رواية العشق الذي أحياني الفصل الثالث عشر 13بقلم فاطمة محمد

وصلت ريهام المنزل بعدما خرجت مسرعه من منزل معتز عقب سقوطه امامها لا تعلم ما حدث له و اذا كان حيا او ميتا و لكنها تتمني ان يكون حيا حتي لا تنتهي حياتها و تفضح امام سيف و يكشف مخططها و اتفاقها مع معتز لتدمير علاقته ب اسيا

اغلقت الباب و صعدت لغرفتها و جسدها لايزال ينتفض من الخوف فدلفت الي الحمام و تحممت بماء دافئ حتي تهدأ اعصابها و بعدها خرجت و اتجهت للفراش و ما زالت تفكر اهو حيا او انه قد فارق الحياه و قامت باغلاق عينيها في محاوله منها للنوم حتي لا تفكر كثيرا و لكنها لم تستطع من الخوف

★★★★★★

في مكتب سيف 

كان يتحدث بالهاتف

سيف : بتكلمي جد يا عمتي طب مقولتيش من بدري ليه

نجوي : ما انت عارف حلا يا سيف بحالات و محدش عارفلها حاجه 

سيف : طيب هي هتوصل الساعه كام

نجوي : هتوصل ٨ بليل

سيف : خلاص تمام توصل بالسلامه و انا عدي عليها اجيبها و انا مروح

نجوي : لا متعديش دي قيلالي مقولكش عايزه تعملها مفاجاءه لو عرفت اني قولتلك هتبهدل الدنيا

سيف بضحك : خلاص و لا كأني اعرف حاجه بس قوليلي مش ناويه تنزلي بقا انتي و ليلي

نجوي : مهي دي بقا المفاجاءه التانيه انا و ليلي هننزل كمان اسبوع

سيف بفرحه : بتكلمي جد

نجوي بضحك : طبعا جد الجد كمان

ده انا نفسي افرح بيك انت و حلا بقا

لتختفي ابتسامه سيف و يخبط بيده علي جبينه فهو لم يخبر عمته بعد بزواجه من اسيا و من ريهام 

نجوي : سيف روحت فين

سيف : معاكي يا عمتو

نجوي بامتعاض : الا قولي اللي تضرب في قلبها مبتكلمكش

سيف : تقصدي مين

نجوي : اللي اسمها اسيا دي اللي هطفت اخوك من بنتي ليلي

سيف و هو يحاول تفادي التحدث بهذا الموضوع حاليا : طب انا مضطر اقفل دلوقتي عندي عمليات 

نجوي : ماشي يا سيف باي

سيف : سلام

اغلق معها و جلس يفكر بحل لتلك المعضله فعمته لا تحب اسيا بسبب زواج سمير منها ف ليلي كانت عاشقه له و الان هو تزوجها و هي التي كانت تنوي تزويجه بابنتها حلا

ليتآفف بضيق ليطرق الباب و صاحبه دخول اسيا 

اسيا بابتسامه : لسه مخلصتش عاوزين نروح

سيف و هو ينهض من مكانه : هنروح متقلقيش 

ليحاوط خصرها و احتضنها باشتياق و ظلت داخل احضانه عده دقائق شعرت خلالهم انها لا تريد مفارقته و لا تستطيع العيش بدونه

فخرجت من احضانه اخيرا و نظرت لعينيه و كانت تتحدث ليبتلع سيف كلامتها و يقبلها بعشق و ظل يتعمق في قبلته حتي شعر بحاجتها للتنفس فابتعد عنها اخيرا

سيف بهمس عاشق : بمووت فيكي يا اسيا

وجدت اسيا نفسها تبتسم بسعاده لحديثه هذا و شعرت بسعاده لم تشعر بها من قبل

ف ابتعدت عنه و الابتسامه مازالت علي شفتيها 

اسيا : يلا بقا فريده وحشتني

سيف بمكر : فريده بس اللي وحشتك بعني انا مزحشتكيش

اسيا و هي تحاول تفادي سؤاله : انا هستناك في العربيه يلا

و خرجت سريعا من الغرفه ليبتسم سيف و هو يردف : هتقوليها يا اسيا و انا هستني اليوم اللي هتعترفي فيه بحبك ليا

