رواية شايفه نفسك فين بعد سنه الفصل الرابع بقلم مريم سمير
_ سيبي ايدييي ، سيبينيييي
= انت اتجننت؟ عاوز تنط من القطر!
شديته لجوا ف زقني ووقعت علي الارض ، جه بسرعة وبصلي _ أنا آسف ، مش عارف انا عملت كده ازاي ، أنتي كويسه حصلك حاجة؟
= مش مهم ، المهم دلوقتي الي كنت ناوي تعمله! ، كنت عاوز تنتحر ؟
_ لي جيتي ورايا ؟ أنا كنت هبقي مرتاح دلوقتي
= تصرفاتك كانت غريبه من اول ما قعدت ، وكنت بتتلفت مش عاوز حد يشوفك
قعد جمبي وبص في الأرض = مالك؟
_ أنا امي ماتت بقالها شهر ، حياتي مبقلهاش لازمة ، مبقتش عارف اعيش ولا أكل ولا اتأقلم علي عدم وجودها
= كنت عاوز تروحلها؟
_ كنت عاوز اشوفها
= بس انت كده مستحيل تشوفها
بصلي = أيوة! ، هي إن شاء الله في الجنة وربنا هيرحمها برحمته إنما انت عارف انت كنت هتبقي فين ، عمركم ما كنتوا هتتقابلوا
_..
بصيت جمبي وحواليا ورجعت بصتله
= مفيش حد ممكن تعيط عادي
ساعتها قعد يعيط ، هو ينفع الواحد يواسي شخص من غير ما يطبطب عليه ؟ بتهيقألي الكلام مش هيكفي! بس ساعات بيبقي مسكن .
= ادعيلها بالرحمه ، هي في مكان احسن بكتير
بصلي وهو باين عليه الخنقة _ واطردت من شغلي الاسبوع الي فات ، شوفتي ؟ أي السبب الي اعيش عشانه ؟
= هتلاقي شغل تاني ، بس انت دور ومتقفش
_ غريبه حالة الرضا الي انتي فيها!
= أنا كنت هنتحر السنه الي فاتت
_ بتتكلمي بجد؟
= اه والله
قلعت الايس كاب الي علي راسي ف صلعتي بانت
= مكنتش حمل الجلسات وكنت يأست من العلاج ، كان نفسي اروح ل ربنا وانا مبتألمش ، بس قولت لو انا نهيت حياتي عمر ما ربنا هيرحمني ، وقولت كمان إني اكيد قدها عشان كده ربنا حطني في المكان دا ، يمكن ربنا شايلنا كل حاجة حلوة بس لازم نصبر ، متزعلش
_ انتي يمكن اقوي ست أنا شوفتها في حياتي
ابتسمت = اه صحيح مريم
_ احمد
= أنا نازلة المحطة الجاية
_ وانا كمان
= بجد؟ دا انت بلديات بقي علي كده
_ علي فكرة ، شكلك حلو اوي
لبست الايس كاب تاني وانا بضحك = يعم ربنا يجبر بخاطرك
_ أنا بتكلم بجد ، وبكرة إن شاء الله ترجعي احسن من الاول وتعملي كل الي نفسك فيه
= يارب
نزلنا عند المحطة ، واحد لا اعرفه ولا يعرفني بس اتلاقينا ، في ظروف مش كويسه ، مش احسن حاجة خالص ، بس كنت زعلانه عشانه ، ربنا يعوضه قريب .
= اشوفك علي خير
_ استني ، هو احنا مش هنتقابل تاني؟
= لو لينا نصيب اكيد هنشوف بعض تاني
_ طب هو انا ممكن اخد رقمك؟
= اتمني لما تكلمني تبقي احسن وتبقي حياتك اتظبطت
_ انتي طيبه اوي يمريم ، محدش بقي بيفكر في غيره زي ما بتعملي
= الناس طيبه بس بتمشي من همومها بتبقي معميه ، كله شايل شيلته ومن تقلها بيقول يلا نفسي ف متستغربش
اديته رقمي وبدأت ابعد عنه بخطوات ، كنت فعلا بتمني يكلمني وهو كويس .
