روايه غيرة حب الفصل التاسع والستون بقلم احمد صابر
*روايـة:غـيـرة الـحـب🤍*
*الـبـارت:الـ69🤍*
انا بضحك: ماشي
وانتهت المكالمة
انا بضحك: بنت عمك دي سكر خالص
محمد: طالعة ل ابن عمها
انا: بعد الشر دي كانت هتبقى كئيبة
محمد: اه انا كئيب
معاذ: اول مرة يعجبك حد
انا: اه هيا بصراحة طيوبة خالص بس عيبها الوحيد
الكل/ انها كيوت
انا: صح وانا مش بحب البنات الكيوت
معاذ:انتي كيوت بس مش بتحبي تبيني معرفش ليه بصراحة
انا: انا لو كيوت هاخد ع قفاية يسطا اقعد ساكت
معاذ بضحك: مش لدرجادي
انا: اه والله يعني مثلا لو حد هزر معايا ب الايد وانا سكت ع سبيل الهزار هيكررها مره واتنين وتلاته وابقى ملطشة يابرووو انا ميكولش معايا الكلام دا انا خط أحمر
كلهم بصو لمحمد ومحمد بصلهم وضحك
انا: في اي
مني بضحك: محمد كان بيقول كدا بيحب الحدود ف الهزار برضوا
مازن بضحك: تربيتك بقى وكدا
محمد: طبعاً يابني
مازن: ابو الغرور الي انت فيه عديت البت
معاذ بضحك: دا هيا واخده غرورو وطريقة كلامو ونظراتو الي تخوف لما يكون متعصب يعني خاف منها وهيا متعصبة عشان دي النسخة الصغيرة من محمد ميغوركش شكلها الكيوت والهبل الي هيا فيه دا
انا: هبل!!
معاذ: انا اسف ياسطا
الكل/ ههههه
انا: هيا مريم لها اخوات غير رنا
معاذ: اه عمر وخديجة
انا: ف سنة كام خديجة
معاذ: باين ف أولى جامعة
انا: دي كبيرة
معاذ بضحك: اه
انا: انا فكرت ف ثانوي ولا حاجة طب كلية اي
معاذ: طب
انا: الله دكتور ودكتورة بقى وكدا اتجوزها يا مازن
اسراء بضحك: اه اتجوزها يا مازن
حنين: يتجوز مين
انا: في اي يابت خضتيني انتي بتطلعي منين
حنين: يتجوز مين بس
انا: اسمها اي دي خديجة بنت عمو
حنين: امممم اتجوزها
مازن: هتجوزها حاضر
انا بضحك: بياخدنا ع قد عقلنا
مازن: انتي بزات الواحد ياخدك ع قد عقلك عشان انتي هبلة
انا بضحك: مش عيزة هبل انت حر بقى... وانتي مالك مش طيقه نفسك كدا ليه
حنين: مفيش
انا: عارف يا واد يا معاذ شفتلك عروسة
معاذ: عروسة بلاستيك
انا: ههههه بطل استظراف دي صحبتي اتجوزها وخلصنا منها
محمد: وانتو عشان تخلصو منها تلبسوهالي انا وتضيعو مستقبلي
انا بضحك: دي عيزه رقمك
معاذ: اوعي تديهولها
انا بضحك: لا هديهولها هيا معايا كل يوم ف الدروس هديهولها
معاذ: هيا حلوه
انا: قمر
معاذ: شبك
انا: تؤ
معاذ: مش عايزها
انا: دي احلي مني ياهبل بص
ووريتو صورتها
معاذ: ياماااا مين دي
انا: احترم نفسك ياقليل الأدب ماهي حلوه اهي
معاذ: حلوه اي اسكتي
انا: انت الي أحول بقى بص دي قمر يالا انت عارف حاجة انا صحابي كلهم قمرات اصلا انت الخسران اصلا
معاذ: واقسم بالله محد أحول غيرك
انا: غور يالا
ولقيت الفون بيرن برقم غريب عرفت ان هيا ف رديت
انا: الو
