رواية غيرة حب الفصل المئه والثامن بقلم احمد صابر
انا: اي الام دي
الجرس رن وقامت تفتح واخدت كباية العصير: هييي اخت.....
بصيت لقيتو ف وشي كباية العصير كانت هتقع من ايدي بس لحقت مسكتها بس في منها وقع ع هدومي ف قومت بسرعة
محمد: مبترديش ع فونك ليه
انا بخوف: الفون الفون مش معايا
محمد: اومال مع مين
انا: فوق سيبتو فوق ونزلت
محمد: وانتي مكلفتيش نفسك ورنيتي حتى
انا: رنيت وكان مغلق
محمد: مرنتيش تاني ليه ولا قولتي اعمل الي عليا وارن وخلاص واول ملقيتيه مغلق مصدقتي
هزيت راسي ب لاء بسرعة
محمد: اي
انا: أي
محمد: خايفة كده ليه
انا: معرفش
محمد: ده الي هو ازاي
انا: اهدي وصلي ع النبي انت متعصب ليه كده
غمض عينو واخد نفس ورجع فتح وبصلي: مش مكفيكي الايام الي هتبعدي فيها
انا: مش فهمة.... طب انت بتتعصب ليه دلوقتي ماتتكلم بهدوء الله يخليك
محمد: إيمان انا مش عايز غباء
ماما ضحكت وجت وقفت جمبنا: اهدا كل مابتخاف كل ما مخها بيتقفل اكتر
وقفت ورا ماما: متخليهوش يعلي صوتو يا ماما
مها: متعليش صوتك يا محمد
محمد: انا أعلى صوتي براحتي ياااا... خالتي
مها: انا أعلى صوتي براحتي
انا: لا مش براحتك ياااا... ماما
محمد: لا براحتي ياااا... خالتي
انا: لا مش براحتك
محمد: لا ده انتي بتعلي صوتك كمان
والدتي بضحك: اهدو بس وصلو ع النبي نتفاهم طيب
محمد: يلا يا مها وسيبك منها
انا: يلا فين سيب امي
محمد: خالتي ع فكرة
قعد اضربو ع ايديه الي ماسك بيها ايد ماما: سيب سيب اوعي
محمد: مش سايب
انا: بقلك سيب
قعدنا نشد فيها لقيناها فجأة شدت ايديها وهيا بتزعق: بسسسسس انا ماااالي انا تكسرو دراعي لييييه ماتولعو مع بعض انا ماااالي
وقفت جمبو بسرعة من منظرها وهيا بتزعق: هيا بتزعق ليه
محمد: مش عارف
والدتي: اطلع يالا بره منك ليها واقسم بالله مانتو قعدين فيها
وقلعت الشبشب وانا طلعت اجري ع بره وهو واقف يضحك
ماما بصتلو
محمد: يا ساتر يارب... طب استأذن انا
ومشي بخطوات ثابتة وهو حاطط ايدو ف جيبو بغرور وانا بصالو بحاجب مرفوع
لقينا ماما بتقفل الباب ف وشنا
محمد: اي قلة الكرامة دي انا اخر مرة حد قفل ف وشي الباب هو انتي
انا: تعيش وتاخد غيرها
محمد: طب اي
انا بصيتلو بستغراب: اي
محمد: مفيش اي كلمة حلوه
انا: لا مفيش واحترم نفسك احسنلك بدل مفرج عليك الشارع كلو يا محمد
محمد: اتفوو ابو الي يكلم وحده زيك يستاهل ضرب الشبشب
بصيتلو بقرف راح مبادلني نفس النظرة وفضلنا قاعدين قدام البيت وكان في بنت معدية
انا: عليا الطلاق جامدة
لقيتو بصلي بصدمة: عليكي اي يابا!!
انا: عليا اي
محمد: انتي ايه إلى انتي قولتيه ده
قومت بسرعة: قولت ايييي
محمد: انتي عرفة لو عنت اسمعك بتقولي الكلام ده تاني هعمل فيكي اي
انا: اه عرفة هتعلقني
محمد: قلة أدب ومسخرة سيبتي اي لشباب
انا: متحسسنيش ان قولت حاجة غلط
محمد: لا ونبي!!
