رواية غيرة حب الفصل المئه وواحد بقلم احمد صابر
الباب خبط وسمح بالدخول ولقيت بنات عمي وولاد عمي دخلو
الكل/ سلام عليكم
والكل ردو السلام
وبعد سلامات كتير يعني
عبد الرحمن: طب هيا هتخرج امتى
والدتي: بكرة المفروض
بصيتلوا بتوسل: ونبي
محمد: قلت هخرجك متقلقيش
عبد الرحمن: هتخرجها ازاي ابدام مينفعش انهارده
محمد التفت وبصلو ببرود: حد طلب رأيك
انا: محمد
عبد الرحمن: ايوه انت بتتكلم كده ليه مش فاهم انا خايف عليها
محمد: خايف عليها! لا متخافش عليها خاف ع نفسك بقى
عبد الرحمن: انت بتهددني
قام ووقف قدامو وحط ايدو ف جيبو واتكلم ب استفزاز: اه
مني: في اي يا ولاد اهدو مش وقتو الكلام ده ابن عمها وبيطمن عليها يا محمد محصلش حاجة
انا: محمد
محمد: نعم
انا: عيزة اروح
محمد: حاضر
عبد الرحمن: حاضر اي مينفعش ممكن يكون في خطر عليها
محمد: والله انت الي اول ماهتطلع من هنا هيبقى في خطر عليك اتقي شري وابعد عن وشي ف اللحظه دي انت مش هتخاف عليها اكتر مني
عبد الرحمن: هو...
انا بمقاطعة: بس بقييي بسسسسسس
مازن: في اي صوتك يا ماما مينفعش تعليه كده غلط عليكي هتتعبي
محمد: لو طلعت انهارده ممكن يكون في اي خطر عليها
مازن: لا بس هتحتاج عنايه
محمد: متقلقش
وبعد دقائق كنا خرجنا من المستشفى ومروحين ع البيت: كان ممكن تتكلم معاه بهدوء
محمد: وانتي مدايقة ليه مش فاهم لتكوني زعلتي عشانو
انا: مزعلتش هزعل ليه اصلا بس هو مقلش حاجة
محمد: خايف عليكي يخاف عليكي ليه هو ولما هو يخاف عليكي انا اعمل اي مش فاهم
انا: تعمل اي؟
محمد: إيمان مش عايز غباء خالص
انا: احترم نفسك
محمد: هسامحك ع صوتك العالي ده عشان تعبانة بس... لاكن قسماً بالله لو اتكررت تاني هتزعلي مني جامد
بصيتلوا بخوف وبصيت من الشباك وفضلت ساكتة وانا بعيط منغير صوت
محمد: زعلتي
فضلت بصه من الشباك ومردتش
محمد: مكنتش اقصد اتكلم ب الطريقة دي حقك عليا انا اسف
كنت تعبانة ف سندت براسي ع الشباك ونمت... صحيت لما وصلنا قدام الڨيلا قعدت افرك ف عيني لقيتو فتح الباب ونزلت حسيت بدوخة ف قعدت ع السلم
محمد: انتي كويسة
غمضت عيني وحطيت راسي ع رجلي
محمد: طب يلا اطلعي نامي فوق
انا: لا هروح انام
محمد: إيمان والله مكان قصدي ازعلك كانت لحظه انفعال وانتي عرفاني لما بتعصب مبقدرش اتحكم ف عصبيتي
انا: خلاص يا محمد انا نسيت الموضوع اصلا يلا باي
وسيبتو ودخلت جوه وطلعت ع اوضتي ونمت
صحيت ع الفون وهو بيرن اخدتو منغير مبص ع المتصل: الو
محمد: صحي النوم الساعة 8
انا: 8 اي
محمد بضحك: بليل
انا: احيه
محمد: يلا قومي وتعالي
انا: اجي اعمل اي
محمد: قومي يا إيمان منغير متسألي اخلصي
انا: حااااضر
محمد: سلام يابنت قلبي
انا: هاا
محمد: بقلك متتأخريش
انا: امممم طيب
وانتهت المكالمة
قومت غيرت هدومي ودخلت عملت عصير برتقال وقعدت ع الكرسي وضمين رجلي وقعدت اشرب وانا سرحانه لقيت الفون بيرن: اووووف... الو
محمد: مين
انا: مين اي!
