رواية غيرة حب الفصل المئه والرابع بقلم احمد صابر
انا: هبلة ف عينك
محمد: هيا ف عيني فعلا
مفهمتش بس نزلت بعصبية وقعدت وربعت ايدي
محمد: انا قولت اي يزعل
قعدت اتشنهف وحطيت ايدي ع وشي وقعدت اعيط
محمد: مكنش ينفع اسكت كان لازم اتكلم والله لو كنت سكت ب كم المشاعر دي كنت هتفجر دي حاجة بسيطة من الي جوايا انتي ليه مش حاسه بيا
كملت عياط وانا قلبي كان بيدق بسرعة ومش فهمة ليه: عيب مينفعش الي انت قلتو ده
ضحك ف الجه الأخرى وهو بيضرب كف ب كف
انا: امشي بقى من وشي عشان مش طيقه نفسي
محمد: طب كفاية ده كلو عشان كلمة
انا: ملكش دعوة بيا
وقومت واتجهت للباب
محمد: طب راحة فين
انا: هروح
محمد: ليه
انا: هنام عليا درس الساعة 8
نزل وصلني قدام البيت دخلت وطلعت فوق غيرت هدومي لبيجامة لونها أخضر وفردت شعري ونمت
*تاني يوم*
صحيت الساعة 7 اخدت دوش واديت فرضى وجهزت كتبي ومشيت ع الدرس ولما خلصت وروحت لقيتو ف البيت
محمد: تعالي
انا: نعم
محمد: ممكن افهم انتي بتتجهليني ليه
انا: انا مش
بتجاهلك انا بتعامل عادي
محمد: لا مش عادي
انا: لا عادي
محمد: هو ده كلو عشان عبرت بكلمة عن الي جوايا إيمان تصرفاتك بقت غريبة
انا: معلش
محمد: اخر مرة هحزرك تتكلمي بطريقة دي بعد كده هيبقى فيه كلام تاني
انا: متزعقش
بصلي بنظرة خوفتني: احم قصدي بعد ازنك يعني متزعقش
محمد: اقعدي
بصيتلوا وسكت ومردتش اقعد
محمد: اقعدييييي
انا ودموعي قربت تنزل: حاضر حاضر في اي هتنيل اقعد اهوووو هقعد
محمد: انا اصلا مش فاهم انتي زعلانة ليه الي قلتو مفيهوش حاجة تزعل انتي زعلتي ليه انا مش فاهم طب انا لو مقولتش كده ليكي هقول لمين مش فاهم يا إيمان تصرفاتك انا معتش فاهمها
انا: يعني انا الي فهمة نفسي
محمد: يعني مثلا لما اكون بتكلم معاكي وعبرت ب حاجة جوايا مش عقل انك تبطلي تكلميني ماهو انا كل مشوفك بيحصلي حجات غريبة ومشاعر متلغبطة وبحاول اخبي مشاعري بس مش بقدر مش هينفع ببقى كاتم كمية مشاعر جوايا مينفعش تفضل اكتر من كده جوايا لازم اتكلم وانتي حتى مش مدياني فرصة اتكلم انتي كده بتدايقني انا
بصيت ف الارض وكنت مكسوفة ابص ف عيونو: بس مكنش ينفع الي انت قولتو ده
محمد: مكنش ينفع اي دانتي مدتنيش فرصة اكمل
انا: اوووف فكك من الموضوع ده بقى... بص المسألة دي
محمد: علوم
انا: زفت
محمد: رقم 8
انا: ايوه
قعد يفهمهالي ويعيدها كذه مره
محمد: ها
انا: دي المقاومة equall فرق الجهد ع شدة التيار
محمد: ايوه ورقم 10 880 ڨولت
انا: طب ازاي
محمد: 44 في 20 ب كام
انا: ايوه ايوه فهمت
محمد: وربنا!
