رواية ذئاب بلا رحمة الفصل الثامن بقلم خديجة السيد
بارك الله لكما جميعاً بينكما في خير.
تنبه عقل زينه عندما سمعت هذه الجمله لما يحدث حولها ، لا تصدق انها تزوجت من هذا الراجل الذي لا تعلم عنه شئ
الكينج يقترب منها : يلا عشان نمشي
زينه بتوهان : ها
الكينج : بقولك يلا ، اظن دلوقتي بقيتي مراتي رسمي
زينه : حـ حاضر بس هجيب شنطه هدومي
الكينج بحزم: لا ما تجيش حاجه ، و انسي اي حاجه ليها علاقه بالماضي نهائيا
زينه : بس هلبس ايه بعد كده
الكينج : ما تقلقيش انا هتصرف و هاجيبلك هدوم
زينه بستسلام : طيب
__________
في شقه شريف :-
شهد تجري تفتح الباب : ها يا شريف وصلتلها
شريف بحزن : لا هي .. برضه مجتش هنا
شهد بدموع : لا انا خايفه عليها الوقت اتاخرت اوي ، ممكن يكون جررها حاجه
شريف بقلق : بعد الشر عليها ، بس يا شهد انا اعصابي مش مستحمله اصلأ
ام شريف تطلع : تلاقيها زي القرد ولا فيها حاجه ، و سرحت هنا ولا هنا عن حد
شريف بغضب : ماما مش وقته الكلام ده ، انا هنزل ادور عليها تاني
أم شريف بحده : استني انت عارف هي فين ، هتقعد تلف عليها في الشارع ولا ايه
شريف بحزم : ايوه هدور عليها لحد ما الاقيها
شهد بخوف : طب لو ما لقيتهاش هتعمل ايه
شريف بياس : هضطر بقي ابلاغ البوليس عنها
__________
في شقه مدحت :-
مدحت يسيبها أخيرا و يدها ضهره ببرود و لا اكانه عمل حاجه ونور تفتح عيناها بعد ما بعد عنها تحس بروحها رجعت ليها ،و تسال نفسها لو كانت راحت مع علي و سفرت و جابت لاهلي الفضيحه ،كانت هتبقي مرتاحه عن كده و ياتري هي حسبتها غلط ، وتفتكر اهلها اللي ما صدقهاش لما قالت على مدحت بيضربها و بيعملها وحش ، وتفتكر اللي بيعمله مدحت فيها بسبب ابوها اللي غصبها على الجواز منه ، ما هي برضه مش مرتاحه ، وعلي لما اتهمها بعدم حبه ليها ،و وجع قلبها لما قال هينساها .. برضه حب حياتها ، ياتري كانت هتعيش في سعاده لو راحت معه و ما مفكرتش في اهلها ، و تسال ياتري هتفضل كده لحد امتي ،عايشه في عذاب ؟ و ايه اللي الغلطه اللي عملته ؟
________
تقف سياره الكينج امام القصر :-
الكينج يبصلها : مستنيه ايه انزلي
زينه بتوتر : حـ حاضر
زينه تنزل من العربيه و تبص علي القصر بانبهار.......
الكينج يبصلها : ايه عجبك
زينه بعدم فهم: هو ايه
الكينج : القصر ، اللي من هنا ورايح هيبقي بيتك
زينه بصدمه من الجمله : بيتي
الكينج بجديه : اه انتي مش بقيتي مراتي خلاص يعني كل حاجه ليا ليكي
زينه يرتجف جسدها من الجمله (مراتي)
الكينج يبتسم عليها بسخريه : تعالي ورايا
زينه تهز رأسها و تمشي وراه بتوتر ، ويدخل القصر و يطلع السلالم و لحد ما يوصل لاوضه و يفتحها و يدخل هي وراه ذي العروسه المتحركه....
الكينج : تعالي ادخلي ، (زينه تدخل ) بصي دي اوضتك من النهارده نايمي فيها ، وبكره هعرف هديه انك هنا ، عشان الوقت اتاخر وهي نايمه دلوقتي
زينه : ماشي
الكينج بجديه : اول حاجه تتعلميها هنا انك ما تقاطعنيش وانا بتكلم ، (تهز راسها بتوتر)
بصي يا زينه انا مقدر الوضع اللي انتي فيه . وعارف في اسئله كتير في دماغك مش لا لاقيه اجابه ليها ، بس كل حاجه هتعرفيها بعدين ، دلوقتي نايمي وبكره نتكلم ، تصبحي على خير
زينه : وانت من....
الكينج يلف يخرج دون انتظار ان تتكلم
زينه تتنهد اوي : وانت من اهله
و تلف راسها و تبص علي الاوضه ، وتروح تقعد على السرير ، تسمع الباب يخبط
زينه : ادخل
الخدامه تدخل و معاها شنطه و صينيه اكل
زينه تقف: ايوه
الخدامه : البيه بيقول لحضرتك ، يا هانم ده لبس ليكي عشان تعرفي تنامي براحتك ، وده العشاء اتفضلي
زينه تاخد اللبس : شكرا ، بس خدي الاكل مش جعانه
الخدامه بأدب : تحت امرك يا هانم ولو احتاجتي حاجه انا في خدامتك ، ده امر من البيه
زينه بدهشه من اللي هي فيه : شكرأ
الخدامه تهز راسها بطاعه و تخرج ، و زينه تقعد على السرير بحيره من اللي بقيت فيه ، في يوم و ليله.. وشويه تقوم تغير هدومها ، وتفتكر المنوم تدور عليه في شنطتها تلاقي تاخده و تروح تنام....!
____
في مكتب الكينج
الكينج : ادخل
(الخدامه تدخل)
الكينج : عملتي ايه
الخدامه : عملت اللي امرتني بيه جبتلها لبس و الاكل ، بس هي قالت مش جعانه ، حضرتك تامر بحاجه تانيه
الكينج بشرود : لا خلاص روحي انتي
_________
في ملهي ليلي كان شهاب قاعد عمال يشرب عشان ينسي ياسمينا...و يدخل عبدالرحمن يدور عليه
شهاب بسكر : هات واحد تاني
عبدالرحمن : ما تحطش حاجه
شهاب يلف باستغراب : عبدالرحمن بتعمل ايه هنا
عبدالرحمن بجديه: انت اللي جابك هنا مش كنت بطلت و ربنا هداك ، رجعت تاني ليه
شهاب بضيق : انت مالك خليك في حالك ، (و يلف لي الراجل) وانت هات اللي قلتلك عليه يلا
عبدالرحمن : قلت لا ، شهاب تعالي معايا
شهاب بغضب : يوووه ما تفكك مني بقي
عبدالرحمن : كل ده عشان يا...
شهاب يقاطعه بغضب اكبر: ما تنطقش اسمها ، وبعدين مين ده اللي افكر فيها اصلأ
عبدالرحمن : طب يلا بلاش تبقي هنا انت ظابط غلط لو حد شافك هنا
شهاب بلا مبالاه : اللي يشوف يشوف محدش لي حاجه عندي ، ورايح نفسك وامشي مش هروح معاك
عبدالرحمن يبصله بياس ، ويمشي ، شهاب يكمل شرب و تاجي بنت تقعد معه شويه و بعد كده يخدها ويمشي....?
______________
في صباح يوم جديد:-
تسمع نور تلفونها بيرن برقم مامتها تروح ترد بسرعه :-
امها : عامله ايه يا حبيبتي طمنيني عليكي
نور سألت دموعها : انتي بتسالي يا ماما بجد .. طب مش كويسه خالص طبعا ، انا تعبانه .. تعبانه اوي
امها : هو انتي يا بنتي فعلأ جوزك بيعاملك وحش ولا ذي ما ابوكي بيقول عاوزه تطلق عشان علي ؟
نور بصدمه : حتي انتي كمان يا ماما ! علي العموم براحتكم تصدقوا متصدقوش انتم أحرار وانا خلاص هعيش عشان ابني وبس ، ومش هزعج حد منكم تاني
امها بصدمه : انتي حامل
نور تمسح دموعها : ايوه
___________
في شقه شريف :-
يدخل شريف من الباب بحزن
تجري عليه شهد : هاه عملت ايه
شريف بتعب: دورت عليها ما لقيتهاش مع اني دورت في كل حتي المستشفيات ، حتي القسم رحت بس قالوا لازم يعدي ٤٨ على اختفائها
شهد سألت دموعها: طب وبعدين ده عدي يوم و مظهرتش اكيد جررها حاجه
ام شريف بعصبيه : ولا جررها حاجه ولا نيله ، انا قلت من الاول بلاش البت مش مرتاحه لها ، اهي اختفت ولا نعرف فين
شريف : ماما ارحميني شويه ، ممكن يكون جررها حاجه وحشه فعلا
ام شريف : وممكن تكون سابتك ، او لعب عليها حد في دماغها ..واحد غني ذي امها
شريف يبصلها بغضب و يخرج
ام شريف : استني هنا رايح فين هدور عليها تاني و تسيب اشغالك ولا ايه
شهد : انتي بتقولي ايه يا خالتي ، تقصدي ايه تعمل ذي امها
ام شريف : ..........
