رواية ذئاب بلا رحمة الفصل الخامس بقلم خديجة السيد
شهاب بحده : يعني برضه مصمم انها هي اللي جابتك الشقه وأنت و متعرفش عنها حاجه
عمر بتوتر : ايوه
شهاب : مممممم ماشي ، بس الناس اللي مسكناهم معاكم في الشقه بيقولوا انك كنت بتاجي كتير هناك
عمر : ااا هاا كدابين طبعا
شهاب بزعيق : كلهم كدابين و انت الصداق يعني
عمر بخوف : يا باشا هو يعني....
شهاب : ايوه هو ايه قول الحقيقه وخليك كويس كده ، عشان انا كمان هبقي كويس معاك ، (بصوت عال ) يلا احكي
عمر يبتلع ريقه بخوف ويحكي.....!!!
__________
في شقه شريف :-
ام شريف واقفه في المطباخ و بتعمل الاكل
تدخل شهد : احم احم
ام شريف ترفع حاجبيها وتبصلها : نعم عاوزه ايه
شهد بتوتر : كنت عاوزه اتكلم معاكي في موضوع كده
ام شريف : عاوزه فلوس
شهد : لا لا مش عاوزه
ام شريف : طب ما تقولي عاوزه ايه
شهد تتنهد : عاوزه اتكلم معاكي في جواز شريف و ياسمينا
ام شريف تبصلها بغيظ : وانتي مالك بي الموضوع ده
شهد : يا خالتي شريف بيحبها ولو متجوزهاش لقدره الله ، شريف هيزعل منك أوي ، وافقي يا خالتي ..ياسمينا مش وحشه ذي ما انتي فاكره
ام شريف بحده : بلا حب بلا زفت ، انا مش موافقه على البت ده ، و بكره أن شاء الله هينساها
شهد بحزن : صعب يا خالتي لو بيحبها بجد عمره ما هينسها بسرعه ، وممكن ما ينساهاش اصلا خالص
ام شريف بتحدي : طب ماتقولي لنفسك الكلام ده
شهد بارتباك : قصدك ايه
ام شريف بجديه : شهد بلاش لف و دوران ، انتي بتحبي شريف صح
شهد : اا ايه لا...
ام شريف تقاطعها : من غير كدب
شهد بحزن: يعني لو صح هيفيد بي ايه ما هو بيحب ياسمينا
ام شريف بلهفه : لا هيفيد انا ممكن اقول له وافضل وراه لحد ما يتجوزك انتي
شهد بسرعه : لا لا يا خالتي اوعي تعملي كده
ام شريف : يابت ما تبقيش هبله ، ده ابن خالتك و انتي اولى بي
شهد بقهر : بس مش بيحبني ، مش هتجوزه غصب عنه يعني
ام شريف : بكره هيحبك و ابقي قولي خالتي قالت
شهد : يا خالتي لا .. انا مش هرخص نفسي عشانه و لا اتزل عشان يحبني
ام شريف : يعني هتستحملى يتجوز غيرك قدام عينك
شهد بألم : عشان بحبه لازم استحمل و اتمنى لي السعاده مع اللي قلبه اختارها
__________
في شقه عبد الرحمن : قاعد مع امه و عماله تفرجه على صور عرايس بنات و مفيش حاجه عجبه.....
امه : طب ايه رايك في دي
عبدالرحمن يشوفها : لا وحشه
امه : طب دي
عبدالرحمن : ده ارجل من ابويا ذات نفسه
امه بضيق : طب دي
عبدالرحمن : لا دي ارجل مني انا شخصيا
امه : طب دي و اخيرا صور
عبدالرحمن : وريني.....دي بقي ارجل منك انتي شخصيه يا امي
امه بحده : ولد اتلم ، و بعدين مفيش حاجه عجباك خالص
عبدالرحمن : يا ماما هما دول ستات اصلا
امه تلوي شفايفها : وايه ياخويا بقي الستات من وجهه نظرك
عبدالرحمن ابتسم : اهو ده السوال ، بصي يا ستي انا نفسي واحده تكون هيفاء وهبي كده في نفسها ، غرور نانسي عجرم.. شعرها ذي مريم فارس ، طولها ذي مايا دياب ، امكانياتها ذي...