انا: بطل برود
محمد: حاضر... يا ساتر يارب ده خطك
انا: ده تحفه دانا خايفة يتحسد
محمد: ده حلو ف الانجليزي يعني اومال مالو ف العربي يقرف كده ليه
انا: ربنا يرفع من معنوياتك زي مانت رافع من معنوياتي كده يارب... وبعدين انا مش بحب العربي عشان كده خطي وحش فيه اصلا
محمد: اصلا
انا: طب بص مش دي هتبقى ب 11 امبير
محمد: ايوه شطورة
انا وبحط ايدي ع راسي بمعنى ان ذكية: اقلك بقى جبتها ازاي
محمد بضحك: قولي ياستي
انا: مش هو ت equall ج ع م equall تاني 220 ع 20 هتبقى equall ١١ امبير
محمد: شطرة كملي بقى
قعد احل المسائل وهو كان بيراقبني والي بغلط فيه بيشرحهالي من تاني
انا: عارف المستر بتاع العربي ده بارد اوي
محمد: ليه
انا: يعني بيقعد يزعق بحسو اهبل يعني العيال فعلاً بتبقى عملة دوشة ده بقى بيجيب العاطل ف الباطل بيجيب الكل معاهم واحنا مالنا يابارد بابن البارده
محمد: متقعديش معاهم
انا: يا حظابط افهمني
محمد: فاهمك يا حبيبي انتي قصدك انو لو وحده اتكلمت بيجيب الكل سواء اتكلم او متكلمش
انا: ايوه
محمد: عمره ميعمل كده الا ميكون حد جمبكم اتكلم
انا: ايوه صح بس دول الي جمبنا مش احنا ببقى نفسي اقوم اضربو ع قرعتو
محمد: ابقى قوليلو
انا؛ اقلو اي يا غالي
محمد بضحك: يابنتي انتي فهمتي اي الله يخربيتك مش قصدي انك تضربيه يخربيت عقلك قصدي يعني ف اخر الحصة تقوليلو
انا: لسا هقف واقلو بقى... انا خلقي ديق مش هستني وغير ان البنات بيقفو يتكلمو معاه وع ما اعرف أكلمو اكون اتأخرت ع الدرس التاني ف بكرف بس اخر مزهق والله احدفو ب الكتاب ف وشو
قلت اخر كلمة وانا برفع الكتاب ف وشو اكني هضربو
محمد: طب اهدي طيب انا زنبي اي دلوقتي
حطيت الكتاب ونفخت بزهق: زهقت يا جدع اي ده
محمد: هكلبشهولك
انا: يلا ف داهية اي ده لا استنى مفيش مدرس عربي غيرو خلاص سيبو لأخر الترم وبعدين ابقى خدو
محمد: طب والي بعدكم
انا: لا انا مالي ب دول اهم حاجة انا صح ولا اي
محمد: ولا اه
انا: كويس ان اتكلمت كنت حسه ان هفرقع وفي هم كبييييييييير واتشال... ايوه ولا مدرس الرياضة يا يختييييي يختي يختي تعالا احكيلك
ضحك وقعد احكيلو ع اي حاجة تختر ع بالي زي ميكون بخترع اي حجة عشان ميمشيش
انا وباكل الفشار: بس ياسيدي اقلها يابنتي اتقي شري مسمعتش كلامي رحت خبطاها ب القلم لقيت سنتها اتخلعت ده زنبي
محمد: لا يا حياتي ازاي ده زنبي انا
انا: بيني وبينك انا خوفت من منظر الدم زي مانت عارف بس حاولت اتماسك قدامها الله وكيل اهي قريبتي اهي واتفووو مش بتنزلي من زور
محمد: طب وانتو اتخانقتو ليه اصلا
انا: انا اقلك فاكر لما صباعي اتكسر
محمد: اممم
انا: انت الي بتقول اممم اهو عشان تبقى عارف بس
محمد بضحك: حقك عليا انا اسف
انا: احم اي الاحترام ده... وقتها كده هيا الي كسرتو ليا وانا وقتها كان دراعي مكسور فاكر
محمد: فاكر
انا: شدتني من صباعي الصغير واتكسر ولما رحت اكشف الدكتور قال مينفعش اجبسو لان دراعي متجبس ف حطلي حاجات مش فكرة عمل اي دي بقالها كتير اوي ف خفيت وعنت بعرف احركو اهووو
وقعدت احركو قدامو وانا بضحك راح ضاحك
