روايه غيرة حب الفصل المئه بقلم احمد صابر
ملك :تعالي
انا: اجي ازاي يعني
ملك بضحك: عشان ينام ع رجلك
انا: لا وانا انا مالي اصلا انا كنت بتكلم عادي ع فكرة كنت بقلك بس يعني وبراحتك اخوكي وانتي حره
ملك: يعني انتي مش مدايقة
انا: ليه يابنتي هدايق ليه
ملك: إيمان ع فكرة انتي بتعيطي
حطيت ايدي ع وشي لقيت دموعي بتنزل وانا مكنتش حسه ومش فهمة من اي مسحتها وبصيتلها: ماهو اكيد حاجة دخلت ف عيني اكيد
وقعدت افرك ف عيني
ملك: كفاية فرك ف عينك بقت حمره
انا: حاجة دخلت ف عيني
ملك بضحك: مصدقاكي خلاص
انا: طب انا عيزه انام ع رجلك انا خليه ينام ع المخدة هو
بصتلي وضحك: تعالي يا إيمان جمبو عادي
انا: لا قوميه من ع رجلك اقصد يعني عشان رجلك متوجعكيش مننا احنا الاثنين يعني هو ده قصدي بس مش اكتر
ملك: مش هينفع اقومو دا نام خلاص
انا: كان لازم تنيميه ع رجلك ماكان نايم ع المخدة قومتيه ليه
محمد: تعالي ف حضني
واسكتي بقى مش عارف انام
كنت ع تكة واعيط وفعلا عيط: قليل الادب وانتي سيبي شعرو
ملك: انا قايمة خالص
انا: احسن برضوا
حطت المخدة تحت راسو وقعدت تسمع التلفزيون
ملك: دلوقتي ضحكتي هااا
انا: مش فهمة
ملك: يااااارب
بصيت عليه لقيتو حاضن المخدة ف ضحكت وقومت جبت البطانيه وغطيتو بيها لقيتو مسك ايدي: اي ده محمد سيب ايدي... يابنييييي
مكنش بيرد
انا: اوووف
قعدت وهو لسا ماسك ايدي فبصيتلوا: الواحد يديك قلم ع وشك
لقيتو قام قعد ف اتخضيت
محمد: هيا مفيهاش نوم
قام دخل الاوضة وشوية ولقيتو طلع ولابس ونازل: رايح فين ياعمنا الساعة 12
محمد: مينفعش انزل الساعة 12 يعني ممكن اتخطف
انا: لا انت بتخطف بس... رايح فين بجد
محمد: رايح الشغل يا إيمان هكون رايح فين يعني
انا: شغل اي ده الي الساعة 12 ده
محمد: وربنا رايح الشغل
انا: رايح فيييين
محمد: هار اسود اقسم بالله رايح الشغل
انا: رايح تقابل بنات
محمد: اقابل بنات! دانتي هبت من خالص يابني رايح الش... وبعدين حتى لو رايح اقابل بنات انتي اي إلى مدايقك كنتي حبيبتي مثلا
انا: لا
محمد: خطيبتي؟
انا: لا
محمد: مراتي؟
انا: لااا
محمد: اومال بتتكلمي بصفتك اي
انا: بصفتي بصفتي بصفتي بنت خالتك
محمد: يعني حنين بتقولي رايح فين وجاي منين وبتدايق لما بنزل متأخر
انا: لا
محمد: اومال ليه انتي بزات بتسألي
انا: مش عرفة
محمد: لا الاه الا الله... طب ليه ادايقتي لما فكرتي اني نازل مع بنات
انا: مش عرفة
ضرب كف ب كف: الصبر يارب... لوح تلج... ع فكرة بقى انا نازل اقابل بنات مش رايح الشغل زي مقولت
بصيتلوا بصدمة
محمد: ايوه انا رايح دلوقتي اقابل بنات
انا كنت بتكذب يعني
محمد: ايوه انا كنت بكذب
انا: محمد انت بجد رايح تقابل بنات
