رواية وليدة قلبي الفصل العاشر بقلم فاطمة الصوفي
في صباح اليوم التالي
نزلت ريم متأخرة كعادتها للافطار بخمول وهي بملابس بيتية
ريم :السلام عليكم
ردوا عليها التحية
تحت حنق نورا وساندي ولاول مرة نظرات الحنق من نورا ليست موجهه لريم بل لتلك الساندي التي تلقي باوامرها علي الخدم وكانها في بيت والدها
اقتربت ريم من سليم
ريم في اذن سليم :عايزة اقعد جمبك هاتلي كرسي
سليم بابتسامة وهو يعدل خصلات شعرها المتمردة علي جبينها :اتعودتي علي كده حضرتك
ريم :اه اتعودت ويلا بدل ماقومك واقعد مكانك
سليم وهو يجزب مقعد لها وبمزاح :لا وعلي ايه بدل ما الهيبة تضيع خالص
جلست ريم بجانب سليم متعلقة بكتفة وهي شبة مستيقظة
سليم :ايه يا حبيبي انتي هتنامي ولا ايه
ريم وهي تتثائب : نعسانة اوي
قبل سليم ارنبة انفها المحمر من اثر النوم : ياروحي انتي نمتي كتير صحصحي كده وافطري
ريم : لا اكلني انت
سليم بمزاح :وبعدين في الدلع بقى
ريم وهي تنظر في عينية بعشق وكان لا احد سواهم بالغرفة : انا حبيبة سليم اتدلع براحتي
نظر لها سليم بعشق ثم بدأ في اطعامها تحت امتعاض نورا ووالدتها وساندي
ساندي مصطنعة المزاح :ايه يا سليم هي مش بتعرف تاكل لوحدها ولا هي طفلة
احتقن وجه ريم
سليم وهو يمسح طرف فم ريم من بقاية الطعام باصبعة : لا مش طفلة ملكة وماينفعش تتعب
نظرت ريم لسليم بعشق وقامت بتقبيل باطن يدة التي تحمل لها الطعام بدون رد يكفيها ان سليم رد حقها بطلها وحبيبها الذي لا يطيق ان يمسها سؤ حتي ولو بكلمة
بعد تناول الافطار هم سليم بالقيام لعملة
سليم وهو يهم بالمغادرة :ريم اطلعي زاكري مفيش نزول ليكي انهاردة اجي الاقيكي مخلصة الملخصات بتاعة المادة علي الاقل
ريم بامتعاض : حاضر
قبل سليم يدها ويد والدته وذهب للعمل
بينما نظرت ريم لساندي الحانقة ونورا المشتعلة بمكر
ريم :ماما كوثر حضرتك حافظة رقم المطافي
كوثر بتعجب وهي لا تدرك ما تقصدة ريم : اه يا حبيبتي
ريم وهي تقبل وجنتها : طيب يا ماما ادية لنورا وساندي محتاجينة
************
في غرفة ريم
ريم وهي تتحدث في الهاتف : يا اميرة انجزي بقى
اميرة :انتي كل عشر دقايق يلا يا اميرة يلا يا زفتة
ريم بحنق :مانتي باردة بقالك ساعتين جاية في الطريق ده انتي لو جاية من بلد تانية كان زمانك وصلتي
اميرة : لا بقولك ايه يابت انا جاية اذاكرلك يا فاشلة انتي يعني انتي اللي محتجاني يا ماما
ريم : كده يا ميرو يا حبيبتي
اميرة : اه في المصلحة بس ببقى ريمو حبيبتك ده انتي بتاعة مصلحتك
ريم : اوف انتي هتزليني يا بت انتي ماتجيش
اميرة : انا جاية عشان صعبتي عليا اساسا ،وصلت اهوه انا تحت
ريم :طيب اطلعي بقى
اميرة: اوك
*************
في المساء في غرفة ريم
ريم : انتي مكافحة يا اميرة ومستقبلك هيبقى كويس ماتيأسيش
اميرة بحزن :تعبت يا ريم تعبت من الشغل والدراسة حتي صاحب الشغل بقى بيستهبل ويسبلي المحل من الصبح لبليل بقيت بروح الكلية بالعافية ونفس المرتب اللي مابيغطيش حاجة
ريم : صاحب الشغل ده بيستهبل اوي ماتدوري علي شغل تاني طيب
اميرة بتنهيدة : دورت ياريم دورت كتير ومالقتش
ريم : لاقيتها ايه رايك اكلم سليم يشوفلك شغل وهو اكيد هيراعي انك لسة بتدرسي ويشوفاك شغلانة تناسب مواعيد الكلية
