روايه غيرة حب الفصل الواحد و الثمانون بقلم احمد صابر
محمد. :لا
ضربتو ع كتفوا: طب اتجر قدامي
محمد: طب براحة عشان بخاف
انا: نينيني ظريف
ضحك وطلع وانا مسكة ف ايديه وببص ورايا بخوف
محمد: خايفة من اي اثبتي وامشي عادي مفيش حاجة
غمضت عيني واخدت نفس وهديت ومشيت بكل ثقة
انا: سيب ايدي سيب انا بعرف امشي لوحدي هو انا طفلة
ساب ايدي ولسا بمشي رجلي تخبطت وكنت هتكفي ع وشي مسكت ايدو عضيتها: سيبت ايدي لييييه
محمد: مش انتي الي قولتيييي
انا: بتسمع كلامي لييييه انا هبلة
قعد يضحك عليا
انا: فين المجرمين
محمد: تحبي تدخلي تزوريهم ف الزنزانة
انا: لا شكراً مش عيزة
شدني واتجه لزنزانة: لا لتكوني عيزه تدخلي ولا حاجة
انا: ابوس ايدك خلاص مش عيزه انا اسفه
رجع وشدني وراه اخدت نفس وهديت
انا ف نفسي: دانا لو مجرم مش هيشدو الشدة دي اعتبرني قريبتك ياجدع
شدني وراه زي الكتكوت دخلنا المكتب حطني ع الكرسي وحط الكلبشات ف ايدي
معاذ وحنين قعدو يبصو عليا ويضحكو
انا: اوووف فكني
محمد: لما تعقلي... مش عارف اشوف شغلي بسببك كل شوية من حتة ل حتة زي الأرنب
انا: انا جعانة
محمد: عيزه تاكلي اي
بصيت لسقف بتفكير: اممم.... ممكن بيتزا
محمد: وانتو
معاذ/ حنين: زيها
انا: مفيش شخصية خالص
عمل اوردر من ع الابلكيشن وحط الفون ورجع بص ف الورق
انا: حظابط
محمد: نعم
انا: عيزة اشرب
اتصل ع حد دخل جاب ميه وعصير لينا وليه هو قهوة
انا: لو سمحت رجع القهوة دي وهات عصير
الراجل بصلوا زي مايكون مستني منو الأمر: انا الي بقلك هو انت مستنيه يقلك ولا اي
الراجل: اخدها ياباشا
هز راسو ب اه... الراجل اخد القهوة وطلع وجاب العصير وحطو ومشي
انا: راجل سمج يا ساتر
ابتسم بضحك ورجع بص للأوراق
محمد: بس انا كنت مصدع وعايز اشرب قهوة اوي
انا: خد برشامة مش حكاية يعني بس القهوة غلط بليل
محمد: ماشي
انا: مش هتفكني بقى
كمل وهو باصص ف الأوراق: لا
انا: انت جاحد اوي يالا
محمد: عارف
انا: اوووف
الاوردر جه رحت بصالو: هاا هاكل ازاي انا بقى
محمد وهو بيحاول ميضحكش: هفكك وارجع اكلبشك تاني عاادي
انا: طب فك
فك ايدي وبدأنا ناكل بس هو كان باصص ف الورق ومش بياكل
انا: مش هتاكل
محمد: لا
انا: ليه
محمد: مش جعان ومش فاضي
انا: Together
8
محمد: اه
انا: طب كل وارجع كمل
محمد: هخلص وبعدين ابقى افكر اكل
انا: تفكر!!... اي يالا التناكة دي ع الاكل كمان
محمد: فين التناكة ف كدا هخلص واكل
انا: لا كل وبعدين خلص
محمد: هخلص وبعدين هاكل
انا: لا هتاكل الأول وبعدين تخلص
محمد: وانا قولت هخلص الأول
انا: وانا قولت هتاكل الأول يعني هتاكل الأوااااااال
حدفتي ب ازازه الميه: ميت مرة اقلك صوتك عااالي
فتحت الازازة وشربت منها
محمد:يخربيت الاستفزاز