رفع عينو من الفون وبصلي وضحك واتكلم بجدية: ايوه
انا: ليه
محمد: كده... مدايقة ليه مش انتي قولتي انك ولا حبيبتي ولا خطيبتي ولا مراتي زعلانة ليه
انا: انت رايح تقابل بنات
هز راسو ب اه
انا: بس يعني مش هو عيب وحرام ليه تعمل كده ليه يا حظابط
محمد: هو ده كل الي فارق معاكي
انا: وخالتو لو عرفت هتدايق منك وهتزعل اقعد يا حظابط متروحش
محمد: لا هاروح
أنا وع وشك البكاء: ونبي متروحش عشان خطري متروحش
محمد: عيزاني مروحش
هزيت راسي ب اه
محمد: قولي انا ابقى بانسبالك اي
انا: حظابط
محمد: شوفتي بقى طب اوعي انا نازل
انا: طب عايز اي وانا اقول
رجع ووقف مكانو وقرب مني وانا رجعت لورا وهمث ف أذني: بحبك... يلا قولي
بصيتلوا وهزيت راسي ب لا
محمد: ليه
انا: كده يا محمد مش عيزه أقول ولو سمحت متجيبيش سيرة الموضوع ده تاني
محمد: انا نازل قولي لماما ان رايح لمازن
مشي لحد الباب
انا: هترجع امتى
التفت وبصلي وضحك ضحكة سخريا: معتقدش هتفرق
ونزل وقفل الباب بصيت ع ملك لقيتها نايمة ف دخلت جوه وخلاتي كانو موجودين فوق مع بعض سمعت صوت عربيتو ف طلعت ف البلكونة وهو كان بيركب العربية واتحرك بسرعة كبيرة دخلت وقعدت ع السرير و فجأة سمعت صوت المطر بدأ ينزل بقوة حسيت بشعور غريب بس قعدت اذاكر لحد الساعة 1 بس حسيت بديق تنفس وكأن روحي بتتسحب مني ومكنتش قدرة اخد نفسي وعيني دمعت وقعدت اكح جامد
ملك: مالك
حطيت ايدي ع وشي ومكنتش قدرة اخد نفسي جريت جابت كباية ميه وجت شربتني
ملك: اي إلى حصلك
كنت باخد نفسي براحة وانا حطه ايدي ع وشي: معرفش
ملك: طب انتي كويسة دلوقتي
انا: كويسة
ملك: طب ده من اي طيب
انا: مش عارفة
ملك: روحك كانت بتطلع
حضنتني وقعدت تعيط فضحكت: في اي يا هبلة انتي دي كحة عادي يعني بتحصل
ملك انتي مشفتيش شكلك كان عامل ازاي وشك كان احمر وشفتك ازرقت انا مكنتش عرفة اعمل اي
انا: شفتي ازرقت! بتهزري
ملك: اه والله بس دلوقتي لا... لازم نقول لحد
انا: لا ولا أكن حاجة حصلت وبعدين دي كحة عادي يعني يا ملك والله بتحصل
ملك: ونبي يا إيمان حسه ان فيه حاجة عشان خطري نقول لخالتي حتي
انا: يابنتي نقلها ع اي وربنا مفيه حاجة بصي كنت بكح بس... قولي بس لماما ان هروح عشان هنام عليا درس الصبح والوقت اتأخر
ملك: نامي هنا
انا: مرة تانيه بقى عشان لو قومت متأخر حتى اللحق اللبس... يلا تصبحي على خير
ملك: وانتي من اهل الخير...صح هتنزلي ازاي والجو بيمطر
مسكت الشمسية: عرفة انتي لو الكتب مش معايا كنت نزلت ف المطر عادي
ملك: ههههه
اخدت كتبي ونزلت وهيا نزلت معايا ودخلت وهيا دخلت طلعت حطيت كتبي واخد شاور ولبست بيجامة قطن عليها سبونج بوب وفردت شعري ونمت...
