رواية حارس المقابر الفصل الاول بقلم مصطفى عبد الحميد
المدافن مكان مليان بالمقابر ولكل مقبره من دول ليها حكايتها في منهم اللي عارف ومتأكد انهم داخلين الجنه واللي منهم عارف ومتأكد برضو انهم داخلين النـ.ار..ممكن تسأل نفسك دلوقتي وتقول هو ازاي بتعرف اللي هتدفـ.نوا دا هيكون نهايته اي هقولك ان دا سر مهنتي وسر كل واحد بيحرس المقابر والسر دا بيفضل معاه لغايه اما يقابل وجهه كريم..اه نسيت اعرفكم بنفسي انا اسمي عشماوي وعندي 35سنة وشغال في المقابر وانا عيل صغير ومش متجوز..عدت عليا امـ.وات كتير وقليل لكن في امـ.وات مهما عدا عليا الزمن عمري ماهقدر انساهم
..........................................
18يناير عام 2009
المكان: الاسكندريه
مكان المقابر:مقابر كارموز
الساعه الواحده ظهراً وبعد موجه من الامطار الغزيرة نجد وصول جنازه يتبعها صوت البكاء والصراخ حزناً علي هذا المتـ.وفي ونجد عشماوي واقف بجانب مقبره المتـ.وفي وهي مفتوحه في انتظار وصول المتـ.وفي وعند وصوله الي المقبره يقف عشماوي قائلاً:لامواخذه بس كنت عاوز اشوف تصريح الدفـ.ن اللي معاكم
فيقول احدي اقارب المتـ.وفي:وهو ده وقته ياعشماوي؟نكرمه الاول وبعد كده شوف التصريح زاي ماانت عاوز
عشماوي:مش هينفع والله اشوف التصريح الاول وبعد كده ادفـ.نوا..دا هو المفروض اصلا من قبل ماافتح التربه كنت اشوف التصريح لكن معرفش مين اللي اتصل بيا وقالي افتح التربه لغايه اما نييجي
فيعطيه احدي اقارب المتـ.وفي التصريح قائلاً:ممكن ندفـ.نوا بقي؟
فينظر عشماوي الي التصريح لكي يتأكد من صحته ثم يقول:يلا بينا اتوكلنا علي الله
ثم ينزل عشماوي الي المـ.دفن ويبدأ في توسيعه اكثر واذا وهو يقوم بيعمليه توسيع المـ.دفن يسمع صوت فحيح افعي نجانبه ولكنه لا يبدي إليه اي اهتمام ويكمل عمله ثم يشاور إليهم حتي يأتوا اليه بالجـ.ثه ثم يأخذها ويضعها ويخرج ولكن عند خروجه يحدث شيء يجعل الجميع في حاله من الصدمه وهو ظهور افعي ضخمه وتلتف حول الجـ.ثه بسرعه غريبه فيصابون جميع الواقفون حتي عشماوي بصدمه ويبدأ الناس يقولون:ياجماعه حد يلحق الراجل بسرعه
فيأخذ عشماوي الجروف الحديدي ويبدأ في ضـ.رب هذه الافعي الضخمه ولكن بدون اي جدوه ولا حتي تحرك هذه الافعي فيقول احدي اقارب المتـ.وفي وهو في حاله ذهول وصدمه:دي مش عاوزه تتحرك؟!اي العمل دلوقتي؟!
عشماوي:مفيش غير اننا نقفل التربه وهو كده عشان ده عمله
احدي اقارب المتـ.وفي:ازاي يعني اللي بتقوله ده؟!
عشماوي:انتوا اهله وانتوا ادرا كان بيعمل اي في حياته و مهما عملنا التعـ.بان ده مش هسيبه عشان ده عمله
فيعم الصمت على جميع الحاضرين ثم ينظر اليهم عشماوي قائلاً:انا هكمل شغلي خلونا نخلص الله يباركلكم انا جتـ.تي مش خلصا
ثم يكمل عمله ويغلق المـ.دفن علي هذا الحال ثم يبتعد عشماوي ويترك اهل المتـ.وفي يأخذوا العزاء ويدعوا للمتـ.وفي وعند خروج اهل المتـ.وفي يقف لهم عشماوي قائلاً:باشا كنت محتاج حق فتح التربه واكيد هتعملولوا يافطه بأسمه
احدي اقارب المتـ.وفي:اه فعلا..عاوز كام؟
عشماوي:حق فتح التربه باليافطه هيعملوا 3000جنيه
احدي اقارب المتـ.وفي:مش كتير اللي بتطلبه دا ياعشماوي؟
عشماوي:والله دا انا المفروض كنت اخد اكتر من كده بس اللي حصل ده قولت انزل في الفلوس
فعطيه المبلغ الذي طلبه ثم ينظر عشماوي إليه قائلاً:ياريت بس ياباشا تكتب لي اسمه في ورقه ويومين بالكتير وهتلاقي اليافطه اتعلقت
فيخرج ورقه ويكتب فيها اسم المتـ.وفي ثم يأخذها عشماوي ويتركوه ثم يخرج عشماوي علبه سجائره ويجلس علي الارض ويشـ.عل سجارته ويبدأ يشربها بهدوء حتي يهدء من اعصابه واذا وهو جالس يجد هاتفه يرن فيخرجه ثم يرد قائلاً:اي ياحمو
حمو:اي ياعم هتيجي انهارده ولا اي؟ دا انا جايب حته من الاخر هتنسيك اسمك
عشماوي:هتقعدوا فين؟
حمو:هنقعد في البياصه عند الولا كرتله
عشماوي:خلاص هخلص كام حاجه وهبقي اجي لكم
ثم يغلق المكالمه وتنتهي علي ذلك
..........................................
الثامنه مساءاً:
يصل عشماوي الي منزل كرتله ويدق الباب وبعد لحظات يفتح له حمو الباب ثم يقول:دا عش ياكرتله قلقتني
فيدخل عشماوي قائلاً:انتوا لعبتوها من غيري ولا اي؟
كرتله وهو غائب عن الوعي:لا لعبنا اي بس دا احنا بنسخن بس
ثم يقعد عشماوي قائلاً:طب هات كده وريني السيجاره دي بتقول اي
فيعطهالوا ويأخذها عشماوي ويبدأ في شربها ثم ينظر إليه حمو قائلاً:انت اتأخرت كده لي؟
عشماوي:عقبال ماخلصت شغلي واستحميت
حمو:طبعا استحميت في وسط المايـ.تين؟
عشماوي:اومال هستحمي فين ماهو بيتي وعيشتي كلها وسطيهم
كرتله:انت ازاي لغايه دلوقتي مخك ماتلسحش من اللي بتشوفوا؟
عشماوي ضاحكاً:ماانا كنت زمان عاقل بس خلاص مخي طار..اسكت بقي خلينا نشرب وننسي
كرتله:اشرب وعيش ياللي تريح الشعب
فيضحكوا جميعا علي جمله كرتله ويقضي عشماوي معهم الليل وبعد ذلك يرجع الي المقابر لكي ينام وعند وصوله الي المقابر ويجلس علي السرير يبدأ يسمع صوت عالي باستغاثه يقول:الحقوني......