انا: ومن وقتها وانا مش طيقها ولما استفزتني مقدرتش امسك نفسي رحت ضرباها معرفش ضربتها ازاي والله بس كنت متغاظه منها اوي ع الي عملتو وقلعتلها شعرها كانت عمالة تصوووت هههههه
قعدت اضحك وانا مش وخده بالي بصيتلوا بصدفة وانا بضحك لقيتو باصصلي ب ابتسامة وسرحان
انا: هطردك والله
محمد: هههههههه
انا: عيل بارد
طلع علبة من جيبو وفتحها وطلع سلسلة منها ولبسهالي وانا كنت مغمضة عيني وبحاول اسيطر على قلبي الي ضرباتو بدأت تعلى بِعد بَعد مالبسهالي وانا فتحت عيني ومسكت السلسلة ووقفت قدام المراية
انا: الله حلوه اووي
محمد: عجبتك
انا: جداً
الجرس رن ورحت افتح الباب لقيت عمتي وولاد عمي الصغيرين يوسف جري عليا وحضني: إيمان وحشتني اوي
انا: شكلك انت الي هتوحشنا يا يوسف
سلمت ع عمتي وع الولاد الصغيرين
محمد: مش كفاية ولا اي
انا: كفاية اهو انا عملت حاجة
محمد: طب يلا مش عليكي درس
انا: لسا الساعة 11 وانا عليا الساعة 3
محمد: طب خشي ذاكري
انا: حاضر داخلة اهو... طب اي طيب
محمد: اي
انا: هقعد معاهم شوية
محمد: لا مفيش قعاد خشي ذاكري
انا: اوووف حاضر
محمد: اوووف
انا: اه اوووف
وطلعت ع فوق وقعدت اذاكر لحد الساعة 3 قومت غيرت هدومي ولفيت الطرحة ونزلت وكانو ماشيين يوسف جري عليا وحضني: تعالي معانا
انا: عليا درس مش هينفع
يوسف: طب هتيجي امتى
انا: مش عرفة بس لو في وقت أجي اوعدك هاجي
ريماس: هتيجو ف رمضان مش كده
انا: انشاء الله
عمتي: يلا استأزن انا
وصلناهم عند الباب وماما وقعت تتكلم معاها لقيت حظابط نزل ف نفس الوقت الي محمد ابن عمتي جه فيه
انا: احيه احيه
رحتلو بسرعة قبل مايشوفو وتحصل مشكلة: يلا يا حظابط يلا
محمد: اي إلى انتي عملاه ده
انا: اي حلو الشبشب صح
محمد: روحي يابابا الببسي كوتش
انا: هروح كده يعني هروح كده هيا طالبة ماهيا اروح الدرس بالشبشب
محمد: قلتلك روحي البسي كوتش نفسي مره متخلنيش اعيد كلامي
انا: يا محمد الكوتشيات بقت بتوجعلي رجلي اوي وبعدين ده الدرس حمبنا هنا مش مستاهلة انا هروح مشي
محمد: خلاص اللببسي شراب
انا: ازاي شراب ع شبشب
محمد: ماهو رجلك باينة كده مينفعش يلا يابابا اسمعي الكلام يلا عشان متعصبش وترجعي تزعلي
انا: اوووف
روحت عند الباب وكنت داخلة بعصبية
محمد ابن عمتي: إيمان ازيك
من عصبيتي مكنتش ف مزاج ارد ع حد ف طلعت منغير مرد عليه طلعت وقعدت اختار كوتش
انا: هقعد سنة اهو حزن مالو الشبشب جميل اهو
بصيتلوا من البلكونة: حظابط يا قمر اللبس شبشب غيرو طيب
محمد: اللببسي الكوتش يا إيمان خلصي
انا: طب فكر طيب اختارلي شبشب ها ده ولا ده
بصلي وانفجر ف الضحك: يابنتي خلصي
انا: ماهو انا مليش مزاج اللبس الكوتش بص ده شبشب مش مبين رجلي اهو والله مقفول
محمد: ماشي
قعدت اطنط ومنغير ماخد بالي الشبشب وقع تحت: يادي النيلة
نزلت وانا ماسكة التانيه ف ايدي وطلعت بره البيت منغير شبشب اخدت الشبشب الي وقع ولبستو وعدلت الطرحة وحضنت الكتاب: يلا يا حظابط
بصلي وضحك وركب العربية وانا كذالك
كنت حطه رجلي ع الازاز ومسكة فونو وفاتحة الفيسبوك ومسحت صورو الي ع الاكونت كلها وفتحت الواتساب