محمد: لا بجد مين
انا: محمد مش نقصاك دلوقتي والله
محمد: لا اصلك قولتي الو برقة كده ف قولت مستحيل ده يكون عبدو موتة الي انا اعرفو
انا: هيا طلعت كده مكنتش قصدا ان اقول الو كده
محمد: روحي ياشيخة ربنا يسد نفسك زي مانتي سده نفسي يلا خلصي انتي ده كلو بتعملي اي
انا: بشرب عصير تشرب
محمد: طب خلصي وتعالي لاجي اجيبك بطريقتي
حطيت الكباية ع الرخامة: ماما عندكم
محمد: ايوه
انا: احيه انا لوحدي ف البيتتتتتت
محمد: مانا عمال اقلك خلصي من الصبح يارب يطلعلك عفريت وتتلبسي ونخلص
انا: وحيات امك ابعتلي ملك انا خايفة اطلع الصالة حنين عندك
محمد: ايوه
انا: طب ابعتها هيا وملك ونبي
محمد: طيب
انا: انت رايح فين خليك معايا ع الفون ع مايجو
محمد: حاضر
انا: قول اي حاجة طيب
محمد: انتي عملة اي
انا: عصير
محمد: اممم هو يوم اهبل من أولو
الباب خبط ف رجعت لورا: في حد بيخبط
محمد: ماتروحي تفتحي تلاقيهم هما
انا: واي الفرق هااا مكنت طلعت انا وخلاص يابني انا مش عرفة اطلع الصاله اصلا
محمد: الصبر... الصاله فيها ايناره
انا: ايوه
محمد: اومال خايفة لييييييييييييه
انا: متزعقش الصاله واسعة وانا بخاف اخلص هات من ماما المفتاح واديه لحنين
جاب المفتاح ونزل فتح الباب ودخل: إيمان
انا: جايا
طلعت من المطبخ ببص ع حنين وملك لقيتهم كاتمين ضحكتهم
انا: في اي ياختي منك ليها اي عادي بتحصل طبيعي اخاف
حنين وهيا بتحاول متضحكش: ايوه هو احنا قلنا حاجة
انا: لا قسماً بالله لو متظبطت لعمل منها فراخ بانيه
محمد: يلا اطلعو بس
طلعنا بره وقفل الباب ورحنا ع البيت الثاني وطلعنا... الأنور كانت مطفيه بس لقيتهم دخلو وسابوني ع الباب: اي الندالة دي حنين ملك يا أشكال متتعاشرش انتي يابت
لقيت حد شدني وقفل الباب كنت لسا هصوت بس الأنور اشتغلت بس ملقتش حد : اي الهطل ده يامااا الڨيلا مسكونة والله كنت حسه
حطيت ايدي ع الباب وفتحتو وكنت طالعة لقيت ايد أفلت الباب تاني بصيت ل الايد وبصيتلو لقيت إضاءة بسيطة لونها أحمر وخط ع الارض فيه إضاءة ملونة
انا: اي في اي فين فين حنين وملك
محمد: في اي اهدي هو انا هاكلك
انا: لا بس انا عايزه حنين
محمد: إيمان انا عمري مفكر مجرد تفكير اذيكي وانتي عرفة ب كده ف اهدي
انا: مش قصدي بس... مش عرفة
محمد: تعالي
قعدنا ع الانترية وبصيت حواليا: انا مش فهمة بس هما راحو فين كانو معانا
محمد: إيمان هو انتي خايفة مني
انا: وربنا ابدا انا مستغربة مش خايفة هخاف ازاي من شخص بيحميني من اي حاجة بخاف منها محمد انا بحس معاك ب نفس الأمان الي بحسو مع بابا بظبط ع...
