رواية قصاص الفصل الرابع 4 بقلم جمانه السعيدي
لمار...بقيت اسبوعين بيت جدي ولله حتى نفسيتي تحسنت
ورجع الدم بوجهي خلصانه من الحيه
اكل واشرب وانام براحتي
خالتي سمعت اني بيت جدي واجت شافتني
بس ماحجيتله اي شي خطيه اضوج
بعدين اذا حجيتله شراح اتسوي كلشي متكدر تسوي بس ننقهر عليه
الاسبوع الثالث رجعت نهال للبيت
شكد توسلت بابا ابقه بيت جدي بس ماقبل يكول نهال وحدها واختج زغيره
خصوصا العطله بدت يعني ماكو دوام
واني نجحت والحمد لله
رجعت للبيت غصبا ماعليه
نهال شالت ايدها من كلشي وكلمه والثانيه كالت بتي زغيره
بتي تبجي اني ماانام بليل بسبب بتي
احس نفسي كبرت قبل وقتي وشلت المسوليه كله على راسي
عبالي تعرف معنى الامومه من صار عدها بنيه
بس ابد لا حياة لمن تنادي
زادت حقارته اكثر واكثر
خلصت هاي السنه وداومت ثاني متوسط اختي كبرت وكامت تفتهم
اول شي علمته تتفل عليه وتضربني تكرمون بلنعال
وماتنطي مجال البابا يسئل عني
بس يدخل اجيب اختي وتخليه بحضنه
حتى من اشوفه يدخل واروح علي تركض قبلي تشيل بته وتنطيه اله
وتاخذه بلكلام حتى ماينتبه عليه
اني كلش متأخر يله فهمت شنو مشكلته
مشكلته ماتريد بابا يحبني كون الحب بس اله والبته
اني كون مايشوفني بعيونه
كدرت تسيطر على الوضع تماما وتشغل بابا عني
حتلو كاعدين ناكل واريد احجي شي راسا اتقاطعني وطلع موضوع حتى خاف بابا ينتبه عليه
تصدكون بلثاني متوسط وطلع شيب براسي من وراها
خالتي كامت تطلع من دوامه من وكت وتنتضرني باب المدرسه جمانه السعيدي تبقى تمشي وياي وتسولف عليه منا لمن توصلني للبيت
واتفقت وياها مااجيب اي هديه او ملابس حتى هاي الحيه ماتعرف منا لمن رب العالمين يفرجها عليه
مشا الحال من سي إلى اسوء
كل يوم ازيد اذيه ماتنقص وخاصه من جابت
كامت تفضل اختي عليه بكل شي
وماتنطيني وكت كافي اقرا كل سنه اطلع إكمال بااخير السنه لو بدرس لو درسين
بس بلا خير انجح ولله الحمد
من اذكر اكول اكيد رب العالمين كان وياي لان مااعرف شلون كنت أنجح
واني ماعندي وقت اقرا كل النهار شغل
بس كلما اضوجني ماعندي غير رب العالمين
ارفع راسي واكول حسبي الله ونعم الوكيل عليج نهال
الله ياخذ حقي منج
وصلت خامس اعدادي ادبي
وكنت امشيه اموري بلعافيه
بعد تعودت على الاذيه اهم شي حياتي ماشيه وهاي هي
يوم احتاجت نهال غراض من السوبر ماركة وكالت تعاي وياي
مو تشتريلي لو تونسني
لا حتى اشيل الغراض وياها لان هي بته حيل وكحه من تطلع وياها تبقى تركض وراها
وكحه بشكل هي علمته على هاي الوكاحه
يعني اني رايحه وياها حمال
اني بهيج مرحله صرت أنثى حقيقيه
وعيون الشباب وراي من اروح للمدرسه ومن اطلع
بس اني ماانطي مجال ابد
لان الي بيه كافيني وضعي مو مال علاقات وحب
ودائما اتعمد امشي وياا مجموعة بنات
حتلو مو نفس مرحلتي
اهم شي ماامشي وحدي لو خالتي تجي توصلني
والسبب الحقيقي اني خوافه كلش
من كلشي اخاف وهاي كانت اسوء صفه بيه
المهم رحت وياا نهال للمجمع اني جنت لابسه بنطرون
وبدي وشوز رياضي ورافعه شعري كبابه
وكلشي مامخليه الوجهي لان طالعه غصبا ماعليه
اريد اخلص من حجي نهال
اشترينا وكملنا وطلعنا جان واحد عمرا بلتلاثين ايجوز ٣٢ او اكثر شويه شافنا بلباب من طلعنا شاف نهال وسلم عليه