مريم: الو يا إيمي انا مريم دا رقمي سجليه بقى
انا: حاضر
مريم: رنا عوزة تكلمك
انا: ماشي
رنا: ازيك يا إيمان
انا: الحمدلله
رنا: الف سلامه
انا: الله يسلمك
رنا: هبقي اخد رقمك من مريم عادي ولا اي
انا: ماشي
قعدنا نتكلم شوية وخلصنا ولقيت رنا بعتالي مسدج ع الواتس ف رديت وسجلت ارقامهم
اسراء بضحك: ممكن أسألك سؤال يا محمد عندي فضول اعرف الجواب بصراحة
محمد: اتفضلي
اسراء: لو جبتو بنوتة هتحبها قد مابتحب إيمان
انا ف نفسي: هار اسود
لقيتو بصلي وضحك وكان لسا هيتكلم رحت قايمة وطلعت ورحت الاوضة التانيه
شوية ولقيتو جاي
محمد بضحك: يامو عيالي
انا: احترم نفسك من فضلك
محمد: في اي هو انا كذبت ف حاجة مش دي الحقيقة
انا: بلاش برود ونبي انا مش نقصاك
محمد: طب تعالي نطلع
انا: لا
محمد: خلاص هشيلك واطلعك انا
انا: بسسسس خلاص هطلع انا اوعا
شديتو من ايدو واتجهنا للغرفة الأخرى
محمد: بقلك يا خالتي يا قمر انتي
والدتي: لا
محمد بضحك: هو انا لسا نطقت
والدتي: عشان عرفة انت عايز تقول اي
محمد: طب قولي انا كنت هقول اي
والدتي: عيزين تخرجو
محمد: اي دا ياخالتي بتقرأي أفكاري... وافقي بقى
والدتي: لا
محمد: ليه بس هنروح نعمل لفونها اسكرينة عشان اتكسر
والدتي: مش هيا الي كسرتو تستحمل
محمد: كدا يا خالتي دا ع طول مش هنتأخر والله يلا بقى وافقي
والدتي: قلت لا
محمد: بقيتي صعبة اوي الاقيها منك ولا من باباها خالتي انا مخصمك متكلمنيش تاني
والدتي: ماشي
محمد: اي دا ب السهولة دي مش فارق معاكي
والدتي بضحك: لا عشان عرفة انك اهبل وهتيجي تكلمني
محمد: عشان بحبك يعني تبقى دي جزاتي مااااشي خالتي ماشي
معاذ بضحك: ملحقتش تتهني ب الفون
انا: اه والله دا هو اتكسر من هنا وانا قلبي اتفشفش من هنا دا كان لسا جديد انا مينفعش افرح ب حاجة بتبقى فرحتي اوفر ف كلوا بيبوظ او انت الي كنت باصصلي ف الفون يالا
محمد: ياشيخة اتنيلي مانا معايا واحد
انا: دا من ساعتها وانا مش بمسكو الا وانا قعدة ع السرير عشان لو وقع يقع ع السرير دا ايفون يابا انتو بتهزرو دانا كنت هعيط
الكل/ ههههه
حنين: هو اتكسر امتى
انا: وقع وانا طالعة اجري ورا التافه دا من شوية
حنين: بس مش باين
محمد: خالتي تعرفي اني بحبك
والدتي: عرفة
محمد: طب هنخرج شوية عشان خاطري
والدتي: ماشي يا محمد بس والله لو اتأخرتو بره مش هكررها تاني
محمد: لا مش هنتأخر والله... يلا
انا: هغير هدومي
محمد: لا الاسدال حلو يلا
انا: لا هغيرو مش هخرج كدا انا
محمد: الببسي حاجة طويلة
انا: هلبس بنطلون مش هلبس دريس
محمد: خشي يابابا اللبسي حاجة طويلة يلا ربنا يهديكي
انا: اوووف
دخلت لبست فستان لونو بينك وطرحة لونها ابيض ع بينك وكوتش ابيض ف بينك وطلعت
انا: يلا