مرت ايام ، جلسات ، أدوية ، وجع ، علي ألم ابقي كويسه تاني ، ارجع اخرج زي زمان ، واضحك زي زمان ، ارجع البنت الحلوة الي خصلات شعرها طويلة ، ارجع أعيش .
= أيوة مين ؟
_ ازيك يمريم أنا احمد؟ بتاع القطر ، فكراني؟
= اه ازيك أي الاخبار ؟
_ الحمد لله ماشي الحال ، دورت الاسبوعين الي فاتوا علي شغل لغايه ما لقيت في شركة بعد ما عملت الانترفيو
= الف مبروك بجد مبسوطالك اوييي ، ربنا يعوضك خير
_ انتي فين دلوقتي؟
= هاخد الجلسه ، بس اشمعنا ؟
_ عاوز اعزمك علي حاجة بسبب الشغل
= اه رشوة يعني ؟
_ بالظبط ، ف ها اسم المستشفى أي قولتيلي؟
قولتله العنوان وقفلت ، كنت عاوزة اشوفه تاني بصراحة بس اشوفه وهو مبسوط المرادي .
= انت ممكن تستني برا لغايه ما اخلص
_ لاء أنا تمام هستني عادي
=..
_ موجوعة؟
= أكيد ، بس راضيه الحمد لله
_ طب ومفكرتيش تعملي عمليه تستئصلي الورم دا؟
= اكيد نفسي ، بس العمليه غاليه اويي وكمان نسبه نجاحها ٤٠٪ ف لجأت للجلسات ، عارف عاوزة اعمل اي اول ما اخف؟
_ عاوزة تعملي اي؟
= اروح في حته كلها شلالات ، كان بابا الله يرحمه بياخدني ويوديني هناك ، ناويه اروح إن شاء الله وعارفه أنه قريب
_ في اقرب وقت هتبقي كويسه إن شاء الله
ابتسمت = ها قولي بدأت شغل امتي؟
_ بقالي عشر ايام اهو وخدت شقه جمب الشغل ب ايجار قليل الحمد لله ، في الحقيقه هي يعتبر اوضه يعني
= بكرة تبقي شقه كبيرة ، أو يمكن تبقي بيت تمليك
_ انتي بتديني امل في الدنيا يمريم والله ، ياريت اوصل في يوم واشوف كل حاجة حلوة زي ما بتعملي
= الدنيا حلوة ، عاوزة اعيشها
_ هتعيشي وتحققي اكتر من الي نفسك فيه إن شاء الله
= يا رب يا احمد
_ علي فكرة شكلك حلو اوي النهارده
= دي تاني مرة علي فكرة وهتهمك أنها معاكسه
_ ولي الشك؟
ضحكت وخلصت جلستي وروحنا كافيه طلبنا قهوة ، منكرش انه كان لذيذ ، وشه اتغير ١٨٠ درجة من الحزن للتقبل والامل .
كنا بنتكلم كل يوم ، بيحكيلي عمل اي في شغله ، واحكيله وصلت أي في العلاج ، لحد ما قررنا نبقي صحاب .
_ أي رأيك تيجي بكرة الشركة؟ اوريكي المكتب ونقضي اليوم سوا؟
وافقت ويومها فضلت ادور في الدولاب علي حاجة مميزة ، حطيت ميكب خفيف ، وركبت اوبر عشان يوصلني الشركة
_ لو سمحت ، احمد فين؟
° بجد والله ؟ احمد فين؟ وسي احمد دا معروف اوي عشان اكون عارف هو فين؟
_ ايدا ايدا بالراحة شويه! ، وبعدين مالك كِشري لي؟
° كشري!!