يحجي وياها واكلني بعيونه
اني كامشه الغراض وواكفه وهي تسولف وياا ماخذه راحته
عماد....منو هاي الطيره الحلوه
نهال...ماتبطبل سوالفك ابد ولك لو مزوج جان بتك بكدها
عماد...بشرفج منو ولج هاي مو بنيه كارثه
نهال...هاي بت زوجي لمار
عماد... لمار....اي ولله اني ابد مامار عليه هيج ولج شوفي عيونه تذبح
نهال...خل تولي هلعوبه
عماد...بشرفج اريدها
نهال...شنو لعابه وتريدها
عماد...اريدها احجي صدك
نهال...شنو تريدها فهمني هاي ابوها مايقبل تطلع من البيت للمدرسه ومن المدرسه للبيت
عماد...اي عز الطلب اني اريدها خام تعرفين اني اعرف نص نسوان العراق ولله هلكد مااشوف نسوان
لعبت نفسي وحتى زواج ماازوجت
نهال...اي ابقه هيج حر من وحده الوحده هاي ماتفيدك
او لا زغيره عمرها ١٧ ثانيا ماعدها سوالف مثل سوالفك
وابوها مستحيل يقبل يزوجها بعدها زغيره
عماد...ياازغيره دشوفي الجسم شوفي العيون
نهال...هيج عجبتك
عماد ...احجي جديان اريدها اذا خلصتيلي هاي الشغله
اللج هديه
نهال...مااعتقد ابوها يقبل
عماد...واذا زودنا الهديه وصارن هديتين
نهال...تليفون حديث اخر اصدار واني راح امشيلك
بلشغله شنو رائيك
عماد...تستاهلين تليفون اذا كملتي هاي الشغله هاج رقم تليفوني اذا اقتنع ابوها اتصلي عليه
يله اوصلكم للبيت
نهال..خاف ناخذ وقتك انت جاي واحنا طالعين
عماد...ارجع مره ثانيه
لمار...مشت هي وياا يسولفون كدامي واني امشي وراهم
بعدين التفت عليه واخذ مني العلاليك
وباوع عليه نضره غريبه حسيته مو راحه ابد
وكال شلونج لمار الحلوه
اخذ العلاليك واني بس اشرت براسي زينه حتى صوتي ماطلع
صعدنا بسيارته سياره حديثه تخبل جمانه السعيدي
مشت السياره التفت عليه وكال انتي باا مرحله
قبل لا احجي ردت علي نهال خامس اعدادي لا يغرك مضهرها
كسوله كل سنه تطلع دور ثاني
لمار...كلت بكلبي بزودج اطلع دور ثاني وزين دور ثاني الي عايشه وياج زين ماتعيد السنه سبع مرات
المهم اني ماحجيت ولا طلع صوتي منا لمن وصلنا
اتبادلو ارقام التليفلونات نهال وعماد
واتفقو عليه كدام عيني واني ساكته لان جنت متأكده بابا مراح يوافق علي
لان بكد عمري مرتين ومبين موراحه وصاحب نسوان
هسه راح نعرف عماد منو
عماد عمرا ٣٣ سنه اسرته متكونه من ام وأخ ازغر من عماد عمرا ٢٥ اسمه محمود
ابو متوفي وهو شايل كل المسوليه
اخو لا شغل ولا عمل ملتهي بس بلبنات والنركيله
يخلص النهار نوم وبليل يطلع مايرجع اله الصبح
اما عماد ماكو شغله مايشتغله يبيع ويشتري بلسيارات
يتاجر بلدولار تخليص شغلات بفلوس
أموره الماديه تمام
عدهم بيت جبير كلش باارقى منطقه بغداد
هذا البيت العائله متوارثته
عماد رشيق طويل شعرا اشيب يدخن يشرب
يعرف نسوان بعدد شعرا رأسه مزوجات وغير مزوجات
اما الدراسه
مخلص تجاره
امه تلح علي يزوج بس هو رافض هاي الغكره من كد ماشايف
نسوان موزينه ماعندا ثقه بلنسوان ابد
هاي حياة عماد بختصار
قرر من شاف لمار ونعجب بشكله تكون شركة حياته
رغم هو بعمر ابوها تقريبا
من ثاني يوم طلع يراقبه بعد ماأخذ كل المعلومات المهمه
عنه من نهال
اول يومين بس يمشي وراها بلسياره
اتأكد هي تروح وترجع بطريقه ماعدها سوالف منا لو منا
ثالث يوم حاول يتحرش بيه كنوع من الاختبار
لان هو يعرف النسوان زين