بعد ماستوعبت انا قولت اي بصيتلوا بصدمة وبصيت الجه الأخرى بسرعة وبصيت ف الارض وغمضت عيني وبدعي ان اكون بتخيل قعدت ارمش بتوتر ووشي احمر وهو كان باصصلي ومبتسم وساكت وده وترني اكتر: ماما عايزه ماما
محمد: كملي
هزيت راسي ب لا وانا باصة ف الارض
ضحك ف الجه الأخرى ورجع بصلي: ايوه انتي مكسوفة من اي دلوقتي
انا: مش مكسوفة
محمد: ده كلو ومش مكسوفة دانتي خدودك بقت فراولة
قعدت افرك ف ايدي وانا مش عايزه ابصلو
ضحك وقام واتجه للباب: خليكي هنا ثانيه
هزيت راسي وانا لسا بصة ف الارض
دخل شوية ولقيتو طلع وماسك ورد ف ايدو وحاجة ورا ضهرو اداني الورد وكان فيه ورقة
محمد: انا اسف والله مكنتش اقصد ان أعلى صوتي عليكي
انا: جبت شوكلاتة
هز راسو ب لاء
انا:طب هو الورد بيتاكل
محمد: انا زهقت.... طب تقمصي الشخصية معايا دايماً همك ع بطنك
طلع دبدوب كبير واداهولي بغيظ وبوكس فيه شوكلاتة: حضنت الدبدوب وفتحت البوكس: كداب الي قالك ان البنات بتحب الورد ده كلام فاضي يلا احبيبي روح شوف انت رايح فين اجري
وقعدت اكل ف الشوكولاتة وهو واقف باصصلي بغيظ مديتلو الشوكولاتة: تاخد
بصلي ببرود وحط ايدو ف جيبو وبص ف الجه الأخرى وانا كنت مشغولة ب الاكل لقيتو بيقرب ف رجعت لورا: اي في اي
لقيتو ماسك المنديل ومسح بيه الشوكولاتة الي ع بوقي قلبي فضل يدق بسرعة وباخد نفسي بصعوبة سيبت الحجات من ايدي وطلعت اجري ع فوق وهو ضرب كف ب كف: لاحول ولا قوة الا بالله انا اي إلى بيحصل فيا ده
طلعت ل خالاتي فوق
والدتي: فيه اي مالك
انا: ها اي م ما مالي
هيام بضحك: مش ع بعضك كده ليه
انا: ل ل لاء ا ن انا
هيام بضحك: بس بس انا انا اي انتي ولا الي لسا بيتعلمو الكلام في اي
انا: ها م م مفيش مفيش
حنين: اه مفيش حاجة خالص
بصيتلها بعصبية وضربتها ف بطنها ب دراعي
حنين: يا غبية بطني
انا: انزلي هاتيلي الحجات الي تحت
حنين: لا انزلي انتي... بوظتي كل حاجة بسبب بطنك كان لسا هيقول حاجات مهمة
انا: اي ده انتو كنتو فين
حنين: كنا جوه يااوختي
انا: حلوفة
حنين: ميرسي
انا: مايعة
لقيناه طالع ومعاه الورد حنين بصتلي وضحكت وانا خبط ع وشي فكرتو هيديهولي لقيتو بيديه لحنين ف بصيت لحنين و بصيتلوا وبصيت للورد بصدمة
حنين: اي دول
محمد: ليكي
حنين: وحيات امك
محمد: وحيات امي
حنين: انا اول مرة حد يجيبلي ورد
انا: واخر مرة
شديت الورد من ايديها وشيلتو وقعدت اقطع فيه
حنين: يا فرحة متمت ليه كده يا إيمان
انا: الورد ده كان ل
محمد: ها كان لمين
انا: معرفش واسكت مسمعش نفسك خاااالص
حنين لمت الورد من ع الارض: روحي ياشيخة منك لله دانتي مفترية
محمد: هجبلك غيرو
انا: تجيب لمين يالا اانت انا سكتالك من الصبح متسوقش فيها ها واظبط كده
محمد: وانتي اي إلى مدايقك
انا:انا مش مدايقة مين قالك ان انا مدايقة اثلا عاااادي انا مدايقتش اكيد هدايق من اي ماتولعو انتو الاثنين
محمد: بجد والله
انا: ايوه بجد
الجرس رن وملك فتحت ودخلت هالة
محمد: جيتي ف وقتك
هالة: ها
اتكلم وهو بيبصلي بتحدي وبعدين بص ل هالة : هالة
هالة: نعم
محمد: ممكن ننزل نتمشى شوية لو مش عايزه براحتك
هالة: ها لا مين قال كده انت بتهزر طبعاً اكيد يلا
بصيتلهم بصدمة راح ضاحك
محمد: طب يلا
هالة بفرحة: يلا
مسكت ف دراعو راح باصصلها بتعجب وسحب ايديه
انا: انت لسا هتستغرب
شديتها من شعرها وجرجرتها ورايا ع السلم: بقى انتي يا واطية بتمسكي ايديه دانا معملتهاش.... انا سكتلك كتير مع انها مش من عادتي بس لا طفح الكيل
قلعت الشبشب ونزلت عليها ضرب تحت صراخها
هالة: الحقنييي يا محمد
انا: شوف الزبالة برضوا طب خليه يقربلك يا سفله بس وانا اكون مخلصه عليه
والدتي: ايماااااااااااااااان كفاية
وقفت ضرب فيها ورميت الشبشب ع الارض ولبستو؛ مجرد تحزير ده كان مجرد تحزير لعب عيال يعني جربي بس وقربيلو تاني هتاويكي ساااااامعة
والدتي: قلتلك بسسسس
هيام بضحك: سيبيها والله حلال فيها بت زبالة صحيح كملي يا إيمان
والدتي: ادخلي جوه
انا: ي....
