رواية بنات الاسد الفصل الرابع بقلم السلطانة نور القمر
بنات_الأسد
الحلقة_الرابعه
🍁🍁🍁🍁🍁🍁🍁🍁🍁
الشباب بتوعنا اشتغلوا علي المناقصة لحد الساعه 3 الصبح والغريب من ماحدش فيهم حس بالوقت والكل عامل تليفونه صامت عشان الإزعاج و يرن تليفون فهد برقم أبوه وفهد يحس بيه ويرد
فهد : الو يا بابا
رأفت بعصبيه: أنتوا فين يا فهد كل ده في الشغل
فهد بأستغراب : ليه الساعه كام
رأفت : الساعه 3 الصبح يا بيه حالا أنت و البهوات اللي معاك علي البيت فاهم
فهد : ماشي ربع ساعة ونبقي في البيت
جيسي : في إيه يا فهد
فهد : في بلوه سوده يا اختي الساعه 3 الصبح
نوران : اه عشان كدا رأفت بيتصل
نورين : طب يلا نروح بقي
نور بنوم : اه عشان أنا هقع منكم هنا
آوس : طب يلا بينا
و فعلاً السته روحوا البيت وما خلصوش من رأفت و أليف بعدا كدا كل واحد طلع علي اوضته عشان ينام و نوران راحت اوضه جيهان لقت اخواتها الاتنين هناك بصت ليهم ابتسمت ودخلوا سوا لقوا امهم نايمه وماسكه تيشيرت لأسد ودموعها باينه علي وشها نورين مسحت دموعها ونور غطتها كويس ونوران باست رأسها و التلاته خرجوا من الاوضه وهم خالفين لرعد الحديدي بالموت وبقوا شكلهم اللي يشوفهم يحلف أنه قدام شياطين بعيونهم اللي بقت باللون الدم ديه بدل الأزرق
وكل واحده دخلت اوضتها ونامت عشان وراهم شغل كتير وماحدش هيعرف ينقذ نفسه من الانتقام ولا النار اللي هيعملوها بنات الأسد
___________________
أما بالنسبه للشباب فكل واحد فيهم راح خذ واحده وروحوا الشقه بتاعتهم ليفعلوا ما حرمه ﷲ ولعن فاعله ولكن لحظه نار بنات الأسد هتجبهم قبل الكل و البادي اظلم
_________________
في الصباح الباكر.........
نوران صحيت و خدت شور و لبست لبس رياضي ونزلت عشان تجري ذي كل يوم مع باك الأسد بتاعها وتروح عشان تصحي أخواتها وتلاقي جيسي بس اللي صاحيه
نوران بسخريه : فين البهوات
جيسي : نايمين الاربعه وماحدش راضي يصحي معايا
نوران بصتلها و سكتت شويه بعد كدا اتكلمت : ماشي تعالي معايا
جيسي ضحكت : تصدقي كشيت من البصه
نوران بصت ليها وضحكت و الإتنين راحوا المطبخ وجيسي خدت مكعبات الثلج في طبق مليان ونوران خدت قزايز مياه ساقعه تلج وراحوا علي اوضة فهد و لقوا آوس نايم معاه وعكس اتجاه ورجله عند وش فهد ورجل فهد عند وش آوس
فهد بنوم وضيق وهو مغمض عينه : آوس ﷲ يخرب بيت كدا هموت من رجلك يا اخي أنت مش بتغسلها
آوس بنوم : بس بقي يا فهد و اتخمد مش أنت و الجبابره عليا
فهد : نام نامت عليك حيطه
أما نوران وجيسي كتموا ضحكهم بصعوبه عليهم حتي وهما نايمين بيتخانقوا جيسي غمزت لنوران نوران هزت بدماغها
وجيسي راحت حطت تلج في قفا فهد ويقوم مفزوع ويوقع آوس من علي السرير وتروح نوران في نفس الوقت دلقت ازازه مايه علي دماغ آوس والإثنين لسه هيشتموا لقوا نوران وجيسي هما اللي واقفين
آوس ببلاها : ايه ده هو أنتوا
جيسي بتحذير : كنت ملاحظه إنك هتقول حاجة