بس هي ولا عبرته ولا كأنما تشوفه شكد حاول وياها
نزل من السياره
وبقه منتضرها من شافه شمر الجكاره وداسه بحذائه
عماد...هلو لمار
لمار...تمشي وماردت علي
عماد...السلام لله
....ماردت علي
عماد...زين اوصلج اكيد انتي تعرفيني اني الي وصلتكم من السوبر ماركة
...ماردت وكامت تمشي سريع ودخلت وسط البنات
رجع ثاني يوم كرر المحاوله بدون فايده
ثالث يوم اجت خالته تشوفه وتوصله
بقه يباوع عليه من بعيد
سمر...هذا شبي
لمار....هذا يوميه جاي هنا يتحرش بيه
سمر...خل يقرب اله انزع الحذاء واخليه بحلكه ليش ماتكولين الابوج علي
لمار...هذا من معارف نهال وهي طمعته يخطبني
ومن يومها يركض وراي
سمر....يخطبج هذا شايب شنو يخطبج
لمار...عوفي لو يموت مايحصل مني شي
بهاي الفتره نهال تقنع بابو لمار جمانه السعيدي بس ماوافق لان فرق العمر كلش جبير
عماد...شنو القصه نهال يله راح اموت استويت
نهال...ابوها مجاي يقبل يكول جبير
عماد...شنو جبير ولج اني أقوى شاب مايلحكني
يله عاد فضيه اريدها
نهال...ارجع احجي وياا ابوها واشوف
عماد...مو بس حجي شغلات النسوان الشاطره لازم يوافق
نهال...ماتاخذ بتي شبيك
عماد...مااريد بتج زركه عليج اريد هاي القمر الساطع
نهال...اوي منيله قمر ساطع
عماد...بشرفي احلى من الكمر يمعوده فضيني
شتريدون اني حاضر
فوتي بداربين النسوان والفلوس عليه
نهال...شكد ما اريد
عماد...شكد ماتردين بس فضيني
لمار...اني كنت اسمع بابا اكثر من مره رفض هذا الموضوع
ومنع نهال تحجي بي
لان عماد لا يمي ولا كرباي هذا واحد ملعب ومحتال
وصاحب علاقات
اني هلمسكينه شلون ارهم ويااا
بس اتفاجئت حال ابوي تغير بين يوم وليله وصار مقتنع بهاي الزواجه شلون ماادري
بابا....حبيبتي تقدملج واحد ميسور وحالته الماديه كلش زبنه
واني اكول تزوجين ليش اضيعبن علبج هيج فرصه
لمار...مااريد ازوج اريد اكمل دراستي
بابا...لا بابا اني ابوج واعرف مصلحتج اكثر منج ازوجي ونشرط علي تكملين دراسه
لمار...مااربد ازوج
نهال....هو بكيفج ماتردين تزوجين انتي ماتعرفين مصلحتج زين
ولج شبعان وراح يدللج دلال
لمار...اي دلا ل هذا بكد بابا
نهال...وشنو يعني فاهم الحياة وعندا شغل خاص وفلوس وسياره وبيت يخبل
وبن تلكين واحد هيج بعدين شاريج راح يدللج دلال
لمار...مااريد
نهال...مو بكيفج ابوج وافق اسمعي الكلام
لمار...بابا مااريد ازوج
بابا...لا حبيبتي انتي حلوه واني اخاف عليج تصيرين
تحت جناح رجال يحافظ عليج
لمار....شنو انت مليت مني
بابا...شنو مليت منج انتي حبيبتي جمانه السعيدي بس اني اكبر منج واعرف هذا الزواج من مصلحتج
لمار الكلام وياهم مابي معني قررت اروح البيبي تجي تحجي وياا بابا
العصر طلعت من البيت بدون ماتعرف نهال وبابا لان جانو نايمين وبقيت بيت جدي
نهال بس مالكتني خافت اتوقعت انهزمت
بيبي راحت عليهم وكالت لمار عدنا لا تخافون عليه
مااهتمت نهال لان متاكده من العمل الي اشتغلته صح حتى بابا يوافق بهاي الزواجه وهي تضمن الهديه
لمار...بيبي مااريد ازوج اني بعدني زغيره وهذا العريس بكد بابا واني ابد ماحبيته كرهته بس شفته
بيبي...هسه يجي ابوج واحجي ويااااا
بقيت بيت جدي لليل
بعد العشى اجا بابا عليه
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