اميرة بفرحة : بجد ممكن يوافق
ريم : اكيد هيوافق ان شاء الله يبنتي ماتقلقيش
تعالي ننزل نتعشي زمان السفرة جهزت وسليم علي وصول
اميرة :لا انا هروح اتعشي في البيت ماما مستنياني
ريم : ماشي
رحلت اميرة ونزلت ريم علي العشاء
ريم :السلام عليكم يا جماعة
ساندي بسخرية : مالسة بدري يا ريم
ريم : بجد اسفة اتأخرت تلي السفرة لدرجة ان الضيوف مستنيني بنفسهم
ساندي بغيظ :انتي قليلة الذوق
ريم ببرود : من بعض ماعندكم
قاطع مناقرتهم مجيئ نادر
نادر : هاي يا قمامير ،ايه ده ساندي ازيك
ساندي :هاي يا نادر عامل ايه
نادر :تمام الحمد لله ،ثم التفت لريم يعانقها حبيبة خالو
ريم بعتاب : انا مخصماك اصلا انت جاي الاجازة عشان الشغل بس ومش بتقعد معايا خالص
نادر : ياروحي انتي تؤمري لو ماكنش عندي سفر لشرم في ميتنج بعد شوية كنت فسحتك انهاردة
الاسبوع الجاي لما اجي ان شاء الله هخلص كل الاجتماعات والشغل اللي عندي علي طول و نخرج انا وانتي ونسهر لحد بليل ايه رأيك يا حبيبتي
قال هذة الجملة مع دخول سليم
سليم :رأيها في ايه ؟؟
ريم وهي تحتضنة : سليم وحشتني
سليم : حبيبي وحشاني اوي ذاكرتي زي ماقولتلك واكلتي كويس
ريم : عملت كل حاجة انت قولتلي عليها
نادر بغيرة : شوف البت اللي مش محترمة وجود خالها لا والتور التاني جرا ايه يلا سيب البنت
سليم وهو يقبل جبين ريم : وانت مالك انت متغاظ لية
نادر : ماتحترم وجودي يا جدع انت ده انا في مقام ابوها
ريم : يخلاسي هو فيه بابا صغير وقمر كده
سليم بغيظ وهو يقوم يمسك وجنتها : حلو وصغير واما اقتلك دلوقتي
كوثر وهي اتية من الخارج بضحك : اقعدوا اتعشوا وسيبوا البنت في حالها
********
بعد العشاء كانت ريم في جنينة القصر تحادث مع اميرة في الهاتف
ريم بضحك : اسكتي ياست ان شاء الله هننجح في مادتة
اميرة : دكتور ملزق ومستفز تحسي الجامعة بتاعة ابوه
ريم : هههههههههه ربنا يستر يا بيبي وننجح في مادتة انا ماحضرتش ليه ولا محاضرة من اول السنة
اميرة :مانتي رايقة يختي يلا هسيبك واروح اذاكر سلام يا مزة
ريم : سلام يا حب
التفتت ريم ورائها ورأت ساندي تنظر اليها بغيظ وتكتف يديها
ريم :يامة بيطلعوا امتا دول
ساندي : اسمعي يا عيلة انتي اوعي تفتكري معاملة سليم ليكي حب وهيام سليم بيعاملك كده وبيهتم بيكي شفقة عشان يتيمة بنت مالهاش حد بباكي ومامتك ماتوا سابوكي عشان انتي نحس وسليم مقعدك عندهم عشان صلة القرابة وعشان بيشفق عليكي فالزمي حدودك كده وتحترمي نفسك والا هوريكي قيمتك انتي فاهمة
ريم بصدمة ودموع : انتي زبالة انتي ازاي تقوليلي كده
اميرة : انتي مفيش ازبل منك رامية نفسك علي سليم زي اي بنت رخيصة
ريم بصراخ وهي تصفعها صفعة قوية : اخرسي وغوري من هنا انتي مالكيش مكان انتي اللي مجرد ضيفة وضيفة تقيلة ومالكيش مكان بينا واحدة سافلة وزبالة وياريت تغوري من هنا
كادت اميرة ان ترد لولا صوت كوثر المصدوم والصارم ،التي اتت واستمعت لكلام ريم لساندي فقط : ريم انتي ازاي تتكلمي كده انا ربيتك علي كده انتي قليلة الادب انتي ازاي تقولي لساندي كده ده بيت ساندي قبل ما يبقي بيتي اوي بيتك اعتزري من ساندي حالا
ريم بصدمة ودموع : يا ماما كوثر ا..
كوثر بصرامة : هي كلمة واحده اعتزري حالا
ريم بعند وهي تمسح دموعها : لا مش هعتزر وانا مش غلطانة
ورقضت لغرفتها بقهر
ساندي بدموع مزيفة : شوفتي يا انطي انا ساكتة من ساعة ماجيت وهي بتهني وبتعاملني ازبل معاملة انا كنت فاكرة نفسي في بيت مامتي التانية وبيت ابن خالتي ،انا هلم هدومي وهمشي عشان ماسببش اي ازعاج
كوثر : استني يا ساندي انا هخليها تعتزلك اطلعي اوضتك دلوقتي
ساندي بتمثيل : انا مش عايزة وجودي يسبب مشاكل
كوثر : انتي في بيت خالتك وابن خالتك يا حبيبتي مش في بيت حد غريب ،اطلعي يلا علي اوضتك
ذهبت ساندي وتوجهت كوثر لغرفة سليم
*******
كوثر وهي تتفتح غرفة ابنها بعدما دقت الباب
كوثر : سليم عايزة اتكلم معاك
سليم وهو يعمل علي الكمبيوتر المحمول : تعالي يا حبيبتي في ايه
كوثر : سليم انت عارف قد ايه انا بحب ريم وبعتبرها زي بنتي بس لازما تكلمها شوية عشان احنا دلعناها اوي
سليم وهو عاقد الحاجبين وبقلق : في ايه يا ماما مالها ريم
كوثر : ماملهاش يا حبيبي بس ريم دلعنا ليها مخليها مش بتحترم حد ولازم تقوي عليها شويه او حتي تفزع فيها وتكلمها ان اللي عملته ده عيب
سليم باستغراب : ريم عملت ايه يا ماما في ايه
قصت له كوثر كل ماستمعته من اهانة ريم لاميرة
-انت لازما تكلمها يا سليم عيب كده عيب اوي اللي هي عاملته تمد ايدها وتكلمها باسلوب وحش
سليم بضيق : فعلا عيب يا ماما بس ريم لسه صغيرة يا ماما معلش يا حبيبتي اعزريها وانا هكلمها
كوثر بضيق : عيلة ايه يا سليم ريم عندها ٢٠ سنة يعني عاقلة والمفروض تميز كلامها كويس ولازما تعرف يا سليم ان احترام عيلتي من احترامي ولا انت مبقاش عندك في العيلة تهتم بيه غير ريم
سليم وهو يقبل يد والدته وبعتاب : انا يا ماما مش بهتم بعيلتك يعني هما عيلتك لوحدك ومش تبعي
انا بعتبر ساندي زي اختي يا ماما واكيد مش هقبل الاهانة ليها ولا لحد تبعك بس عايز اوصلك ان اكيد ريم ماتقصدش عشان كده ماتزعليش منها انما انا هكلمها وهخليها تعتزر عشان اللي عملته عيب اكيد
كوثر : حاضر يا سليم انا مستنياها تعتزر لساندي عشان البنت منهارة وكانت هتسيب البيت
*****
بعد فترة قصيرة توجه سليم لغرقة ريم وهو متضايق من من فعلتها لاقصي حد
سليم وهو يدخل من باب غرفتها وجدها تتسطحة علي الفراش وصافنة
سليم بصرامة :ريم انتي ازاي تعملي كده انا مش قولتلك عيب انك تعاملي حد بالطريقة دي والاسلوب دة بتاع الناس اللي مش متربية يا استاذة مش اسلوب حد متربي ابدا
ريم بدموع وقهر وعصبية شديدة : انا مش متربية ممكن تسبوني في حالي بقى
سليم بعصبية : يعني قليتي ادبك وكمان بتبجحي انا فعلا اللي دلعتك وببررلك كل افعالك وبقول معلش صغيرة قليلة الخبرة معلش يا سليم دي حبيبتك دي بنتك ريمة الصغيرة والنتيجة ايه النتيجة انك طلعتي مستهترة وقليلة الذوق وماعندكيش احترام لغيرك
ريم ببرود وبجمود : صح يا سليم انت صح
سليم وقد زاد برودها من عصبيتها : بكرا يا ريم بكرا الصبح علي الفطار تنزلي تعتزري لساندي علي قلة ادبك قدام كل العيلة
ريم بسخرية : حاضر ممكن تسبني انام بقى
خرج سليم وهو متضايق منها
بعدما خرج سليم قامت ريم الاتصال علي احدهم
ريم ببكاء : معاذ ممكن تيجي تاخدني اتا عايزة امشي من هنا
معاذ بقلق : ريم في ايه مالك بتعيطي ليه
ريم بصوت مجهد :انا عايزة امشي من هنا من غير ماحد يعرف هلم هدومي واستناك بعد ساعتين في الباب الخلفي للقصر
معاذ وقد زاد قلقة عليها : حاضر يا ريم اهدي طيب انا جاي بس بطلي عياط يا حبيبتي
************
في الصباح علي الافطار كان سليم جالس متجهم الوجه
كان الكل مجتمع علي السفرة ما عدا ريم
سليم للخادمة : روحي اندهي لريم عشان الفطار
ساندي بحنق : هي مش المفروض تتعاقب علي الاقل
سليم وعينية تشتعل من كلام ساندي علي ريم : ساندي الزمي حدودك ريم هنعتزرلك عشان هي غلطت وانتي مش من حقق تقولي عليها ربع كلمه
جأت الخادمة بعد فترة راقضة وهي تتنفس بصعوبة : سليم بيه ريم هانم مش في اوضتها ولا في اي مكان في القصر
سليم بهلع وصراخ : اييه..
