روايه غيرة حب الفصل السبعون بقلم احمد صابر
*روايـة:غـيـرة الـحـب😘*
*الـبـارت:الـ70😘*
انا بضحك: الله اعلم برضوا
محمد: هو باباكي هيجي امتى
انا: هو انهارده اي اه بعد بكره
محمد: والله بفكر أكلمو ونعمل كتب الكتاب الأول عشان مش قادر بصراحة وبعدين نبقى نعمل الخطوبة ولا انتي اي رايك
وراح غامزلي
انا: مينفعش وبعدين بتغمز ع اي انت عبيط يابا عبيط
محمد: مش مستغرب مانتي مابتفهميش
انا: خليك استظرف كدا كويس
محمد: مانا مش قادر استنى بصراحة ف احنا نعمل كتب الكتاب الأول وبعدين نشوف الحوارت التانيه دي
انا: اي الهبل دا... وروح لو عايز تروح
محمد: يعني مش هتزعلي
انا: اه قول كدا بقى انك قاعد غصب عنك ومش حابب ان تقعد معايا وعايز تمشي.
محمد: وربنا ابدا اهو قعدت
انا: ههههه... خلاص روح بهزر
محمد: متأكده
انا: ايوه
محمد: يلا باي هكلمك لما ارجع
انا: باي
محمد: اي دا
انا: اي
محمد: اي إلى ع وشك دا
انا: اي إلى ع وشي مش حطه حاجة والله
محمد: لا اهو
باسني من خدي وطلع يجري وانا وقفة مصدومة
انا: اه ياقليل الأدب ياعديم التربية
قعدت اضرب ف المخدة بعصبية وطلعت فوق كان لسا بيركب العربية
انا: وحيات امك ماشي لما تجيلي
وحدفتو ب الكوتش
محمد: ابقى شوفي مين هيجيبهولك بقى
انا: ولا خد يالا الكوتش يابن الهبلة هار اسود
حطو ف العربية وركب
انا: ياهبل خلي بالك منو طيب
محمد: ليه بيمشي لوحدو
انا: لا يا خفيف بيطير
محمد: خشي جوا يابت بدل مطلعلك
انا: ياعم اجري شوف انت رايح فين
محمد: لو طلعتلك هرميكي من البلكونة براحتك بقى
انا: خلي بالك من الكوتش اصل بحبو اوي
محمد: نصيبي نصيييييبييييي ان يتقال للكوتش بحبك وانااااا لاااااا خشي جوا لاجي افرتك وشك خشي
انا: داخلة اي دا
دخلت وهو مشي عملت كباية نسكافيه وقعدت ف البلكونة شوية ولقيت الفون بيرن
انا: هاا
محمد: خشي جوا يابت لاجي احدفك
انا: عرفت ازاي ان قعدة ف البلكونة
محمد: انتي لسا هتستفسري ادخليييي
انا: دخلت اسكت بقى
محمد: بعد كدا لو لمحتك ف البلكونة وانا مش موجود مش هخلي ل وشك ملامح
انا: هتعرف ازاي وانت مش موجود
محمد: زي معرفت دلوقتي كدا
انا: انت بتراقبني ولا اي
محمد: اممم
انا: اممم ازاي
محمد: طب بزمتك هراقبك ازاي انا متحاوليش تشغلي دماغك تاني يا إيمان
انا: انت فين
محمد: لسا ماشي ف الطريق
انا: بتتكلم وانت سايق ازاي اي الغباء دا لما توصل ابقى كلمني
محمد: حاضر يلا باي
انا: باي
وانتهت المكالمة
نزلت ولسا هقعد لقيت الجرس بيرن ورحت افتح
حنين: هاااي
انا: متتظبطي يابت
حنين بضحك: بهزر يابنتي... السلام عليكم
انا: عليكم السلام... لسا جايا من الدرس
حنين: لا جايا بقالي شوية روحت شنطتي وقلت اجي اقعد معاكي شوية
انا: اومال فين ملك
حنين: ف البيت بتذاكر
والدتي: ازيك يا حنين
حنين: الحمدلله يا خالتي انتي عملة اي
