رواية غيرة حب الفصل المئه و الثانى عشر بقلم احمد صابر
انا: اممم
طلعت درجة وبعدين قعدت ع السلم ومقدرتش اكمل لقيتو طلع فوق وسابني قاعدة: حيوان معندوش دم اتفوو مهزء المفروض يقعد معايا لا ده مفيش دم بجد مش مصدقة
شويه ولقيتو نازل وقعد نص ركبة ومسك رجلي حطها ع رجلو بحزر: انت بتعمل اي
تجاهلني وفتح العلبة وكان بيحط منها ع رجلي: انا انا هحطها ه.. هات
بصلي ف خوفت وسكت ورجع يدهن المرهم ع رجلي
انا: طب براحة ايدك تقيلة اوي
محمد: انا بحاول ع قد مقدر اخففها ودي اقل حاجة عندي
كمل وهو بيحط المرهم ع رجلي وبيدلكها حسيت جسمي قشعر حطيت ايدي ع قلبي وكنت باخد نفسي رفع عينو وبصلي وضحك بهدوء:
كفاية
محمد: كفاية
شال رجلي بحزر وحطها ع السلم وقعد جمبي وبصلي
محمد: مالك
انا: م م مفيش مفيش
محمد: رجلك بقيت كويسة
انا: شوية
محمد: هتقدرى تمشي عليها
هزيت راسي ب اه وقومت مسكت ف السلم وانا طالعة
محمد: هاتي ايدك
انا: لا... انا انا هعرف اطلع
محمد: طب تعالي هنا عشان تعرفي تمسكي كويس
بدلنا اماكنا وكنا طالعين حاولت ادوس عليها لأول مره وكنت لسا هطلع اول درجة اتزحلقت بسبب المرهم الي كان ع رجلي ف مسكني وشدني بسرعة قبل مقع وبصلي بيأس ومسك ايدي وساعدني اطلع
انا: هو انا كده مش هعرف امشي عليها تاني
محمد: مش لدرجة دي هتخف انشاء الله
واخيرا وصلنا قدام الباب ورن الجرس وخالتي فتحت: اي ده في اي مالك
انا: مفيش حاجة متقلقيش
مني: طب مال رجلك
انا: وجعاني بس من الوقعة
دخلت وقعدت ومسكت راسي وحسه ان عندي صداع ف حطيت راسي ع حيطة الأنترية جه وقف قدامي وبعدين نزل لمستواية: امسكي
انا: اي ده
محمد: عصير
انا: مليش نفس
محمد: معلش عشان خطري
انا: بجد مليش نفس ولا اكل ولا اشرب انا عيزه انام
حط الكباية وجاب البطانيه وحطها عليا
محمد: ارتاحي
انا: شكراً
محمد: ع اي
انا: ع كل حاجة
محمد: نامي يا إيمان نامي
انا: هاكل رز بالبن مع الملايكة
محمد: كلي رز بالبن مع الملايكة
انا: هتاكل انت كمان
محمد: حاضر
انا: يلا نام
محمد: حاضر
أنا: يلا ناااام
محمد: يابنت الحلال نامي انتي انا مش جايلي نوم
انا: لا ناااااام
محمد: نامي يا إيمان واسكتي
انا: رووووح نام يا محمد
محمد: حاضر هنام بس نامي انتي الأول
انا: لما اصحى الاقيك عشان اقعد معاك اوعي تنزل
محمد: حاضر مش هنزل
انا: هتنام
محمد: ياختييييي الطووووم يانااااس
ضحكت عليه بخفوت وشديت البطانيه وكنت لسا هنام
مني: رجلك كويسه
انا: اه الحمدلله
مني: طب يلا عشان تاكلي
انا: مليش نفس والله هنام
مني: طب كلي اي حاجة قبل متنامي طيب
انا: مليش نفس والله يا منى
مني: طب كلي تفاح طيب
انا: لما اصحى والله
مني: طب نامي ياحبيبتي
بوستها من خدها وغطتني ب البطانيه وباست راسي وقعدت جمبي لحد مانمت
صحيت لقيت البيت فاضي قومت وانا ببص حواليا: حظابط...يا خالتي يناس يالي هنا