شربت منها وحدفتو بيها وسبت المكتب وفتحت الباب وطلعت اجري بس المرة دي طلعت بره القسم خالص وفضلت ماشيه
كان فيه ولدين مشيين عمالين يبصو برقت بخوف وخصوصا اننا بليل لفت بسرعة عشان امشي
الولد: خدي هقلك بس راحة فين
انا: وانت مال اهلك انت
الولد: طب ليه الغلط بس ماحنا بنتكلم عادي مفيهاش حاجة يعني
انا: انت هتهزر معايا بروح امك... ابعد كدا
الولد التاني: هنتعرف بس
انا: يتعرفو عليك ف مشرحة ميعرفوك يابعيد
الولد التاني: لا عجبتيني
كنت مرعوبة بس بحاول مبينش ان خايفة ع قد مقدر
انا ف نفسي: فينك يا محمد
جيت امشي مد ايدو عشان يمسك ايدي بس قبل ميلمسها لقيت ايد تانيه مسكت ايدو فكرت صحبو التاني رفعت راسي لقيتو هو الروح ردت فيا تاني ومخوفتش
محمد: قلبك جابك انك تفكر لمجرد تفكير بس انك تتكلم معاها لا وكمان عايز تمسك ايدها لا جريئ
لف ايدو سمعت صوت دراعو وهو بيطرقع الواد راح مصوت: دي ايدك الي فكرت تلمس بيها حاجة تخصني
الواد فضل يعيط ويصوت من ايدو دا يعتبر اتكسرت... وانا من الصدمة مقدرتش اتكلم
انا ف نفسي: اي فيلم الاكشن الي انا فيه دا
التاني جه يجري راح ماسكو: بتجري ليه ياحبيبي بتجري ليه تعالي انت خايف منى ولا اي متخافش داحنا هنلعب مع بعض بس... حظك بقى انك وقعت مع واحد مبيتفاهمش
ضربو الواد ب البوكس قعد ينزف من منخيرو خوفت من منظر الدم وانكمشت ف نفسي ووقفت بعيد وجسمي بدأ يترعش
نده ع العسكري جه يجري ومسكهم ودخلهم جوا بص عليا وشدني وراه بعصبية رهيبة حسيت ان دراعي هيتخلع: اه ياحوستي السوده يانا ياما يا زهرة شبابك الي اتحولت لحزمة جرجير يا إيمان يابنت مها دانا هتعلق
دخلني المكتب وطلع براه وقفل الباب جامد اتفضت من مكاني
معاذ: فى اي بتترعشي كدا ليه
حنين: فى اي يابنتي ردي اي إلى حصل وهو متعصب كدا ليه
مكنتش عرفة اتكلم من كتر الخوف وخايفة من ردت فعلو وعرفة ان اليوم مش هيعدي ع خير لقيت الباب اتفتح حضنت حنين بخوف دخل ورزع الباب كلنا اتخضينا
قعد ع الكرسي وشد الكرسي الي كنت قعدة عليه بعصبية رحت مخبية وشي عشان وهو متعصب مش بيبقى ف وعيو
اتكلم بطريقة رعبتني: اي إلى حصل
كنت بتشنهف ومش عرفة اتكلم: م مفيش ق قعدو يستظرفو لحد مانت جيت ك كدا
محمد: وانتي اي إلى طلعك بره
قعدت اتشنهف ومش قدرة اتكلم ولا اتنفس وقلبي كان بيوجعني وحسه ان هيغمي عليا
حنين جابت الميه وشربتني: بس اهدي
مسحت دموعي وقعدت تهديني
ضرب ايدو ع المكتب وقع كل حاجة عليه اتخضيت وقومت بسرعة قعدت جمب معاذ وحنين
معاذ: انتي عملتي اي
كنت بحاول اتكلم بس مش عرفة
معاذ: طب خلاص اهدي دلوقتي
كان قاعد وبيتكة ع ايدو ب عصبية لحد ماايدو احمرت وعروقة بتتنفض وبيهز رجلو بعصبية ومغمض عينو فجأة لقيناه قام وفتح الباب ورزعو وراه اتنفضنا من مكانا
حنين كانت حضناني وبتحاول تهديني: بس اهدي واحكيلنا اي إلى حصل
