روايه غيرة حب الفصل التاسع و التسعون بقلم احمد صابر
انا:ارغي
معاذ: وانا ف إعدادي لما كان يجي رمضان كنت اي مسلسل اتابعو بكتبو ف نوتس والساعة الي بيجي فيها وبعلقو ع التلفزيون
انا: وربنا وانا
حنين: لا انا لو جه قدامي بسمعو مجاش عادي بقلب ع حاجة تانيه
انا: رني ع مازن كده ياستي
حنين: هاا
انا: هاا اي رني
حنين: هتكسف
انا: يا محنو
حنين: انتي اخر وحده تتكلمي دانتي بتتكسفي اكتر مني إيمان انتي لو اتكسفتي بتعيطي
انا: احم متغيريش الموضوع يا حنين ومتفتيش بعد ازنك ورني واخلصي
طلعت الفون بتردد ورنت عليه
حنين: الو
انا: متتظبطي يابت
حنين بهمث: في اييي
انا: متقولي الوو عدل زي البني ادمين
حنين: اقولها ازاي يعني انا بقولها كده
انا: طب اتكلمي ياختي اتكلمي
حنين: ايوه يا مازن
انا بتريقة: ايوه يا مازن
حنين: عامل اي
نغزتها ف ايديها: ماتنجزي ياماااا متقوليلو وحشتني ب المره!
راحت نغزاني ف دراعي
انا: دراعي بت حيوانة... ماااازن
مازن وهو بيتريق ع صوتي: ايييي
انا: هاتي يا محاسن
حنين: محاسن!
انا: بصوت امك النحنوح ده اه... الووو
مازن: اه ياما ودني... عيزه اي
انا: طبيبة شرعية ولا محققة جنائية
مازن: مالك
انا: يا مازن... محققة جنائية ولا طبيبة شرعية
مازن: لا انتي عكستيها
انا بضحك: بطل استظراف
مازن: لمين يعني اكيد مش ليكي
انا: لا مش ليا لوحده صحبتي
مازن: قدك
انا: لا أصغر مني ب سنة
مازن: صغيرة بس لو رأيي ف طبيبة شرعية
انا: والله كنت عرفة انك هتقول كده... شكراً
مازن: العفو
انا: كملي نحنة ياختي
حنين: دانتي بارده
بصيتلها بقرف وطلعت
انا: الساعة 9:50.... يلا نعد 10...9...8...7....6...5...4..3...2...1 اي ده مجاش... ارن عليه لا رصيدي هيخلص
الساعة كانت داخلة ع 11 وهو لسا مجاش: هرن بقى مش مشكلة
طلعت الفون ورنيت مره بس مفتحش بس لقيتو بيرن: الووووو
محمد: اييييي داخلة خناقة مابراحة ودانييي
انا: هااا خلصت... انت فين
محمد: قلقانة عليا
انا: لا بس كنت عيزه أسألك عن حاجة بس مش اكتر انت بزات محدش يقلق عليك احنا بنقلق ع نفسنا منك انت قتال قتلة يسطا انت مش حاسس بنفسك ولا اي
محمد بضحك: سلام يا إيمان سلااام
وانتهت المكالمة
انا: المهزء فصل ف وشي
رجعت رنيت عليه واول مافتح رحت قافلة ف وشو: هعععع... دا هيجي يعلقني
دخلت عند حنين لقيتها لسا بتكلمو بصيتلها بصدمة: يخربيتك ده كلووووو بتجيبو كلام منين انتو
حنين: ماشي باي
وانتهت المكالمة
حنين: في ايييي
انا: نحنونه هاااا
حنين: بس بقيييي
انا: دانتي واقعة واقعة سوده
حنين: مين ده انا لا محصلش
انا: اممممم مانا عرفة
الجرس رن ورحت افتح وانا باكل الجزرة اول ماشفتو ضحكت
محمد: انا تقفلي ف وشي الفون
طلعت اجري راح شاددني من هدومي: خلاث ونبي خلاث
محمد: خلاث! وبتتريقي ع نسرين يا لدغة
انا: خلقة ربنا انا مالي
طلعت ماما من الاوضة: تعالا
محمد: نعم
والدتي: تخيل كده عملالك اي
محمد: اي
والدتي: لا تخيل لازم تتعب شوية
حط ايدو ع كتفها وهو بيفكر وهيا كانت حضناه
انا: احم تعالا هنا عشان عيزاك ف موضوع
محمد بستفزاز : لا... يلا يا خالتي قولي عملالي اي
والدتي: سبانخ
حطيت ايدي ع بوقي: يعععع
والدتي: إيمان
انا: انا اسفه يا ماما بس مش بحبها
والدتي: قلنا حرام نقول كده ع نعمة ربنا
انا: اسفه
محمد: سيبك منها يا خالتي بت مبتفهمش هاا فين السبانخ
والدتي بضحك: ثواني
بعد دقائق
والدتي: جربيها بس لو معجبتكيش متكمليش
انا: عشان خطري يا ماما اتكلم يا حظابط مش باكل السبانخ ونبي