ثم جمع اغراضه و خرج من الغرفه و ركب سيارته ليجدها بانتظاره و واضح عليها الشرود فعلم انها تفكر به ليبتسم بحب و يركب بجانبها و يتجه باتجاه المنزل فظل طوال الطريق يرمقها بنظرات عاشق ولهان و هي تكاد تطير من السعاده فهي تري عشقه الواضح لها و كانت هذه النظرات ترضي غرورها كأنثي

فوصلو امام المنزل لتفتح الباب سريعا و قبل ان تغادر التفتت له و قالت بغمزه : مستنياك بليل

ثم دخلت سريعا للمنزل اما هو فابنسم عليها و فهم مقصدها و بعدها نزل من السياره و حاول رسم الجمود علي وجهه حتي لا تلاحظ ريهام فدخل المنزل ليجد الخادمه امامه

سيف بتسئاول : مدام ريهام فين

الخادمه : في اوضتها حضرتك و طلعنالها من شويه قالتلنا هتنام و مش عاوز حد.يزعجها

لتظهر ابتسامه علي وجهه و صعد سريعا لغرفه اسيا و دخل دون طرق الباب ليجدها تبدل ملابسها

اسيا : ايه ده خضتني انت مستقصدني صح دايما تدخل و انا بغير و بعدين انت ايه اللي جاوبك دلوقتي افرض ريهام 

قاطعها سيف عندما اقترب منها و اردف : ريهام مايمه و انا بصراحه مش قادر استني لبليل ليهجم علي شفتيها يقبلهم بحب و عشق فهو يحبها و يعشقها منذ سنوات لتحاوط عنقه و يغوصا معا في بحور العشق

و بعد مرور بعض الوقت 

كانت تتوسط صدره و هو يداعب يديها 

سيف : اسيا حلا جايه انهارده

اسيا و هي تنهض من مكانها : حلا مين بنت عمتك نجوي

سيف و هو يحاول كتم ابتسامته : ايوه هي بشحمها و لحمها

اسيا بغيظ : و هي ايه اللي جايبها انا مش بطيقها يا سيف و لا هي و لا ليلي و لا حتي عمتك بيكلموني من مناخيرهم و بعدين خد هنا سمير كان قايلي انه انت المفروض كنت تجوز حلا الكلام ده مضبوط

سيف و هو يجذبها لاحضانه مره اخري : هو انتي متعرفيش تكلمي و انتي في حضني و ايوه يا ستي سمير كان المفروض يجوز ليلي بس هو مكنش بيحبها و طبعا رفض و بابا ساعتها اضايق جدا فمفضلش غيري قدامهم و طبعا عشان ليلي اكبر مني قالوا سيف هياخد حلا و طبعا حلا اصغر مني برضو و ساعتها كنت هرفض انا كمان بس بابا ساعتها اترجانيو قالي كفايه اخوك و مش عارف ايه و كام من ده فانا وافقت و قبل ما نتمم اي حاجه بابا اتوفي و كل الترتيبات اتلغت و بعديها عمتي حاولت كتير و بس انا ساعتها كنت بتهرب منها مش عاوز احرجها و اقولها اني مش عاوز بنتها اصلا حلا كانت مستهتره و دلوعه ماما و انا مليش خلق ليها بس طبعا عمتي لحد دلوقتي مصممه اني لازم اتجوز حلا متعرفش اني بقيت جوز الاتنين

ضربته اسيا بقبضتها علي صدره ليضحك سيف بصوت عالي : خلاص اسف اسف

اسيا بغيره : ايوه كده اتعدل

نظر لها سيف بابتسامه و بعدها نهض من مكانه

اسيا : رايح فين

سيف : لازم انزل قبل ما ريهام تصحي متنسيش انه احنا عاوزين نعرف اخرهم ايه و نواجهم في الوقت المناسب