_ اه قاعد عامل كده
كرمشت وشي ف محاولة اني اقلده ° أنا عامل كده؟
_ اه ، زي الي عمره ما ضحك!!
° واي يخليني اضحك ؟
_ أي يخليك تضحك؟ ياه! دا انت مكبرها اوي ، الدنيا ابسط من كده ، دا حتي الضحك مفيد للقلب
° يشيخة؟ الأستاذة دكتورة ؟
_ لا معايا دبلوم صنايع قسم تدبير منزلي
ضحك ف سقفت ب أيدي _ شوفت؟ والله ما مستاهله ، معتش تقعد مكشر كده ، ها قولتيلي احمد فين بقي؟
° انتي تاني!
_ انت ازاي متعرفش احمد اشطر واحد في الشركة دي؟
= مريم انتي جيتي! ، تعالي
_ استني بس الاستاذ مش عارفك
= ايدا ازيك يفندم اخبارك أي
_ احمد الي هيقعد مدير الشركة دي في البيت
= بس يمريم
_ احمد الي مش عارفهه دا بكرة يمسك الشركة وكلكم هتبقوا موظفين فيها يعامة الشعب
= خلاص يمريم
_ أيوة احنا ناس قليلة الأصل والفلوس بتغيرنا
= أنا هطرد يمريم
_ مين؟ طب خلي الي اسمه مدير دا يعملها وشوف أنا هعمل أي
= استاذ عبدالله ابن صاحب الشركة
_ شركة ابن عبدالله مين؟
° انتي من الصدمة فقدتي النطق ولا اي؟
_ ينهار ابيض علي الاختيار الصعب ، طب مش لاعبه لا مش هلعب
طلعت اجري وسمعت صوت ضحكته الي الكل بصوله وهما مستغربين ، بعدها أحمد جالي وربع أيده
_ اتطردت؟ جزي ولا اي؟ متقولش! خدت مكافأة يبن اللعيبة؟
= ابقي شمام لو قولتلك تعتبيها تاني ، تعالي اوريكي مكتبي
روحت شوفت المكتب بتاعه وسط مكاتب كل الي قاعدين
_ حلو اوييي بكرة يبقي مكتب كبير
= يارب يمريم ، وشكرا انك جيتي
_ شكرا اي يعم أنا عملتلك مشاكل!
= عبدالله دا محدش سمع ضحكته الا النهارده ، المهم انزلي استنيني في الكافيتريا تحت هخلص الشغل دا وانزلك علي طول
نزلت الكافيه وقعدت طلبت قهوة
° عجبك الي عملتيه دا؟
_ استاذ عبدالله ، يمحاسن الصدف محدش بيشوفك لي يراجل انت؟
قعد قدامي ° انتي مبتتكلميش بجد ابدا؟
_ وانت مبتتكلمش غير بجد؟ اي مفيش هزار مفيش خفة دم؟ مفيش اي حاجة تطلع من ذمتك؟
فضلت اتكلم أنا وهو وكان كل شويه يضحك ، والله أنا ساعات بعمل حاجات الكلاون يتكسف يعملها
° انا مبسوط اوي اني عرفتك يمريم
_ وانا كمان بجد ، فرصه سعيدة جدا
احمد جه ومشيت أنا وهو .
حالتي كانت بتسوء ، مكنش احمد بيسيبني كان بيجي معايا الجلسات ، بقي اقرب حد ليا ، كنا طوق نجاه لبعض .
كنت بروحه الشركة كل ما اكون مخنوقه افضفض معاه ، كنت بشوف عبدالله وبقي يحكيلي ويضحك! وبقي يعتبرني من اقرب الناس ليه ، كانت كل حاجة ماشيه لغايه ما :
الورم اتحول من حميد ل خبيث ، الجلسات ذادت وجسمي معتش قادر يستحمل ، لحد ما قررت اقعد في البيت مخرجش .