آوس بنفس ببلاها :وهو أنا أقدر يا أميره قلبي
فهد بضيق وهو يمسح وشه عشان يفوق : في حد يصحي حد كدا يا قادره منك ليها احنا نايمين الساعه 4 الفجر ارحمي أمي أنا ايه اللي جبني هنا بس ما كنت روحت بيتنا احسن من القرف ده
نوران بصتله و أبتسم ببرود : خلصت موضوع كل يوم اخلص منك ليه كل واحد يقوم يلبس وأنا وجيسي هنروح نصحي الباقي و اكرام مني مافيش تدريب النهارده عشان أنتوا تعبانين
فهد بسخريه : لا و ﷲ كتر خيرك
نوران : مش عجبك يا فهد بيه ولا أنا متهيالي
فهد بصلها بنرفزه و قام من غلي السرير : داخل ارحموا بقي اللي جبوني بقي ودخل الحمام وزع الباب وراها
أما جيسي كتمت ضحكها وخرجت هي ونوران أما آوس لسه واقع في الأرض
آوس بالم : منكم لله ياولاد أسد وقبلهم أختي القادره ااااه يا آوس يا صغير علي كسره الضهر أنا أقوم اللبس احسن
وراح اوضته ودخل خد شور و بيلبس نسيبه يلبس و نروح للباقي
نوران تدخل اوضه نور تحس بهواء جاي تلاقيها واقفه في البلكونه بتاعته الاوضه بتاعتها وعيونها ذي الدم نوران حطت أيدها علي كتفها ونور تبص ليها
نوران بحب : أنا جنبك دايما اعرفي ده
نور بنفس الحب : عارفه
نوران : قطتي الحلوه أنتي مش بس قطه أسد لا أنتي قطه الكل ونوري أنا بذات أنتي حته من قلبي عشان انتي تؤامي الغالي أنا بحس بيكي أنتي و نورين و حاسه بالنار اللي جواكي وهي نفس النار اللي فيا بس مش حلها السكوت دايما أو تشيلي الهم لوحدك أنا اه هادئه بس بعرف استغل ده بس مش في الأوقات أنا مش هغصب عليكي تحكيلي لما تبقي عايزه أنا موجوده
و جات تمشي سمعت صوت نور بخبث خافت منه علي أختها
نور بخبث : مش عايزه تعرفي هعمل إيه
نوران بصت ليها بجمود و اتكلمت : إيه
نور بخبث شيطان : هخلي الكل يحلف باسم العقرب و غلاوه أسد اللي محلفت بحاجه تخصه كدب لخلي رعد الحديدي يتلفت حوالين نفسه من الخوف مني أو مجرد ذكر أسمي ويا أنا يا رعد الحديدي
نوران بصت ليها ببرود وخرجت من غير ما تتكلم أما نور بخبث : و غلاوتك يا أسد لخلي الكل يحلف إنك مش خلفت بنات بس لا ده أنت خلفت شياطين والكل يحلف باسمنا ويا أنا يا رعد الحديدي و هنشوف والأيام بنا بس ليه بدري علي اخد الحق
__________________
أما عند نورين جيسي دخلت ليها لقتها قاعده علي اللاب توب و لبسه نظاره نظر وباين عليها قله النوم
جيسي : أنتي صاحيه أمتي
نورين بسخرية : صباح الخير يا جيس ده الواحد المفروض يعمل كدا لكن أنتي بسم ﷲ ما شاء الله مش محتاجة
جيسي ببرود : بلاش تتوهي الموضوع وأنا مش عرفاكي إمبارح بتعملي ايه
نورين رجعت بظهرها لورا و اتنهدت بتعب و هي بتمسح وشها : في شغل المفروض يتبعت فرع فرنسا مش عايزين مشاكل أكتر من كدا وأنا بعت التصماميم ليهم بفكس أنتي بتعملي إيه هنا
جيسي : ماشي نوران قالت ليا اروح اصحيكي يلا قومي البسي عشان ننزل
نورين وهو بتقفل اللاب : ماشي
جيسي : نورين