________
تصحي زينه علي قبلات خفيف على وجهها
زينه تفتح عيناها وتبتسم : هديه
هديه بسعاده : طنط زينه وحشتني
زينه تتعدل و تضمها : وانتي كمان يا حبيبتي
هديه تبعد عنها شويه : بابا قالي انك هتعيشي معانا على طول
زينه : ااه
هديه : مش هتمشي خالص صح
هديه ..قالها الكينج و هو يقف في الخلف
هديه تجري عليه و تحضنه: شكرا يا بابا انك جبت طنط زينه هنا
الكينج يوطي يشلها : يعني خلاص هناخد الدوا في معيده و تاكلي كويسه
هديه تبتسم : ايوه
الكينج ابتسم : طب يلا
هديه : طب طنط زينه مش هتاكل معانا
الكينج يبص لزينه: لا هتاجي يلا
زينه بحراج : لا انا مش جعانه ، شكرأ
الكينج بلا مبالاه : انا مش باخد رايك تلبسي وتحصليني (و يلتفت لهديه) يلا يا
حبيبتي احنا
الكينج يخرج و يسيبها ، وهي تنفخ بضيق من طريقته معها و تروح تلبسي
__________
في فيلا شهاب :-
شهاب يفتح عينيه يلاقي واحده نايمه على صدره العاري و وعليهم ملايه يتنهد و يبعدها ويقوم يسند ضهره على السرير
البنت تصحي و تقرب عليه بدلع: صباح الخير يا بيبي
شهاب يبعدها بقرف : قومي اللبسي و امشي
البنت : طب ماشي ما تزقش ، بس مين صحيح ياسمينا اللي عمال تنده اسمها وانتي نايمه معايا
شهاب ميردش و يقوم يدخل الحمام
________
في قصر الكينج :-
زينه تخرج من الاوضه و تلف تدور مش عارفه هما فين و لا تروح فين تنزل من علي سلالم القصر و تحاول تدور عليهم.
=> انتي يااا
زينه تلف تلاقي واحده بملابس قصيره جدا
روما تبصلها بتفحص وتقول : انتي مين خدامه هنا
زينه باستغراب : نعم خدامه
روما بسخريه : امال ايه ست البيت ، روحي يلا اعمللي حاجه اشربها
زينه تقف متعرفش تعمل ايه
روما بغضب : ايه اطرشتي ، ماتروحي هتفضلي واقفه قدامي هنا
=>روووووما ، كان هذا صوت الكينج من الخلف (و ليلتف الاتنين للخلف)
الكينج بصرامه : في ايه
روما بحده : الهبله اللي انتي مشغلها ، مش راضيه تجيبلي اللي انا عاوزه
زينه تبصلها بضيق و تسكت
الكينج ببرود : ما ليها حق ما تجيبش حاجه ليكي.. عشان هي مش خدامه هنا
روما بغيره : امال مين دي ، وبتعمل ايه هنا
الكينج علي نفس الوضع : مراتي
روما بصدمه و غضب : نعم مين مراتك ؟؟ ما انت بتتجوز اهو امال عمال فيها مش بتاع جواز ليه
الكينج بلهجه امره : زينه انزلي تحت انتي واقعدي مع هديه عقبال ما اجي
زينه : حاضر... بس مش عارفه هي فين ؟!
الكينج يشاور ليها : من هنا خليكي ماشيه على طول
زينه تهز راسها و تنسحب بهدوء
روما تقرب عليه بصوت عال : انت فعلا اتجوزت البتاعه دي
الكينج بجذر : روووما صوتك ما يعلاش عليا ، وبعدين انتي مش هتحققي معايا ، اتجواز ولا أطلق ميخصكيش
روما تقرب عليه بغيره مجنونة : لا يخصني ، اي حاجه ليها علاقه بيك تخصني ، انت عارف اني بحبك اوي ، و طلبت منك نتجواز و قلت مش بتاع جواز دلوقتي تتجوز و دي
الكينج بحده : روما انا اتجوزتها عشان بنتي ، مش ليا و بالنسبه لعلاقتنا ، انا ما وعدتكيش بحاجه من الاساس
روما بعدم تصديق: عشان بنتك ، طب ما انا كنت قدامك
الكينج ببرود : ما تنفعيش طبعا
روما بصدمه : نعم
الكينج : ايه مش الحقيقه انتي كل اللي يهمك في الجواز انا و مظهرك و الفلوس ، مش بنتي ولا هتعرفي حتي تتعملي معاها .. ويلا نكمل شغل و بطلي غيره و هبل
الكينج يلف و يمشي
روما بتوعيد : هبل و غيره ماشي انا هاوريك الغيره هتعمل ايه
_____________
في القسم :-
شهاب يدخل : ازيك يا عبد الرحمن
عبدالرحمن ميرديش ويكمل شغل
شهاب يرفع حاجبه : يا سلام اطرشت ولا ايه
عبدالرحمن من غير ما يبص : لا وانت الصادق مش عاوز ارد عليك
شهاب باستفزاز : طب ما انت رديت خلاص
عبدالرحمن بضيق : عاوز ايه يا شهاب مش قولتي امبارح مليش دعوه بيقي
شهاب يفهم: اه هي كده ، ده زعلت بجد بقي ، خلاص يا سيدي متزعلش انا اسف
عبدالرحمن : يا شهاب انا خايف عليك السكه اللي ماشي فيها نهايه وحشه
شهاب يتنهد : طب خلاص اقفل على السيره دي
عبدالرحمن : ربنا يهديك
شهاب ياخد ورق و يلف يخرج يروح مكتب
الظابط : اسمها ايه بالكامل و بقيلها اد ايه مختفيه
شريف : من امبارح ، واسمها ياسمينا منصور
شهاب يقف فجاه و يسمع الاسم و يتصدم
لما يسمع كمان انها مختفيه
الظابط : طب خلاص كده اتفضل انت
شريف بلهفه : يعني هتدوروا عليها
الظابط : ايوه سيب نمرتك و اول ما نوصل لحاجه هنتصل بيك
شريف يهز راسه بحزن و يمشي ، شهاب يقرب بخوف و يسال
شهاب : هو كان بيعمل بلاغ عن ايه اللي لسه ماشي دلوقتي ده
الظايط : بلاغ عن خطيبته بيقول اختفت من امبارح
شهاب بخضه : وهو سايب ليها صوره
الضابط يمد ايده بيها : اه اتفضل
شهاب يخدها بخوف و يبص فيها وقلبه ينقبض لما يلاقيها هي ياسمينا....!!!
____________
زينه حاولت تتعايش مع وضعها الجديد رغم انها كانت مش مرتاحه بس كان بالنسبه ليها احسن ميت مره من اللي كان فيه و هديه حبيتها جدا وهي كمان
الكينج متجاهل زينه تماما و كل واحد في اوضه و مش بيشوفها غير علي العشاء .. هي بالنسبة لي مربيه لبنته وبس
شهاب عايش حياته ليل ونهار بيدور على ياسمينا
شريف بقي حزين جدا لعدم وجود ياسمينا معه
شهد حزينه علي شريف و صديقه عمرها
نور بقت تحاول تتجاهل مدحت علي قد ما تقدر و تعيش لي ابنها اللي جي رغم مدحت لسه بيعملها وحش جدا والشك لسه في دماغه من ناحيتها ، و بطلت تتصل تشتكي لاهلها منه
علي لسه في امريكا بيحاول ينسي حب عمره
بعد مرور شهرين علي جميع الاحداث:-
______
صاح شهاب بغضب : هتجنن يا عبدالرحمن دورت عليها في كل حته مش موجوده ، خايف عليها اوي
عبدالرحمن : يعني لما تلاقيها هتعمل ايه
شهاب بحده : يعني ايه هعمل ايه.. اكون اطمنت عليها
عبدالرحمن بتوضيح : اديك قلت اطمنت وبس ، يعني بعد كده هتروح لخطبها فاهم
شهاب يبصله ويسكت ويقول بألم : اهو على الاقل اكون اطمنت عليها
__________
في مكان آخر بالتحديد في مستشفي :-
تفتح عيناها باستفهام و تبص حوليها هي فين !؟
الممرضه ابتسمت : اخيرنا صحيتي
ياسمينا بثقل : انا فين ؟
الممرضه : انتي فين المستشفي ، عملتي حادثه و ولاد الحلال جابوكي هنا ، ده انت بقلك شهرين على الحال ده
ياسمينا بصدمه : ايه شهرين
الممرضه : معلش المهم انك صحيتي ، اكيد اهلك قلبيي الدنيا عليكي ، اصلا انتي جئتي و معكيش ايه اثبات شخصيه ليكي ، قولي بقي اسمك عشان نعرف نوصل لاهلك
ياسمينا بشرود: هاا
الممرضه : اسمك يا بنتي .. اسمك ايه
ياسمينا بتذكر : اانا مش عارفه !
الممرضه بدهشه: نعم ! مش فاكره اسمك !
ياسمينا تحاول تفتكر : انا فعلا مش فاكره حاجه خالص !؟
