 |
رواية ضحايا ورث الديب الفصل الثالث 3 بقلم حور طه#البارت3_من_رواية_ضحايا_ورث_الديب ريم:: اعرف ازاي انه مش بيخوني وبيحبني اريام ::اتصلي بيه وقولي له انا عايزه انام على صوتك ريم بتعجب:: لا والله اريام بجديه:: استني بس وشويه كده وقولي له صوت دقات قلبك مضايقاني ممكن شويه هدوء؟؟ لو كتم نفسه ومات يبقى بيحبك ؟؟ ولو ما ماتش يبقى ما بيحبكيش سهله ريم تضربها بالمخده:: تصدقي انا غلطانه اني بتكلم معاكي اريام بضحك تقوم:: ما هو انت كمان شغلاني بقلقاسه بتاعك ده ؟وده في حيل يخون ولا يتنيل انا داخله انام عندي محكمه الصبح ريم:: استني بس يا اريام انا بتكلم بجد الشك هيموتني اريام ::سلامتك يا نن عين اريام بصي لو شكه فيه قوي كده احبسه لك ريم:: يعني انت الواحد ما يعرفش يستفيد منك بحاجه. اريام وهي تقف على الباب ::ما انا قلت لك جربي معاه النظريه اللي قلتها لك ولو كتم نفسه ومات يبقى انت كده اتاكدت ان هو بيحبك وهيبقى ارتاحنا منه ريم بضحك ::انا والله العظيم مش عارفه انت بتجيبي الافكار دي منين اريام ::من على التيك توك طبعا لسه سامعاها امبارح اديني بشاركك معلوماتي العامه اهو يا ستي ريم تحدفها بالمخده ::لا مستغنيه عن المعلومات العامه بتاعتك دي اريام:: تخلي قلقاسه بتاعك ده ينجز ويجي يقابل بابا بدل ما دخل انا في الموضوع واريحك من الشك فيه _________🖤🥀🖤🥀وبعد مرور اسبوع_____🖤🥀 اريام::يا نهار ابوك اسود ؟ مش تفتح يعمى انت ايشان::ما تتكلمي كويس يا بت انت اريام ::بت اما تبتك يا بعيد بوظت لي هدومي ايشان::سوري !!! مش قصدي اريام بنرفزه ::واعمل بيها ايه سوري بتاعتك دي هتنضف هدومي؟ انا عارفه انه يوم منيل من اوله ايشان ::انت بتتكلمي ليه كده وبعدين اعمل لك ايه يعني اريام تض,غط على اسنانها :: انت عارف لو ما مشيتش من قدامي دلوقتي هطلع بروحك ايشان :: انت مجنونه صح لانك مش طبيعيه اريام بنفاذ صبر:: طيب امشي من وشي عشان ما وراكش الجنان على اصوله ايشان يبص لها من فوق لتحت بقرف :: انا حاسس اني واقف في زريبه... اريام بتلقائيه::هي فعلا زريبه علشان جابت لنا بهيم زيك ايشان :: لا علشان سيبت بقره زيك على الناس المحترمه اريام بعصبيه:: لا بقى انت كده خليتها خل خالص وتاخد من ايده خر,طوم الميه وتغرق هدومه زي ما غرقها بعد كده ترمي خرطومه الميه في الارض وتصعد في الاسانسير _________🖤🥀🖤🥀في قصر الرفاعي_____🖤🥀 ديب بانفعال ::انت اكيد كبرت وخرفت ؟ انت ازاي تعمل حاجه زي دي من ورايا رفاعي يضربه بالقلم ::لو فاكر انك كبرت عليا وانا مش هعرف اربيك تبقى غلطان ولاد عمك اوعى تفكر انك تقرب منهم ديب ::وانا مش هسيبك توزع مالي وشقايه على كل واحد شويه رفاعي :: ولد عمك اخذه حقهم وانا اديته لهم بيع وشراء ديب بغضب:: وجاي وبتقولها لي كده في وشي وفاعي:: وياك هخاف منك انا رضيت ضميري قدام ربنا وديت لهم حقهم اللي انا عارف لو مت مش هتديه لهم ديب بتحذير:: قدامك بس يومين وترجع كل حاجه اديتها لهم الاحسن ليك وليهم رفاعي:: انت لو راجل تخلي كلامك معايا انا وما تهوبش ناحيه ولاد عمك حقك انت اخذته وانا سايبك تعمل كل اللي انت عايزه لكن هتيجي على حق ولاد عمك ده اللي مش هسمح لك بيه ديب بانفعال:: بتسمي المصنع وشركه السياحه دول حقي في كل الاملاك دي رفاعي ::انت اللي اخترت لما حرقت بيت ولاد عمك وهددتهم ان هم يمشوا من هنا ديب:: لو ما رجعتش اللي خدوه انا هرجعه بس بطريقتي رفاعي ::لو قربت من ولاد عمك حسابك هيبقى معايا انا اطلع بره انت ما لكش اقعد في البيت ده ديب:: بتطردني من بيتي رفاعي:: ده لا بقى بيتك ولا حتى بيتي رجع لاصحابه ديب بغضب ::حتى القصر اديته لهم وتقول لي انك ما خرفتش رفاعي يضربوا بالقلم :: حقهم وارجع لهم تاني اطلع بره ديب:: خليك فاكر ان اللي بيجي على حق الديب الديب بينهشه ديب بيخرج وهو نيران الغضب تشتعل بداخله من اللي ابوه عمله #ضحاياورث_الديب #حور_طه خلونا نصلي علي الحبيب قلبك يطيب💜 الفصل الرابع من هنا |
بدل ماتدور وتبحث علي الروايات خليها علي تليفونك وحمل تطبيقنا