= مريم افتحي الباب
_ انت أي الي جابك يا احمد؟ امشي
= انتي معتيش بتروحي الجلسات لي؟ استسلمتي؟
_ أنا معتش قادرة ، خلاص كفايه
= لاء مش كفايه ، مش كفايه يمريم
_ حس بيا ، أنا معتش عاوزة اخد حقن ولا كيماوي ، أنا اتهديت
= مريم انتي اقوي من كده ، انتي هتقومي وتبقي كويسه
_ كل دا كان وهم وعيشت نفسي فيه ، أنا هموت يا احمد
= متقوليش كده ، أنا عاوزك وهفضل جمبك لحد ما تبقي كويسه
_ امشي يا احمد عشان خاطري امشي
فضل قاعد ولما ملقاش مني اي رد مشي ، الدنيا اول مرة تسود في عيني كده!
تاني يوم سمعت خبط علي الباب _ جيت تاني لي؟
= عشان مش هسيبك ، دا انتي عمرك ما سبتيني يمريم ، في أي مشكلة بقع فيها بلاقيكي ، مينفعش امشي
_..
= أنا عندي ليكي مفاجأة
ابتسمت ب بيأس ، اصل اي هيقدر يفرحني وانا في حالتي دي؟
= انتي هتعملي العملية
فتحت الباب بسرعة _ عمليه اي؟
= استئصال ، كفايه جلسات
_ هعملها ازاي؟ أنا قولتلك أنها غاليه
= أنا معايا تحويشة كده وروحت ل عبدالله اخد سلفه بس هو أصر يكمل هو المبلغ
_ أنت عملت كده عشاني؟
= أنا مليش حد غيرك ، وانتي كنتي عاوزة تسبيني
_ أنا اسفه
= لما تبقي كويسه هاخد حقي منك
بعدها بيوم كنت في المستشفى بجهز لعمليه خطيرة ، الخوف اتملكني ، لدرجة اني كنت بترعش وانا بتكلم
_ أنا خايفه ، خايفه اوي يا احمد
= متخافيش أنا معاكي ، هتبقي كويسه إن شاء الله ، أنا هفضل هنا اصلي وادعيلك لحد ما تيجي
_ لو حصلي حاجة متنسنيش و..
= بلاش يمريم الكلام دا بالله عليكي
_ اسمعني بس ، اوعي تنساني وادعيلي علي طول ، وابقي تعالي زور الي في المستشفى وخليهم يدعولي ، أنا لو جرالي حاجة مش هكون زعلانة انا عارفه اني هرتاح ، أنا بس هكون زعلانة انك هتوحشني
=..
_ فال وحش تعيط وانا داخلة عمليات كمان خمس دقايق ، اتلم وبلاش قرف كده!
ضحك ورجع عيط تاني = أنا بحبك اوي يمريم وهستناكي ، اوعي متجيش
الممرضه دخلت الاوضه وقالت إنها هتاخدني اوضه العمليات دلوقتي ، بصتلي ب تمعن كأني بودعه ، هو بجد جاي يقولي أنه بيحبني دلوقتي؟ يخربيت اختياره للمواعيد .
كان قلبي مقبوض وانا داخله ، فضلت ادعي كتير واقرأ كل الآيات الي حفظاها لحد ما خدت البنج ومحستش ب حاجة خالص .
بعد ست ساعات بدأت افوق ، فتحت عيني تاني! ، لقتني في اوضه ، وأحمد نايم علي السرير الي جمبي ، دخلت ممرضه ف شاورتلها تصحيه
صحي مفزوع = أي جرالها حاجة ؟ يحبيبتي يمريم ي..
_ بس يمتخلف! قعدالك اهو
= انتي كويسه؟
_ أنا كويسه اهدي
° دا جوزك صح؟ يبختك بيه والله دا كان هابل المستشفى كلها عليكي ، حمدالله علي السلامه
_ الله يسلمك
اديني الدوا والمحاليل ، الدكتور قالي إن العمليه كانت صعبة جدا ، نسبه فشلها كان كبير ، بس ربنا اكبر بكتير ، ربنا عوضني وخلاني اتطمن بعد ما كان الخوف هيفتفت قلبي .
قالي إني هقعد في المستشفى تلت ايام تحت المتابعة وبعدها هقدر أخرج ، أعيش!
' ممكن ادخل؟
_ اه اكيد ازيك يعبدالله تعالي
' عامله أي ؟ انتي كويسه؟
_ أنا زي الفل الحمد لله ، احمد حكالي انك ساعدته في مصاريف العمليه ، أنا مش عارفه اقولك أي
' ولا حاجة دي حاجة بسيطة متساويس أي حاجة من الي عملتيها معايا
_ عملتها معاك؟ عملت اي؟
' خليتي شخص كشري يضحك ويشوف الدنيا بمعني تاني
ضحكت _ أنا مكنش قصدي انك كشري اوي يعني
ضحك ' لاء كان اوي وكنت حاجة يا ساتر الصراحة ، شدي حيلك بقي عشان تقوميلنا بالسلامة
جه احمد وسلم عليه واتكلموا في الشغل ، تجمع رجلين في مكان واحد يعني مفيش وقت مفهوش كلام ، ويبرجعوا يقولوا الستات الي رغايه!
خرجت من المستشفى بنظرة تانيه خالص ، واقفه علي رجلي ، بتنفس وانا مفيش تقل عليا
= تعالي معايا ، امسكي حطي دي
_ عاوزني احط قماشه علي عيني؟ يبن اللعيبة هتخطفني؟
= ومالك فرحانه كده لي؟ اركبي يمريم
_ مش راكبه يا احمد
= اركبي بدل ما اخلص عليكي
كان حنين اوي بجد .
_ احمد انت جايبني فين؟ أنا حاسه اني هقع
= اصبري بقي طول الطريق رغي رغي ، أشد الفيشه منين تفصلي؟
_ ايدا في اي؟ هو دا الي كنت بتقولي سوف استمع إليكي حتي في صمتك؟
= كنت بكدب كنت بكدب وبشقطك
شال الي علي عيني وظهر شلال ، شلال كبير وشكله تحفه ، ميا في كل مكان واحنا واقفين علي صخر
_ انت..
= كنتي قولتيلي قبل كده إن أول حاجة نفسك تعمليها وانتي كويسه انك تروحي مكان فيه شلال
_ انت لسه فاكر؟
= اكيد لسه فاكر ، شكلك حلو اوي النهارده ف يلا سلفي يحضر حالا
طلع فونه وقعدنا نتصور ، صور للذكري ، ذكري قلبي الي وقع لشوشته ، في واحد بيعمل كل حاجة بتبسطني ، في واحد مسبنيش ومشي ، وإن لحظة ادراك إن ربنا عوضني بيه ، ورزقي كله خدته في احمد .
بدأ شعري يطول تاني ، انتظمت علي العلاج الي بعد ما العمليه ، بدأت اضحك والعب وأسهر ، بقيت في الحياة الي كنت بحلم بيها من زمان ، بس الاختلاف أنه كان معايا .
_ أيوة يعبدالله ازيك؟
= الحمد لله ، عاوزك ضروري ، ممكن نتقابل في مطعم هبعتلك اللوكيشن بتاعه؟
_ انت كويس طيب؟ فيك حاجة؟
= لاء أنا كويس ، عاوز اقولك حاجة بس
_ تمم ماشي نازلة اهو
لبست ونزلت بسرعة علي المطعم الي قاله عليه ، قعدت علي الطربيزة قدامه وفضل يبص في كل حته .
