رواية مشاعر مبعثره الفصل الثاني 2 بقلم دودي

رواية مشاعر مبعثره الفصل الثاني 2 بقلم دودي 

سمعت هضرتو وتصدم.. ياك ارضوان.. واخا.. يا انا يا نتا.. الى ماربيتك.. منتسماش انا اسماء..

خليت انس حتى جا وبقيت كنستناه يدير ماقالو خوه.. انس ظريف بزاف.. ومحاولش ابدا الا انه يراضيني.. بقا فيا.. هو شنو ذنبو بعقلية خوه.. خاص نحارب خوه ماشي هو.. تصالحت معاه.. وفكرت اني منخليش واحد بحال رضوان ينغص عليا حياتي.. ويضيعها ليا.. 

دوزت ليلتي.. ونشطت معاه.. وكنت كنقصد اني نضحك بالجهد.. باش يسمعوني ونفقصهم.. الغد ليه فقت. ولبست احسن ما عندي فلي شوميز.. فقت الصباح وبقيت كنستنى راجلي يفيق..حتى سمعت الدقان فالباب.. مشيت حليت لقيتها عجوزتي.. سلمات عليا.. ودخلولنا الفطور.. سديت الباب وفيقتو.. فطرنا.. دوزنا نهارنا عادي.. فالعشية خرجنا جلسنا معاهم.. بديت الهضرة مع عجوزتي ولوستي شادية.. ومرت لوسي هند.، تعرفت عليهم اكتر،. خصوصا هند.. ظريفة معايا بزاف.. ولينا صحابات..

هند: اي حاجة بغيتيها انا مستعدة نعاونك فيها..

اسماء: نتي ظريفة بزاف.. وسمحيلي ولكن راجلك قبيح..

هند: راجلي صارم شوية.. ومعندوش مع الفشوش.. واخا هكاك كنبغيه..

اسماء: شحال هادي باش تزوجتو..

هند: قريب ندخلو فسبع سنين ديال الزواج..

اسماء: تبارك الله.. ومعمرك حملتي فهاد السبع سنين..

هند:(حنات راسها) حملت فالاول ديال زواجنا.. وطاح مني..

اسماء: ومشفتيش الطبيب..

هند: عييت من الاطباء..راني ساكنة معاهم.. مخليت طبيب فالمغرب كله..

اسماء: سمحيلي على السؤال.. واش العيب منك ولا منو..

هند: معرفتش..الاطباء مكيقولوش ليا السبب..

اسماء: متفقديش الامل.. قريب غاتشبعي ولاد..

هند: المشكل ان رضوان مبقاش كيبغي يمشي معايا للاطباء.. ولى كيرفض ويقولي صافي مليت..

اسماء: ماشي غريبة عليه..

هند: قلبو زوين واخا كيبانليك طبعو صعيب.. ولكن راه والله حتى قلبو كبير..

اسماء: يدير خير الى ماتدخلش فحياة خوه..

هند: رضوان كيعتبر راسو هو الاب ديال خوتو.. هز المسؤولية وهو صغير بزاف..

اسماء: الاب!؟؟ هه.. بقالو غير يهز عكاز ويتحكم فيهم.. اودي كل 

واحد يعيش حياتو.. علاه مالنا فين عايشين.. يديها شوية فراسو وفقشاوشو...

هند: اه هو مكبيرش بزاف هه عاد يالله 37 عام.. ولكن هو كيحس راسو مسؤول عليهم..

بقينا كنهضرو انا وهند،. ومحسيناش بالوقت.. حتى وصل الليل وكل وحدة مشات لبيتها..

<<فبيت رضوان وهند..

كانت كتعاونو يبدل حوايجو كأي زوجة.. وكتهضر..

هند: العروسة الجديدة فشكل.. تعرفت عليها مزيان ليوما،،

رضوان: مالها..

هند: متكبرة وحاسة براسها،..

رضوان: ممم

هند: باينة فيها باغا تتحكم فانس.. وتخليها تابعها كيالكلب..

رضوان:(خنزر فيها ورفع حاجب)

هند: احم مقصدتش.. حاشاك.. كنقولك زعما هي شنو بغات..

رضوان: ونتي باش عرفتي هادشي..

هند: حسيت فيها هادشي ليوما.. يعني كتهضر بالنفخة ومكيهمها حد.. وكلما قلنا ليها راك نتا اللي مسؤول علينا كلنا مكترضاش.. وكتقولينا كل واحد يعيش حياتو..

رضوان: هادشي اللي قالتو؟؟

هند: اه.،

رضوان: واخا.. غانشوفو فين غاتوصلها لالة اسماء..

<<فبيت اسماء وانس..

جلسنا انا وانس.. ونعست على صدرو.. وهو كيدوزلي على شعري..

اسماء:حياتي.. كيفاش واحد بالطبع ديال رضوان معاودش تزوج على قبل الاولاد..

انس: رضوان!! معمري هضرت معاه فهادشي.. وحتى هو عمرو جبد سيرة الاولاد.. على العموم بيناتهم.. هاديك حياتهم.. مايعرف شنو بين الراجل ومرتو غير هوما بجوج..

اسماء: عندك الحق.. 

             الفصل الثالث من هنا