انا: ايش
محمد: عيب يا عبدو موتة مينفعش يابا
انا بصدمة: اي ده وربنا عيب؟
محمد: ايوه متتكررش تاني
انا: هيا اي اااه عليا الطلاق يعني
لقيتو بيبصلي بعصبية
انا: احيه والله نسيت
لقيت عيونو بدأت تحمر وهيتعصب
انا: طب عن اذن حضرتك
وقومت بهدوء وطلعت اجري ع السلم
انا: اه نفسي اتقطع
وقفت ع أطراف اصابعي عشان ارن الجرس: مش عرفة عملينو فوق اوي كده ليه
رنيت وخالتي فتحت وبوستها من خدها ودخلت اترميت ع الانترية: يا ناس يالي هناااا
طلع معاذ وحدفني ب الكتاب ف وشي: وطي صوتك ده
انا: لو اتكررت تاني همد ايدي عليك
معاذ: طب اقعدي ساكتة
انا: انا حره اي اللزق بوقي
معاذ: تصدقي بسبب طول لسانك ده مش قايلك انا جايبلك اي
انا: اي يا معاذ يا حبيبي جايبلي اي
معاذ: مش هقول
انا: اخويا
معاذ: لا برضوا
انا: انت زعلت مني ولا اي يا جدع دانا كنت بهزر ها جايبلي اي بقى
دخل الاوضة وطلع وهو معاه كيس كبير: اي ده
معاذ: شوفيه
انا: حاططلي كنبلة والا اي ولا صواريخ
معاذ: لا حاطط هبل
انا: هو الهبل بقى بيتباع اليومين دول كمان
معاذ: تخيلي لو الهبل بيتباع انتي هتبقى اغني وحده فينا
انا: اه م... اي ده قصدك اي
معاذ: لا ولا حاجة
فتحت الكيس لقيتو مليان شوكلاتة وحلويات: اي ده الله
معاذ: هاتي وحده بقى
انا: انت جايب الحاجة وعينك فيها
معاذ: بهزر ياستي
انا: امسك خد دي ع قدك
معاذ: طيب
الجرس رن ورحت افتح وانا باكل اول ماشفتو خبيت الشوكولاتة عشان ميدايقش لو عرف ان معاذ الي جابها
محمد: امسحي بوقك من الشوكولاتة
ودخل بكل برود وقعد
اخدت منديل ومسحت بوقي ووقفت ع الانتريه وفتحت الشباك ع اخرو وفضلت واقفة فيه
محمد: هتبردي
انا: لا الجو جميل.... يا نوجة
محمد: انتي بتعملي اي
انا: بكلم صحبتي في اي
محمد: لا مفيش
انا: هنزل المسبح
محمد: مسبح اي ف البرد ده
انا: انا اصلا مبنزلش فيه انت عارف ان مبعرفش اعوم انا بنزل رجلي بس
محمد: لا خليكي
انا: بالله عليك من الصيف الي فات وانا منزلتش
محمد: مش دلوقتي يا إيمان
انا: لييييه
محمد: معرفش المهم مش دلوقتي
انا: لا هنزل
فتحت الباب وهو لسا بينده عليا نزلت وشمرت رجلي ونزلتها وقعدت احركها ف الميه
انا: تعالا الميه جميلة
بصلي بملل وقعد ع الكنبة ومسك الفون
انا: محمد
رفع عينو من الفون وبصلي
انا: هات ورده من عندك كده
قام وحط الفون ف جيبو وقطف ورده وقعد ع ركبو جمبي وسند دراعو ع رجلو التانيه وبصلي وابتسم ومشا الورده ع خدي شديتها منو بعصبية جسمي قشعر وقلبي فضل يدق بسرعة: روح مكانك بقي هش امشي
محمد: حاضر ارجعي وره بس لتوقعي
انا: لا متخفش مش هقع
رجع قعد مكانو وانا قعدت اقطع ف الورده وارميها ف الميه وابعدها ب رجلي
ببص ورايا لقيت عمر وهالة جايين مع بعض وكان واقف مع محمد بصيتلها من فوق لتحت بقرف وبصيت قدامي تاني لقيتها جت قعدت جمبي ونزلت المسبح بهدوء: تعالي
انا: مش بعرف اعوم
هالة: هعلمك
انا: بتعرفي تعومي
هالة: اومال
انا: هتعلميني ازاي
هالة ب ابتسامة مفهمتهاش: انزلي وانا اوريكي هعلمك ازاي