حكيت ليهم كل حاجة بتفصيل
معاذ: دا العيال دي زمانهم اتروقو دا لو فضلو عايشين اصلا ب كم العصبية الي شفتها فيه دي
حنين: اي الي طلعك بره يا إيمان بس
انا: والله مكنش قصدي انا كنت بهزر معاه وكنت عرفة انو بيدور عليا وهيجي معرفش أن كل دا هيحصل لو كنت اعرف مكنتش طلعت والله العظيم
معاذ: دانا الي مش هيطلع عليا شمس
انا: ليه انت مالك
معاذ: مش انا الي جبتك لو مكنتش جبتك مكنش كل دا حصل انا غلطان ان سمعت كلامك... المهم انتي كويسة
هزيت راسي ب اه
معاذ: كان نفسي اشوفو وهو بيضربهم
انا: دا وقتو يا معاذ دا وقتو
حنين: بس بزمتك مش فرحتي
انا: افرح ب اي
حنين: ان جابلك حقك
انا: اكيد بس مكنتش اعرف ان الموضوع هيكبر كدا اول مرة اتحط ف موقف زي دا انا قولت انهم زي باقي الولاد هيستظرفو ب كلمتين ويمشو بس دول بجاحة اوي وانا مقدرتش اسكت
حنين: احسن خدو جزأهم أشكال زبالة... احكيلنا بقى ضربهم ازاي... ألله
انا: فرحانة ع اي يا متخلفة انتي
حنين: احساس جميل اوي لما تلاقي حد بيحميكي ودايما ف ضهرك
انا: حصل... بس انا خوفت مشفتيش الدم كان منظرو مرعب
معاذ: اوبا فيها دم كمان انا اخويا دا جامد من يومو
حنين: احكي ونبي احكي
قعدت احكيلم
حنين: الله بشوف بيحصل كدا ف الأفلام والله
انا: اي يابت التلزيق الي انتي فيه دا متتظبطي احنا ف اي ولا ف اي بقلها كنت حسه أن هيغمي عليا من الخوف تقولي بيحصل ف الأفلام
اول ماسمعنا صوت حد بيقرب سكتنا وعملنا نفسنا نايمين وغمضنا دخل بص علينا وبصلي وابتسم قلبي كان هيقف لقيتو ضحك وراح عند الشباك ووقف وحط ايدو ف جيبو
حنين بهمس: ياربي ع الرومنسيه
ضربتها ف بطنها
حنين: اااه انتي غبية يا إيمان
لطمت ع وشي وهو كان واقف وباصصلنا ب استغراب
انا: بتصحيني ليه يا حنين
حنين: ها اه انا اسفه اصل حلمت بيكي ف عشان كدا قولت غبية يا إيمان وكدا
انا: انا قولت كدا برضوا
معاذ: مفكرين ان شغل الهبل دا دخل ع محمد اخويا... البومة دي الي بوظت كل حاجة... وكمل بتريقة... انتي غبية يا إيمان... حماره
حنين: اعمل اي ضربتني ف بطني
معاذ: مش قدرة تستحملي استفدتي اي ونبي نامي وسكتي نامي
ضربتو ف بطنو هو كمان
معاذ: اااه انتي غبية يا إيمان
انا/ حنين: هههههه
معاذ بصلنا وقعد يضحك لان انا عرفة انو قالها بهزار عشان يتريق ع حنين
محمد: يلا
طلع قبلينا واحنا طلعنا وراه
حنين بهمس: روحي اتكلمي معاه
انا: لا ياما خيفة
حنين: يابنتي خايفة من اي محمد طيب بس مش بيحب يبين والله روحي
انا: لا خايفة برضوا
كان ماشي ف الممر ب كل هيبة وثقة واحنا ماشيين وراه والكل كان بيلقو التحيه له ب احترام وهو ماشي ب جمود وثبات
انا: ابو غرورك والتقل الي انت فيه ياشيخ... انا مال امي انا اي دا لازم اتدخل ف الي مليش فيه ياحول الله... يخربيت حلاوتك ياجدع اي ده... ايييي انا ف اي ولا ف ايييي هار طين عليا
