رواية ملكة الشيخ ضاري الفصل السابع 7 الجزء الثاني بقلم ساره المجيد

رواية ملكة الشيخ ضاري الفصل السابع 7 الجزء الثاني بقلم ساره المجيد

مهند ..زينة

زينة وكفت وكتله :- نعم ابو كرم

مهند:- احم بس بلا زحمه امي خط احمر يعني ما ..

زينة ..بعد مهند مامكمل كلامه نزل صكر عصبي وعيونه بكصته وصاح بصوت عالي

صكر :- جنت فوك لبست دشداشتي ويشماغي ونزلت وجان اسمع اخوي مهند يحجي ع زينة اتخبلت وصارت عيني بكصتي نزلت سريع وكتله هيييييو هييييو مهند باشششش شنو جاي تسوي باوعت ع زينة وخزرتها كتلها روحي لشغلج

زينة ..رفعت راسي شفته خزرني بعينه لو الدم الي بجسمي وكف وكلبي انخبص ماعرف شسوي كالي بصوت حازم وامر :-روحي لشغلج

عفتهم ورحت لشغلي وعفتهم يتعاركون ياربي هاي شصاير بس لا بداية هيج لعد نهاية زواجي شلون ياربي 😭

وكفت بالمطبخ انتجيت ع الكاونتر وام عزام تسوي اكل واني فاصله عنهم شويه وسمعت صكر يصيحلي طلعت بره ورحت يمه اخذني لزاويه بصف الباب وباس رأسي وكال 

صكر :-اصبري حبيبتي واتحملي ماشي ماريد يضيك خلكج

زينه :- هزيت رأسي وكتله ان شاءلله 

عافني وطلع اوف من يطلع من البيت احس نفسي غريبه بينهم هو كل حياتي هو الوطن الي التجأ اله

في مكان اخر ..

خلونه نرجع بالاحداث شوية

ادم...بلشت اشك بسناريا كثر اتصاﻷتها من موبايل صكر خلاني اشك واكثر واكثر صارت عندي مثل مانكول اشياء هوايه بيوم اراقب بيها ...

بيبي كالتلي روح صيح لبت عمك تجي تتعشه عايشه ع هذا البلاستك تقصد الكاكاو متاكل هيه ابد المهم رحت الها من دخلت ليكتها حاطه الموبايل وتضحك اتخبلت كتلها كتلها انطيني الموبايل ماقبلت اتأكدت الشغلة بيها انه اجيت ع السريع اخذت الموبايل من ايدها جان يجي باذاني صوت ولد بسرعه بدون تفاهم ضربتها راشدي سطرتها سطر كامت تريد تفهم ليش ضربتها..

سناريا :-من جنت احجي ويه ثائر ومندمجه بالمكالمة بذاك اليوم طب علي ادم وعينه بكصته جر التلفون مني وضربني راشدي فر راسي فر انصدمت حطيت ايدي ع خدي اشتعل بنار كتله ليش ضربتني 

ادم..واكسر راسج هم فهمتي 

سناريا ...الله ياخذك الله ياخذك ان شاءالله

ادم ...اخذت حزام بنطروني وكمت اضرب بيها وهي تصرخ وتبجي دخل عمي سحبها مني واني اكفر بيها ردت ...كلها تسئلني ليش ضربتها كتلهم تستاهل هاي طايحت الحظ تستاهل ادبسزز ..

طردوني واني بس اريد اطيح حظها 

سناريا :-كطع جسمي جوه ايده حسيت روحي طلعت واني اصرخ ظليت اصرخ اصرخ اجتني دفره منه بنص كلياتي الي توجعني حسيت انتهت حياتي انتهت وخلصت جوه ادي بس من دخلوا عمامي فكوني منه حسيت روحي شويه رجعت دخلت عمتي اخذتني للحمام تغسلي وتدعي علي واني كلبي مو بس ادعي لا اشتم بي هم

ومن هاي بيبي صاحتلي وكالتلي لاتجيبين طاري لاهلج ع الي سوا بيج ادم وخليها سكته حتى لتصير مشاكل 

واطمطمت السالفه وبلعتها وسكتت ماجبت طاري لاهلي 

ومرت الايام 

وجان امال تريد اروح وياها حتى اتجهز نفسها ... رحت وياها بعد ماتوسلت امشي وياها وهم اطلع من البيت مشيت وياها مثل ماتريد ..

بابا انطاني افلوس وكال كلشي بنفسج اشتري رحنه اني وامال وبيبي وعمتي اخت ابويه ام جمال ..