محمد: دي حلوه اوي ومفيدة جدا والله جربيها الأول قبل متحكمي عليها
انا: ابوس ايدك لا
محمد: في اي هو انتي داخلة اوضة العمليات دي سبانخ ياما مش متفجرات انتي ليه محسساني اننا بنعزبك
والدتي: لازم تجربيها محمد بيحبها
انا: انا مالي ومال محمد انا
محمد بعتلها بوسه ع الهوا ف بصيتلوا بحاجب مرفوع
والدتي: اي هتحرمي الواد من نسيم الدنيا مش كفاية مبتعرفيش تطبخي
انا: اي قلة الكرامة دي... ونسيم دنيا اي إلى احرمو منو انا مالي اصلا
محمد: انا عايز اكل طيب
انا: متاكل حد ماسكك
محمد: طب جربيها بس
انا: مش هجرب حاجة يا محمد
محمد: عشان خطري يا إيمان مره وحده بس
انا: مره وحده بس
محمد: مره وحده بس
انا وقربت اعيط: متحطش سبانخ كتير متحطش سبانخ كتير انا عيزه رز ملكش دعوة بيا
حط المعلقة وقعد يضحك وكلهم كانو فطسانين ضحك هرشت ف راسي وضحكت: حرام بجد
محمد: افتحي بوقك
غمضت عيني وفتحت بوقي بس محستش ب حاجة دخلت بوقي ف فتحت لقيتو باصصلي ومبتسم: اوووف يا محمد
محمد بضحك: مش ب ايدي والله انتي سحرتيلي عند خديجة المغربية مش كدا
انا: مين دي
محمد: افتحي بوقك يا إيمان ومتغمضيش عشان متهورش
انا: مش فهمة
محمد: مش لازم
فتحت بوقي وحطيت ايدي ع عيني وأكلني
محمد: هااا حلوه صح
بصيتلوا وحطيت ايدي ع بطني: هرجع
وطلعت اجري ع الحمام طلعت وانا مسكة بطني وبعيط: حسبي الله ونعم الوكيل منك لله ياجدع
وقعدت اعيط وهما بيضحكو
مني بضحك: حرام عليكو والله
والدتي: قومي عملالك اكل تاني
انا: مكان من الاول
والدتي: مش فاهمة هتفتحي بيت ازاي انتي جلطيني
انا: سيبيني ف حالي دلوقتي ياما
والدتي: ياما!
والدتي: تصدقي حلوه ياما انا هقلهالك ع طول... وانت روح يا جدع منك لله انت والسبانخ
محمد: انا بحبها انا حر ياستي انا عيل معفن انتي مالك
انا: اتطفح
محمد: قولتي اي يا ايمان سمعيني كده
انا: لا ك ك كنت بقول اتفضل حضرتك اتطفح
بصلي وهو رافع حاجبو وهو بيحاول ميضحكش
اتعشينا وقعدنا قدام التلفزيون وانا مش طيقاه
محمد: مكانتش معلقة سبانخ بقيي
انا: لا مش مسمحاك بص مش صفيالك
محمد: ليه بس انا عملت اي
انا: طعمها وحش اوي استغفر الله العظيم يارب
محمد: والله دي جميلة اوي لو كلتي منها هتحبيها مانا مكنتش باكلها برضوا
انا: وخالتو اجبرتك صح
محمد: تؤ انا الي كان عندي حب استطلاع ف جربتها
انا: كنت معفن
محمد: انا معفن ياستي شكراً
انا: هههههه... بجد طعمها مش عايز يروح من بوقي
محمد: بت اوڨر
انا: انا اوڨر دانت بتاكل سبانخ
محمد: مالها السبانخ هي من المحرمات ماحنا كلنا بناكلها الا انتي يا إيمان
انا: ماهي متتاكلش يا حظابط
محمد: ازاي متتاكلش اومال بناكلها ازاي يعني نص مصر بتاكلها ازاي
انا: معرفش
محمد: انتي الي حطه ف دماغك انها وحشه
انا: بس بقى كل مفتكر ببقى عيزه ارجع
محمد: طيب خلاص
انا: خد قشرلي اللب
اخدو وكان بيقشرلي
والدتي: يا نوحي يانوحي بتعمل اي ياخويا انت وهيا
محمد: بقشرلها اللب
والدتي: وهيا مفيهاش سنان
انا: لا وربنا بيوجعوني
والدتي: مرارتييي.... اديها اللب
هيام: قشرلها يالا لو مقشرش ليها يعني هيقشر لمين
والدتي: لا ده اسمو دلع ماسخ
محمد: بسسسس انا هروح اشتريلها مقشرة للب ولا تزعلو نفسكو خالص مش عايز اسمع نفس... انتي الي حطتينا ف الموقف ده
انا: انا عملت اي!
محمد: انتي تعملي الي انتي عيزاه
والدتي: ده قاصد يدايقنا بقي
هيام: انا قولت كده برضوا اصل الواد ده طول عمره معندوش مشاعر اصلا وانا عرفة
محمد: دانا بتهزق
هيام: لا عاش ولا كان الي يهزقك ياروحي
محمد: روحك!