امه تقاطعه : ايه رايح فين تاني ، و بعدين وده هتلاقيها فين اصلأ ، وحتي لو لقيتها هتبصلك انت
عبدالرحمن بغيظ : و متبصليش ليه ان شاء الله ، وبعدين انا الحق عليا عاوز اغيرلكم سلاله العيله
امه : ليه يا خويا قرود قدامك ولا ايه
عبدالرحمن : انا عارف بقي ، و بعدين انا ضابط من حقك اما ارجع من الشغل الاقي ست بمعني الكلمه مستنياني بدل الغفر اللي معايا في الشغل
امه : غور ياض من وشي انا استاهل اللي عاوزاك تتجواز ، غور بدل ما امد ايدي عليك
عبدالرحمن : طب خلاص ، نتكلم جد بقي شويه، هو علي ما بيتصلش
امه تتنهد : لا انا بكلمه وابوك بس بيرد علي اد الكلام كويس و الحمد الله وخلاص
عبدالرحمن : طب هو مش ناوي يرجع هيفضل هناك على طول
امه : ولله ما عارفه حاجه عن اخوك ده
عبدالرحمن : طب و نور مفيش اخبار عنها
امه : واحنا مالنا بيها بقي خلاص اتجوزت و ربنا يسهل ليها بعيد عننا
عبدالرحمن : غصب عنها يا ماما وكلنا عارفين كده ؛ و بعدين عاوزه الحق بابا و عمي هما السبب في فراقهم عند بعض
_____________
في شقه مدحت :-
مدحت يرمي طبق الاكل على الارض : ايه القرف ده ، انتي هتفضلي فاشله كده على طول
نور بخضه : في ايه و بتحدف الاكل كده ليه
مدحت بزعيق : انا اعمل اللي انا عاوز ، وبعدين هو ده اكل اتعلمي بقي
نور تتنهد : طب معلش هبقي اتعلم
مدحت بغضب : انتي بتاخذيني علي قد عقلي
نور بنفاذ صبر صوت عال : يعني اعملك ايه دلوقتي ، ولا عجبك كده ولا كده
مدحت يقوم و يضربها بالقلم : انتي بتعلي صوتك عليا يا بنت الكلب
نور بألم : اااه ، انت بتمد ايدك عليا ، طب انا ابقي بنت كلب فعلا لو قعدتلك في البيت ده دقيقه واحد
مدحت : ابقي وريني شطرطك يا حلوه ، لو نزلتي هعمل فيكي ايه
مدحت يسبها و ينزل من البيت ، ونور تنهار في البكاء و تدخل تلم هدومها وتنزل...!!!
_____________
في القسم
العسكري يدخل الحجز : ياسمينا منصور
ياسمينا بتعب : ايوه انا
العسكري : تعالي معايا
ياسمينا بحزن : هروح فين تاني
العسكري : لا انتي افراج خلاص
ياسمينا بفرحه وعدم تصديق : بجد
العسكري : اه احمدي ربنا لولا الضابط شهاب ما كنتيش طلعتي
ياسمينا باستغراب : الضابط شهاب مين
العسكري : اللي حقق معاكي ، و قعهم في بعض و خلي الراجل كان معاكي يعترف انه هو اللي جابك الشقه و قال انك ملكيش يده في حاجه
ياسمينا قلبها يدق جامد لما تفتكر ملامحه
_________
في قصر الكينج :
رماح يدخل عليه بسرعه من غير ما يخبط
الكينج ؛ في ايه يا رماح من امتي بتدخل من غير ما تخبط
رماح : اسف بس
الكينج يقف : في ايه انطق
رماح ياخد نفس عميق : في ناس طلعوا بسلاح على العربيه اللي كانت بتوصل هديه للمدرسه الصبح
الكينج بصدمه و بفزع : ايه....!!! وهديه حصلها حاجه
رماح : الحراس ماتوا ، وهي اختفت وملهاش وجود
الكينج يمسكه من هدومه بغضب : انت بتقول ايه ، عارف لو هديه بنتي وصلوا ليها هيعملوا فيها ايه ، مش هيستنوا لحظه واحده و هيموتوها
رماح : عارف ولله هقلب عليها الدنيا لحد ما اوصلها
الكينج بزعيق : و مستني ايه بسرعه دور عليها واول ما توصل لحاجه تعالي قولي
رماح : حاضر
الكينج بضعف : لا لازم ترجعي انا مليش غيرك مش هتروحي مني انتي كمان....!!!