سمعت صوت جاي من تحت نزلت ع السلم بحزر لقيتهم كلهم قاعدين تحت: زيييين
جريت عليه وهو فردلي دراعاتو وكنت لسا هحضنو لقيت حد بيشدني من هدومي ببص ورايا لقيتو: ايوه انتي عيزه تعملي اي مش فاهم
انا ببسمه غبية: هحضنو
شدني وراه وبص ل زين بعدوانية: ومين الي هيسيبك تلمسيه أساساً
زين: مش مشكلة يا إيمان اكنك حضنتيني
محمد:حضنت مين يا زين اتقي شياطيني عشان متطلعش عليك فاهم
ابتسم زين وربط ع كتفه بحب وهمث له: إيمان اختي يا محمد متقلقش
ابتسم له محمد بسمه كانت مرعبة: والله لو بتعتبرها امك برضوا مش هتحضنها
ضحك زين واتجه ل خالتي يسلم عليها
بصيتلوا بشر وسيبتو ورحت قعدت
محمد: عبيطة دي ولا اي قال يحضني قال
قعدت وانا ببرطم
لقيت حنين ومازن قاعدين بيتكلمو مع بعض ف حطيت راسي ف النص: بتقولو اي ها
مازن: ملكيش فيه
انا: ابو رخامتك
رحت قعدت جمب محمد: ايييي
محمد: اي
انا: انت البرود عايز من امك اي
محمد: عيزه اي يا إيمان
انا: زهقانة
محمد: روحي كلي
انا: مش جعانة اووووف
محمد: اووووف!!
لقيت خالو دخل ف قومت بسرعة لقيتو شدني قعدني: قسما بالله لو لمستي حد فيهم لعلقك
انا: هار اسود خالي
محمد: والله لو ابوكي حتى
انا: كده كتييير
حازم: أإيمي
انا: اخالو
محمد: إيمي!!
حازم: في حاجة يا اخ
محمد: انا بقول نعدي اليوم ع خير
ادم(خالي) : ع فكرة بيهددك
حازم: متهزرش
ادم: أإيمو
انا: أدوم منور يا جدع
ادم: لا ده نورك
انا: لا والله نورك
محمد: ده نور اللمبة
ادم: بس يا ظريف
قعدنا مع بعض كلنا وبعدين الكل مشي واحنا رحنا بيت حنين
انا: فين العريس عيزه اشوفو
حنين: الي قاعد هناك كده ده
انا: مالو يا حنين ماهو حلو اهو
حنين: هو انا قلتلك انو وحش انا مش بفكر ف الكلام ده دلوقتي
انا: حنين انتي في حد ف بالك
بصتلي وسكتت وبصت قدامها: مش عرفة
انا: اي حكاية الكلمة دي
ملك: حنين خالتي بتقولك طلعي العصير
حنين: مش طالعة
انا: يلا يا حنين وعدي اليوم ع خير بلاش مشاكل واعملي زي كل مره وخلاص
طلعت العصير وبعدين طلبو انهم يسيبوهم لوحدهم
مازن: نسيبهم لوحدهم ازاي يعني
سراج ( والد حنين) : الرئية الشرعية يا مازن
مازن: لا احنا قاعدين اهو اتكلمو قدامنا مفيهاش حاجة ولو هيدخلو جوه ملك هتروح معاهم
انا: أو إيمان
مازن: وجه نظر برضوا
محمد: يلا يا مازن ربنا يهديك يابني
انا: هو غيران ولا انا بيتهيألي
محمد بضحك: مش عارف
بعد نص ساعة من اللحاح كبير من محمد ع مازن اقتنع بعد ما شرط عليهم انهم يقعدو ف الصالة واحنا كنا قريبين منهم بس مسمعناش حاجة
وبعد دقائق
كان اهل العريس مشيو
انا: ها اي إلى حصل
حنين: عملت زي ماقولتيلي
انا: طب وهو عمل اي
حنين: كان بيتكلم عادي يعني مدايقش ان انا كنت بصد معاه ف الكلام مثلا
انا: طب وبعدين
حنين: مش عارفة
انا: يعني انتي موافقة
حنين: مش عارفة
انا: بت انا مش عايزه هبل ع المسا ارسيلك ع حللل
حنين: والله معارفة انا متلغبطة
انا: حنين هو انتي بتحبي مازن
حنين بزعل حسيتو من نبرة صوتها: شايفني اختو وهو قالي كده وانا كمان شيفاه اخويا
انا: انا كنت شايفة محمد كده الأول وحيات امك
حنين: قصدك اي
بستها من خدها: تصبحي ع خير يا حنه
وسبتها وطلعت
محمد: يلا؟
انا: يلا
طلعنا بره
محمد: تحبي نتمشى
انا: ماشي
اتمشينا وف طريقنا للبيت
انا: انا مش فهمة حاجة
محمد: ف اي بظبط
انا: تصرف مازن انهارده مكنش طبيعي
محمد: اممم
انا: طب انا مش فهمة حاجة
محمد: انتي عرفة ان حنين ومازن قريبين لبعض وممكن يكون حنين قالتلو انها مش عيزه انها تقابل الشخص ده فهو حابب يساعدها
انا: انت بتحلها صح
محمد: ماهو الحوار مش داخل دماغي بصراحة
انا: ولا دماغي وخصوصاً ان كلمتها وبتقولي انهم اخوات وهو قالها كده بس كانت بتقولها بزعل انا حسيت
محمد: انا بقول الأحسن مندخلش الا منتأكد
انا: لفي بينا يادنيا دوخينا يادنيا
بصلي وهز راسو بيأس
كنا ماشيين وكان فيه واحد معدي وكان عمال يعمل حركات غريبة: مالو ده
محمد: مش عارف
انا: هو عقلو تعبان
محمد: ده اكيد
انا: اللحق بيعمل اي شكلو اهبل
محمد: متنمرة
انا: والله بص تقريباً تعبان ف مخو
لقيناه قام واتجه لنا ف استخبيت ورا محمد لقيتو شد محمد: انا اتأكد انو مجنون
محمد: هار اسود فيه اي
انا بضحك وانا بشاورلو ب ايدي: عايز حاجة يا حظابط
محمد: بت راحة فين الله يخربيتك... ده مجنون ده ولا اي هار اسود
انا: اخص عليك اخص وانا الي قولت انت هتقول روحي يا إيمان اهربي بسرعة وسيبيني مش مهم انا وانا اقلك لااااا يا محمد لااااا دخلنا سوا وهنخرج سوا لا يمكن اسيبك و الحتة الي بتحصل ف الأفلام دي
محمد: افلام اي يا جزمة... ايدك يا معلم ايدك يابا
وقعت ع الارض من كتر الضحك
محمد: مش عايز أمد ايدي عليك وعامل حساب انك تعبان ف مخك اوعي يابا
راح مصرخ ف وش محمد
محمد: يا ساتر يارب هو بيتحول ولا اي بس الساعة لسا مجتش 12
انا: ههههههه
لقيناه وقع ف الارض
محمد: هار اسود ومنيل
انا: هههههه
محمد: هو بيعمل كده ليه
انا: اي ده عندو مرض كلابي
محمد: تقريباً كده
انا: اوعي يكون عداك
محمد وهو بيبعد عنو: ازاي عداني لا
انا: هههههههه
محمد: يلا نمشي
جه يمشي راح ماسك محمد من رجلو وقعد يعمل حركات غريبة زي ميكون ملبوس وشد محمد من دراعو ومش عايز يسيبو وانا مسكاه من ايديه التانيه وعمالة أشد فيه: سيبو يخربيت اهلك سيبو
لقيتو ساب محمد وبصلي بطريقة مرعبة بشوفها ف افلام الرعب وهو بيعوج راسو زي الزومبي
محمد: لا انت هتسوق فيها ولا اي
راح ضاربو ب الرجل لقيتو راح واقع ع الارض مقامش تاني
انا وانا وبسقف وبصفر: الله عليك ياباشااااا
محمد بغمزه: قلب الباشا
خبيت وشي ب ايدي ب احراج لقيتو قعد يضحك
محمد: يلا
