص كتار في مصر 

معقول يكون حد من أهلها..اكيد مستحيل لو كان كده فعلا فا ايه السبب لا لا الفكره دي مستحيله 

لكنه لازم يعرف هو قصده ايه وهو مين 

مشعل خرج تلفونه ورن علي رقم واول ما فتح قاله الآتي: عاوزك في مصلحة 

♡_______________♡ 

سعيد وعمر ومازن اول ما رجعوا كانوا ساكتين وكل واحد بيبص للتاني نظرات غريبه 

ثواني وجرس الباب رن

اول ما عمر فتح الباب اتجمد في مكانه وهو شايف ابو سمر واخوها وجدتها هم اللي رنوا الجرس 

ابو سمر كان باين عليه الغضب الشديد والعصبية 

بينما جده سمر كان باين عليها التوتر البسيط وهي بتحاول تتدارك الموقف 

سعيد جه ناحيه الباب لما لاقي ان ابنه طول وما ردش علي سؤاله لما قاله هو مين لان عمر من صد.مته مسمعش حاجه 

سعيد اول ما شاف مين اللي علي الباب اتكلم بهدؤ لتن العصبيه مش هتحصل حاجه 

سعيد:اهلا وسهلا يا استاذ عماد اتفضل 

عماد بغضب مكبوت: انت عارف انا جاي ليه يا سعيد 

سعيد بهدوء: عارف لاني كنت هناك ..بس وقوفك علي الباب والزعيم والصراخ مش هيحل حاجه ..بالعكس ده هيبقى الدنيا كلها ..اتفضل بس جوه وكل حاجه هتتحل بإذن الله 

عماد دخل وهو بيبص علي عمر نظرات زي الرصا:ص 

بعدها دخل احمد واللي بصعوبه كان ساكت ومش متكلم بعد ما ابوه وجدته حذروه من الكلام 

واخيرا دخلت جده سمر وهي بتتحرك بسرعه ونفاذ صبر

الكل قعد في الصاله وعماد اتكلم بغل و غضب باينين في صوته ونظرات عيونه: ممكن اعرف ايه اللي حصل الصبح ده يا سعيد وايه اللي ابنك قاله عن بنتي ..ممكن تفهمني الحكايه من اولها لاخرها 

قبل ما سعيد يتكلم اتكلم عمر بسرعه :بعد اذنك يا بابا انا الىي هتكلم ...استاذ عماد بنت حضرتك الانسه سمر صدقني محترمه ومعلهاش غبار زي ما بيقولوا واللي حصل الصبح ده غل ناس وكلام ملوش اساس من الصحه

احمد بأندفاع: وهي ايه يخليها تقف معاك فهمني 

عمر بتنهيده: هو سم..احم قصدي الانسه سمر مش جات البيت قبل كده وكان معاها طفلين صغيرين 

الجده هزت راسها بمعني ايوه وعمر كمل

:الطفلين دول يبقوا ولاد اختي وكانوا تايهين و هي لاقتهم ويوم ما راحت تبلغ كنت انا هناك وشفتهم معاها وعرفت انها لاقتهم وكانت جايه تديخبر للبوليس عشان لو حد سأل عنهم تعرف تتواصل معاه 

واللي حصل لما الراجل والست الناقصين دول شافونا واقفين مع بعض في الشارع كانت والله العظيم بتسأل عليهم واخبارهم ايه ومكلتش دقيقه بالمعنى الحرفي..وانا مش عارف الكلام اللي الراجل الناقص ده قاله قاله ليه ووو

جده سمر قاطعته وهي بتقول بأستنكار: لحظه بس أنت بتقول انهم عيال اختك ..عيال اختك ازاي لا مؤاخذه وانت اختك مش معروف عنها حاجه مم اكتر من خمس سنين 

عمر اتوتر ومعرفش يجاوب لأنه لسه ما اتفقش مع عيلته هيقولو ايه قدام الناس عن رجوع همسه 

ومازن وكأنه فهم اخوه بيفكر في ايه فقال بسرعه:اصل اختي كانت عامله حادثه من سنين وفقدت الذاكره عشان كده ما عرفتش ترجع ولا احنا عرفنا مكانها وابتدت حياه جديده واتجوزت فيها وخلفت واحنا اكتشفنا دع كله من ايام بس وبالصدفه لأنها لسه فاقده الذاكره..

بعدها كمل بتأثر مصطنع: دي حتي يا عيني عملت حادثه تانيه وبقت مش فاكره عيالها وجوزها وكأنها كل ما تعمل حادثه دماغها يحصلها ضبط مصنع تبقي من غير ذكريات 

الجده قلبت ايدها وهي بتردد الحوقله 

لمن عماد اتكلم بنفاذ صبر وغيظ:انا دلوقتي ده كله ما يعنيني في شئ..انا دلوقتي عاوز اعرف بنتي اللي سمعتها اتمست بالكلام والحاجات اللي حصلت دي كلها واخرهم أن ابن حضرتك يا سعيد يطلع إشاعه انها خطيبته ..انا دلوقتي اعمل ايه 

:طب وليه تبقي إشاعه ما تبقي حقيقه وعمر يتقدم للانسه سمر ويحصل ارتباط رسمي مش بس كلام

الكل التفت لمازن اللي قال الكلام ده بكل بساطه

احمد بأستنكار: نعمممممم انت بتقول ايه 

مازن ببساطة أشد: اللي سمعته ليه الاشاعه ما تبقاش حقيقه وعمر يخطب سمر فعلا

عمر بغضب:بس يا مازن انت بتقول ايه 

مازن:اللي سمعتوه كلكم ..ليه انت وسمر ما ترتبطوش بجد وتلبسوا دبل ..لحد ما الناس تبطل كلام وتنسي الموضوع وبعدها لو حبيتوا تنفصلوا عادي ولو كان في وفاق تقدروا تكملوا مع بعض وترتبطوا قولا وفعلا مش قدام الناس بس ها قولتوا ايه 

باااااااااااااااااااااس 

كل واحد يقول رأيه في التعليقات ويقول رأيه في بارت النهارده 

يلا كل واحد قرأ الفصل يعمل لايك وعشر كومنتات 

يلا 

أستودعكم الله 

اسماء العذب(كروان)

الفصل الثانى والثلاثون من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال