رواية عاد طليقي الفصل السادس 6 بقلم جمانه السعيدي

رواية عاد طليقي الفصل السادس 6 بقلم جمانه السعيدي 

سجاد اني كلش حبيتج وتعلقت بيج اكثر شي عجبني عنادج وتجاهلج اليه وشيلة خشمج حسيتج مو سهله 

بيج هواي اختلاف عن باقي البنات 

نور بس اني ما افيدك وما اصير اللك 

سجاد لازم تقدميلي عذر مقبول حتى ابتعد عنج 

نور خلاص مادام تلح راح اجاوبك بس مااريدك تلاحكني بعد 

سجاد هذا يتوقف على جوابج واني اقرر 

نور اولا اني وحيدة ماما وبابا ومستحيل اعوفهم بعد هذا التعب 

و الانسان الي ارتبط بي لازم يتقبلنا احنا التلاثه  

 

يعني يسكن ويانا فا اكيد انت مراح تترك اهلك ومحافضتك علمود تجي تسكن يمنا 

ثانيا وهاي الاهم اني مطلقه وما اصور اهلك راح يقبلون ترتبط بوحده مطلقه 

ثالثا اني عندي هدف لازم احققه اريد اصير محاميه مهمه ومعروفه احتمال اكمل ماجستير ودكتورا والزواج بهذا الوقت خطر على مستقبلي 

جمانه السعيدي 

سجاد انتي مطلقه خاف تشاقين 

نور لاولله ما اشاقه وهسه من رخصتك لان خلص الكلام العندي   

 وعفته ومشيت ضل كاعد مثل الصنم لايحرك ايد ولا رجل 

وبعدها اسبوع كامل اني ماشايفته 

سجا الولد ماكو يمكن هججتي من الكليه كلها 

نور ولله عاد كيفه اني صريحه وما غشيته    

بعد الانسان اذا يحب صدك يجاوز عن عيوب حبيبه ويضحي علموده 

ورا اسبوع بين سجاد لكن ما حاول بعد ابد يحاجيني 

اني جان ضميري حيل مرتاح من جهته   

لان تركتله حرية الاختيار 

  وهو اختار الي يناسب مصلحتا 

اني مازعلت منه بلعكس كبر بعيني لان انسان واضح

واختار الي يناسب حياته

جمانه السعيدي 

وصلت مرحله رابع واكو استاذ جان يجينا يومين بلاسبوع

 سيد بالاربعين من عمرا    

لان اني متفوقه حسيته حيل مركز وياي ولمن قدمتله الرساله مالتي حيل عجبتا   

ودز عليه للمكتب   

دكيت الباب صاح تفضلي 

نور نعم استاذ    

......حيل عجبني تفوقج واجتهادج ومتوقع تطلعين من الاوائل فحاب اقدملج عرض اذا اتخرجتي احب تشتغلين وياي بمكتبي   

نور انشاء الله استاذ يصير خير شكرا الهاي الثقه 

وطلعت بس حيل فرحانه مو بس لان لكيت عمل وانما حسيت اني جاي امشي على الطريق الصحيح 

وفعلا قدمنا امتحانات اخير السنه واني طلعت من الاوائل 

جانت فرحت ماما وبابا ماتنوصف ابد    

وبديت اجراءات استخراج هويه المحامي 

طلعت هويتي وبديت اداوم بلمحكمه طبعا كلنا نعرف انو المحكمه مو تعيين حكومي 

وانما على القضايا الي تحصل عليها اتعاب    

جنت مميزه والقضايا الي تجيني دائما اكسبها وكلها قضايا نسائيه  

 طبعا هذا النجاح سببه توفيق الاهي

 ورضا الوالدين ودعائهم 

جمانه السعيدي 

طبعا السيد ابو كرار جان يجي للمحكمه ورجع اكد عليه اجي للمكتب اشتغل ويا  

  كل ايام الاسبوع العصر والجمعه الصبح والعصر

    لكن الي جنت مامتوقعته وما حاسبه احسابه 

السيد بدا يعجب بيه ويسمعني كلام 

و اني اسوي نفسي مامنتبه هو مزوج علويه بنت عمه وعندا اثنيين اطفال 

بسبب وجودي بلمكتب

    كل يوم بدا يسمعني كلام غزل 

ومره صاح تعاي اخذي الملف اقري   

فتحته لكيت راسم صورتي بلقلم الرصاص وكاتب جواها 𝙇𝙖𝙫𝙚    

 

  اني شكيت الصوره وخليتها داخل الملف ورجعته اله 

وكلتا تمام استاذ كلشي مضبوط 

ثاني يوم جمعه اني ماليه خلك اروح للمكتب اتصلت 

صباح الخير استاذ  

 اني شويه تعبانه ما اكدر اجي اليوم 

....سلامتج الف سلامه تحبين اجي اخذج للدكتور 

....لاتسلم ماكو داعي اني ارتاح واصير زينه 

.....اذا تحتاجين شي خابريني   

لاشكرا تسلم 

اريد ابتعد شويه وافكر هو مزوج واني مو بنيتي اخرب بيته    

وابد مو هو الانسان الي احلم بي يكون زوجي

احنا بلمكتب نشتغل ويا اثنيين بنات 

اني وحده قبلي جبيره 

وولد كلش مودب واخلاق توه مزوج وبس يسولف بمرته يموت عليها   

الساعه ١٢ ونص الضهر

 اندكت الباب 

اني لابسه برمودا احمر واسود مشجره وبدي ربع ردن اسود اتوقعت جهال سها لان دائما يجون هيج وكت   

اجيت فتحت الباب واني اصيح اجيتكم 

واذا بي السيد كبالي ما اعرف شسوي جمدت وهو يباوعلي ومبتسم 

  اني من الذهول رجعت ليوره

و طبكت الباب ورجعت ركض اخذت

 رداء لبسته بسرعه وشمرت شال على راسي

 ورجعت للباب

العفو استاذ ماتوقعت جيتك تفضل 

جمانه السعيدي 

.دخل للصاله و بابا استقبله 

   جان يكول شلون صرتي ضل بالي عليج 

بابا باوع عليه ونزل حواجبه 

    اني بلعت ريكي 

.....لا الحمد لله استاذ اني بخير شوية تعب وراح 

جان جايب علبة حلويات وفواكه 

.....تتغدا استاذ الغدا جاهز 

.....لاغير مره اني مستعجل واجيت اطمن عليج 

....الله يحفظك استاذ 

....باجر اذا متكدرين لاتداومين 

.....لا انشاء الله اجي وشكرا مره ثانيه تعبت نفسك 

طلع وسديت الباب   

اوف ياربي ماكو واحد يسوي زين لله كلها مصالح 

اشويه واجتني رساله منه 

   اشتاقينالج

   طالعه تخبلين بلبرموده والبدي الاسود يخبل عليج 

قفلت التليفون ياربي هاي شلون ورطه

دخيلك ربي شلون مركز وياي 

هاي المشكله شلون راح اخلص منها ما ادري

هسه انت رجال مزوج 

شلك بهاي السوالف التعبانة

           الفصل السابع من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال