روايه غيرة حب الفصل الواحد و السبعون بقلم احمد صابر
*روايـة:غـيـرة الـحـب💞*
*الـبـارت:الـ71💞*
انا: فكني يا رخم
محمد: هفكك بس وربنا لو هبلتي هروح فاتح الباب وحدفك
انا: متقدرش
محمد: لا أقدر
انا: والله متقدر
محمد: ليه
انا: عشان انت بتخاف عليا ولو انا اتأذيت كأن انت الي اتأذيت انت بتقولي كدا
محمد: دي حقيقة... ونتي وخداها نقطة ضعف
هزيت راسي ب اه وانا بضحك
محمد: يخربيت خدودك مستفزة ببقى نفسي اعضها
حطيت ايدي ع خدوي: احترم نفسك بقى ويلا نروح
محمد: لا نروح اي تعالي نروح نتعشى سوا
انا: لا مش هدخل مطاعم دلوقتي بتبقى فيها ناس كتير وانا بتوتر
محمد: مانا معاكي هتتوتري من اي... يلا
انا: ونبي لا خلينا نروح انا بردانة اصلا
محمد:العربية دفي وغير ان جوه دفي برضوا
انا: لا ونبي انا مش بحب التجمعات وانت عارف خلينا نروح
محمد: طيب خلاص اهدي... طب نروح نشرب حاجة طيب
انا: ماهو كافيه برضوا لا يلا هنروح نشرب ف البيت
محمد: مهو مش هينفع الخوف الي انتي فيه دا يلا هنروح نشرب حاجة ع الاقل اومال احنا خارجين ليه
انا: خرجنا شوية اهو ونبي يلا نروح بقى انا هعمل عصير والله عنت بعرف اعملو ع فكرة
محمد: طب تعالي نقعد ع البحر شوية
انا: ماشي
وقفنا العربية ونزلنا نتمشى
محمد بضحك: خدودك حمره كدا ليه
انا: انا! ليه
محمد: بتسأليني انا... بس تصدقي شكلهم حلو
انا: اتلم شوية بقى اتلم
محمد بضحك: هتلم حاضر
طلعت ع السور القصير ومسكت ف الحديد وكنت ببص ع البحر
انا: البحر لونو اسود
محمد بضحك: هو في بحر اسود دا عشان الليل بس
انا: مانا عرفة... طب هل البحر الاسود لونو اسود
محمد: لقب
انا: طب هل البحر الميت مات لوحدو ولا حد قتلو
محمد: متسكوتي لقتلك وارتكب جريمة انهارده
انا: تعالي هنا اهو
مسكت ف رقبتو وهو كان ماسكني
انا: هععع انا أطول منك
نزلني ع الارض وهو كان أطول مني رحت طالعة تاني
محمد: قزعة
انا: ع فكرة انا بدايق عارف لو انا قصيرة مكنتش هدايق لاكن انا طولي مظبوط انت الي طويل
محمد بضحك: طيب خلاص متزعليش
انا: عيل رخم
كنا بصين ع البحر وانا كنت سرحانة
محمد: بتفكري ف اي
انا: مش بفكر
محمد: عندك حق
انا: مهزأ
محمد: الله يخليكي... يلا بقى نروح عشان خالتي هتجري ورانا
انا بضحك: يلا
نطيت من ع السور ووصلنا للعربية وركبنا جبنا شوية حجات من السوبر ماركت وروحنا
والدتي: مالسا بدري يا بهوات
محمد: في يا خالتي الساعة 10 ونص اهو
والدتي: و5 يا حبيبي
محمد: هتفرق يعني 5 دقائق
والدتي: طبعاً
محمد: حقك عليا معلش ازاي اتأخر 5 دقايق كتير 5 دقائق
والدتي: اه كتير... وانتي ادخلي غيري الاسود دا
هزيت راسي وكنت طالعة
محمد بضحك: اجي اساعدك
والدتي وهيا بتضربوا: بطل قلة أدب واتلم
محمد بضحك: هتلم حاضر... قلتلكو نعمل كتب الكتاب ونخلص
والدتي: برضوا
محمد بضحك: خلاص
مني: قليل الادب مترباش
محمد: الله مش دي الحقيقة مش هتشيل اسمي دي وتبقى ام بنتي انشاء الله ولا اي يا بطل
انا: قسما بالله يا خالتي لو مسكتيه لكون معلمة عليه
مني: هو يستاهل
شدتو من شعرو
محمد: اه راسي
انا: احسن
محمد: راسي وجعتني ع فكرة
انا: ملقيتيش غير راسو يا منى
مني: اي يا حنينة
انا: وريني ياعم
محمد: لا ومتتكلميش معايا
انا: انا عملتلك اي
محمد: فرحانة فيا
انا: والله ابدا وريني كدا
محمد: خلاص مفيش حاجة
انا: انا غلطانة
وكنت طالعة راح ماسك ايدي ومقعدني ونام ع رجلي
محمد: اللعبى ف شعري زي مابتعملي بقى
انا: اقلعهولك واخلص