وصلنا السوك بلشن يشترن بس اني فاصله عنهم احس اكو غصه ابلعومي صرخه محتاجه اصرخ بس ماكدر وكفن بصف محل مجهورات هنا دخلن ظليت واكفه درت وجهي وشفت ابو المحل الثاني عينه علي خفت بسرعه دخلت للمحل كمت اكلب واشوف غمضت عيوني واتذكرت ثائر من كالي 

ثائر :- من نزوج اشتريلج كلشي بنفسج اخليج تصيرين ملكه بس اكبري شويه الي يشوفج يكول بنتي مو حبيبتي هههههه

سناريا ..اتنهدت بسري وابتسمت فتحت عيني ورفعت راسي وصدت عيني ع كلاده حلوه بيها ورده صغيره والغصن صاير ملتف عليها بشكل حرف عجبتني حيل سمعت صوت ورايه درت وجهي وشفت ادم ..

دخل وكف بصف امال وهمس بذانها اخذت حسره شكبرها وشمرتها دك موبايلي شفتها اميره كلت لبيبي راح اطلع ارد لان المحل بي ناس اهوايه وفشله ارد كالتي ردي بس لا ترحين بعيد 

طلعت ومشيت شويه وكلت الوو

اميره ..سناريا هلا اكول فدوه جيبلي وياج فستان الذهبي ال كتلج علي اوو مالكيتي جيبي الوردي فدوه 

سناريا :- يعني داكه علي حتى بس تكليلي ع فستان خرب بيومج خوش راح اشتري سديته منها اوف 

درت وجهي وادم صار اكبالي سحب الموبايل وكال بعصبيه

ادم :-منو اتصل

سناريا :- اتنهدت بقلة حيله كتله اختي اميره انطيني الموبايل الله يخليك 

ادم قرب مني وهمس وكال - ذبولج هذا مايفيدج ماراح يرجع لا تعبين نفسج ثائر انتهى وضيع نفسه ومستحيل يرجعلج

اااااخ تعرفون شنو من جرحك يابس ويجي شخص يلجمك علي ويرجع ينفتح ويكوم ينزف بغزارة ..

ادم سوه هيج بيه خله الموبايل بيدي ورجعت اشتريت الكلاده وبس وضلينا نفتر ودمعه واكفه بطرف عيني اريد ابجي المهم ابجي ماريد احد سوه بس ابجي واصرخ ..

😭

رجعنا للبيت ساعه متأخره وبس نعسانه اريد انام دخلت للبيت انطيت فساتين لاميره امي باوعت ع فستاني وكالت

امي ::- ليش اسود يابنتي العرس بالقاعه واكيد ناس جايه ورايحه راح ضلين حزينه 

سناريا :- يعني يالوان اشتري وحياتي صارت اسود بأسود ...رحمة لربج هو عرس مخابيل ع اساس راح اكيف شو كوه صابره اصلا اولي وياهم ترا اتعارك هسه عوفوني بحالي وكافي تدخلون بحياتي ماكافي الدنيا لعبت لعب بيه ادور انتوا اتكملون عليه عوووووو ئفوني 

امي اتنهدت وكالت:- خوش يمه روحي ارتاحي 

سناريا ..عفتها وصعدت بدلت وفتحت شعري طويل ازياده باوعت ع الميز هه اوف ياطولك الي فاضحني اخذت المكص وكمت اكص بشعري بقسوه مابيها اي مشاعر صار شعري الي كان يوصل لفخذي صار هسه يوصل نص ضهري باوعت علي وابتسمت وماحس غير جمر ينزل ع خدي مو دموع ...

الحزن صار عنواني بكل حالاتي صعدت اميره وجان تصيح لامي كمت لميت شعر وخليته بجيس اسود نزلت وكتلها يمه:- هذا احركي ماريده

امي بعصبيه دارت وجهي براجدي كنت جامده وياه رجعت كتلها :- اخذي احركي بعدين موديل الشعر الطويل صار بزمن جدج ذيب الله يرحمه

ظلت تصيح علي وتصرخ عفتهم وصعدت سبحت وعدلت شعري واجيت اريد اضفره كسر خاطري شكله بس شسوي يادنيا انتي عاديتيني يلا يطول

مو انت تطول حباب اطول اني ليش كصيتك ليشش شنو ذنبك لو انت مثل ذنبك مو ذنبك تتعاقب 

رجعت راسي ونمت من تعبت ..حلمت بثائر حاضني قوي وهو يعاتبني فزيت ع صوت اميره تكول تعاي اتعشي صار وقت الغروب هزيت رأسي وكتلها جايه