معاذ: مش بقلك باربي
انا: تؤ ربانزل
معاذ: تصدقي شبها
محمد: لمي ابنك عشان مجهزش كفنو انهارده
مني: بيهزر مع اختو
محمد: لا ميهزرش
مني بضحك: متهزرش تاني يا معاذ
معاذ: انشاء الله
انا: انت مالك انت يهزر ولا ميهزرش انا حره انا واخويا انت اش حشرك
محمد: امشي يابت من سكات
انا: طب متزوقش الله نازلا
مازن: لا مسيطر
محمد: ياعم اتنيل
شديتو من هدومو وكنا نازلين
والدتي: متتأخروش 10 ونص تكونو هنا
محمد: 10 ونص اي يا خالتي دا الساعة 10 بظبط والنص ساعة دول نعمل فيهم اي نزور الطريق ونرجع
والدتي: اومال الباشا عايز يرجع امتى
محمد: 12 او 1 كدا
والدتي: ايييي اقعد يالا منك ليها مفيش نزول
محمد بضحك: خلاص والله طب 11 ع الاقل 10 ونص اي دا الساعة 10 دلوقتي
والدتي: 11 بظبط تكونو هنا عارف لو اتأخرتو ليلتكو سوده
انا: متجمعيش يا ماما لو سمحتي انا مالي
والدتي: يلا يا صايعة انتي وهو مانتي عايزة تخرجي انتي كمان
اناا: شوفت جبتلنا الكلام والله مانا خارجة عشان انا مكنتش عيزة اخرج اصلا وهو الي قالي هو انا قلتلك نخرج مش انت الي قولتلها منغير متقولي صح قولها بقى
والدتي: خلاااااااص في ايييي مكنتش كلمة بهزرررر بلاش اهزر
انا: لا ادايقت بجد ومليش نفس اخرج خليها مرة تانية
محمد: مره تانيه مين دانا مصدقت اقنعتها يلا
انا: مش عيزة والله مدايقة ولو خرجت مدايقة انت كمان هتدايق وبدل ماتبقى خروجة نبقى رايحين ندفن ميت خلينا ف البيت احسن
محمد: تمام يا إيمان براحتك الي انتي شيفاه اعمليه
وسابني ونزل وراح ع البيت بصيتلهم بتعجب
انا: اوووف
سيبتهم ودخلت غيرت هدومي ولبست بيجامة لونها بيبي بلو وقفلت الفون والنور ونمت
*تاني يوم*
صحيت اخدت دوش واديت فرضي وجهزت كتبي ولقيت صحابي بيندهولي خلصت ونزلت
بسملة: مالك ضاربة بوز انهارده كدا ليه
انا: مفيش
رحمة: هادية انهارده تتحسدي
انا: اممم
بسملة: مالك يابنتي
انا: وربنا مافيه حاجة امشو وانتو ساكتين بقى مش قدرة اتكلم
مشيت وكنت ماسكة الكتاب وبراجع فيه
بسملة: سيبي الكتاب شوية في اي مبتشبعيش
انا: اعوز بالله اعوز بالله في اي يابسملة ياحبيبتي مش كدا
الكل/ ههههه
مازن كان معدي ب العربية رحت مطلعالو لساني راح ضاحك بسملة فكرتو بيضحك لها
بسملة: اوبااا دانا شكلي امي دعيالي انهارده هتجوز بدري ولا اي
انا: تتجوزي اي يا قليلة الادب انتي متحترمي نفسك
فضلت بصة للعربية وانا بكلمها وهيا ولا هنا لحد مااختفي
بسملة: ايييي ماتسيبيني سرحانه ف مستقبلي الله
انا: ربنا ياخدك يابعيدة انتي ليكي مستقبل انتي متحترميي نفسك يا مهزأ انتي دا ابن خالتي
بسملة: قولي والله طيب مننا وعلينا مطلعش غريب الرقم بقى وحيات ابوكي
انا: بسملة اقسم بالله لو محترمتي نفسك ماهكلمك تاني
بسملة: طيب خلاص في اي دانتي قطاعة أرزاق
رحمة بضحك: اومال لو شفتي الاثنين التانيين بقى
بسملة: اوبااااا هو في اتنين تانيين خلاص واحد ليا وواحد ليكي ابت أرحمة وواحد ليكي يا إيمي
بصيتلهم بعصبية وسيبتهم ومشيت
بسملة: استنى بس معلش
واسرعو مشيتهم وومشيو معايا
بسملة: خلاص بقى
انا: اممم
بسملة: تبقى زعلانة... انا اسفه
انا: الله خلاص يا بسملة
بسملة: طيب براحة الله... بس جامد والله
انا: شفتي واقسم بالله انتي عديمة التربية يابنتي وربنا
وسيبتهم ومشيت وكانو بيسرعو عشان يلحقوني طلعت اجري ووصلت للبيت وطلعت غيرت هدومي وفطرت
والدتي: انتي هتغسلي الأطباق بقى
انا: وبيتغسلو ازاي دول
والدتي: تعالي انا هوريكي
دخلنا المطبخ وعلمتني ازاي اغسلهم وغسلتهم حلو وطلعت اذاكر شوية ببص ع الفون لقيتو رن مرتين ف رنيت عليه قفل ورن هو
انا: الو
محمد: عملة اي
انا: الحمدلله وانت
محمد: كويس
انا: اممم
محمد: امتحاناتك امتى
انا: بعد اسبوعين
محمد: ربنا يوفقك
انا: ياارب انا خايفة اوي يا محمد
محمد: لا متخافيش لسا الطريق طويل
انا: هو انت بتخوفني ولا اي بظبط
محمد: لا والله مش بخوفك بس متيأسيش انتي لسا ف الاول
انا: الناس بتقول تتعبي دلوقتي تستريحي بعدين استريح فين حضرتك دانا لما اخلص تالتة هدخل تمريض 4 سنين مرمطة والي بيدخلو ثانوي ويطلع عينهم ف المذاكرة عشان يدخلو كلية كويسة فين الراحة ف كدا انا نفسي افهم مش مرتاحين محدش مرتاح والله كلنا هنرتاح بس ف التربة انشاء الله
محمد: ماتبس بقى شيلتيني هم الدنيا ف ام المكالمة دي
انا: ههههه... عارف الواحد ياخدها من قصرها ويشوف مستقبلو
محمد: صح انتي صح المره ملهاش غير بيتها و جوزها وعيالها بلا تعليم بلا قرف
انا: هشتغل رقاصة
محمد: اتفو عليكي اشوفك بس وانا هديكي ميت قلم ع وشك
انا: في اي مش مستقبل دا مستقبل ولا مش مستقبل
محمد: اقفلي اقفلي عشان متعصبش عليكي
انا: بهزر في اي اي الحزن دا ياربي وبعدين انت عارف الرقاصين دول بياخدوا كام
محمد: بياخدوا كام
انا: مش عرفة انا بسألك
محمد بضحك: كنت عارف انك هتقولي كدا... قفلي ع السيرة الزفت دي بقي
انا: اتس اوكي
محمد: بس يابت يا مايعة انتي اتكلمي عدل ابت
انا بضحك: تصدق انك مهزأ فين المايعة دي يا حيوان انت
محمد: مهزأ وحيوان!! لا دانتي ختي عليا اوي
انا: ههههه
محمد بضحك: بتضحكي ع اي ياهبلة انتي
ذيدت ف الضحك اكتر راح ضاحك هو كمان
محمد: وحشتيني اوي
اتكسفت ومعرفتش ارد
محمد: وبعديين... كل ما اقولك كلمة تفضلي ساكتة كدا!؟
انا: الو
محمد: اه استعبطي بقى
انا: مش بستعبط والله
محمد: لا والله بتستعبطي كل ما اقولك كلمة تعملي من بنها
انا: خلاص بقى
محمد: سلام دلوقتي عشان نازل وانتي اقعدي ذاكري عشان والله لو جيت اراجعلك ولقيتك نسيه حرف هعلقك
انا: ماشي باي
محمد: باي
وانتهت المكالمة
قعدت اذاكر وقومت عملت نسكافية ورجعت اذاكر تاني
والدتي: ايمان يلا الغدا جاهز
انا: لا هاكل بعدين
والدتي: هاكل لوحدي يعني
انا: خلاص ياماما جايا
بصيت ف الكتاب وكل ماطلع عند الباب ارجع ابص فيه رحت وخداه معايا... طلعت حطيتو جمبي ع السفرة وكل شوية ابص فيه
والدتي: وبعدين
انا: في اي
والدتي: كلي وابقى ذاكري لما تخلصي الكتاب مش هيطير
انا: حاضر اهو
خلصت وربعت رجلي ومسكت الكتاب
انا: خلصتي
والدتي: اه
انا: طيب انا طالعة اذاكر عشان ابن اختك مستحلفلي
والدتي: ماشي
طلعت وانا بصة ف الكتاب رحت وقعة من ع السلم
والدتي: احسن
انا بضحك: رجلي وقفت
والدتي بضحك: هاتي ايديك قومي
قومتني وانا فطسانة ضحك ع منظري
لقيت الجرس بيرن
انا: هار اسود هو انا لحقت دانا هتشلوح
والدتي: اي هتشلوح دي بتجيبي الكلام دا منين روحي افتحي الباب
حطيت الكتاب وانا ببصلو بأسف ورحت افتح لقيتو خالي
انا وبحضنو : دا خااااالو هيييييييي
خالي بضحك: عملة اي يا هبلة
انا: وليه الغلط بس يا خالو... الحمدلله
خالي: امسكي متوريهاش لمامتك بقى لتطردني انا وانتي
انا بضحك: ماشي
كان جايبلي شوكولاتات وشيبسي كتير
طلعت فوق خبيتهم ونزلت قعدت معاه قعدت اللعب معاه ونهزر
الجرس رن اتنفضت من مكاني
خالي: في اي
انا: لا مفيش مفيش
رحت افتح الباب
انا: ابن حلال كنت لسا بجيب ف سيرتك
محمد وهو بيمسكني من هدومي: ذاكرتي
انا: ها اه ايوه ذاكرت
محمد: طب يلا قدامي
دخلت اجيب كتبي وهو كان بيسلم ع خالي
محمد: اخر مرة كانت جغرافيا صح
انا: اه
محمد: هنكمل
انا: احيه
محمد: احيه اي هو انا لسا قولت حاجة
انا: مش بحب الجغرافيا اصلا
محمد بعصبية: يلا يا إيمان
انا: شوف بتتعصب تاني
محمد: بس... قلتيلي المحيطات الثلاثة صح
انا: اه
محمد: طب تعتبر اسيا عبارة عن شبه جزيرة؟
انا: لان يحيط بها المياه من ثلاث جهات فقط
محمد: طيب... بم تفسر تعتبر اسيا اقبر قارات العالم
انا: بسبب مساحتها الكبيرة حيث انها تمتد بين 91 دائرة عرضية
محمد: ماشي... انتركتيكا خالية من السكان؟
انا: استنى لأنها متجمدة طوال العام وبسبب مرور القارة القطبية الجنوبية ف هذه المنطقة
محمد: في أي قارة يقع جبال الحاجز الكبير
انا: الحاجز الكبير؟ اه ف أستراليا
محمد: والاينديز
انا: أمريكا الجنوبية... كفاية جغرافيا بقى الله
محمد: هو بمزاجك... هخلص الدرس دا ونراجع اول درس تاريخ
انا: اتس اوكي
محمد: بصي هو سؤال مش ف نفس الدرس بس عايز اسألو بصراحة
انا: احيه قول
محمد: لماذا يطلق ع اسيا القارة الصفراء
انا: اه اه استنى كنت فكرها والله ايوه لان اكبر نسبه من السلالة المغولية يتركزون فيها
محمد: صح شطرة
انا: هييييييي...يلا نراجع انجليزي بقى
محمد بضحك: ماشي
راجعلي انجليزي ودراسات وانا كنت بنام وانا قعدة
انا: زهقت كفاية
محمد بضحك: طب قومي نامي وبكرة نكمل
انا: لا هنسمع التلفزيون سوا تعالا
محمد: مش من شويه كنتي عيزة تنامي
انا: كنت وبعدين انا اول ماببص للكتب ببقى عيزة انام مذاكرة وزفت يلاا بقييي
محمد: طب مشوار سريع كدا وراجعلك
انا: فين
محمد: ل علاء
انا: اممم طيب
محمد: متزعليش بقى مش هتأخر والله
انا: ولو اتأخرت مش فارقة كتير
بصلي وسكت ونظر الجه الأخرى وضحك
محمد: هتسمعينا اي
انا: مش لازم بقى روح عشان متتأخرش
محمد: يلا عشان مجيبش فيلم رعب
انا: لا رعب لا
محمد بضحك: طب يلا
انا: استنى هروح اعمل فشار وجيالك
محمد: يلا هنعملو سوا
انا: ماشي
دخلنا المطبخ نعمل الفشار عملناه ونسيت اغطيه قعد يطرقع ووحده جت ف ايديي
محمد: جرالك حاجة وريني كدا
انا بضحك: مفيش حاجة انا كويسة
محمد: طب ابعدي عن النار
انا: بعيده اهو
خلصنا وطلعنا قعدنا قدام التلفزيون ولقيتو كل شوية يبص ع الفون
انا: ماتقوم يا محمد متكولش دماغي وكل شوية تبص ف ام الفون قوم امشي
محمد: يابنتي خلاص في اي اهو قفلتو خالص ولا تزعلي نفسك
انا: هزعل ليه يعني انا
محمد: طيب خلاص اهدي في اي
انا: اوووف انا هاديه اهو شايفني بشد ف شعري
محمد: في اي تاني
انا: مفيش واقعد ساكت عشان مش طيقاك
محمد: تقلبات مزاجية بقى وكدا
شديت المخدة وحدفتو بيها : مش بقلك متتكلمش
محمد: في اي يابت هو انا اتكلمت
انا: برضوا بتتكلم
محمد: انا ماشي وسايبلك الحتة
انا: امشي مانت بتتحجج من الصبح عشان تمشي اصلا غور
محمد: يارب الصبر من عندك
انا: مش عاجبك الكلام كمان ومدايق
محمد: لا عاجبني يا حبيبتي مين قال كده
انا: اه بحسب
محمد: لا متحسبيش
قعدنا نسمع وكنت مقشرة راح راميني ب الفشار
انا: تؤ وبعدين
محمد: انا كلمتك
انا: بتحدفني ب الفشار
حدفني ب الفشار وهو بيتكلم: مين انا محصلش
انا: اومال انت بتعمل اي دلوقتي
محمد: باكل
انا: لا بتحدفو عليا
حدف عليا تاني: انا يابنتي
اخدت الفشار كلو ورميتو عليه
محمد: هار اسود
انا بضحك: احسن
جيت اجري راح شاددني ومسك ايدي الاثنين ب ايد وحده وقعد يهوش ب ايدو التانيه اكنو هيضربني
محمد: اللطشلك دلوقتي
انا بضحك: اوعا تمد ايدك هزعللللك
محمد: تزعليني!! وقدرتي تقوليها
انا: اه ياغرور قدرت اقولها متستهينش بيا
محمد: ولا تقدري تعملي حاجة
انا: متستفزنيش ياحظابط
محمد: دي الحقيقة مش هتقدرى تعملي حاجة
حاولت افك ايدي من ايدو بس معرفتش رحت ضرباه ب الرجل وطلعت اجري
محمد: اي الغدر دا
انا: قلتلك متستهينش بيا... اه بقلك اي ماتدربني
محمد: ادربك ازاي يعني
انا: ازاي اقاتل
محمد: ليه هتحاربي
انا: بس يا خفيف بس بس
محمد: ادربك اي انتي لو حد نفخ ف وشك هتقعي
انا: ليه يا حبيبي ورقة
محمد: ههههه
انا: بتضحك ع اي يا مستفز انت... عيزة اتدرب
محمد بضحك: بعد الامتحانات حاضر
انا: متجيبش سيرة الامتحان بتوتر
محمد: طيب خلاص
انا: انننننن خلاص
شدني من هدومي: مش طيقاني كدا ليه يابت انهارده
انا: معرفش ونزل ايدك لتوحشك ابابا
محمد: تصدقي خفت
انا: من حقك انا لو منك اخاف مني
محمد: هو الي بعلمهولك هيطلع عليا ولا اي
نزلت ايدو: ايدك بس كدا مش كل من مسك سلاح سفاح
محمد: لا اسمعي مني انا سفاح
انا: سفاح ع مين ياض
شدني من هدومي: وطي صوتك يابت
انا: تاني تاااااااني مبتحرمش تاني طب نزل ايدك مش هكرر كلامي مرتين
محمد: اله اله اله داحنا كبرنا بقى
انا: انا طول عمري كبيرة انت الي أحول وبعدين الكبير كبير عقل يابا
محمد: طب والي معندوش عقل زيك كدا يعمل اي
انا: هششش انت مبتفهمش انا مستوايا العقلي والفكري ميسمحليش ان اتكلم معاك ابعد ابعد كلم حد يكلم حد يكلم حد يكلمني انا Only I understand
ومشيت وسيبتو و كنت مشيا بكل تناكة رحت متزحلقة راح فطسان من الضحك
محمد بضحك: اي يا you understand وقعتي ازاي
انا: اسكت ضهري اتكسر منك لله ياشيخ
مدلي ايدو وهو بيضحك: قومي ياحجة قومي
انا: عيل رخم بصحيح
قومت وافتكرت انا وقعت ازاي قعدت اضحك
محمد: متأخرة 5 ثواني الموقف حصل وخلصنا انتي لسا فكرة تضحكي
انا: انت مالك انت
محمد: يابت لمى لسانك لقطعو
انا: هششششششششش
محمد: هشششششش انتيييييي
انا: لا هشششش انتاااا
محمد: بس يابت ياهبلة انتي
انا: اهو انت بس
وطلعتلو لساني وربعت ايدي وبصيتلو بعصبية
محمد بضحك: حاسس ان بتعامل مع طفلة اقسم بالله
انا: عندي شكة هنا بتخليني اعمل شك شك
وطي يجيب حاجة من الأرض لحقت نفسي وجريت قبل ميوصل لها طول عمره عايز يفتح دماغي الواد دا بس انا واعيا وبلحق نفسي
انا: هو انت ليه كئيب كدا متخليك فرفوش الدنيا مش مستهله
محمد: دي اسمها تفهات شيليها من دماغك
انا: في اي ياجدع جبتلي اكتئاب انا مكنتش كدا ع فكرة
محمد: انتي بتكتأبي انتي
انا: اعوز بالله من عينك ربنا يديم ضحكتي
محمد: ههههه ويديمك ليا
انا: يعني اي يديمك ليا شتيمة صح انا عرفة انت مش ناوي تجيبها البر انهارده
وطلعت اجري وراه ب الشبشب
محمد: يخربيت جنانك وربنا ماشتيمة
انا: كداب
بص ل السقف ورفع ايديه
انا: بتدعي عليا كمااااان لا بجد مكنتش اتقوقع منك انت بزات كدا انا اتغشيت فيك انت مش حظاااااابط لاااااااااا
محمد: اومال انا مين
انا: الله اعلم مش عرفة اصنف الحاله
محمد: هو انا بتهزق
انا بضحك: الله اعلم برضوا
بدل ماتدور وتبحث علي الروايات خليها علي تليفونك وحمل تطبيقنا