نورين بصت ليها وجيسي راحت حضنتها و نورين بدلت ليها الحضن
جيسي : وحياة أسد عندي لنتقم كلنا سوا يا ابتسامتي بس مش وقته و أنتي عارفه
نورين : عارفه يا جيسي عارفة
جيسي : طب يلا روحي البسي بقي بدل ما الامبراطورة تولع فينا
نورين بضحك : ماشي بس إذا كانت هي الامبراطورة فأنا السلطانه بنت الأسد ونفس الدم بيجري في عروقنا
جيسي : ماشي يا هانم أما اروح البس
وكل واحد يروح اوضته ويعمل الروتين بتاعه ماعدا نوران تفك باك وتجري وهو يجري معاها
نوران في نفسها : أنتقام نور غلط كدا هيحرق الكل وأولهم هي وسكوت نورين ده في كارثه جايه معاه بس أنا مش هسمح أن حد يقرب منهم أو حتي هما ياذو نفسهم وأنا عارفه أنا هعمل ايه
وتطلع اوضتها وتتصل علي الكينج
( آسر المنشاوي بطل روايه اسيره ماضيه )
آسر : ازيك يا امبراطورة ليكي واحشه
نوران : و أنت اكتر يا كينج عامل إيه
آسر : تمام المكالمه ديه وراها سر أحب اعرفه و بجد زعلت علي اللي حصل لأسد و معرفتش انزل مصر عشان أنتي عارفه إني مش علي توافق مع البلد ديه
نوران بضحك : طول عمرك ذي أسم علي مسمي كينج
آسر ابتسم وهي اتكلمت ليه بجديه
نوران بجديه : آسر الكلام ده بيني وبينك وماحدش لازم يعرفه أنا اتكلمت معاك عشان عايزه مساعده منك وماحدش هيعرف غيرك يحقق ليا اللي أنا عايزاه
آسر بجديه و ببرود : اطلبي وأنا انفذ وأنتي عارفه لما الكينج بيقول حاجه بيعملها
نوران : عارفه اسمع يا سيدي .................
آسر ضحك : يا ولاد اللعيبه طب وربنا كنت حاسس عشان كدا منزلتش
نوران بضحك : طول عمرك ذكي بس في حاجه أهم
آسر : إيه
نوران : نورين و نور بيلعبوا من ورا ضهري وكل واحده بتفكر في حاجه وأنا لازم اسيطر علي الموضوع ده المطلوب منك أنا هبعت ليك طرد آسر الطرد ده خبيه فاهم حتي أنا مش عايزه اعرف مكانه غير لما أنا أقولك بس في علمك أنه شكله هيبقي معاك فتره كبيره
آسر : اعتبري حصل وأنا هبعتلك رجاله عشان يبقوا جنبك غير اللي معاكي
نوران : ماشي يا كينج مستنيه عشان شكل اللي جاي شيء مختلف وزمان الطرد قرب يوصل
آسر : ماشي نوران لو عوزتي أي حاجه أنا جنبك فاهمه و أنا ممكن اخلصلك علي رعد الحديدي ده من مكالمه تليفون وأنتي عارفه أنا ممكن اعمل ايه
نوران : عارفه يا آسر والكل بيشهد بقوتك و جبروتك بس أنت تعرف إني مكالمه مني مع ماك الاندلسي أبن جون رعد الحديدي و اسطورته هتبقي في الأرض بس تقدر تقول عايزه العب شويه أهو حتي نتسلي ويعرف أنه بيلعب مع مين العيب الوحيد اللي عمله أبويا أنه مش عرفهم أن اللعب مع عيله عز الدين غلط بس أنا هعرفه هو وأهله كلهم و أنت لسه عارف أنه لسه بدري علي إني انتقم لسه في كثيره اعملها
آسر : ماشي يا نوران بالتوفيق واللي قولتي عليه كأني مش سمعت والطرد حتى الجن الازرق مش هيعرف مكانه و الرجاله هتوصل ليكي النهارده مش بكرا
نوران : تسلم يا آسر واكيد هنرده ليك