______________
في مكتب شهاب :-
ياسمينا : لو سمحت ممكن اقابل سياده الضابط شهاب
العسكري : نقوله مين
ياسمينا : قوله ياسمينا منصور
العسكري : طب استني هنا
ياسمينا : ماشي......
العسكري : اتفضلي
ياسمينا : شكرا
ياسمينا تدخل تلاقي شهاب قاعد و مشغول في الورق اللي قدامه
شهاب دون النظر اليها : خير
ياسمينا بتوتر : احم كنت جايه اشكرك علي اللي عملته معايا
شهاب ببرود : انا عملت كده مش عشان سودا عيونك ، ده شغلي اني اجيب الحق
ياسمينا بغيظ مكتوم و احراج : طب شكرا مره تاني
شهاب بنفس البرود : العفو
ياسمينا تتغيظ اكتر من عدم اهتمام و تخرج ، وهو يرفع راسه و يبص عليها....!!!!
_________
=> أنا تعبت ، هتفت بها نور و هي تحضن امها بشده و تكبي بحرقه
امها تطبطب عليها : بس يا حبيبتي اهدي
نور بقهر : يا ماما ده بيعاملني اوحش معاملة و غير ضربة ليا ، واهانه وكل يوم علي كده ، وكل حاجه عنده غصب انا تعبت بجد
امها : هي وصلت لكده طب اما ياجي ابوكي يشوف صرفه معاه
نور تعيط : انا عاوزه اطلق مستحيل اعيش مع البني ادم ده دقيقه واحده
ويدخل ابوها من باب الشقه : ايه في ايه مالكم
امها : انت جيت ، تعالي شوف مدحت عمل ايه في بنتك
ابوها باستغراب : عمل ايه
نور : بابا انا عاوزه اطلق ده ضربني وشتمني و وبهدلني خالص
امها : اتصرف يا حج ، ورح لي هي ملهاش اهل ولا ايه
ابوها بهدؤء ؛ خلصتوا ، يلا على بيت جوزك مفيش طلاق
نور تبص لي امها بصدمه
امها : اللي بتقوله ده يا حج ده ضربها ، انت كده بترخص بنتك
ابوها بعدم تصدق : و انتي صدقتي ، ده
تلاقي فيلم عامله بنتك عشان تطلق
نور بذهول : نعم فيلم.....!!!!
ابوها بغضب : اه عشان لما علي يرجع يلاقي اطلقتي ، بس انا فاهمك كويس ، امك هبله ويضحك عليها بكلمتين ، لكن انا عارف انك هتعملي كده من اول يوم جواز، ويلا على بيتك ، انتي دلوقتي في عصمت راجل وعيب تفكري بغيره
نور مزالت تحت الصدمه : بابا انت بتقول ايه انا مش بمثل دي الحقيقه من اول يوم جواز وهو عمره ما عاملني كويس ولا احترمني ، وحاجات كتير مش هينفع اقولها
ابوها بقسوه : قلت على بيت جوزك ، انتي لسه مكملتيش شهر الناس تقول ايه يلا
نور بصدمه : همك الناس ومش همك بنتك
ابوها باستهزاء : مش لو بتقولي الحقيقه
نور تبص امها برجاء ، وامها تبصلها بقله حيله....و ترجع تبص لي ابوها بقهر متوقعتش انه ممكن يعمل كده ، وتاخد شنطها و تمشي من البيت بخبيه امل كبير..
وتروح و تفتح الشقه تدخل تلاقي مدحت قاعد بغضب مستنيها
مدحت : اهلا هي الهانم شرفت ، انا مش قلت مفيش نزول استلي بقي وعدك مني..
و اهو ابوكي رجعك تاني لي...
مدحت يجرها من شعرها و ينزل فيها ضرب لحد ما يغمي عليها.....!!!
_____________
في شقه بسيطه :-
زينه تدخل و هي شايله هديه
زينه : تعالي يا حبيبتي متخافيش
نورهان تطلع من الاوضه : زينه انتي جئتي .... ايه ده مين دي
زينه ابتسمت : دي هديه
نورهان باستغراب ؛ ايوه يعني مين
زينه تنزل هديه : حبيبتي ادخلي جوه هنا دلوقتي ، و انا شويه وهاجي
هديه تهز راسها وتدخل
_______
في حي شعبيه :-
ياسمينا ترجع البيت وهي طالعه تسمع صوت حد بينده عليها
ياسمينا : شريف
شريف بغضب : كنتي فين يا ياسمينا انا صحيت الصبح و عمال اخبط عليكي
ياسمينا بتعب : كنت في مشوار كده
شريف : ايوه يعني فين
ياسمينا : شريف انا تعبانه ، بعدين نتكلم....