في مكان اخر

زينه :- بالليل سويت العشه اني و وسن وهيه تحجيلي عن بنات خالها يعني غيرت جو وياها اندك الباب راح كريم حمايه فتحه دخلن نسوان عمهم وياهم سرى خاطبها ابن عمتها فرحت الها هواي لان صدك طيبه 

طلعت سلمت عليهن جان عمتي تكول 

عمتي :- اخ ياسراوي ردتج جنه الي بس اوووووف ..يلا يتهنا بيج عباس خوش ولد

زينه:- بكلبي واني شنو فزاعت خضره خرب بحظي رجعت للمطبخ اكمل شغل دك الموبايل مالتي شفتها سناريا بت خالي اسمهان رديت :- الو هلا سنورة

سناريا :- هلا بيج حبيبتي اكلج ماكو اخبار عن ثائر 😔

زينه :-لا والله بس صكر يكول راح احاول ارجعه لناصريه ع اقل قريب يمنه

سناريا :- اوف اوف والله تعبانه مداري شنو حياتي احس نفسي تايهه بحر كبير ماله نهاية ..صدك اكلج رقمه غيره لو نفسه 

زينه :- لا نفسه 

سناريا :- اممم شكرا يلا باي 

زينه :- بايات

سديت التلفون خلصت شغل وكملت طبخ اذن رحت توضيت وصعدت اصلي خلصت صلاة وي دخلت صكوري باوعلي وكال -

صكر ..ملاك وربي ااخخخ ...قبل الله حبيبتي بستها من راسها 

زينة :- منه ومنكم صالح الاعمال يروحي

صكر :- سحبتها لحضني ودنكت بست شفتها ورجعت ع خدها وكتلها ورا العشه اتعشه بيج مو تغلسين ترا جوعان 😉

زينه:- ههههه نو نو 😌 

صكر :- شنووو يممه اي مو بكيف ابوج هيه الشغله 

زينه:- لعد بكيفك😏

صكر ..اي طبعا بكيفي ضحكت وضميتها لصدري وكمت اشمها بحرارة وخرت عني وراحت اني رحت ابدل

زينة ..كملت لم السجاده وطلعت لبره رحت كبل لمطبخ حضرت الاكل دخل مرتضى من بره يكول جوعان يابه اريد اكل اجت فرح تساعدني صبينه الاكل 

وحضرنا الصينه كعدنا ننتظر مهند شويه ونزل صكر لابس اتراك اسود مخطط بازرك كعد وصاحلي رحت يمه خله ايده ورا ضهري وهمس بذاني :- اويلي بوية شكد احبج 

ابتسمت ودنكت جان مؤيد يكول:- يابه سفرة الاكل مفروشه بدون رومنسيات نحن حدايق 

صكر :-هعههههههه دنجب لك واسكت 

اجت وسن وكالت.:- صكر امي متقبل تاكل 

صكر تنهد وكال :-خير شكو شصاير 

عمته كالت :- ضايجه ياعمه انت صيحت عليها وهيه امك يعني مو فشله تفضل الغريبه ع امك !

خزرها صكر وكام بعصبيه وراح ضلت الانظار والشكوك موجها الي حسيت نفسي متهم وكاعد يحققون ويا خايفه امبين صدك راح تصير سالفه جبيره كلها حاميه علي سجاجينها 

ومخلينها ع ركبتي ...

حتى نفس للاكل ماعندي سكتت بس دمعه بطرف عيني شويه واجه صكر هو وعمتي كعدت وعينها علي وابتسمت بمكر عود شوفي ابني الي مو الج رجع كعد بصفي

وبلشوو ياكلون صار الاكل سم عليه كنت منتظره احد يكوم حتى اني هم اكوم وصدك شويه كاموا كمت بسرعه ماكلت شي رحت للحمام الي بغرفتي غسلت وجهي وطلعت شمرت نفسي بالغرفه بجيت من كثر الهم الي اني بيه

ورا ساعه هيج اجه صكر دخل للغرفه سويت نفسي نايمه مو يمه اصلا كعد وشغل الشاشه وطلع لعبه برشه وريال وخبصني لك كول ولك ضاعت خرب وبكل صوت عالي اهنا ماتحملت كمت وصرخت بي

زينه :-كافيييي اسكت اريد انام 

صكر :-شبيج شصاير ليش هيج وجهج وعيونج حمر باجيه

زينه :-رفعت حاجبي وكتله ..مابييييه شي بس تعبانه اريد انخمد طفي هل صخام الي مشغله دخت

صكر ..ماطول بيها انخمد واصخام يعني بيج شي خير ولج احجي شصاير

زينه ..كمت اريد انزل من الجربايه سحبني اله وكال

صكر :- وين رايحه مو احجي وياج 

زينه:- انت انت ماتحس بيه متدري شنو شعوري من من وكمت ابجي مكدرت اكمل 

صكر ..شنو السالفه خييير شصاير 

زينه ..حجيت اله وهو باوعلي بنظره عتب وكال 

صكر ..وليش اتزعلين هي امي وحقها عليه اراضيها اني رفعت صوتي عليها بعدين ياحبيبتي ياروحي ليش اتسوين هيج بنفسج واني كم زينه عندي شو هي وحده ورافعه خشمها لسما ادري حبيبتي تدلل وتدلع بس مو هيج 

زينه ..انت ماشفت شلون كلها تباوعلي مثل الوحدة البايكه 

صكر ..ههههه ع كيفج حبيبي بستها بشفتها المبرطمه وكتلها احله بوكه بايكتها انتي بكتي كلبي كومي بدلي خلي نطلع ماطول اكو وكت 

زينه ..ماريد مالي نفس اطلع باب البيت 

صكر ..تؤتؤ تؤتؤ كومي كومي شو كدامي شلتها ومثل اب يشيل بنته طلعت الها ملابس وكتلها ..يلا اختاري 

زينه ..صكوري بربك وين راح تاخذني 

صكر ..عمي يلا كومي ولج ومن نوصل تعرفين 

زينه ..بسته بخده وكتله ..دقيقه واني جاهزه 

رحت طلعت بنطرون وتشيرت صيفي خفيف وشال لبستهن وخليت بس كحله ومسكاره ومرطب شفه وردي هو كام لبس دشداشه بيج لونها ولف غترته مثل اهل عمان ولبس ساعه وخله عطر وكال

صكر ..يلا بويه 

زينة ..لزم ايدي ونزلنه جاي نطلع وعمتي صاحت ورا 

عمتي ..صكر تعال يمه 

زينة ..باوعلي وغمز وانطاني السويج 

اخذته ومشيت ورا دقايق اجه ورايه فتح الباب 

صكر ..يلا مدام اتفضلي 

زينة ..ابتسمت وكتله ..شكرا 

صعدت حرك السياره وشغل اغنيه لحاتم العراقي كتله ..صكر حبيبي شرادت منك عمتي

صكر صفن وكال ..ماردت شي هيج 

زينه ...متأكد

صكر ..مثلا جاي اجذب عليج

زينة ..لا حبيبي بس اسال

صكر ..اتنهدت وزفرت حسرة بقوة ودرت وجهي عليها وكتلها حبيبي اترجاج لتخلين بالج بكوولشي خلي السفينة تمشي بينه ولاتوكفيها ع اتفه الاسباب ...مهما يكون هاي امي وحقها علي لازم اباريها حتى ترضا علي 

زينة ..الله يحفظكم لبعض ان شاءالله اكون كفو الك ولاهلك حبيبي 😊

صكر ..حطيت ايدي ع خدها وكرصتها وبستها وكتلها فدوة رحت لمريتي وام بيتي العاقلة التفتهم 😘

في مكان اخر

سناريا :- صار اليوم الي كان عرس ادم بلشنا كلنا نحضر نفسنه لبست فستان اسود كان بسيط حيل وعادي يعني مابي شي مجرد ضيك ومخصر لفيت الشال ورحت وي اهلي طول الطريق كلها تدك وتركص كنت اتمنى لو احضر هذا عرسي ويه ثائر بس بعد راحت كلشي راح وضاع الي جنت احلم بحياتي ويا 😔...

وصلنا للقاعه كانت مليانه ناس اقربائنا ومن اهلنا دخلت كعدت اني واميره وامي وابوي ع طاوله شويه واتصلو ع ابويه وراح ..

شغلوا الاغاني العروس بعدهي مجايه مجرد ناس طابه وطالعه شويه وكالت امي كومي يمة سلمي ع عماتج او روحي اكلي شي من الميز الطعام كان الجو هوسه وخبصه ..