وصلنا للعربية معاذ وحنين كانو رايحين يركبو: انتو هتسيوني لوحدي معاه
معاذ: قلبي معاكي يابنتي لو حصل اي حاجة بصي اي حاجة مثلا قتلك رماكي من العربية ف الوادي قطعك حتت ورماكي للقطط اوعي ترني عليا ماشي ولا اكنك تعرفيني خالص
انا: معاذ استنى يا معاذ حنين خدوني معاكو
ركبو ومشيو وانا وقفت وخيفة ابصلو
محمد: هتفضلي وقفة كدا كتير
رحت ركبت جمبو وكنا ساكتين ف حبيت أكلمو: عيونك دي ولا لينسز
محمد: هنهزر
انا: انا اسفه مش هتكلم تاني والله
عم الصمت المكان شوية
محمد: عيوني
انا: لسا فاكر دانا نسيت
سكت وفضل باصص قدامو
انا: عيونك دي ولا لينسز
محمد: لو سألتيني ع حاجة تانيه كان ممكن أرد ع فكرة
انا: عيونك دي ولا لينسز
ضحك ف الجه الأخرى
محمد: اي السيستم دا هيا الحجارة خلصت
انا: لا شغالة ب بطارية
محمد: حدثيه
انا: اعملي restart
محمد: دماغك هيا الي عايزة restart والله
انا: خلاص بقى
سكت وبص قدامو
انا: عيونك دي ولا لينسز
بصلي وقعد يضحك ووقف العربية من كتر الضحك لان دي رابع مره اقلو نفس الجملة ف نفس الوقت قعدت اضحك بعد ما استوعبت الموقف كنت فرحانة ان الموضوع عدي ع خير وهو مزعلش
انا: مش زعلان منى صح
محمد: لا زعلان
انا: انا اسفه والله لو كنت اعرف ان دا هيحصل مكنتش طلعت
محمد: احنا لو كنا نعرف اي إلى هيحصل لينا ف المستقبل مكناش عملنا حجات كتير اوي بس ألله أعلى واعلم واحنا المفروض نعمل حساب كل خطوة وحاجة بنعملها قبل ماتحصل نعرف العواقب مش تاخديها ب السهولة دي انك فكرة الحياه كلها لعب وهزار الدنيا مش زي مانتي فكرة... وانا زهقت اقلك متعمليش دي تعمليها زي ميكون بتعاندي فيا او قاصدة تدايقيني انا وربنا معنت مستحمل
انا: زهقت منى صح كل يوم بجيبلك مشاكل بس انا بجد مش ببقى قصدي ادايقك او اعاندك زي مبتقول
محمد: مش زهقت منك انا مستحيل ازهق منك بس قصدي انك تاخدي كل حاجة ب جد مش بهزار عشان كل حركة بتعمليها محسوبة عليكي انتي... وانتي الي هتتأذي وانا مش عايزك تتأذي انا ف لحظة غضب ومش ببقى ف وعيي كان ممكن أمد ايدي عليكي بس الحمدلله ربنا ستر لان مكنتش هسامح نفسي... طلعتي بره ليه هتقوليلي بهزر صح شوفتي بقى عواقب الهزار هفضل اعلمك لحد امتى انا مش عايشلك
بصيتلو ومحستش الا ب دموعي وهيا بتنزل: ونبي متقول كدا عشان خطري
محمد: دي الحقيقة لو مقولتهاش ف مسيرها ف يوم هتحصل وانا عارف كدا من زمان عشان كدا وانا طالع اي مهمة ببقى عامل حسابي ان ممكن مرجعش شوفي ربنا وحكمتو انا لسا عايش لحد دلوقتي
حطيت ايدي ع ودني وكنت بعيط بصوت عالي ونفسي بدء يديق فتحت باب العربية ونزلت وكنت بعيط بهستريا اول مرة ابقى كدا أو اعيط كدا
محمد: اهدي بتعيطي ليه دلوقتي
انا بعياط: ونبي تبعد عني وتسيبني ف حالي ابوس ايدك سيبني لوحدي امشي
محمد: طب اهدي انا اسف والله
زقيتو وتكلمت بصوت عالي: كفاية بقى ولما انت عارف انك ف يوم هتسيبني وتمشي بتعلقني بيك من الاول ليييييه مش حرام عليييييك طلعت اناااااني اوي ميهمكش غير نفسك وانك تتجوز الي بتحبها لاكن مفكرتش لما هتتجوزها وتسيبها هيا هتبقى عمله ازاي هتدمر ساااامع هتتدمرررر
محمد: كنت حابب اعيش الي باقي من عمري مع الانسانة الي قلبي اختارها ومحبتش غيرها من وانا طفل اول ماوعيت ع الدنيا كان حلمي ف الحياه ان اتجوزك هههه اوقات بستغرب طفولتي دي والله
ضحكت وسط دموعي
محمد: تخيلي ان كنت اوقات بغير من باباكي عليكي واوقات كنت بفرح انك معندكيش اخوات ولاد لان لو كنت شفتهم قريبين منك مكنتش عارف انا ممكن اعمل اي بغير من معاذ لما بتتكلموا مع بعض او تهزرو واشوفك فرحانة مع حد غيري مع انو بيعتبرك اختو وانتي كمان بتعتبريه اخوكي... بدايق لما بشوفك بتتكلمي مع حد غيري ببقى عايز اسحب روحو تخيلي طلبت ايدك وانتي لسا عندك 13 سنة مش عارف عملتي فيا اي ولا كان عقلي فين وقتها كنت زي الطفل الي تايه واول ماشافك حس ب الأمان ومن وقتها وانا عهدت نفسي انك ليا وبس
وشي احمر وقعدت اعيطت
محمد: بتعيطي ليه انا اسف انا...
انا بغباء وبمسح دموعي ف كمي زي الأطفال: لو سمحت متقولش كدا تاني عشان مينفعش ع فكرة
ابتسم بضحك ومسك شعرو
انا: تعرف ان عمري محبيت حد حتى المراهقة دي مجربتهاش مكنتش اعرف يعني اي حب وصدقني لحد الان معرفوش هههه صحابي كانو يجو يحكولي ع الشخص الي بيكراشو عليه مثلا كنت بعتبرها قلة أدب ان البنت تحب ولد وكدا مكنتش بفهمهم اصلا لان معرفش معنها
محمد: الحب عمرو مكان عيب او حرام دي أهم حاجة واجمل احساس ممكن تعيشيه ف حياتك بس انك متفتحيش قلبك الا للانسان الصح.... يلا نروح بقى عشان انا تلجت من البرد انما انتي مشاء الله كنتي ناقصة تيجي بالبطانية انتي لبسه جاكتين فوق بعض يابت
انا بضحك: اه لبسه الهودي بتاعك وفوقو جاكت جينس والبالطو دا ملحوظة لبسة 3 بناطيل استرتشين والبنطلون الجينس
كان باصصلي بصدمة قعدت اضحك ع ريأكشن وشو
محمد: وانا الي فكرتك تخنتي وبقيتي بطاية كدا طلعت الهدوم الي عملاكي بني أدمة
انا: هو انا كائن فضائي
محمد: من المريخ صح
انا بضحك: سخيييبيف
محمد: بزمتك مستحمله كم الهدوم دا ازاي
انا: اسكت يا محمد انا متلجة وربنا
محمد: عشان لما اقلك ان حضني ادفي من ميت بطانيه تبقى تصدقيني
انا: احترم نفسك قولتلك عشان هبطل اكلمك والله انا اول مابنزل تحت البطانيه بدفي ع طول انت الي قليل الادب
محمد: لا والله دانا غلبان
انا: تؤ انت ثعبان مش غلبان ولو قولت كدا تاني مش هكلمك والله