آسر بابتسامه ساحره : عارف سلام يا امبراطورة
نوران : سلام يا كينج اشوفك علي خير
آسر : مستني اليوم ده اكيد و اللي سمعته مش هفكر فيه مع نفسي ولو احتاجتي مساعده أنا موجود اعرفي ده
نوران : عارفه سلام يا آسر
آسر : سلام
و قفلت نوران مع آسر ونزلت لقت امها تحت فرحت لده جداً وقعدت معاها وبعد كدا استاذنوا وراحوا الشركه ونور راحت المصانع لقت الشغل ماشي تمام و نورين تخلص شغل فرع فرنسا وجيسي بتعمل شغلها من علي طريق النت
_________________
جه معاد المناقصه والكل مستني النتيجه ولكن صدمه لكل الشركات أن المناقصه تروح لشركات الأسد و أدهم وسيف يثوروا ويبهدلوا الدنيا أما عند شركات الأسد الانتصار مخيم علي الكل
- و تاني صدمه للكل أن أسهم أسد ترجع ذي ما كانت وتبقي رقم واحد وده سبب صدمه لسيف وأخواته
وهما قاعدين بالليل ذي العاده يتفاجوا بده
المذيع : صدمه كبيره حصلت في عالم الأعمال شركات الأسد تعود للصداره من أول وجديد وتكسب المناقصه شركه الأسد بعد ما الكل كان متوقع أن الشركات هتفلس لكن مره واحده ترجع كل حاجه ذي ماكانت والمفاجأة الكبري أن الامبراطورة نوران طلعت بنت أسد عز الدين و ده سبب صدمه لمعظم الناس وقدرت الامبراطورة تحل مشاكل الشركات اللي حصلت بعد وفاه والدها و بصراحه أنا حاسس أن النهارده يوم المفاجات و سلطانه التصميم تطلع بنت الأسد الثانيه نورين أسد عز الدين ودلوقتي نتقدر نقول إن كان في ناس مستغربه ليه أسد يمسك شركاته لناس برا العيله ولكن السبب دلوقتي أنهم كانوا بناته وماحدش كان يعرف أما بالنسبه للخبر الثالث البنت الثالثه لأسد عز الدين ايوا بنت مش ولد ولأن الاسد مش عنده أولاد تطلع عقرب الكمبيوتر نور أسد عز الدين واستطاعت حل مشاكل المصانع مع اختها نورين اللي استطاعت بقدرتها تطلع الشحنات اللي كانت محجوزه في المينا وماحدش عارف يطلعها بجد التلاته بنات فخر للعيله عز الدين و بنحب نشكر أبوهم المتوفي رحمه ﷲ أسد أنه طلع من اكبر تلاته سيدات اعمال في العالم مصريين بجد شكراً و رحمك الله
سيف بصدمه : نعم بنات و الامبراطوره بنته طلعت بنته و أنا اقول ليه يمسك الشركه لحد غير بناته و اتريه هما بناته أساسا ده أنا طلعت غبي ازاي ما فكرتش في ده نفس الذكاء بتاع أبوهم و الجبروت و الكسبان من هوا نفس الأسم
ادهم بنفس الصدمه : لا وسيبك من ده العقرب طلع بنت اللي الكل بيحلف بدماغه اللي جنبه الشيطان ملاك تطلع بنت
ياسين بسخريه من نفسه : لا وأنا اللي كنت بقول عيال بتوع بابي و مامي اتريهم ماسكين السوق لا وكمان بناته الامبراطورة والعقرب و السلطانه اللي واخده جوائز تكفي بلد لخبرتها ده كل واحده فيهم معها شهادات ولغات تكفي بلد ده أنا اللي بتاع بابي ومامي وكنتوا مستغربين أنهم يكسبوا المناقصه احب ابشركم أن الأيام الجايه سودا علي دماغ اهلينا منك ليه ولا من ايه من شويه بنات عمر الكبيره فيهم 21 سنه
أما محمود وهنا بصوا لأولادهم بضحك مكتوم