نزلت بهدوء وانا مسكة ف السلم وهيا بتبعد: لا المكان عندك غويط أوي تعالي هنا
هالة: تعالي انتي
انا: لا خايفة
هالة: من اي تعالي
مشيت خطوات بسيطة ومديت ليها ايدي عشان امسك ايديها بس بقت تبعد: تعالي هنا راحة فين انتي
هالة: عشان اعرف اعلمك
انا: مينفعش تعلميني هنا
هالة: تؤ تؤ هنا
انا: لا مش عايزه اتعلم
جيت اطلع لقيتها بتشدني: انتي عايزه اي اوعي
هالة: تعالي مش كنتي عيزاني اعلمك
انا: انا مش عايزه اتعلم انتي االي قولتيلي وانا وافقت ف الاول ودلوقتي مش عايزه ابعدي بقى خليني اطلع
شدتني وقعدت تسحبني بعيد وانا ماسكة ف السلم: اوعي سيبي ايدي اوعي قلتلك مش عايزه اتعلم هو بالغصب ولا ايييي
هالة: براحتك كنت عايزه اعلمك بس اصل كلنا بنعرف الا انتي
انا: مش عيب والله كل واحد حر والسباحة مش حاجة مهمة
هالة: لا طبعاً مهمة يعني مثلا لما بتنزلي البحر مش بتعرفي تنزلي وانتي شايفة الكل ف البحر الا انتي بتبقى حسه ان ف حاجة ناقصة
انا: عمري محسيت الإحساس ده لان زي مافيه ناس تستمتع بالسباحة في حاجات تانيه كتير مسليا معتقدش ان انا لوحدي الي مش بعرف اسبح ف مش عيب ف الشخص والله ممكن يكون عيب عند الشخص الي ممكن يفكر ان كده بيأثر ع الي قدامو او يزعلو هالة يا حبيبتي انا بارده جدا اتكلمي برحتك متأثرتش والله
شديت ايدي جامد وطلعت بسرعة وانا نص هدومي مبلولة: Enjoy
مشيت وانا ببص لهدومي الي بقت كلها ميه وبشتم عليها
روحت البيت غيرت هدومي وكان عليا درس اخدت الكتاب ونزلت: انسانه مهزأ اي ده
كان فيه ولد معدي: اي بس القمر زعلان ليه
انا: ناقصة امك انت كمان
محستش بنفسي الا وانا بقلعت الكوتش وحدفتو بيه بس تفاداه ووطي لقيتو خبط ف راس حد: هار اسويييييد
الواد بصلي وضحك وطلع يجري لقيتو مسك راسو بصدمة وبص للكوتش وبصلي
انا: والله مكان قصدي
مالك: ب الكوتش!
انا: مش قصدي وربنا كنت قصداها ف الواد ابن الجزمة ده والله
مالك: واد اي بقى
بصيتلوا وانا مسكة الضحكة بالعافيه: هات الكوتش
مالك: امسكي ياستي
اداهولي واخدتو وكنت بلبسو رحت وقعة ع الارض: الهيبة راحت رااااحت الهيبة
مالك: راحة فين
انا: وانت مالك ثم اتكلمت ف نفسي.. سايريه يابت يا إيمان دانتي لسا مديله ف راسو.... ماسكة كتب يبقى راحة فين
مالك: ماتقولي راحة الدرس لازم تتلامضي
انا: ايوه
مشيت وهو مشي اتكعبلت ف طوبة وكنت هتكفي ع وشي: اي اليوم ده
مشيت وانا بعرج برجلي وقابلت واحد جيرانا: اي ده عمو ابراهيم
عمو ابراهيم: ازيك يا إيمي
انا: زي ماحضرتك شايف عاملة زي المعوقين وماشيا اعرج اهو
عمو ابراهيم: الله يخربيت عقلك
انا: يلا سلام عندي درس احسن اتهزق
كملت طريقي ووصلت ل الدرس خلصت دروسي ورحت ع البيت وانا بطنطط: مخصماك وابعد عني انا مش طيقاك
لقيت الفون بيرن ب اسمو: الووو احظابط
محمد: انتي فين
انا: طب قول السلام عليكم الأول يا حول الله كنت ف الدرس
محمد: طلعتي من البيت منغير متقوليلي ليه
انا: نسيت والله
محمد: انتي فين
انا: شوية كده واكون وصلت
محمد: مكانك فين دلوقتي
انا: عند البحر ه....
