رواية مشاعر مبعثره الفصل الرابع 4 بقلم دودي
متيقتش عجوزتي حتى داني انس للطبيب واكد اني حاملة .. فرحت بزاف.. واخيرا غايكون عندي ولد نربيه.. بدينا انا وانس كنفكرو فتفاصيل حياتنا.. كلشي كان زوين.. والكوبل الثاني كانو كيكتافيو بالملاحظة.. هند باين عليها الحزن بزااف.. مشيت عندها..
اسماء: هند،.
هند: وي حبيبة..
اسماء: مازال غانفرحو بيك حتى نتي.. خلي املك كبير..
هند: ونعم بالله.. انا فرحانة ليك احبيبة..
اسماء: ربي يخليك..
بقيت مع الوحم والايام كيدوزو.. وانا وانس عايشين حياتنا عادي.. تقاليت.. وعطيت التيساع لرضوان..
حاولت نعيش حياتي كما هي.. حتى لواحد النهار.. نضت بالليل..ملقيتش انس.. كان بلاصتو مازال سخونة.. يعني ماشي بزاف باش ناض.. قلت فبالي انه ناض يشرب.. حاولت نوض.. وخرجت نقلب عليه حيت حسيت بالوجع.. بقيت كنقلب.. ومابانش ليا.. هبطت للكراج.. لقيت باب البازار مامسدوداش.. حليتها بشوية.. وانا نسمع صوت كأنه ديال انس..تبعت الصوت حتى قربت وحليت الباب بشوية.. تصدمت من داكشي اللي شفت.. كان رجل.. ياريتو خاني مع مرا،. المنظر بشع بزاف..مقدرتش نتحملو.. راجلي اللي عطيتو حياتي وقلبي.. واللي كنت كنحس انه ملاك على وجه الارض.. كنشوفو بين احضان رجل اخر.. اخر شيء توقع اني نعيشو فحياتي هو اني نعيش مع رجل شاذ.. وعمري تخيلت اني نطيح فهاد المنظر.. رد البال اني كنشوف فيهم ومصدومة..
انس: اسماء!! 😳
جيت نجري.. وانا مصدومة.. جا تبعني وشدني.. وبدا كيحاول يمنعني نمشي..
انس: لا مغاتقولي حتى حاجة لشي واحد.. مغاتفضحينيش... غانعطيك اللي بغيتي فحياتك.. غانكون كلب ديالك ولكن تسكتي..
بدا كيحاول يسد فمي بيديه وهو منفعل وانا محاملاهش.. كيسد وانا نغيب بين يديه..
فقت وانا فالسبيطار.. وكرشي خاوية.. لااا ميمكنش.. ميمكنش يكون وقعلي اجهاض.. بديت كنغوت.. حتى جراو عندي الفرمليات كيحاولو يهدنوني.. شوية وهما يدخلو بيبي.. ولدت قبل الوقت وهادا ولدي فالزاج... فالانعاش.. حمدت ربي انه عايش.. بقيت كنبكي وكنحاول نوض.. ولكن جاتني الدوخة.. والحريق كبير فكرشي.. حاولت نتهدن.. دخل عندي انس وانا نتغوبش..
اسماء: اشنو بغيتي..
انس: عفاك غا سمعيلي.. غلطة ومغاتعاودش.. ولكن عفاك.. متقولي حتى حاجة لرضوان.. ولا لماما..
اسماء: رضوان؟؟ عليها مقديتيش تستقل بنفسك منو.. حيت نتا ماشي راجل..
انس: سكتي عفاك.. متقوليش هكاك..
اسماء: انا غانطلق منك.. وغانربي ولدي.. ومعمرك تشوفو.. حيت
ميشرفنيش تكون باباه..
انس: لاااا الطلاق لا.. الطلاق لا.. اش غانقول ليهم...
دخلات امه وهو كيرغب..
الام: اش غاتقول.. علاياش كتهضرو.. اسماء.. مالك ابنتي.. شكي عليا.. شنو دار ليك..
سكتت ومقدرتش نهضر وانا كنشوف فعينيه توسلاته بأني نسكت..
الام: الدنيا راه كلها مشاكل... واي جوج طبيعي يكون بيناتهم المشاكل.. ونتوما راه عندكم دابا وليد خاص تكبرو عقلكم.. رتاحي ابنتي.. باش مللي تجي للدار نديرو لولدنا سبوع دايزو الكلام.. هادا اول حفيد ليا وانا فرحانة بيه..
بقات فيا.. وبقا فيا الحال بأني نكسر فرحتها.. كانت كتشوف فولدي بحب كبير وفرحة عمري شفتها فعينيها.. طحت على الناموسية.. وغمضت عيني باش منبقاش نشوف فيه..
لمتابعة باقي الرواية زوروا قناتنا على التليجرام من هنا