محمد: مااروح احلقو أسهل
انا: لاااااا
محمد: ودني ودني كذا مرة اقلك صوتك عااالي
انا: دا صوتي الطبيعي
محمد: نغيرو
انا: هششش
محمد: اسمع صوتك يعلي تاني
شيلت راسو بعصبية وطلعت غيرت هدومي ونزلت كان خالو جه وابنو الصغير محمد واختو ملك
انا: مين جاب البلية دا هنا روح يالا
قعد يتكلم بطريقة مش مفهومة
انا: بيقول اي الواد دا
خالي: لا دا بيشتم بس
انا: بس طب كويس... هات حضن
مرضاش يجي
محمد: احسن واتلمي بقى شوية واقعديلك ف حتة
انا: ملكش دعوة تعالي يا محمد
جه حضني وقعدت ابوسو من خدو
محمد: يابت اوعي كدا اوعي يالا هحدفو من البلكونة وربنا اوعي يابت لديكي ف وشك
انا بضحك: انت ماااالك دا صغييير
محمد: راجل دا ولا مش راجل... راجل صح يبقى تحترمي نفسك
انا بضحك: هات بوسة
جه يبوسني راح شايلو ومقعدو بعيد
محمد: عارف لو قربتلها هدفنك
مني بضحك: يخربيت عقلك
انا: اوعا يالا حرام عليك
الواد خاف منو ومسك فيا
محمد: برضوا
انا بضحك: غيران غيران
محمد: لا مش غيران
انا: والله غيران اومال مدايق ليه
محمد: هو كدا
انا: طب متبقاش تزعل بقى وملكش دعوة ابن خالي وانا حره
محمد: لا معنديش انا الكلام دا هروح مديكي طلقتين ع طول انا مش عايز هبل
انا: يلا يالا نروح نلعب
اخدت ابن خالي ورحنا نلعب
ملك بنت خالي كانت بتدور عليا: يا مرات خالي
بصينالها كلنا بصدمة
محمد: بتقول اي دي
انا: مش عرفة... اسكتي ياهبلة انتي
محمد: ازاي طفلة زي دي تقول كدا من نفسها
انا: يابني متعرفش حاجة
الجرس رن وقومت افتح كانت اسراء وخالد ونسرين
نسرين شافتني قعد تضحكلي
انا: هبلة
دخلو وكنا قاعدين كلنا مع بعض ومحمد وخالو وخالد قعدين مع بعض
لقيتو قاعد سرحان
انا: روحي غلسي ع بابا شوية... بصي هقلك هزقيه شديه من شعرو واطلعي اجري الجري نص الجدعنة مش عيب
ضحكت وجريت فكرتها هتعمل زي مانا قلتلها لقيتها طلعت ع الانتريه وحضنتو
بصيت الجه الاخري بعصبية: اه يابنت المستفزة
قعدت اهز ف رجلي بعصبية محمد ابن خالي شدها ونزلها وقعدو يلعبو مع بعض
انا: واد بيفهم
الجرس رن ورحت فتحت كانت منار وبنتها الصغيرة
وكلهم كانو متجمعين ف اليوم دا ودوشة الأطفال صدعتني
انا بصوت عالي: بسسسسس فيييي اييييي متسكتو ف ايييي مبتزهقووووش
منار بضحك: في اي يابت خضيتي العيال والبت كانت نايمة قامت مفزوعة
انا: صدعوني هعيط وربنا كل وحده تقعد ابنها او بنتها جمبها ولا وديني ومااعبد لكون حدفاهم من البلكونة وانا قد كلمتي انا معنديش قلب وانتو عرفيني
كل وحده شدت ابنها او بنتها بخوف وقعدو ينيمو فيهم
منار: هو محمد عداها ولا اي
اسراء بضحك: النسخة التانيه من محمد
منار بضحك: هو بيحب الأطفال اه بس مش بيحب الدوشة دي بقي ولا بتحب الأطفال ولا بتحب الدوشة
والدتي: كارها نفسها
اسراء بضحك: اهي بتكرهم بس بيحبوها معرفش ازاي
سمعنا صوت عالي عند الباب ورحت افتح لقيت معاذ ومنة بيتاخنقو قدام الباب
انا: في اي يا مجانين
منة: اسأليه
معاذ: دي بت تافها اصلا مابتصدق تتخانق
منة: والله لا هو الي عمال يستفزني
معاذ: انتي الي لسانك طويل متقعدي ساكتة
منة: وأسكت ليه انشاء الله
معاذ: يابت متعليش صوتك لديكي ف وشك
منة: شوفتي
انا: خش ياض منك ليها وبطلو شغل العيال دا
معاذ/ منة: شووف مين بيتكلممم
انا: مين ياختي منك ليه
معاذ: طفلة العيلة
انا: خفة
دخلو وهما لسا بيتخانقو قعدو وهما بيبصو لبعض بقرف
فضلنا سهرانين لساعة 2بس انا مقدرتش اسهر ونمت
*تاني يوم*
صحيت دخلت اخدت دوش واديت فرضى وكنت بنده ع ماما
انا: ماما ماماااااا... ممكن تكون عند خالتي
كنت عيزه اروح بس كسلت دخلت المطبخ لقيتها مجهزة الفطار وحطاه ف الميكرويف بس مكنتش جعانة
انا: اوووف هروح
طلعت الشمس جت ف عيني رحت مغمضة لحد ماوصلت للباب وفتحت وطلعت
انا: دا كلو سلم هو انا طالعة المريخ اوووف
رجلي وجعتني رحت قاعدة عشان لما بكون لسا صحيه مش بقدر امشي
معاذ: قعدة كدا ليه ياهبلة
انا: بشحت
معاذ: لا ع باب المسجد بقى
انا: اوعي يالا من وشي امي فين
معاذ بتريقة: امي فين... بقرة
انا: واقسم بالله انا لو فايقة كنت اديتك قلمين لوحتلك وشك و ب اي سكينة وف بطنك
معاذ: وش إجرام
انا: عرفة اتنيل واوعا بقى كنت رايح فين صحيح
طلعلي ليست كبيرة
انا: هههههه احسن
معاذ: طب تعالي معايا بقى
انا بضحك: يلا... استنى هقول لماما
نزل تحت وانا طلعت اقول لماما
رنيت الجرس وخالتي فتحت
انا: ازيك يا منمن
مني: الحمدلله يا حبيبتي تعالي
انا: فين الحجوجة بتعتي
مني بضحك: جوه ادخلي
انا: احجوجة
والدتي: عيزه اي يابت بطلي صداع
انا: هروح مع معاذ نجيب الطلبات
والدتي: هو فين اصلا
انا: مستني تحت
والدتي: طيب بس متتأخروش عشان لو محمد عرف هيزعق
مني: ههههه
انا بضحك: اضحكي يا منى اضحكي مش عرفة اي فرعون الي انتي جيباه دا... سلااام
فتحت الباب ونزلت
معاذ: ابو الي يستناكي ياشيخة
انا: في اي وربنا احلف مانا جايا
معاذ: انتي بتزليني ابت انتي متجيش براحتك
انا: طيب انا طالعة
معاذ: خلاص خلاص تعالي معلش
انا: عالم متجيش الا بالعين البمبي
معاذ: البمبي!! نمشيها البمبي
انا بفرحة: هتطلع الريس
معاذ: كنت عارف انك هتقولي كدا بس لاا هروح ب عربية مازن
انا: ولييييه مالو الراجل مشتكاش ونبي يا معاذ ونبي ونبي ونبي
معاذ: لا محمد هيزعق
انا: منك لله انت ومحمد اخلص يلا
ركبنا العربية ومشينا
انا: يارب تتقلب
معاذ: مانا لو اتقلبت هتتقلبي معايا جاتك نيلة
انا: هفط من الشباك
معاذ: ندلة وتعمليها
وصلنا للماركت دخلنا جبنا الطلبات وروحنا
انا: صحي
مني ابتسامة بضحك: لا لسا... ادخلي صحيه عشان يفطر
انا: حاضر
فتحت الباب ودخلت فتحت الستارة وفتحت باب البلكونة
انا: محمد اصحى
حط البطانية ع وشو: اطلعي يابت وحلي عن دماغي
انا: ماتقوووم يالا
محمد: مش قايم تعالي نامي واسكتي
شدني عليه وهو نايم رحت ضرباه ب القلم
انا: متبطل قلة الأدب الي فيك دي بقي وقوم
محمد: اي إلى انتي عملتيه دا
انا ومخبية وشي: عملت اي انت الي قليل الادب لما تحترم نفسك مش همد ايدي عليك يالا قوم عشان تتطفح
محمد: اطفح!! لسانك بينقط سكر
انا: عرفة
دخلت جبتلو هدومو وطلعت لقيتو قاعد وحاطط ايدو ع خدو وغمض عينو
انا: متقوم بقى ياشيخ زهقتني
زق وشي ب ايديه ب عصبية: قايم قاييييم ابو شكلك... الناس تصحى تقول لبعض صباح الخير دي تقول قوم زهقتني ياشيخة ربنا ياخدني من وشك
انا: يارب
بصلي واخد هدومو وطلع رتبت السرير واخدت فونو وقعدت اللعب لقيتو جه واخدو وانا مسكاه بصيت ل ايدي بعد مأخد الفون وبصيتلو
انا: انت ازاي تاخد من ايدي الفون كدا
محمد: فوني دا ع فكرة
انا: دا عندها يالا ازاي تاخد الفون من ايدي هااات
مرداش يرد عليا وحط الفون ف جيبو ووقف قدام المراية يسرح شعرو
انا: انا بكلمك ع فكرة
مردش عليا ولا حتى بصلي رحت وقفة قدامو وزقيتو
انا: انت مبتردش عليا ليه ها
وزقيتو تاني: ماترد
*يتبع🖇️*
بدل ماتدور وتبحث علي الروايات خليها علي تليفونك وحمل تطبيقنا