والدتي: الحمدلله ياحبيبتي اومال ماما فين
حنين: ف البيت شوية وهتلاقيها جايا
والدتي: ماشي... وانتي تعالي عشان اسرحلك
انا: طيب هدخل اخد دوش واغسل شعري وجايا... خليكي هنا مش هطول
حنين بضحك: ماشي
دخلت اخدت دوش وغسلت شعري ولبست سولبت قطن وعليها ارنب
حنين: هاتي يا خالتي انا هسرحلها
والدتي: ماشي امسكي
وبعد دقائق
سيبتلي شعري وعملتلي ضفيرتين وسيبتلي القُصة
حنين: ركزي معايا بقى عشان عيزاكي ف موضوع مهم
ربعت رجلي وحطيت ايدي ع خدي وبصيتلها
انا: ارغي
قعدنا نتكلم شوية وكان الكل اتجمعو وخلاتي كلهم ومازن ومعاذ وملك بس محمد مكنش لسا جه رنيت عليه بس مردش رنيت 12 مرة وبرضوا مفيش استجابة
انا: مازن
مازن: نعم
انا: رن ع محمد كدا رنيت عليه 12 مره ومش بيرد
مازن: متقلقيش اكيد جاي ف الطريق
انا: طب رن بس
مازن: دا مردش عليكي انتي شخصياً هيرد عليا انا بس ع العموم اهو
وطلع الرقم ورن عليه ومكنش بيرد ورن مرة كمان ومردش ف قلق هو كمان وفضلنا نرن عليه
مني: في اي
انا وع وشك البكاء: محمد مش بيرد
مني: مش بيرد ازاي مش فهمة
انا: رنيت عليه ومازن رن عليه ومش بيرد
والدتي: رنو تاني
مني: رن تاني يا مازن رن تاني لا تقوم تشوفو فين اقلك قومو شوفو اخكو فين قومو
قامو الاثنين وقربو من الباب ولقو الجرس بيرن فتحو الباب وكان هو شدوه من هدومو وقفلو الباب
مازن: كنت فين يالا
محمد: فيييي ايييي كنت ف الشغل
مني: مش شايف انك اتأخرت شوية لا شوية اي اتأخرت اوي
محمد: كويس ان خلصت بدري كنت هفضل للفجر اصلا
انا: ومش بترد ع موبايلك ليه كنت رد طمنا ع الاقل نعرف انك كويس
محمد: مانا كويس اهو يا حبيبتي هيجرالي اي يعني والفون كان سايلنت وانتي عرفة بعمل كدا ع طول
انا: برضوا لما شفت الرنات مرنتش ليه
محمد: والله شفتها لما قربت من هنا كنت انا وصلت خلاص
مازن: اومال شايل فون ليه مش فاهم زيو دي قلتو مش كدا ملوش لازمة
واخدو ورماه ع الارض الفون اتكسر ميت حتة
انا: هار اسود
محمد: في اي يابني قلتك مشفتش الرنات لو كنت شفتها كنت رديت اي إلى هيمنعني
مازن: ولما انت عارف انك هتتأخر متصلتش وعرفتنا ليه
محمد: انتو مكبرين الموضوع كدا ليه انا جيت اهو والحوار خلص انا مكنتش اعرف ان انا هتأخر والله لو كنت اعرف كنت رنيت
مازن: بتضحك ع اي انت مستفز يالا
محمد بضحك: طب اعمل اي طيب
مازن: محمد متستفزنيش... كلنا كنا قلقانين وانت واخد الموضوع ببساطة
مني: الموضوع خلص خلااااص وانت لما تكون هتتأخر ابقى قولنا الأول
محمد: حاضر
انا: لا هزقو يا مازن عيل مهزأ
محمد: الله يسامحك
انا: اي يالا البرائة دي
محمد: شفتي عشان تعرفي انك ظلماني
انا: اممم
محمد: مشوار سريع وجاي
الكل/ فيييين تاااااني
محمد بضحك: هجيب موبايل بدل إلى الاستاز مازن كسرو وانتي تعالي معايا يلا
والدتي: قرطاس لب انا
محمد: لا يا خالتي احنا لينا عندك خروجة عشان مطلعناش المرة الي فاتت معندكيش حجة
والدتي: بس متتأخروش
محمد: حاضر... وانتي هتفضلي متنحالي قومي اللبسي
بصيتلوا بزهق وطلعت لبست دريس اسود وطرحة سوده والكوتش اسود
والدتي: اي راحة تعزي
انا: اه
والدتي: خشي يابت غيري الاسود دا
انا: يا ماما انا لبستو وخلاص وبعدين انا ببقى مرتاحة ف اللون دا اكتر
محمد: طب يلا يلا يمكن اخلص وتعزو فيا انا انهارده
انا: متهبلش انت كمان عشان محلفش مانا طالعة عشان انا مش طيقة ابص ف وشك ف عدي ليلتك
معاذ: لا مسيطرة
حنين: جدعة وريلو الوش التاني
محمد: يلا ربنا يهديكي
طلعنا ركبت وهو كذالك وكنت ساكتة
محمد: ساكتة ليه
بصيتلوا ورفعت حاجبي وبصيت من الشباك تاني
محمد: في اي يابت هو انا قاتلك قاتيل
مردتش ارد لقيتو مسك ايدي
محمد: طب اي مزعلك طيب
كنت بحاول معيطش ع قد مقدر
انا: مردتش عليا ليه كنت قلقانة اوي انا من ساعتها وقلبي عمال يوجعني اصلا بس انت انسان معندكش دم رنيت عليك 12 مرة وانت مكلفتش نفسك ورديت ع رنة وحده فيهم...
حسيت ان دموعي هتنزل ف بصيت الجه الأخرى ومسحت دموعي
وقف العربية وبص ع الجه الأخرى ورجع بصلي
محمد: فكرك لما تبصي النحيه التانيه مش هعرف انك بتعيطي يعني
انا: اعرف الي تعرفو انا مش بعيط
محمد: شوفي حد تاني تضحكي عليه ب الكلمتين دول مش انا... انا مشفتش الرنات اقسم بالله مشفتها لو كنت شفتها كنت رنيت والله... هكون مبسوط وانا شايفك بتعيطي كدا يعني هبقي مرتاح مثلا؟!
بصيت من الشباك ومردتش
محمد بضحك: وبعدين بصيلي هنا عايز اشوف شفايفك وهيا حمره كدا
انا: بطل قلة أدب عشان متفش ف وشك
محمد بضحك: الناس كلها بتتغير الا لسانك
طلعتلو لساني عشان اغيظو لقيتو بيضحك انا الي اتفاظت رحت ضرباه
محمد: هروح مديكي قلم اوقعلك صف سنانك
انا: انت عيل بارد ع فكرة
محمد: عارف
انا: كل الظباط باردين عارف ليه عشان باردين برضوا كل الظباط مش بيهزرو ولا بيضحكو وحياتهم كلها جد ع طول اضحكو الدنيا مش مستاهلة دانتو بومة جاتكم القرف بس علاء دا مش عرفة ظابط ازاي دا بصراحة دمو خفيف
محمد: اممم ممكن اسيحلو دمو الخفيف دا برضوا
انا: هو عملك حاجة
محمد: وتحزير بعد كدا متجيبيش سيرة راجل غيري ع لسانك عشان مقطعلكيش لسانك وانا مش بقول كلام وخلاص وانتي عرفاني كويس
انا: ع فكرة انت كدا بتخوفني منك اكتر
محمد: خافي واي المشكلة
انا: مانا لما بخاف مش هبقي عيزة اكلمك ولا حتى اشوفك متخوفنيش منك يا محمد متخوفنيش منك
محمد: انا مش بخوفك انتي الي بتخوفي نفسك بنفسك لما تسمعي الكلام مش هيحصل حاجة القيامة مش هتقوم
انا: انت الي غريب مجيبش سيرة راجل غيرك يعني لما اتكلم عن خالو او بابا انت هتزعق؟
محمد: انا مش قصدي كدا
انا: طب مانا اهلي فيهم ولاد كتير ولاد عمي وولاد خالي والاد خالتي كتير
محمد: اهو دول بقى متجيبيش سيريتهم ع لسانك عشان بتعصب ماااشي