اسيا بتنهيده : و امتي بقا الوقت ده هيجي انا قلقانه

سيف و هو يملس علي وجنتيها : مش عاوزك تخافي طول منا معاكي

اسيا : انا مش خايفه بس قلقانه شويهو بعدين هما اغبيه ازاي متوقعوش انك حاطط كاميرات في اوضه المكتب

سيف بتسئاول : انتي توقعتي 

اسيا : احمم لا

سيف : طيب زي ما انتي متوقعتيش هما كمان متوقعوش و كويس اني حاطيتها 

 اليوم اللي ريهام خرجت فيه من اوضه المكتب بعد ما ركبت الكاميرا شفتها و هي خارجه و كانت بتتلفت حواليها و ساعتها شكيت فيها و شغلت اللاب عرفت انها حاطت كاميرا طبعا مبينتش اني عرفت حاجه و كملت كاني بشتغل

لا ده غير مكالمتها اللي براقبها و سمعت مكالمتها مع معتز عشان كده كنت عارف اللي هما هيعملوه و عارف انهم هيشكوكي فيا بس تعرفي بقا انا اخر حاجه توقعاتها انك انتي توجهيني اصلي عارفك مجنونه و هتصدقيهم و كنت مجهز نفسي لخناقه معاكي

لتضربه مره اخري في معدته وبعدها تحدتث بجديه 

اسيا بتسئاول : بس انا نفسي اعرف انت ليه كنت بتراقب مكالمتها 

سيف : اصل هي اكيد هتحاول تعمل اي حاجه تخرجك بيها من حياتي و كنت متوقع الحقيقه انها هتتفق مع معتز و شكي طلع في محلع

اسيا باعجاب : بس انت دماغ 

 سيف بغرور مصطنع : طبعا يا بنتي مش دكتور

اسيا : طب يلا دكتور قبل ما مراتك تصحي و تشوفك عندي

سيف : بس متقوليش مراتي بس

★★★★★★★

رجع باهر منزله و هو سعيدا فاخيرا اتتهه المكالمه التي انتظرها كثيرا و ابلغه والد أيه بموافقتها عليه ليدخل المنزل و علامات السعاده تبدو علي وجهه ليقترب من والدته التي وجدها تجلس مع اصدقائها و من ضمنهم سمر ووالدتها

باهر : مسااااااء الخير عليكو كلكو

فيروز بتحذير : باهررر

ليرفع باهر يديه باستسلام امام والدته

نهضت سمر و تقربت من باهر : باهر اخبارك ايه وحشتني

باهر باقتضاب : تمام

ثم نظر لوالدته : بابا فين يا ماما

فيروز : في اوضه المكتب عاوزه ليه

باهر بابتسامه : اصلي هخطب عن إذنكو

ليتركهم في صدمتهم و يدخل المكتب لوالده الذي رحب كثيرا بزواج باهر من تلك الفتاه فوالده يختلف كثيرا عن والدته و دائما ما يريد مضايقه فيروز 

عاصم : طيب حددت معاد معاهم و لا لسه

باهر و هو يحك دقنه : الصراحه اه قولتلهم علي اخر الاسبوع هنروح 

عاصم و هو يخبط علي كتفيه : تمام يا بطل و الف مبروك بس قولي العروسه حلوه

باهر : هي حلو بس مش ابجمال اللي شدني ليها

عاصم باستغراب : اومال ايه اللي شدك فيها : بص يا بابا هي حاجه كده ملاك اول متشوفها تدخل قلبك علطول و علي فكره هي محجبه

نظر عاصم لابنه بفخر ليكمل باهر حديثه بقلق

باهر : هو في مشكله صغيره بس 

عاصم : ايه هي

باهر بصوت منخفض : احممم مطلقه

عاصم : علي صوتك يا باهر

باهر : مطلقه بقولك

عاصم : بص يا باهر مدام بتحبها و البنت مفيش عليها غبار يبفا اتكل علي الله

باهر و هو يحتضن والده : ربنا يخليكي يا بابا بس ماما

عاصم : ملكش دعوه بيها انا هتصرف معها متقلقش يا بطل

★★★★★★

وصلت حلا باكرا عن الموعد التي اخبرته به عمته

سيف بترحيب وابتسامه مصطنعه : اهلا حلا ازيك

حلا : تمام يا سيفو و انت

سيف : الحمد لله مقولتيش يعني انك جاي

حلا بسخريه : ده علي اساس انه نجوي هانم متصلتش قالتلك مش عاليا يا سيفو قولي بقا فين اوضتي عاوزه انام