مكملتش كلامي ولقيتو قفل ف وشي بصيت للفون بصدمة ورنيت عليه بس مردش عشان عارف ان هقفل ف وشو ف ضحكت ثواني ولقيت عربية بتقف قدامي: لا ريلي حبيبي حبيبي
محمد بهدوء مخيف: اركبي
انا: يا ساتر يارب اي الوش بتاع مرات الاب ده يابو نسب دانا رقيقة ومستحملش المعاملة دي ابدا ابدا ( وانا بمسح دموعي الوهمية)
بص الجه الأخرى بملل ف ركبت بسرعة قبل ميتعصب اول ما ركبت ساق بسرعة: طب في اي يا حظابط احبيبي انت عايز تموت انت حر يا جدع انما انا لسا العمر قدامي طويل ليه تموتني معاك
كان باصص قدامو ومش بيتكلم ف عملت بوز البطة وانا مش فهمة ف اي: طب اقلك نكتة بيقلك مره تلات صحاب عواجيز عندهم زهايمر راحو عند وحده صحبتهم قدمتلهم شاي ومرة عصير ومره قهوة وقعدو شوية وهما مروحين وحده منهم بتقول ل التانيه شوفتي البخيلة قليلة الأصل معزمتش علينا ب كباية ميه حتى ههههه احم اسفه
فضلنا ساكتين لحد ماوصلنا للبيت دخل وحتي كلمنيش طلعنا فوق لقيت البيت هادي وهو دخل اوضتو ف استغربت فتحت الباب ودخلت: حظابط
مكنش موجود ف الاوضة: هار اسود ده لسا داخل قدامي بيختفي ده ولا اي
طلع من اوضة الملابس وهو بيعدل شعرو ووقف قدام المراية يسرح شعرو وحتى مبصش عليا اكني مش موجوده
انا: انا هُنا مش شايفني ولا شو
خلص وكان هيعدي ف وقفت قدامو وكل مايجي يعدي أقف قدامو وانا فرده دراعاتي واتكلمت بطريقة مستفزة: هطيييييير فوق فوووق السحاب
عدا منغير ميتكلم ومسك الفون وقعد رحت مسكتو من هدومو: ولاااا بتتجاهلني ليه ياض والله اضربك قلم ع وشك القمر ده اقصد يعني هضربك هضربك ع ع وشك كدهو
قام واتغطى ب البطانيه ونام
رحت الجه الأخرى وقعدت ع الكرسي وسندت ع الكومود وحطيت ايدي ع خدي وانا بصالو: محمد
محمد: اممم
انا: هما ليه بيقولو عليك الشيطان
محمد: عشان انا وحش
انا: بس انت مش وحش انت كيوت وطيوب
فتح عين وحده وبصلي بحاجب مرفوع: كيوت!!
انا: اها عشان انت وافقت تدربني وع طول بتنقزني لما بقع ف مصيبة
محمد: روحي نامي دلوقتي والصبح نتكلم
مر بعض الوقت اتكلمت بهمث: محمد
محمد: اممم
انا: انت نمت
محمد: اه نمت
انا: ازاي وانت بترد عليا
محمد: ماهو انا بتكلم وانا بنام
انا: محمد هو انت ليه بتساعدني ع طول
محمد: عشان انا كيوت وطيوب
انا واقتنعت ب كلامه: فعلاً انت كيوت وطيوب اوي
محمد: اسكتي بقى ونامي
انا: تصبح ع خير
محمد: وانتي من اهلي
طلعت ورحت الاوضة التانيه ونمت قومت الساعة 9 طلعت من الاوضة ملقتهوش ف اتوضيت واديت فرضي ورحتلو لقيتو نايم: هار اسود اي ده مبيزهقش نوووم... حظابط اولا احظابط يا محمد
محمد: نعم يا إيمان
انا: اصحى عيزه احكيلك
محمد: َ لما اصحى
انا: لا دوقتي
محمد: دوقتي!! روحي يا إيمان صلى وانا جاي وراكي
انا: صليت
محمد: اقرأي شوية ف المصحف وانا جاي وراكي
انا: طب اصحى الأول اصحى يا محمد
قام بزهق وبصلي وحط ايدو ع خدو: احكي يا إيمان
نطيت ع السرير وقعدت قدامو: حلمت ان....
لقيتو غمض عينو: محماااااد
محمد: اي اي في اي
انا: مفيش المهم بقى
محمد: قومي يابت من هنا
قومت نطيت من ع السرير وانا بضحك: لو قربتلي هنتحر
بصلي بحاجب مرفوع
انا: مش مصدقني طب اهو
ونطيت ع السرير ووقعت ع الارض وانا بصوت: الي اللقااااء
محمد: نلقاقم ف الحلقة القادمة انشاء الله
فتحت عين وحده: مفيش حلقات قادمة انا موت دلوقتي اعمل اي اكشن بسرعة
محمد: موتي؟
انا: ايوه بسرعة صوت وعيط يلا
محمد: موتي يعني؟
انا: ايوه ياسيدي خلص
محمد: طب قومي بطلي هبل
انا: اعمل اي اكشن يا محمد بسرعة بقى
محمد: مانا مش عارف... إيمان اي إلى جرالك
انا: موت
محمد: يا حبيبتي قومي يلا عشان ندفنك
قومت قعدت وبصيتلو وانا عيوني احمرت وهعيط: عادي كده
محمد: عادي اي
انا: تدفني عادي كده وبتقولها ف وشي كمان
محمد: بهزر والله يا إيمان انا اتدفن عادي لاكن انتي لا طبعاً
انا: ايوه انت ف داهية لاكن انا لا
محمد: مش عارف اودي حبك فين بصراحة
انا: شوف عشان تعرف اني بحبك بس
محمد: عشان اي
انا: اي
محمد: لا وحيات امك عشان اي؟
انا: اقول اي يابني
محمد: انتي لسا قايلة اي دلوقتي
انا: مش فكرة
اخد الكباية من ع الكمود وشرب وحطها وبصلي واتكلم بعصبية: خلاص يا إيمان خلاص
انا: المهم محكتش الحلم... اصلك كنت ف الحلم
محمد: اي حلمتي ان احنا اتجوزنا
انا: اتلمممم
محمد: هو انا ااتكلمتتت
أنا: المهم
محمد: اي خلفنا
انا بعصبية: محمد
محمد: قلبو
وشي بقى احمر واتكلمت بعصبيه: هعيط وحيات ربنا اسكت
محمد بضحك: حاضر كملي
انا: المهم انا وانت اي ده ثانيه انا نسيت الحلم
محمد: الله اكبر انا اقوم اصلي ع متفتكري وادعي تكوني من نصيبي
انا: مش فهمة يعني اي اكون من نصيبك
محمد: هقلك بعد 4 سنين
انا: يالهوي
محمد: شوفتي دانتي اتصدمتي مبالك انا بقى تصدقي كل يوم ادعي ع باباكي ده
انا بصدمة: محمد
محمد: اي يابنت قلبي
انا: بتدعي ع بابا
محمد: لا هو انا اقدر دا حبيبي ده مش كفاية مديني منجايا
انا: اداك منجاية امتى هيا المانجا طلعت ولا شوفت بابا فين اصلا
محمد: انا بقول اروح اصلي عشان مشتمش
انا: مهزء
محمد: سؤال بس يا إيمان انتي قولتيلي قبل مانام انا بعمل كل ده ليه هو انتي متعرفيش؟
انا: لا
محمد: الله أكبر... انا مش قادر اعيد فترة التلميحات تاني لا واقسم بالله مش هقدر انا بقلك اهو
بصيتلوا بستغراب راح ماسك شعرو بعصبية: متقوليليش مش فهمة ونبي اوعي تقوليها
انا: انا مش فهمة فعلاً
محمد وهو بيبصلي بيأس: هروح اصلي
انا: رايح فين ده باب البلكونة الباب من هنا
محمد: حتى دماغي مرحمتيهاش
طلع وانا وقفت ف البلكونة شوية وبعدين جيت ادخل لقيتو ف وشي: اقعدي
قعدت وهو قعد ف الكرسي الي قدامي وفضلنا بصين لبعض لفترة
محمد: مالك
انا: مفيش
محمد: احكيلي سامعك
انا: احكيلك ع اي
محمد: انتي مدايقة ليه
انا: ممكن اعيط
محمد: ليه
