رواية حارس المقابر الفصل الرابع بقلم مصطفى عبد الحميد
في صباح اليوم التالي:
نجد عشماوي جالس بجانب غرفته ولم ينام هذه الليله وظل يفكر فيما حدث معه ليله امس واذا فجأة تأتي الفتاه فيقوم عشماوي ويقبل عليها قائلاً:انتي شرفتي
الفتاه بتوتر:في اي جايه ازور ترب عيلتي
عشماوي:بقولك اي فكك من الشويتين دول انا عارف جايه لي
الفتاه بتوتر:لا والله!
عشماوي:اه جايه عشان تدفني العمل اللي معاكي وانا مش ممانع لكن بشرط
الفتاه بأبتسامه خفيفه:اي هو؟!
عشماوي:هاخد 5000جنيه..قولتي اي؟
الفتاه:مش كتير المبلغ ده؟
عشماوي: والله مفيش حاجه تكتر علي جوزك حبيب القلب ولا اي؟
الفتاه:خلاص موافقه كمان ساعتين كده هيكونوا عندك
عشماوي:خلاص اتفقنا كمان ساعتين تيجي تدفني العمل
الفتاه بأستغراب:نعم!!
عشماوي:نعم الله عليكي ياختي..انتي عاوزه تدفني العمل وبعد كده تجبيلي الفلوس علي اساس اني مختوم علي قفايا
الفتاه:لا قصدي كنت هديك جزء من المبلغ دلوقتي وكمان ساعتين هجبلك الباقي
عشماوي:لا مفيش منه الكلام ده..ابني ميبقاش علي كتفي و ادور عليه
الفتاه:خلاص هروح اجبهوملك
عشماوي:ياريت وانا قاعد مستنيكي
فتذهب الفتاه وتترك عشماوي ثم يجلس علي الارض بجانب غرفته ويشـ.عل سجارته واذا بعد لاحظات تأتي سعاد وتحمل في يدها صنينه وتقترب من عشماوي قائله:كويس انك لاقيتك فاضي
عشماوي في اعماق نفسه:يادي الاصطبحه اللي زاي وشك
ولكنه يقول لها:مين قال اني فاضي دا انا هقوم دلوقتي
سعاد:بطل بقي دا انا جيبالك فطار بقي من الاخر
عشماوي:اشك بس وريني
سعاد:اهو فطير وعسل وجبنه قديمه
عشماوي:طلعتي بتفهمي يابت ياسعاد
سعاد:طول عمري بس اعمل ايه في اللي عامل نفسه اعمي
عشماوي:طب يلا بسم الله بقي
فيبدؤا يتناولوا الافطار معاً ثم يقوم عشماوي ويحضر كوباين من الشاي ويعطيها لسعاد قائلاً:خدي اهو عشان متقوليش بس اني بخيل
سعاد:دا مين اللي يقدر يقول كده وانا اجيبه نصين
عشماوي:خلاص اقفلي الوصله بتاعتك دي
سعاد:دايما كده مسكتني
عشماوي: كده احسن عشان مش بحب الصداع
سعاد:ماشي ياعشماوي ماشي انا هسكت اهو
واذا وهو يشرب كوبايه الشاي الخاصه به تأتي الفتاه وفي يدها كيسه سـ.وداء فيقوم عشماوي مسرعاً بجانب سعاد قائلاً:بقولك اي اتكلي علي الله دلوقتي
سعاد وهي تلاحظ اقتراب الفتاه من عشماوي:اتكل لي هو في حاجة ؟
عشماوي:زوقي عجلك بقي وهبقي اقولك بعدين
سعاد:مش مرتحالك بس ماشي
فتمشي سعاد وتقترب الفتاه وتعطي عشماوي الكيس قائله:اهم الفلوس اهيه
عشماوي:طب استني بقي اقعد اعدهم
الفتاه بعصبيه:انت لسه هتعد..انا متأخره انجز
عشماوي:خلاص متبقيش حمائيه كده..تعالي ورايا
ثم يتحرك عشماوي وخلفه الفتاه لكي يجعلها تدفن العمل بعيد عن اعين الناس ويظلوا يمشون حتي يصلوا الي غرفه يخرج منها رائحه مقذذه للغايه لما تستطع الفتاه تحملها فقالت:اي القـ.رف دا..انا مش مستحمله الريحه
عشماوي: ماهو دا المكان اللي محدش هيقدر يدخلوا بسبب ريحته..هاتي كده العمل ده وخليكي برا
الفتاه:لا مينفعش لازم انا اللي ادفنه الشيخ هو اللي قالي كده
عشماوي:ياستي بلا شيخ بلا غيره هو العمل عارف لمستك مثلا
الفتاه:معرفش بس الشيخ هو اللي قال كده
عشماوي:ياشيخه اسمعي مني مفيش الكلام ده
فتعطيه العمل وهي متردده ولكن يأخذه منها مسرعاً ويبدأ في دفنه واذا فجأة وهو يدفنه يرتعش بشكل مخيف ويظل يرتعش حتي يغمي عليه
...........................................
في الليل:
يستيقظ عشماوي ولكن لا يجد اي احد بجانبه فيقوم من علي السرير ولكن يتألم من كل جسده ولكنه يتحمل علي نفسه ويخرج خارج غرفته ويكتشف انه في وقت الليل واذا فجأة يسمع صوت مخيف يأتي من خلفه قائلاً:ازيك ياعشماوي
فيلتفت عشماوي مسرعاً فأذا يجد شخص ملابسه كلها سـ.وداء ووجهه ابيض شاحب وعيونه حمراء فينصدم عشماوي من شكله ثم يقول له:انت مين؟
الشخص المخيف:انا ناصور اللي مش هسيبك غير وانت مـ.يت
وفجأة يجري عليه ناصور بسرعه غريبه ويخبطه علي رأسه لكن فجأة يستيقظ عشماوي من نومه ويكتشف انه حلم ولكنه يشعر بآلام في رأسه فيضع يده على رأسه ثم يجد دـ.م ينزف من رأسه فينصدم عشماوي ويظل في حيره من امره وهل الذي حدث كان حلم ام حقيقه........