ولدتي مقاطعة: ادخلي جوووووه
دخلت وانا الدموع اترغرغت ف عيوني قفلت الباب بعصبية وقعدت ع السرير وكنت بصه قدامي شوية ولقيت الباب بيخبط وهو دخل: اطلع بره
محمد: اسمعيني طيب
انا: قلتلك اطلع بره انت السبب ف كل ده
محمد: ت....
انا بمقاطعة: اطلع براااااااااااا قلتك اطلع براااااااا
وقعدت احدفو ب المخدات وانا بزعق
محمد: طب اهدي واسمعيني
كنت مكملة وانا بصرخ وبحدفو ب المخدات راح مزعق فيا: بسسسسسسس ايييييي اي لعب العيال ده
انا بعياط: متعليش صوتك
محمد: عمال اكلمك بهدوء ومفيش فايدة وعمالا تعلي صوتك ومش مدياني فرصه اتكلم
قعدت اعيط بصوت عالي وانا باخد نفسي ب العافيه جابلي كباية ميه بس زقيت ايديه راحت الكباية وقعة ع الارض اتكسرت لقيتهم كلهم دخلو ع صوت الكسر
هيام: في اي واي الصوت ده انتو كويسين
محمد: اطلعو بره
بصولو وبصو للازاز الي ع الارض وطلعو وانا قعدت وكنت دافنة وشي ف المخدة وعمالة اعيط
محمد: بسس بتعيطي ليه ها اديني سبب مقنع يخليكي كل شوية تعيطي
زيدت ف العياط اكتر حط ايدو ع وشو وغمض عيونو بعصبية
محمد: مبقتش فاهم اي سبب عياطك سبب منغير سبب ع اتفه الأسباب بتعيطي لييييه مش فاااااهم ده مش منطق انتي بتواجهي الحياه بعياط اي حاجة بتعيطي وخده بالك من دي
انا: انا بكرهك
محمد: ماشي
بصيتلوا وزيدت ف العياط اكتر راح ضاحك
محمد: يابنتي ليه كده حرام عليكي نفسك وحرام الي بتعمليه فيا ده
انا: اطلع برة
وقعدت احدفو ب كل حاجة ف الاوضة
محمد: يابنتي بس
انا: امشي اطلع بره
محمد: مش طالع
قعدت اضربو وازق فيه
انا: امشي مش عايزه اشوفك امشي
محمد بضحك: طب اهدي طيب
حدفتو ب العلبة الي كانت ع التسريحة: ماتضحكش بتضحك ع اي
محمد: مضحكتش انا مضحكتش طب براحة وفهميني انتي زعلانة ليه دلوقتي مش ضربتيها وخلاص
انا: زعلان عشان ضربتها
محمد: هار اسود انا قولت كده؟!
انا: بنت عمتك دي انسانة بارده وزبالة وواطية وحيوانة ومهزأ ومهزأ
محمد: فاضل وحده
انا: ومهزأ
محمد: طب دلوقتي الموضوع خلص انتي زعلانة ليه
مسحت دموعي وقعدت افرك ف عيني
محمد: عيزه تنامي
هزيت راسي وانا لسا بفرك ف عيني ورحت عند السرير ونمت وانا حضنة المخدة راح شايل المخدة بهدوء ومغطيني ب البطانيه وطلع وانا مكنتش قدرة افتح عيني ولا اتحرك ف نمت
صحيت بعد المغرب طلعت وانا بفرك ف عيني ونسيت ان مش لبسه الطرحة لقيتو قاعد قدام التلفزيون وماسك الريموت وبيقلب بصلي ورجع بص لتلفزيون: روحي اللبسي طرحتك
روحت قعدت ع الانترية وكنت ولا الي سكرانة رحت نايمة ع المخدة وانا شعري ع وشي رجعتو لورا وبصيت ع التلفزيون: اقلب
محمد: نامي واقعدي ساكتة
انا: انا همووووت
محمد: بس يابابا ربنا يهديكي
انا: وهركب الطيارة واطير فوق
محمد: الله هلوسة اه وبعدين
انا: فين الحرباية
محمد: هالة
قومت بهدود وانا بفتح عيني ب العافيه ومسكتو من هدومو: هالة مين
محمد: ههههههه
انا: بتضحك ع اي
كان لسا مكمل ضحك: انتي فقدتي الذاكرة ولا اي يا إيمان
بصيتلوا وغمضت عين وفتحت عين: انا بكره هالة
بصلي وهو بيرجع شعري لورا: وانا كمان
بصلي بتفاجئ وسحب ايدو بسرعة ورجع بص قدامو: قومي اللبسي طرحتك يا ايمان
قومت وانا بتطوح وشعري ع وشي حطيت الطرحة ع شعري وطلعت اترميت ع الانترية: ڨوووووووو طيري فوق
محمد: نامي يا إيمان نامي
انا: إيمان هتنام
محمد بضحك: عندك توحد
انا: عندي توحد
محمد: تؤ
انا: إيمان هتنام
محمد: اه إيمان هتنام يلا نامي بقى
انا: طيري يا طيارة طيري طيريييييييييييييي فوووووق مش عارفة اي كده طيري ومعي اصحابي طيري ومعي نعمان
محمد بضحك: ابوس ايديكي نامي
انا: نمت
ونمت فعلاً
صحيت ع صوت خلاتي ف قومت وانا بهرش ف شعري الي كان متنعكش ونازل ع وشي ف لميتو ولبست الطرحة لقيتو طالع من جوه:عارف اي اكتر حاجة مدايقة الواحد
محمد: اي
انا: ان تلاتة اخوات جمب بعض حاجة تزهق كل يوم اصحى ع صوتهم مبيزهقوش يا جدع اي ده
محمد: بصي
رفعت عيني و بصيتلوا وبعدين بصيت بملل: اووووف متقولش هتاخودها
محمد بضحك: لا امسكي
اخدت التوكة ودخلت جوه ربطها ف شعري وطلعت
انا: اعمل ايدك كده
شديت صباعو جامد: اي ده مش المفروضة يطرقع
محمد: هاتي انتي ايدك كده
انا: لا
محمد: متخافيش والله
مديت ايدي بتردد راح شادد صباعي جامد رحت رقعة ب الصوت وطلعت اجري ع جوه: الحقيني يا مامااااااا
والدتي: في ايييي
انا: ابن اختك كسر ايدييي
محمد: هو انا جيت جمبك دانا مسكت صباعها بس يا خالتي
انا: بصي بصي وربنا بقى كلو احمر ازاااااي
محمد: طب حركيه كده
قعدت احركو كتير
محمد: مانتي بتحركيه اهو يا إيمان
انا: بس بيوجع وربنا بص من هنا
محمد: ولما انتي مش قد الهزار بتهزري ليه
انا: هزار! هو ده هزار انت شوية وكنت تخلع صباعي يابا
محمد: انتي بتسمي الزغزغة دي ان كنت هخلع صباعك
انا: زغزغة! لا دانت كنت شيلتو من مكانو بقى شيلو يا حظابط متتكسفش
محمد: لا ياشيخة مش لدرجة دي
انا: مش لدرجة دي دانت خلعت راس الراجل يسطاا هيصعب عليك صباعي