محمود بضحك مكتوم : وأنتوا كنتوا متوقعين أن بنات الأسد اللي الكل بيحلف باسمه بناته مش هيطلعوا ذيوه الأسد يا بني منك ليه بيخلف اشبال وبس حتي لو بنات
وطلع اوضته وأولاده عارفين أن اللي جاي مش خير خالص علي الكل
_____________________
_ وتمر الأيام والليالي والشهور وبنات الأسد سمعتهم بتكبر وكل واحده فيهم بقي عمرها 26 سنه نور فتحت شركات تكنولوجي وبقت من أكبر الشركات في العالم وبقت تنافس الشركات الكبري ذي ابل ومايكروسوفت وغيره
نورين بتبقي اقسي من الأول التصاميم بتاعتها الكل بيحكي عنها ونوران اللي سمعتها كبرت مع كبر عمرها وبقت اذگا من الأول والكل بيحلف بذكائها و جبروتها وبقي اسم شركات الأسد بيتردد في كل مكان وكل واحده فيهم خلصت دراستها وبقوا مقيمين في مصر عشان خاطر جيهان و بيسافروا روسيا باستمرار وده بيسبب خنق لجيهان عشان بناتها بيبعدوا عنها والصحافة والإعلام هيموتوا عشان يعملوا لقاء صحفي مع بنات الأسد
- وجيسي أمها حولت تخطفها اكتر من مره وكل مره بتنتهي بالفشل و حلفت لدمر جيسي
أما جيسي مش أدت ليها اهتمام وفتحت اكتر من فرع شركاء ليها حول العالم وده كبر شغلها واسمها اكتر وأبوها بيفتخر بيها يوم بعد يوم
- فهد بقي رائد في الشرطة وبقي يطلب في المهمات الصعبة ومافيش حد ما يعرفش الفهد وعمل شركات حراسه علي أعلي مستوي وبقت شركته تحرس أكبر رجال الأعمال في العالم وسماها الأسد
- شركات السلطان كبرت وبقي ليها اسمها بس بقي يكره الامبراطورة و أخواتها عشان واخدين منهم السوق بيستنافسوا معاهم في السوق مع شركات المنشاوي
- أما كشماء اشتغلت في جريده في قسم الجرائم وفضائح رجال الأعمال وبقي ليها اسمها وده سبب ليها عدوات مع ناس كبار في البلد ومطلوب يتخلصوا منها
_ وآسيا دخلت كليه تجاره انجلش وبقيت متفوقه في دراستها
و تيجي دعوه لحفله لأكبر رجال اعمال في العالم مع بوكيه ورد من الجوري وكان شكله تحفه و تيجي واحده لشركات بنات الأسد والسلطان و الحديدي و R.H بتاعت آسر المنشاوي وشركات علمدار بتاعت جيسي ويروح البوكيه لمكتب نور وهي تاخد البوكيه والدعوه وتروح مكتب نوران تدخل مكتب نوران تلاقي نورين هناك وجيسي و آوس نورين ماسكه تصاميم عشان نوران تشوفها
نور : شباب ديه عشانكم
و ادتهم الدعوه بتاعت الحفله
جيسي باستغراب : إيه ده
نور : دعوه لحفله لأكبر رجال وسيدات اعمال ها هتعملوا ذي كل سنه والموضوع فركش ولا
نورين بسخرية: حفله ايه وكلام فاضي ايه هو انا بتاعت الكلام ده انا ما بصدق اروح انام بلا حفلات بلا قرف
نوران بهدوء: و الحفله ديه هتتعمل فين
نور : السنه ديه باريس
جيسي بهدوء : للأسف تقريباً جالي واحده بس مش هعرف أروح عشان أنا مضطره أسافر تركيا علي بكرا بالكتير وأنتوا عارفين كدا
آوس : مش مشكله جيس وأنا كمان مسافر معاكي مش هعرف اروح
نورين : احنا اصلا مش راحين
نوران ببرود : مين اللي قال كدا