سيف براحه فهي بذلك ستتأجل مقابلتها بريهام و اسيا

سيف : اطلعي اوضتك اللي علطول بتقعدي فيها 

حلا :اوكي باي محدش يصحيني ها

تنهد سيف بمجرد.صعودها اما حلا فبمجرد ان دخلت الغرفه تغيرت ملامحها و اتجهت للحمام لتغير ملابسها

نزلت اسيا للاسفل فاستغربت هدوء المنزل فسئلت احد الخدم لتخبرها بان سيف بغرفته القديمه و ريهام مازالت بغرفتها و الضيفه ايضا بغرفتها و فريده تلعب بالحديقه اؤمات لها اسيا و اتجهت ل سيف 

اسيا بسخريه : ايه ده قاعد لوحدك يعني اومال فين بنت عمتك تسليك بدل ما انت قاعد لوحدك

سيف بابتسامه : لا دي حلا نامت

اسيا بغيره : قولتلها انك اتجوزتني

سيف و هو يضع يديه بجيوبه : بصراحه لسه هي مدتنيش فرصه اتكلم و طلعت اوضتها قالت هتنام

اسيا بخبث : يعني هي لسه معرفتش

سيف : لا لسه

اسيا : طب حلو انا و انت هنقولها الصبح و طبعا لازم تقولها علي جوازك من ريهام مهو انت هتبرر وجودها في البيت ازاي

سيف و هو يحاوط وجها : حبيبتي صدقيني ده ظرف مؤقت و هنطلق بعد ما تولد انا اتجوزتها بس عشان الولد يتكتب علي اسمي و صدقني كل حاجه هتتحل اول ما تولد ده وعد مني

اسيا بتسئاول : طب هو انت ايه اللي جابك الاوضه هنا

سيف.: عشان عارف انك هتيجي و طبعا اوضه المكتب فيها الكاميرا بتاعه معتز و ريهام 

اسيا : طب هو انت مش هتتعشا

سيف : لا هنتعشا بس هنا اصله كله نام و مفيش غيري و غيرك ف اخنا هناكل هنا و كان يلتهم شفتيها لتفر من امامه و هي تخبره

اسيا : لا في فريده صاخيه و بتلعب بره يلا منعشا كلنا سوا مدام ريا و سكينه نايمين

ضحك سيف عليها و خرج معها و تناولوا الطعام  في جلسه عائليه

★★★★★★

اجتمعت الشرطه بمنزل معتز يحققون بتلك الجريمه البشعه التي ارتكبت

المحقق مع طارق : قولتلي بقا المفتاح كان بيعمل معاك ايه

طارق بحزن علي صديقه : حضرتك ده مش بيت معتز و بس ده انا و هو قاعدين فيه سوا 

المحقق : طب و ليه مش قاعد في بيته : حضرتك والدته مريضه و طليقته تبقا بنت عمه و هي و والدها اصرو ان والدته تقعد معاهم و يهتمو بيها عارفين انه معتز مش هيعتني بيها هو معترضش فعشان كدا قاعدين انا و هو في بيت واحد

المحقق : طب صاحبك كان ليه علاقات نسائيه

طارق : كتير حضرتك 

المحقق : طب تفتكر مين اللي عمل فيه كده

طارق : مش عارف والله ما عارف انا مش متخيل منظره اول مدخلت البيت و بعدين مش متخيل انه ممكن واحده تقدر تموت واحد كده ده مدبوح حضرتك

المحقق : علي العموم احنا رفعنا البصمات و بنسئل الجيران اذا كان شافو حد داخل او خارج انهارده