شيلت الصوره الي هو حاططها ع الاكونت: يااااه حسه ان عملت انجاز
محمد: انتي عملتي اي يا مصيبة
انا: مسحت الصور بس
محمد: بس! يابريئة
بصيتلوا ببرائة: ايوه انا بريئة
محمد: انزلي يابت انزلي هتجيبيلي الجلطة يخربيتك
انا: باي يا حظابط
اخدت الكتاب ونزلت وقفلت الباب وبصيتلو من الشباك: الشبشب تحفة
محمد: امشي لحدفك ب دي ف وشك
ضحكت راح ضاحك ف الجه الأخرى وعملتلو باي ودخلت الدرس...خلصت وروحت ع البيت كانت الساعة 5 رنيت الجرس محدش رد ف عرفت ان ماما عند خالتي فا روحت
انا: فين ابنك يا خالتي
مني: هو وداكي الدرس ومجاش
انا: مجاش ازاي يعني
مني: راح الشغل شوية وهتلاقيه جاي
انا: انا جعانة يا خالتي
مني: الاكل اهو يا عيون خالتك تعالي عملالك ورق عنب
انا: الله
والدتي: شوفي ونبي الفضيحة
انا بصوت واطي: اقلك ع حاجة بس متقوليش لماما
مني: قولي
انا: ماما بتزعل لما بشكر ف اكلك
قعدت تضحك جامد اخدت المحشي وطلعت قعدت قدام التلفزيون وانا باكل ومربعة رجلي وبسمع الكرتون
الجرس رن واخدت الطبق ورحت افتح لقيتو دخل واخد الطبق وقعد ياكل: اي ده اي الواد ده
ع فكرة انا واكلة ب الشوكة دي
محمد: اي يعني
انا: ولحستها بلساني
محمد: اي يعني برضوا
انا: ياباااااارد
اخدت الطبق وطلعت اجري راح ضاحك قعدت اكل وهو كان ماسك الفون وانا كنت بتفرج معاه: هو اي ده يا حظابط
بصلي وكان لسا هيتكلم حطيتلو الاكل ف بقو وانا لسا بصه ف الفون ومركزة: هتقتل مين تاني قولي بس انا ستر وغطا عليك متقلقش
محمد: انا مش قلقان غير منك والله
انا: يا جدع متقولش كده
محمد: بصي
انا: اوبااااا ايش هاد
محمد: دهب
انا: ايوه مانا شايفه انو دهب هتعمل بيه اي دي سبيكة بحالها
محمد: مش حقيقي
انا: مش حقيقي ازاي يعني
محمد: يعني ده مش دهب
انا: ايوه ازاي يعني ده زي الدهب بظبط
قام دخل جوه وطلع وهو معاه حاجة ف ايديه وحديدة صغيرة وعلبة ازاز
انا: انت بتشتغل مهندس من ورايا
بصلي وضحك وبعتلي بوسة ع الهوا: دانتي ف المريخ
انا: قليل الادب
محمد: بصي
انا: بصيت
محمد: شوفتي حاجة
انا بضحك: خفة
محمد بضحك: بصي بجد بقى
انا: انا بصة بقالي ساعة يا محمد لحد ما عيني وجعتني
محمد: سلامة عينك
انا: الله يسلمك اخلص بقى
حط اللون الي ف كان ف العلبة ع الحديدة الصغيرة وحط عليها العلبة الازاز: 10 دقائق كده
ومسك الفون ع ما 10 دقائق يخلصو ونا كنت بصة عليها
محمد: تعالي بصي
انا: اي
محمد: لو طلعتي الفرق مابين الصورتين هديكي الي انتي عيزاه
انا: ايوه عرفة انا اللعبة دي مش دي أوجد الاختلاف عرفاها عرفاها
محمد: لعبة اي بس كلي يا إيمان كلي
حطيت الاكل ع الطربيزة: لا سيبك من الاكل دلوقتي عيزه اعرف اي ده
محمد: ده الأصلي وده التقليد
انا: ازاي ده مفيش فرق
شاورلي ع العلبة وشال الغطة عنها ومسكها ف ايديه: هو ده بقى التقليد
مديتلو ايدي وانا متنحة للحديدة الي اتحولت لدهب ف حطها ف ايدي: ده ازاي انا دماغي عملت error
محمد: ده بيتصدر ع اساس انو دهب وهو ف الحقيقة تقليد وشركات كتير خسرت بسبب الموضوع ده ب عكس الناس الي صدروه ع اساس انو دهب وهو ف الحقيقة تقليد للدهب ف كده الي بيصدروه اي
انا: ايييي