انا بخوف: ماشي... طب اي هنفضل واقفين كدا
شغل العربية ومشينا وصلنا قدام محل الموبايلات
محمد: خليكي هنا عشان في شباب جوه
قفل الشبابيك والبيبان
انا: انا خايفة هتسيبني لوحدي
مسك شعرو وبص ع الجه الأخرى وفتح الباب ونزلني ومسك ايدي ودخلنا
انا: المحل عبارة عن ايفون فين الأنواع التانيه انقرضت ولا اي
محمد: ههههه
انا: هاتو زي فوني بظبط
محمد: ليه
انا: معرفش هو كده
محمد: هجيبو اسود
جابو لونو اسود ودفع الفلوس وكنا طالعين
انا: انت عيل رخم
محمد بضحك: يابنتي مهما الاثنين نفس النوع الفرق اللون بس عادي يعني
انا: لااا فين المصداقية
محمد بضحك: اكسرو واروح اشتري نوكية عشان المصداقية بتعتك طيب ولا اي
انا بضحك: تصدق فكرة
محمد بضحك: والله مامزعلك تعالي
غيرو وجاب واحد لونو ابيض زي فوني وعملو اسكرينه للوش وللظهر
انا: هاتلو كاڨر بينك زي بتاعي بقى
محمد: لا كدا كتير طب انتي بنت ف طبيعي تحطي اللون دا انا احطو ليه
انا: خلاص ياعم
جابلو كاڨر اسود وخرجنا
محمد بضحك: اركبي يا إيمان اركبي
اخدتو منو وكل شوية احطهم جمب بعض
انا: اموت واعرف مين ابن الجزمة الي اكل نص التفاحة الي ع الفون دي
محمد: ههههه
انا: شكلو كان جعان
فون منهم رن رحت مفزوعة
انا: فوني الي بيرن... الو
والدتي: اي هترجعو وش الفجر يعني ولا اي
انا: مليش دعوة خدي كلميه اهو
محمد: هو احنا لحقنا يا خالتى داحنا يدوب لسا خارجين من المحل
والدتي: الساعة 9 الا 10 دا كلو ومخلصتوش
محمد: احنا خارجين من البيت وهيا 8 ونص اصلا ع العموم شوية وجايين مش هنتأخر
والدتي: ماشي يلا سلام
محمد: سلام
وانتهت المكالمة
انا: شيك شاكشوك
محمد: بت اعقلي وبطلي الهبل دا
انا: تاو تاو تاو تاو تاو تاو تاو
محمد: بسسسس ايييي راديو افصلي دا الراديو بيفصل يا شيخة
انا: عارف يا محمد يابن مني لو عليت صوتك تاني هعمل اي هصوت والم عليك الناس واخلي الحكومة تيجي تأخدك ع السجن
محمد: طب اسكتي يا بابا بدل ماوديكي انا السجن بنفسي
انا: بريئة ياباشا والله... البانجو مش بتاعي والله بريئ يابيه دا الزنب زنب حامد هو الي رماني عليييييه
وقعد أكرر ف الجملة وانا بعلي صوتي وارقص
محمد: اسكتي هنعمل حادثة ب ام صوتك دا اسكتي
انا: دانا صوتي تحفهههه
محمد: اه دانا اشهدلك بحسك بتصوتي مش بتغني
انا بصوت عالي: حبييييييييتك يووووووم ماتلقيييينااااا لما حكينااااااا اول كلاااااااام
وقف العربية ونزل فتح شنطة العربية وجاب حبلين ولزق وربطني وحط اللزق ع بوقي
محمد: لو سمعت نفسك هحطك ف شنطة العربية
انا: هههههه
ضحك وركب وساق العربية
قعدت ابط ب رجلي ف العربية راح شايل اللزقة
محمد: هااا
انا: هااا اي انت قافش حرامي يسطا فكني انا ممكن ابلغ عنك دي جريمة انت خاطفتي كدا
محمد: روحي بلغي
انا: فكني يا رخم
بدل ماتدور وتبحث علي الروايات خليها علي تليفونك وحمل تطبيقنا