_________________
نورهان : يانهار اسود لقيتيها في الشارع و جيبها هنا انتي عاوزه تجيبيها لنفسك مصيبه ولا ايه
زينه بضيق : يعني اعمل اسيبها وامشي
نورهان : طب وديها البوليس و هما هيعرفوا فين اهلها
زبنه : فكرت في كده وقالتلها ، بس هي كانت خايفه اوي
نورهان : ايوه بس باين عليها بنت ناس كبار ، هتودي نفسك في داهيه كده
زينه : معرفش بقي ، انا هدخل اشوفها
_________
تدخل زينه ومعاها صينيه اكل وتروح لي هديه
زينه : قربي يا حبيبتي اكيد جعانه صح
هديه تقرب بخجل ، زينه تبتسم و تاكلها
زينه : متقلقيش يا حبيبتي ان شاء الله هتوصلي لي اهلك ، اكيد مامتك قلبها واجعها عليكي اوي
هديه ببراءه : ماما عند ربنا
زينه تصعب عليها : ربنا يرحمها ، طب و باباكي عايش
هديه : اه
زينه تحط الاكل في بوقها : طب كويس ، بكره
هوديكي عند الضابط و تقولي اسم باباكي و كل حاجه حصلت ، وهو اكيد هيعرف يوصلك لي ، بس هو في ناس بجد كانت عاوزه تقتلك
هديه بخوف : اه ولله ده موته الحرس قدامي
زينه بدهشه : حرس ، ده انتي شكل اهلك ناس مهمه ذي ما نور قالت ، طب متخافيش محدش هيعرف يعملك حاجه طول ما انتي هنا
هديه : انا شبعت خلاص يا ، انتي اسمك ايه يا طنط
زبنه ابتسمت : زينه ، يلا عشان تنامي ، بصي نامي انتي هنا على السرير وانا هنام بره على الكنبه
هديه بفزع : لا يا طنط زينه متسينيش لوحده
زينه تطمنها : طب خلاص متخافيش هنام هنا على الكنبه
هديه تبصلها
زينه : ايه مش عاوزه تنامي
هديه بخجل : لا عاوزه انام بس عاوزه حد يحضني اصلا خايفه اوي
زينه تحضنها : يا حبيبتي خلاص هنام جنبك ، استني هودي الصينيه المطبخ واجي
زينه تودي الصنيه و تاجي تقعد جانبها على السرير و تمد ايدها تاخد الدواء
هديه ببراءه : انتي بتاخدي دواء ذيي يا طنط انا باخد كمان لما اكون تعبانه
زينه بابتسامه خفيف : بعد الشر عليكي يا حبيبتي
زينه في سرها : طب انا لو اخذت منوم هنام خالص ومش هحس بيها لو عاوزه حاجه بلاش احسن اخده اليوم ، بس يارب اعرف انام من غيره
___________
في صباح جديد
شهد يشهق : يا نهارا اسواد كنتي في القسم
ياسمينا : هششش وطي صوتك لا شريف يسمع هو انا ناقصه
شهد بغيظ : شوفتي مش قولتلك مش مرتاحه لي الموضوع
ياسمينا : خلاص كفايه يا شهد انا كل ما افتكر اللي حصل بحمد ربنا اني ربنا سترها معايا
شهد : الحمد لله فعلا ، ولولا الضابط اللي خرجك كان زمانك دلوقتي لسه في السجن
ياسمينا بشرود : اه شهاب
________
في شقه زينه :- تصحي على صوت
هديه : كحح كح
زينه : مالك يا حبيبتي بتكحي ليه
هديه بتاخد نفسها بالعافيه : مش عارفه اتنفس
زبنه بفزع : ليه مالك
هديه : كح كح ممكن عشان مختش الدوا بتاعي
زينه باستغراب : دوا ايه انتي تعبانه
هديه : ااه دواء القلب
زينه بذهول : ايه انتي عندك القلب
هديه : اه كحح
زينه بارتباك : طب اجبلك الدوا منين دلوقتي