نور باستغراب : اومال إيه يا ليدي
نوران بخبث : جيه الوقت اللي بنات الأسد يطلعوا ولا إيه رائيكم وبالنسبه لجيسي و آوس تتعوض مره تانيه أما احنا لازم نطلع وده انسب وقت لينا ولا ايه
نور بنفس الخبث : ولا ايه يا ليدي
نورين : وجه الوقت ده أخيراً
جيسي بحماس : ده أنا مستنيه الوقت ده من زمان أخيراً
آوس بضحك : العبوا يا بنات اسد
و الخمسه بصوا لبعض و ضحكوا
نوران ابتسمت بخبث و مسكت القلم و ضغطت عليه : ودلوقتي يبدأ جحيم بنات الأسد والشاطر اللي يكسب
_____________________
ونفس الوقت يدخل أدهم علي أخوه سيف
أدهم : أبو السيوف الدعوه ديه عشانك
سيف بخنق : بطل أم الإسم ده بقي احنا في الشركه هات
وخد منه الدعوه و بوكيه الورد يسيبه علي جنب
أدهم بفضول : ها فيها ايه
سيف بملل : دعوه ذي كل سنه للحفله بس السنه ديه لفرنسا
ويدخل ياسين بحماس : و ياترا بقي المزز جاين و قال باحباط: ولا ذي كل سنه
ودخل زين وسمع كلام ياسين الأخير
زين باستغراب : مزز مين
سيف بسخريه : قصده علي بنات أسد
أدهم باستغراب : وأنت شوفتهم فين
ياسين : مش أنا بس الواد نادر وأنت عارف أنه صاحبي كان شغال معاهم و بيقولي أن الأربعه مزز صاروخ ارض جو
زين : اربعة
ياسين : اه اربعه ما جيسي الوجداني معاهم بس بيقولوا عليها بنت جبروت
سيف بسخريه : ذي أصحابها و ﷲ مهما عملوا أو لو ملكات جمال الكوكب هفضل اكرهم الاربعه و معاهم الذئب آوس ده
ياسين بضحك : اقولك علي حاجه نادر بيقولي أنه حاول يكلم نوران الامبراطورة و بيعاكس فيها لقي مره واحده العقرب خبط علي الترابيزه بيقولي البنت بصت ليه بصه خلتيه ميت في جلده من ساعتها بيقولي بطل يروح لما يعرف أنه نور ديه هناك ولما تبقي اختها السلطانه نورين هناك بيقلب بيخاف منهم أوي
زين : و ﷲ عيب في حقه
سيف بقرف : سيبك من سيرتهم الزفت ديه بقي
ادهم : إيه هتروح الحفله
ياسين : أنا رايح عايز اغير جو
سيف بسخريه : نفسي اشوفك مره مش بتغير جو وأكمل بجديه علي العموم هنروح عشان انا عرفت ان الملك آسر المنشاوي رايح وأنا كنت عايز اشتغل معاه ومره اتعرف عليه واعرض عليه الشغل
زين بتساؤل : اشمعنا الكينج يعني
سيف : آسر ليه إسمه وأنا لما اشتغل معاه اكيد هيبقي فيه فائده ليا وليه كمان وأنا مش قليل في السوق برضوا
أومأ الكل بتفهم وخرجوا وسط نظرات الإعجاب من البنات اللي بتزيد هم غرور في نفسهم
والكل حضر نفسه عشان السفر وجيسي سافرت هي و آوس تركيا عشان الشغل وفهد طلع ليه مهمه وسافر أما نوران و نورين ونور رواحوا وقعدوا مع امهم بعد كدا كل واحده طلعت علي اوضتها عشان ترتاح عشان اللي جي دمار للكل
يتبع
اللي اللقاء في الحلقه القادمه
ياترا ايه اللي هيحصل
بنات اسد بيفكروا في ايه
سيف هيفضل يكره الامبراطورة
كدا ولا هيجي يوم ويتغير
عدا علي الانتقام 6 سنين ياترا
نسيوا حق ابوهم ولا لسه
كل ده هتعرف هنشوفه في
( بنات الاسد)