*تاني يوم*
قومت اخدت دوش واديت فرضي ولبست واخدت شنطتي ونزلت صحابي كانو مستنيني تحت فتحت الباب وطلعت لقيتو نازل وكان رايح يركب العربية ف ابتسمت وكنت لسا هسلم عليه بس مشي حتى منغير ميبصلي فكرت انو مخدش بالو مثلا ف مشيت ع الدرس ولما خلصت روحت ع البيت وقعدت اذاكر ولما خلصت نزلت تحت: ماما انا هروح عند خالتي
والدتي: ذاكرتي
انا: ايوه وواخدة كتبي معايا اهو
هزت راسها وانا فتحت الباب وطلعت ومشيت ورحت هناك وطلعت رنيت الجرس ملك فتحتلي
انا: اي ده انتي مرحتيش المدرسة
ملك: الباص فاتني
انا: عشان تبقى تنامي متأخر كويس
ملك: ع فكرة انا كنت نايمة وصحيت ع صوتك
انا: هششش الله يفضحك... اسكتي... فين حظابط
ملك: ف الشغل نزل من بدري
انا: اه شفتو فكرتو جه
ملك: لا
انا: فين حنين
ملك: ف الدروس دلوقتي اكيد... تعالي بقى ذاكريلي
انا: اممم... يلا
قعدنا نذاكر لحد الساعة 12 صلينا ورجعنا قعدنا: هو هيجي امتى
ملك: مش عارفة
انا: طب انا هروح
ملك: ليه
انا: مش عرفة
ملك: مش عارفة ازاي... تعالي نسمع التلفزيون
انا: اقعدي ياختي ذاكري عشان مقولش لخواتك ان الباص فاتك... وبعدين خالتي مصحتكيش ليه
ملك: انا الي بصحي ع المنبه عشان ماما بتبقى نايمة بس المره دي فصلتو لان بجد مكنتش قدرة اقوم
انا: طب خلاص صعبتي عليا بس اقعدي ذاكري وانا هروح انام
ملك: ماشي
طلعت من الاوضة وقربت من الباب وكنت لسا هفتحو لقيتو اتفتح: صباح الخير
محمد: صباح النور
دخل اوضتو منغير ميتكلم هرشت ف راسي وفضلت وقفة مستغربة ف خبط وسمح بالدخول ودخلت لقيتو قاعد ف قعدت قدامو وانا مش عارفة اقول اي: بتعمل اي
محمد: ولا حاجة
انا: بتتكلم كده ليه
محمد: بتكلم ازاي
انا: بتتكلم ببرود
محمد: اقوم ازغرط ياعني يا إيمان ولا اي مش فاهم
انا: اممم... انت صايم انهارده
محمد: الحمدلله
انا: وانا كمان صايمة
فضلنا ساكتين شوية
انا: حظابط
محمد: اممم
أنا: هو انت مش بتكلمني
محمد: ازاي مانا بكلمك اهو
انا: كلامك مش زي الاول حساك متغير هو انا زعلتك ف حاجة
محمد: حاجة! لا يا إيمان مزعلتنيش ف حاجة
انا: طب اومال اي... اه فهمت عشان صايم صح
محمد: اممم
انا: مانت كنت بتصوم قبل كده ومعملتش زي دلوقتي خالص
محمد: مفيش حاجة بتفضل ع حالها
انا: طب...