= أنا مش عارف ابدأ منين الصراحة
_ شكلك متوتر فعلا ، طب فيه مشكلة في الشغل مثلا ؟
= لاء حاجة اهم بكتير
_ زي اييي؟
= أنا بحب
_ بتحب! ينهار ابيض ، أيوة علي الحاجات الحلوة دي بقي ، ومين المحظوظة دي؟
= أنتي
بصيت حواليا ورجعت بصتله _ أنا!
= أيوة ، انتي خلتيني احس ب حاجات كتير حلوة
طلع علبه وفتحها وحطها قدامي ، كانت خاتم باين عليه غالي اوييي
_ أنا مقدرة جدا مشاعرك ، ومبسوطة انك بقيت تقدر تحب
ابتسم = كان بسببك
_ انت تستاهل كل خير يعبدالله ، انت السبب بعد ربنا اني اقف علي رجلي تاني ، انت عملت معايا جميل مش هعرف اسدهولك طول عمري ، بس..
= بس اي؟ فيه حاجة يمريم ؟
_ انت تستاهل واحد احسن مني بكتير ، بس انا بحب احمد ، أنا اسفه والله ، بس كان معايا في الوقت الي كنت فيه لوحدي ، هو الي خلاني ميأسش بعد ما كنت مش قادرة حتي اقف علي رجلي ، منعني اني اموت نفسي ، خلاني اضحك من قلبي ، مسك أيدي وبقي صاحبي الوحيد في الوقت الي مكنش ليا حد فيه ، هو بردو ملوش غيري ، مينفعش اسيب الايد دي دلوقتي ، مينفعش أنسي أنه كان بيحاول علي قد ما يقدر يخليني كويسه وعمره ما يأس ودور وشه وسابني ، كان دايما موجود ، وكان دايما بيشوفني حلوة من اول يوم شافني فيه ، انت فرصه كل بنت تحلم بيها والله ، دا انت حتي كتير عليا اوي
= مفيش حاجة كتير عليكي يمريم ، يبخته أنه لقي واحدة بتحبه زيك
_ وانت كمان هتلاقيها ، هتلاقي واحدة تحبك بجد وتصونك ، بكرة تيجي تحكيلي انك لقيتها وانك مبسوط معاها
= إن شاء الله ، يارب
_ أنا مش عوزاك زعلان مني ، انت عارف انت غالي عندي ازاي يعبدالله
= عارف وانتي كمان غاليه عندي اوي ولو احتجتي أي حاجة هتلاقيني
_ وانا واثقه في دا
= اوعي تنسي إني اول المعازيم في فرحكم
_ من غير عزومة والله
ابتسم واستأذن عشان عنده شغل ، روحت الكافيه الي بقعد فيه أنا وأحمد وكلمته يجي
= مالك؟
_ عبدالله طلب أيدي
= عبدالله ابن مدير الشركة؟
_ أيوة
= وانتي موافقه ؟ رديتي عليه قولتيله ايي؟
_..
= وافقتي؟ ، هو كويس ، وكمان حالته المادية..
_ انت بتقنعني ب أي يا احمد ؟ ، انت فاكرني هوافق واسيبك؟
= أنا مش فاهم حاجة!
_ انت هتسحب اعترافك ليا ليلة العمليه ولا اي؟
= كنت فاكرك نسيتي ، بس لي ترضي بيا مدام فيه واحد هيقدر يسعدك ؟
_ هرضي بيك عشان بحبك ، والفلوس مش هتسعدني ، انت الي هتسعدني والا يومك مش معدي
ضحك بعد ما كانت الدموع اتجمعت في عنيه
= ساعات مبعرفش اشكرك ازاي علي كل حاجة
_ اقولك؟ ، اعرض عليا عرض
= تتجوزيني؟
_ أنا كان قصدي تطلبلي غدا!
= وحيات خالتك؟
_ موافقه ، ماشي هكسب فيك ثواب زي بعضه
حط أيده علي خده وبصلي = شكلك حلو اوي النهارده ، شعرك حلو اوي النهارده .
مريم سمير