محمد: حاضر... اوعي الكلب
انا: يا ماماااا
محمد: ههههه
انا: انت بتهزر رد... دانا لسا مخضوضة
محمد: بزمتك ف كلب هنا
انا: انت الي قولت
محمد: وانتي ماشيا ورا الي ماشي مفيش كلب
انا: غلطتي ان صدقتك انت انسان اهبل
محمد: ألله يخليكي
انا: بص هههه هقلك الصينيين بيتكلمو ازاي... نيها نيها نيها نيها
محمد: بتعملي زي الحمار كدا ليه
وقعت ع الارض من كتر الضحك وعيوني دمعت
انا بضحك: تصدق انك مهزأ وانا غلطانة ان بعلمك حاجة عشان تبقى مثقف زيي كدا
محمد: لا ونبي علميني وبعدين
انفجرت ف الضحك
انا بضحك: الحقني ب ميه بسكر
محمد: مش لما نخلص الدرس الأول معلش سؤال بس اسف لو هعطل حضرتك عن المحاضرة الي ملهاش لزمة دي هيا نيها دي معنها اي
انا: بتسألني انا
محمد: مش انتي الي قيلاها
انا: انا بقول اي بتنجان وخلاص هما بيمشو كدا زي البطريق استنى اقلدهملك وبيحطو ايديهم كدا زي الهنديين نيهانيهانيهانيها
محمد: لا دي كدة ضحكة الساحرة الشريرة
انا: بطل استظرااااف وركز عشان الحتة دي مهمة
محمد: اجيب قلم وورقة طيب ولا اي
انا: تؤ تؤ مش مستاهلة...انت اي حاجة تقولها قول آخرها نيها بس يعني بابانيها مامانيها
محمد: طب لو عايز أشرب
انا: ميه نيها
ضحك ف الجه الأخرى
محمد: هو نيها دا اسم بنت
انا: اه ف الهند بس ملناش دعوة بيهم خلينا ف الصين دلوقتي
محمد: لا زهقت من الصين نروح فرنسا بقى
انا: حلو جيتلي ف ملعبي بص انت اي حاجة تقولها قول آخرها اتشي بس
محمد: يرحمكم ألله
انا: ههههههه همووووت
محمد: وبعدين دي الكويت يا هبلة
انا: اه تصدق اتشي دي بتاعت الكويت ...
محمد: انا بجد متشكر جدا انا مش عارف منغير الدرس دا كنت هعمل اي مكنتش هعرف اتكلم زي الصينيين ولا
الكويت لا استفدت اوي
انا: ربنا يقدرني ديماً ع فعل الخير ويخليني للجهلة الي زيك
وطي يقلع الكوتش: انا جاهل يامو حروف واقعة
انا: محمد من فضلك متستهزأش بيا ولا تخسر من حروفي
محمد: قصدك تسخر
انا: ايوه هيا دي
محمد: مش بقلك حروفك واقعة
انا: انا البندورة الحمراء مزروعة بين الخضرة انا البندورة الحمراء مزروعة بين الخضرة تاكل منى لا تشبع وتسير خدودك حمرااااااا
محمد: ياااااه اي الصوت دا
انا: حلو
محمد: يقرف
انا: ولما اعورك
محمد: بتسترجلي ليه دلوقتي
انا: مش انت الي قولتلي عايزك راجل
مسكني من هدومي زي الفار: مع الغريب مش معايا انا
انا: ارقصلك يعني ولا اي مش فهماك
محمد: ترقصيلي!! يابت اتلمي عيب عشان مقصلكيش لسانك دا
انا: انت الي كلامك غريب ألله
محمد: قولت اي غريب انا... بتسترجلي معايا انا ليه يعني ابقى قاعد وحاسس ان طالع مع عبدوه موتة لييييه
انا وبخبط ع خدودو: بقيت ظريف اوي يالا ها
محمد: اتجرأتي... نزلي ايدككك
انا: ياما
بدل ماتدور وتبحث علي الروايات خليها علي تليفونك وحمل تطبيقنا