محمد: دي غلطتي انا اقسم بالله انا غلطان ان اتكلمت معاكي ف حاجة دانتي نقصة تقوليها ف الازاعة والتلفزيون متمسكي ميكروفون يا إيمان واسرحي بيه وكل الي يعدي قوليلو احسن
انا: تصدق فكرة لا بجد في حلول حلوه
محمد: بت انتي جاية وناوية تجلطيني
انا: ليه بتقول كده هو شلل نصفي بس
محمد: الله أكبر
انا: هات ايدك كده
مدلي ايدو رحت مسكها وعضها: يابت العضاضة
انا: حقي وانت معلمني ان مسيبش حقي اي مش انت قولت كده
محمد: حكمي القوي
انا: ابوك
محمد: لا قلبي
انا: هاا
محمد: متخديش ف بالك
انا: اممم
محمد: اممم اي اجيب برسيم
انا: متتلم يا حيوان
محمد: برضوا ف الشات اممم امممم اي بكلم بقرة ليه ابقى بكلمك ف حاجة مهمة والاقيقي بتقوليلي اممم في حاجة اسمها اه وبعدين اومال اي امممم دي عرفة لو قلتيها تاني هديكي ف وشك وربنا
انا: اممم
محمد؛ لا مانا مبهزرش
وطلع المسدس وحطو ع راسي: عرفة لو قلتيها تاني مش خسارة فيكي طلقتين
انا: لا الطلق غالي استهدي بالله كده واغزي الشيطان ياباشا
حط المسدس ف جيبو: عالم متجيش الا بالسلاح
حط المسدس وبصلي وقعد يهوش ب ايديه قدام وشي اكنو هيضربني: اديكي قلمين اظبطك
انا: نينيني
حط ايدو ف جيبو وطلع
انا: ابنك ده بارد ع فكرة
مني بضحك: تعالي
نمت ع رجليها وقعدت تدلكلي شعري ب الزيت: خالتو
مني: نعم
انا: انا هنام كده
مني: ومالو يا حبيبتي نامي
انا: امي هتجري ورايا دي تالت مرة انام فيها انهارده
مني: هتحاسبك ع النوم كمااان نامي وسيبك منها
انا: انا ف حمايتك يا خالتي
قعدت تدلك ف شعري: جوزيني ابنك يا خالتي
مني بضحك: الله يخربيتك و يخربيت الهلوسة
انا: هتجوزيهولي
مني: هو مستني منك كلمة بس يا إيمان
انا: كملة اي
مني بضحك: كملة ازاي اسمها كلمة
هرشت ف شعري وانا عيني بتغمض: اه يعني اي
مني: يعني اي ازاي نامي يابت هتجلطيني
قومت حضنتها ونمت ع كتفها: يعني هتجوزيهولي
مني: نفسي والله نفسي اشوفو فرحان يا إيمان وده مبيحصلش الا مابيكون معاكي بشوف الفرحة ف عنيه متكسريش قلبو ونبي يا إيمان
انا: هو مين
مني: ينهار اسود الحقوني ياناس هتشل
انا: ابنك قمر ومز اوي يا خالتي
مني بضحك وهيا بتضربني ع ايدي: نامي الله يخربيت قلة أدبك انتي وهو
هرشت ف شعري وعيني غمضت ونمت
محمد: إيمان
انا: اممم
محمد: هضربك والله
انا: نعم يا محمد عايز اي
محمد: يلا قومي عشان تاكلي
انا: اكل اي دلوقتي امشي وسيبني انام
محمد: لا هتقومي
انا: مش هقوم وسيبني ف حاااالي بقييييييييي
محمد: يا ساتر يارب في اييييييي
انا: وحيات امك تسيبني انام هعيط والله
محمد: لا قومي مش هسيبك الا متقومي مش كنتي بتعملي فيا كده
قومت وشديتو من شعرو بعصبية: انت عايز مني اي يالا
محمد: اوعي يابت شعري الله يخربيتك
شال ايدي من شعرو بالعافية ومسكها ورفعها لفوق ومسك ايدي الاثنين ب ايد وحده: أمد ايدي عليكي دلوقتي هااا
انا: سيب ايدي احسنلك انا شرانيه ومحدش يقدر عليا
محمد: هتعملي اي يعني
ضربتو ب الرجل وطلعت اجري
محمد: وربنا لعلقكك
انا؛ لا لا استهدا بالله يا حظابط محصلش حاجة يعني دانا دانا بهزر يا جدع
محمد: لا ونبي
