رواية مشاعر مبعثره الفصل الخامس 5 بقلم دودي

رواية مشاعر مبعثره الفصل الخامس 5 بقلم دودي 

مشيت للدار.. بعد اسبوعين .. وشديت فعجوزتي.. كلما جا انس يحاول يعاوني كنفض يدو.. هزات ولدي.. ومشينا للدار لقيت انه الاحتفال واجد.. دبحو اكثر من حولي احتفالا بولدي.. كان كيبانلي رضوان فرحان.. مكنتش ابدا متوقعة انه يفرح بولد خوه.. هند حزنها باين عليها.. وعجوزتي فرحانة كتر منهم كلهم.. انس كانت عينو دايما عليا.. خايف اني ندوي.. خايف نفضحو.. اما انا مشاعر الاشمئزاز هي اللي كنت كنحس بيها..سالا الاحتفال وولدي تلقى من الهدايا اللي متلقاه اي واحد فحياتو كلها.. رجعت لروتيني .. ولكن ولدي هو اللي مهون عليا.. انس فكل مرة كيحاول غير يهضر معايا كنقمعو.. مابقيتش حاملاه كاع.. وحتى وجوده فبيتي محملتوش.. 

اسماء: اما انا اما نتا فهاذ البيت.. 

انس: مغاديش نقرب منك اقسم بالله.. 

اسماء: الله؟؟ نتا كتعرف الله بفعلتك..

انس: اسماء.. انا 

اسماء: شششش.. محاملاش نسمع صوتك.. وليت كنشمئز منك.. بغيت تخرج.. والا غانخرج انا.. 

انس: واخا.. ولكن.. دابزنا عادي.. هادشي اللي نقول ليهم الى سولوني.. 

اسماء: خرج دغيا.. 

خرج انس ومشا ينعس فالصالون.. حتى ناض رضوان ولقاه ناعس تما.. 

رضوان: تبارك الله على الراجل.. 

انس: هي كتعيا مع الولد.. ومبغيتش نعصبها كتر.. 

رضوان: مكتبغيش تعصبها؟ ولى نتا دلدول من نهار ديتيها وهي راكبة على عنقك.. 

انس: عادي.. غا انا اللي مكيعجبنيش الصداع.. 

رضوان: تشهيت شي نهار نشوفك راجل .. تصبح على خير الراجل.. 

مشا رضوان ينعس.. والغد ليه لقات الام انس فالصالون.. غطاتو ومشات لاسماء..

اسماء: دخلي اخالتي.. 

الام: بنتي.. دابزتو نتي وانس؟؟ 

اسماء: سكتات.. 

الام: مللي غايكبر ولدك غاتحسي بكلامي.. مهما غلط ولدي.. الا انك كأم مستعدة دايما تتحملي اغلاطو.. وتخففيها عليها.. عفاك شنو ما دار سمحيليه.. وانا كنواعدك.. غادي نجبد ليه ودنو عليك.، 

اسماء: داكشي اللي دار مكيتغفرش.. 

الام: شنو دار.. عاوديلي.. 

اسماء: خالتي.. انا بغيت نتطلق من انس.. 

الام: الله يا ربي عاد ولدتي.. مالك على الطلاق... راه الدنيا مكتدوزش هكا.. والمشاكل راه كيتحلو بالتفاهم.. 

اسماء: عييت اخالتي.. عييت.. 

شداتني من يدي وخرجاتني.. 

الام: انس.. انس.. 

شفتوو ناض مخلوع وكيشوف فيا.. 

الام: شنو درتي للبنت حتى معصبة عليك كاع .. 

انس: مدرت والو.. 

شفت رضوان انضم للحديث.. 

رضوان: شنو واقع.. 

الام: اسماء بغات الطلاق.. مفهمتش شنو دار كاع.. 

رضوان: الفشوش بداو 

اسماء: ماشي فشوش هادو.. ومتخلينيش نقول شنو دار خوك.. 

انس: اسمااء.. 

رضوان: شنو دار.. دوي.. 

انس: اسماء.. 

بقيت كنشوف فيه وهو كيترجاني بعينيه نسكت.. 

رضوان: دوي.. ولا نتي اللي درتي وباغا تهربي بالسبة. 

اسماء: عرف راسك اش كتقول.. انا اشرف منكم كلكم.. وحتى من خوك الزاا.. 

مكملتش الكلمة وانا نسد فمي.. ندمت حيت قلتها.. شفت فرضوان كأنه فهم..فهم المقصود.. اما انس ركابيه كانو غايطيحو والعرق بدا يطيح منو .. متوقعهاش مني.. 

رضوان: عاود انس؟؟؟ اش بغيتي ندير كتر.. حتى صافي قلت راك وليتي راجل.. 

ضربو بطرشة حتى داز ليه الدم من نيفو.. اول مرة كنشوف رضوان هكاك.. كان معصب.. وفهمت انه هادي ماشي اول مرة.. انس قديم فهادشي.. 

اسماء: علاش تزوجتيني مللي عارف راسك هكاك.. علاش.. 

رضوان: عييت منك.. بقالي غير ندفنك.. الاطباء النفسيين دوزتك عليهم كلهم.. كلهم.. ومبغيتيش تولي راجل.. زوجناك ومبغيتيش تولي راجل.. حاب المرض.. المرض .. 

اسماء: انا بغيتو يطلقني.. 

رضوان: كتحلمي.. 

قالها بواحد الطريقة خلعاتني وصدماتني فنفس الوقت..

اسماء: كيفاش.. 

رضوان: حياتي كاملة وانا ساترو.. وانا كنسد اي باب تجينا منها فضيحتو.. مغاديش نخليك تهدمي دابا كلما بنيتو.. سمعتي.. 

اسماء: غادي تحبسني ولا شنو..

رضوان: الى استدعى الامر غانحبسك اه.. ونقتلك ولا تفضحينا.. 

             الفصل السادس من هنا