قاطعني صوت صحابي وهما بينادو: يلا اشوفك بعد الفطار بااااي
متكلمش وكنت طالعة ف رجعتلو تاني: قول باي يلا
محمد: باي
طلعت وقفلت الباب واخدت كتبي ونزلت: يلا
كان عليا درس دراسات ورياضة خلصت دروس ورحت فطرت وقعدت اذاكر سمعت صوت الجرس بيرن ف نزلت افتح: تعالي يا خالتي
مني: فين مامتك
انا: جوه
دخلت وماما طلعت سلمت عليها وقعدنا سوا
انا: هتروحو دلوقتي
مني: ايوه... يلا قومي اللبسي
انا: مين جاي تاني
مني: ملك ومعاذ بس مازن مش هنا ومحمد مش عايز يروح
أنا: اممم طب هلبس وجايا
طلعت فوق وطلعت لبسي بس وقفت شوية ومسكت الفون وبعتلو مسدج: مش هتروح عند خالتي ليه
محمد: عادي هو لازم يكون في سبب
انا: ايوه لاننا كنا ع طول بنروح سوا يلا هنروح كلنا
محمد: بس انا مش عايز
انا: محمد في اي بجد
محمد: في اي؟
أنا: طريقة كلامك اتغيرت خالص انت مكنتش كده
محمد: ده احسن ليكي وليا صدقيني
انا: مش فهمة
محمد: سلام يا إيمان عشان مش فاضي
انا: مش فاضي! مش فاضيلي
قفل وانا بصيت بصدمة وقفلت الفون وقومت لبست ونزلت وانا دموعي قربت تنزل
والدتي: مالك
انا: مفيش
خالتي رفعت وشي وشافتني وانا بعيط: بتعيطي ليه
حضنتها وقعدت اعيط: ابنك ده حيوان
مني: اتخانقتو
هزيت راسي ب لا: اومال في اي
انا: بيتجهالني يا خالتي بقى بيكلمني ببرود
مني: معلش تلاقي ضغط شغل
انا: ماهو ع طول عندو ضغط شغل وعمره مكلمني كده
مني: خلاص انا هكلمو متقلقيش
انا: لا متكلميهوش ومتقوليش له ان قلتلك حاجة
والدتي: يلا بس نشوف الموضوع ده بعدين
معاذ: يلا
طلعنا ركبنا ورحنا ع بيت خالتي هيام
مني بنت خالتي: ازيك يا إيمي
انا: الحمدلله
مني: مالك
انا: مش فهمة
مني: وشك اصفر كده ليه وعيونك حمره
انا: من البرد تلاقي
مني: طب تعالي
دخلت وقعدنا كلنا مع بعض وشوية وذياد دخل: سلام عليكم
الكل/ عليكم السلام
كانو بيتكلمو مع بعض وانا كنت مسكة الفون الجرس رن وقومت افتح
ذياد: خليكي
قعدت وهو فتح
محمد: سلام عليكم
الكل/ عليكم السلام
بصيتلوا وابتسمت وراح سلم ع خالتي وقعد ف بعتلو مسدج: جيت ليه مش كنت مش فاضي
كان حاطط الفون جمبو وشافها بس مردش ف اتعصبت ورحتلو واخدت الفون وحطيتو ف ايدو: لم اكون بكلمك ترد
كلهم بصولنا بستغراب وهو وبصلهم كلهم وبصلي ف عيوني وفضل ساكت واخد الفون وهو لسا باصص ف عيوني ف اتكسفت ورحت مكاني وقفلت الفون بعصبية وقعدت مع خلاتي
ذياد: فونك بيرن
انا: فوني انا
بصيت لقيتو بيرن فعلاً بس كنت عملاه سايلنت ف مسمعتش اخدت الفون وطلعت اتكلم بره وخلصت المكالمة وكنت داخلة
ذياد: ممكن اتكلم معاكي كلمتين
انا: ومتكلمتش ليه ماحنا كنا جوه
ذياد: ع...
محمد: اممم في اي
ذياد: مفيش
محمد: اومال واقفين كده ليه
بصلي وشاورلي ب عنيه ان ادخل جوه ف دخلت وفضلو هما الاثنين بره قعدت وكنت بتكلم معاهم لقيتهم دخلو وهو قعد وذياد دخل جوه قعدنا شوية وبعدين طلعنا ركبنا عشان نمشي وسلمت ع خالتي وركبت معاه وفضلنا طول الطريق ساكتين لحد ماوصلنا نزل حتى مستناش ان اتكلم فنزلت ودخلت البيت وطلعت اوضتي اخدت دوش ولبست بيجامة بينك عليها فراولة وفردت شعري ونمت صحيت ع قرأن الفجر ف نفس الحالة بس كحة زيادة وصوتي كان عالي لدرجة ان امي سمعتو جت مسكت وشي: مالك
هزيت راسي وانا مش قدرة اتنفس ولا حتى احرك لساني او اتكلم جابت الفون ومعرفش اتصلت ع مين انا كنت ف دنيا تانيه ومش سامعة صوت حد اغمي عليا وبعد كده محستش ب حاجة... صحيت وانا ف اوضة كلها ابيض ف ابيض وماسك الاكسچين ع وشي فتحت عيني وكانو كلهم موجودين
انا بضحك: حظابط
محمد: نعم
انا بضحك: انا شيفاك اتنين
محمد بضحك: كملي يمكن يطلع الرابع
انا: هو احنا ف مزاد
محمد: تؤ احنا ف مستشفى
انا: اي ده بجد
وقف قدامي وابتسم: الف سلامه
انا: الله يسلمك
ماما قعدت جمبي وباست ايدي: الف سلامه يا حبيبتي
انا: ياما مين دي
كلهم قعدو يضحكو
انا: مين دي بجد مش امي دي انتو خاطفين الولية
والدتي: الولية!