كمت نزعت عباتي وضليت بالشال وبالفستان ..اميره من زمان طفرت للستيج تركص وي بنات عماتي وبنات عمي رحت يم الميز الحلويات اوف كومه شنو تشتهي نفسك موجوده اخذت شويه وجان احس بكرصه باوعت وشفة عباس ابن عمي

سناريا :- خير يول شكو شبيك

عباس :- صيحي لاميره تجي لا اكلب العرس عزه عليكم

سناريا :- يول شبيك غير افهم 

عباس :-اسمعي الكلام احسن الج 

سناريا :- عبيسي احجي شكو شبيك 

عباس :- بس روحي صيحيها واسكتي 

سناريا :-ضحكت شكله يموت ضحك اخذت قطعة كاكاو ورحت يم اميره سحبتني اركص وياها جنت لابسه كعب بسمار ف هيه دا تسحبني جان اعثر وانضرب ب رجال يطلع بكد خالي يعني جبير هو لزمني من كتفي

وكال :- سلامات سلامات 

هزيت رأسي وكتله : اسفه عمو 

ياسر :- عادي بنتي

سناريا ..ابتسم وراح رف كلبي ع شكله وهيبته يعني الصراحه اول مره اشوف هيج رجال ومهيوب اخذت نفس وهو دار وجهه الي صارت عيني بعينه كبل نزلتها سحبت اميره ورحت كبل يم الاكل وهي حصلت رزاله من عباس غسل ولبس وعافها وراح 

ضحكت ع شكلهم اميره وعباس واحد يحب الثاني بس منتظرين يتخرج عبيسي ويخطبها ويتم كلشي 

راح وظليت اكل شويه وكالوا اجت العروس من التصوير دخلت امال كانت لابسه البدله البيضه وياها ادم بزي الاسود مالته خله كل الانظار اله اني عفتهم ورحت لحمامات اغسل مامهتمه الهم ولا شويه

مشاعري ميته حيل يعني يادوب اكو كم عطف عليهم 

المهم فتحت شالي وفتحت شعري شويه ينتفس اوف بعدين رجعت غسلت وجهي دخلن للحمام اثنين بنات وحده منهم تطلع بعمري كالتلي

ازل :- احم عندج مرطب شفه 

سناريا ابتسمت وكتلها :-ماعندي بس اذا تردين اجيبلج 

ازل :-لا حبيبتي لا تعبين نفسج انتي كرايب العريس لو العروس 

سناريا :-ابن عمي العريس والعروس بت عمي

ازل :-اووو ماشاءلله 

سناريا :-عفتها وطلعت جان انصدم بالي واكف كبالي اجت عيني بعينه ابتسمت ومشيت نسيت شعري مفتوح خرب ..

وكفت المه ع السريع درت وجهي شفته عينه علي خرب شلون حظ بسرعه مشيت جان انصدم بعمتي ام امال باوعت علي مثل الي خافت ماعرف ليش ..

عفتها ومشيت يم امي كاعده وهذا الرجال هو وذني البنات حلوات وحده منهم تطلع اربعين عمرها كل مارفع راسي الكه عينه علي لدرجه صرت ماعرف شسوي ..

ولا فوك المصيبه اجت ست الحسن اميره سحبتني للستيج تعاي اركصي صرت بنص اهدومي خرب أنه شفت ادم يخزر بيه خطرت بالي اسوي خباثه ويا وانعل ابو الساعه رحت وي اميره ...

وشغلو اغنيه زينو زينو وهاي اني اخرب عليها ذبيت لحم اني وبنات عمي مخابيل وبنات عماتي نركص وصارت وقت تقطيع الكيك وكفنا عن الركص وجابو الكيك ..

كانت من اربع طوابق شكلها يشهي واحد ياكلها واكفه اضحك وي بنت عمي اسياء 

اجت هاي البنيه الي رادت مني مرطب شفه

ازل :- احم هلو 

اسياء سناريا :-هلاوات

ازل :- اسمي ازل وانتم 

سناريا :-اني سناريا وهاي بت عمي اسياء 

ازل :- عاشت الاسامي احنه جدد ساكنين بنفس المنطقه 

سناريا :-صدك اول مره اشوفكم بيها 

ازل :- اي والله حبيبتي اخويه انتقل شغله لاهنا

سناريا :- ماشاءلله امممم

اسياء:- اوف تعبت هسه زوجي يطلع الركص من خشمي ماشفتي شلون يخزر بيه

سناريا :-هههههههه ترا ذبحتيني برجلج يلا ولي 

           الفصل الثامن من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال