رواية عاد طليقي الفصل العاشر 10 بقلم جمانه السعيدي
نور خلال اسبوعين عمل
كدرت ألفت انتباه عادل
وصار يلحكني من مكان المكان
واني ابينله دائما انو هو مومن مستواي
لذالك كان يحاول يرضيني بكل طريقه
او يلفت انتباهي علي
بعد كم يوم هذا الولد الي ويانه بلمكتب حازم
زوجته جابت
ومآ اجه للدوام
قررنا ننجمع وناخذ هدايه ونروح للمستشفى نباركله
وفعلا رحنا بوقت واحد بس كل واحد بسيارته
وصلنا للمستشفى وباركنالهم
وكعدنا يمهم شويه
اني عفت الجماعه ينزلون قبلي وعرضت عليهم مبلغ مالي
لان تعرفون العمليه بلمستشفى تكلف هواي
ابد ما قبلو بس اني صممت
ياخذون الهديه
جمانه السعيدي
نزلت لكيت عادل واكف يم سيارته ومسوي نفسه عصبي
نور شكووو بعدك هنا
عادل سيارتي عطلت
نور وهسه شلون
عادل اعوفها هنا واودي واحد يصلحها
نور تحتاج مساعده
عادل اي ممكن توصليني بطربقج
ساعته عرفت هاي حيله هو دبرها حتى يصعد وياي
وياخذ وينطي بلكلام
وسيارته ما عاطله ابد
والا اكو سيارات هواي باب المستشفى يكدر يأجر تكسي ويروح الاهله
اني مشيتها اله
بس تحركت السياره شويه
عادل ممكن نكعد اني وياج بمكان اريد احجي وياج بموضوع مهم
جمانه السعيدي
نور اوكي ميخالف
وفعلا اختارينا كافيه ودخلنا كعدنا وطلبنا عصير
عادل اني راح احجي كل الي بخاطري
وكل الي احس بي
نور تفضل
اكو ناس تعيش عمر قريبين عليك وانت ابد ماتحس بيهم
واكو ناس نضره وحده كفيله تخليك تتعلق بيهم
هذا الي صار وياي بلضبط
اني انسان فريت ارض الله كلها
وعشت بامريكا عشر سنوات
يعني مو انسان ماشايف او يتعجب باي شي يشوفه
طبعا اني عندي شهادتين الاولى منا من العراق ادارة اعمال والثانيه الي انتي تعرفيها
وما اجذب عليج
عرفت بنات كومه بس اني جان عدي هدف لازم احقق ذاتي
وبلعراق مثل ماتعرفين اغلب الشباب متخرجه لكن بدون
تعيين
سفرتي للخارج جانت غصب على اهلي وسافرت وهم زعلانيين عليه
وجان هدفي يكون اليه مشروعي الخاص
بلخارج للكن عندي اخ وحيد اتوفا بحادث
وهذا السبب خلاني ارجع للعراق
بس ابد ماجان ابالي اني راح التقي بيج
بهرتني شخصيتج
القوه والجمال والاناقه والرقه كلهن بشخصيه وحده
ولله لو ما الكمال لله جان كلت كامله مكمله
نور وبعدين كمل
عادل جايج بلكلام
لمن سافرت للخارج واجهتني هواي صعوبات
الحياة هناك صعبه مو مثل هنا
بقيت اشهر واني ادور عمل وسكن ملائم
وشهادتي ابد مالها معني بهيج دوله
لمن بلصدفه التقيت ب ماريا
هى انسانه بسيطه مزوجه ومنفصله
وعدها اثنيين اولاد هي اكبر مني بعشر سنوات
وهي الي عرضت على الزواج
واني الصراحه رحبت بلفكره
بس علمود احصل الاقامه جان صعب عليه ارجع واني
طالع مو برضات اهلي
جمانه السعيدي
ردت اتمسك باي شي يخليني ابقا
بعدين اخوها دارس قانون عرض عليه ادرس والنفقات تتحملها الدوله وساعدني هواي
جنت ادرس واشتغل اي شغله تنعرض عليه
لحد ماتخرجت بهاي الشهاده
وقررت يكون الي مشروعي الخاص
وابد مامفكر ارجع للعراق
نور زين وزوجتك وين
زوجتي عفتها واجيت انفصلنا لان صعب تجي وياي للعراق
بس ماشفت منها شي مزين
هذا الي صار وياي
اني هسه اريد منج فرصه تخليني اكون قريب منج
اذا اتفقنا نكمل واذا ما اتفقنا ما نكون خسرنا شي ابد
نور اكوا بكلبي يا يلنذل نور ماذكرتها ولا حتى بكلمه وحده بسيطه الي اخليك تتعلق بيه واعوفك بخاطري اشوفك تتوسل
عادل نور نور يمعوده وين صفنتي
جاي احاجيج
نور ها دا اسمعك بس موتشوف نفسك مستعجل بهاي الخطوه اتركلي وقت افكر وارد عليك
ممكن هسه اوصلك لان مامتعوده اتاخر
دفع الحساب وطلعن
بدا يوصفلي عنوان بيتهم
كلت بكلبي حافضته شبر شبر
يمه دخلت شارعنا القديم واني احس نفسي انقبض اتذكرت كلشي صار ومر عليه
وصلنا البيتهم اني كوه لازمه دمعتي واباوع على بيتنا وتحسرت
عادل تفضلي وياي اعرفج على امي وابوي
نور لاشكرا غير مره
جمانه السعيدي
مجرد ماحركت السياره واني دموعي كامت تنزل عشره
عشره
لحد ماوصلت البيتنا اني امسح بدموعي بقيت كاعده شويه بلسياره
ما اريد اهلي يشوفوني بهذا المنضر دخلت وكبل للمغسله وغسلت وجهي وصعدت الغرفتي
السيد رجع للمكتب
هلمره هواي قضايا وغاب عن المكتب فتره طويله
والقضيه الي حضرتها اتاجل موعدها اكثر من مره
لان السيد حيل مشغول
بس وين ما اروح الكا عادل وراي ويحاول يخلق مواضيع حتى يحجي وياي بعدين اجاني
عادل مارديتي عليه اني منتضرج على احر من الجمر
نور بخصوص شنو
عادل نسيتي موضوعنا
نور هااا بعدني ما مفكره
عادل براحتج فكري ورجعلي خبر
شويه واجا السيد نور الموضوع الي اريدج بي
نور اي استاذ شووو
السيد ....موهنا نحجي بي نطلع مكان تختاري انتي ونسولف
نور ليش مانحجي هنا اذا موضوع يخص الشغل
السيد لامايخص الشغل يخصني اني وياج
نور نعم اني وياك
السيد نعم الله عليج موضوع بسيط لاتخافين بعد ساعه جهزي نفسج نطلع
نور اهوووو هاي شلون ورطه
ورا ساعه اجا يله نور مستعده
...اي استاذ
تجيين وياي بسيارتي
لا استاذ شكرا اني اروح بسيارتي
يلله خل نطلع وفعلا طلعنا
و عادل شافنا من طلعنا
جمانه السعيدي
عادل حازم هم تعرف السيد ونور وين راحو
حازم لاولله
عادل عجيبه اليوم عطله ماكو محكمه وين راحوووو ياترى
نور وصلنا مطعم كلمن طبك سيارته ونزلنا
السيد شطلبلج تاكلين
نور لاولله ما اكدر اكل ولا اكدر اتاخر ممكن تدخل بلموضوع بسرعه
السيد شبيج مستعجله خل نستراح شوراج
نور لا عندي شغل مهم واحب تدخل بلموضوع بسرعه
السيد زين راح ادخل بلموضوع بس لاتقاطعيني رجا
نور تفضل
السيد اني اريد اطلب ايدج للزواج
نور شنو
السيد موكلنا لاتقاطعيني
نور بس
السيد اسمعي اني رجال متمكن والحمد لله واكدر افتح ابدال البيت عشره
واني رايدج بلحلال ومستعد كل طلباتج انفذها
نور بس انت مزوج وعدك جهال
السيد وانتي شعليج انتي بيتج وحدج ومحد يوصلج
نور ممكن اسئلك سوال
السيد اي تفضلي
نور انت تحب مرتك
السيد طبعا احبها واحترمها بت عمي وعشرت عمر
نور لعد ليش تتزوج عليها
السيد الشرع حلل اربعه
نور بس هذا اخذته من الشرع
زوجتج اذا اسلوبها موحلو انتا غيرها اذا لبسها مايعجبك جيبلها الملابس الي يعجبك تلبسها دزها للصالون كل اسبوع حاول تكعد يمها تسولف عليها طلعها خليها تغير جو راح تلكاها انسانه ثانيه
الفلوس الي تريد تتزوج بيهن اصرفهن على بيتك اولى بيهن اسفه اني ما افيدك
السيد لا انتي عجبتيني ودخلتي عقلي من جنتي بلكليه مو مثل باقي البنات
قويه وحلوه وشاطره واني حاضر الكل طلباتج
نور اسفه ما افيدك
السيد راح اتركج شهر تفكرين زين
الفصل الحادي عشر والأخير من هنا
بدل ماتدور وتبحث علي الروايات خليها علي تليفونك وحمل تطبيقنا