معاذ: الف سلامه يا ڨانيليا
انا: الله يسلمك
معاذ: بقينا بنعرف نرد اهو
انا: عيب عليك دانا بابا صارف ومكلف
مني: الف سلامه يا عيون خالتك
انا: الله يسلمك يا خالتي وبس بقى عشان بتكسف
حنين: الف سلامه يا إيمي
انا: الله يسلمك يا محاسن
حنين: ايمااان
انا: طيب خلاص
ملك: الف سلامه يا إيمو
انا: الله يسلمك يا لوكة... ها خلصتو سلامات
دخل مازن وهو لابس البالطو: الواد مازن دكتور
مازن: واد!
انا: دكتور بقى وكده
مازن: الف سلامه يا قزعة
انا: انت مش الله يسلمك خالص بقى وامشي اطلع برة
حطلي الماسك ع وشي: اخرسي بقى ياشيخة
محمد: ياعم براحة اوعي
شال الماسك من ع وشي: قولي عيزه تقولي اي
انا: عيزه شوكلاتة
محمد بضحك: حاضر
انا: ومازن يطلع بره مش عيزه اشوفو
محمد بضحك: اطلع يا مازن
مازن: ربنا يشفيكم انتو الاثنين
طلع من الاوضة ومحمد رجع حطلي الماسك رحت شيلاه: عيزه اشرب
محمد: حاضر
نزل وبعد شوية جه ومعاه كيس مليان حلويات
محمد: امسكي اشربي الأول
قومت وقعدت وفتحت الازازة وشربت: انا عيزه اروح
محمد: مش هينفع انهارده
انا: لا مش عيزه اقعد هنا ونبي يا حظابط خرجني من هنا مش بحب المستفشيات
محمد بضحك: ال اي
انا: المستفشيات
قلهم قعدو يضحكو وانا بصالهم بستغراب
قرب وقدم البندانة ع شعري وبصلي ف عيوني: حاضر هخرجك
انا: ممكن طلب كمان
اتكلم وهو ولسا باصص ف عيوني: أومري
اتوترت من نظرتو: متبصليش كده ممكن
ضحك ف الجه الأخرى
انا: مش انت بتقبض ع الاشرار
ضحك وهز راسو ب اه
انا: خلاص اقبض ع مازن
محمد: يادي مازن يابنتي هو كلمك ما الراجل بيسمع الكلام وطلع اهو
ضحكت ع طريقتو ف ضحك هو كمان: يلا كلي
انا: بس انا مش جعانة... عيزه شوكلاتة وبس
محمد: لا لازم تاكلي الأول
انا: لا
محمد: لو مكلتيش هأكلك سبانخ يا إيمان
انا: انت مسكتهالي نقطه ضعف بقى
محمد: انا يابنتي
انا: اي يا واد البرائة الي بتشر دي
محمد: انا اصلا غلبان انتي الي مفترية
انا: تؤ انت ثعبان مش غلبان
محمد: دي حقيقة
انا: ياما
محمد: حاسك خوفتي
انا: حاسس مش متأكد
محمد بضحك: طب كلي طيب
انا: هو اي المشبك الي هو حاطو ف صباعي ده
كلهم قعدو يضحكو
محمد: مشبك يابيئة
انا: انا بيئة ياعم ملكش دعوة بيا شيل المشبك ده بقى عشان صباعي وجعني
مسك ايدي وباسها ف سحبتها من ابديه ب احراج ف ضحك