قامت حضنتو وهمثت ف ودنو: خليها تغير ياعبيط
ضحكت لان سمعتها بس مردتش ابين
محمد: حبيبتي يا خالتي والله مليا غيرك
مسكت الفون ومديتش اهتمام
هيام: تقيلة ف نفسها زيك أواد
بصلها وضحك وباسها من خدها: بس مش عليا
كنت عرفة انو بيستفزني بس مقدرتش امسك نفسي حاولت وربنا بس مقدرتش قومت وزقيتو بعيد وشديتو من ياقة قميصه: قسماً بالله والي خلقني وخلقك يا محمد لو عملتها تاني لتشوف وش مني عمرك مشفتو
ابتسم لان كنت قريبة منه ف بعدت ب احراج وقعدت مكاني وندمت ع انفعالي بطريقة دي لان هو كان عايز كده من كتر الاحراج مكنتش قدرة ابصلو ف قومت دخلت جوه
انا: ايييييي إلى انا عملتوووو ده
حدفت المخدة ع الارض بعصبية وانا خلاص دموعي هتنزل: مكنش ينفع الي حصل ده مكنش ينفعععععع انا مكنتش غيرانة ايوه اكيد اكيد مكنتش غيرانة اووووف
الباب خبط وقلبي بدء يدق بسرعة وفكرتو هو ف عملت نفسي نايمة
هيام: قومي متعمليش نفسك نايمة
بصيتلها وقومت حضنتها وقعدت تمسد ع شعري: مش غلط انك تبيني غيرتك عليه الغلط انك تكوني غيرانة ومتبينيش لانك كده بتخليه يفكر انك مش بتحبيه زي مهو بيحبك وهتخسريه صدقيني
انا بعياط: بس انا معرفش انا حسه ب اي انا مش فهماني حسه اني متلغبطة بس انا متأكدة ان انا مغيرتش صح يا خالتي انا مكنتش غيرانة صح قوليلي ونبي
هيام: اهدي بس... اه انتي كنتي غيرانة يا إيمان ملهاش اسم غير كده
بصيتلها وقعدت اعيط: لا مكنتش غيرانة انا عرفة نفسي
هيام: طب خلاص بتعيطي ليه دلوقتي
انا: انا جعانة
محمد: تاكلي سبانخ
قعدت اضحك عليه
هيام: اول ماشوفتيه ضحكتي ياختي
خبيت وشي ف حضنها
هيام: اي ده مال ايديك
محمد: دي حاجة بسيطة كده متقلقيش
هيام: حاجة بسيطة ازاي وريني كده من اي دي اتعورت ازاي
انا: انا عورتو
هيام: ازاي
انا: غصب عني بشد السكينة ف اتعور
هيام: انت بتهزر مرحتش كشفت ليه
محمد: يا خالتي ده جرح سطحي متقلقيش انا عارف
انا: لا جاب دم كتير
هيام: لازم تروح تكشف مش هعيد كلامي تاني امك لو شافتك كده هتقلق
محمد: يا خالتي انا عقمتو وخلاص خلص الموضوع في اي ده بالنسبه للجروح الي كانت ف ايدي ده لعب عيال مش اكتر
هيام: بطل تستهتر ب كل حاجة كده
محمد: عيب عليكي ابن اختك كفاءة انتي مش عرفاني ولا اي
ضحكت وحضنتو وطبطبت ع كتفوا: عرفة يا حبيبي عرفة... بس حاول متوريهاش الجرح ده عشان انت عارف انها بتخاف قد اي
محمد: حاضر... وانتي قومي كلي سبانخ
حدفتو ب المخدة: مستحيل ده انا مصدقت نسيت
محمد: انا هفكرك
انا: متبقاش بارد
محمد: انا ناوي اجلطك انهارده دوقي شوية من الي بتعمليه فيا
انا: انا اصلا ولية غلبانة ومش بعمل حاجة ف حد
هيام بضحك: ولية!
محمد: متخديش ف بالك بتلف ف الإشارات
خالتي قعدت تضحك جامد: الله يخربيتكو لما باجي هنا بحس اني ف مسرح مصر والله
انا: اه وانا على ربيع
محمد: إيمان انا لقيت حاجة كده
انا: حاجة اي
محمد: قولي انتي حاجة اي
قعدت افكر: سلسلتي لا ف رقبتي اهي طب اي ماهو مفيش حاجة
شمر كمام القميص ورفع ايديه وكان لابس التوكة بتعتي ف ايديه الصغيرة ولونها اسود بربط بيها اخر حته ف شعري
انا: لقيتها فين
محمد بضحك: ع المخدة
انا: طب هات
محمد: تؤ
انا: هات يا ياحظابط هتعمل بيها أييييي
محمد: هخليها ف ايدي كده
انا: ياسلام هيا حظاظا هات
محمد: لا
انا: هتمشي بيها كده قدام الناس يقولو اي هات
محمد: يقولو الي يقولوه ميهمنيش وبعدين الهدوم عليها مش باينه
انا بضحك: يا حول الله طب هتستفاد اي طيب
رفع ايديه ببرائة: مش عارف
ضحكت عليه ودخلت جوه لبست وحده غيرها ولبست الطرحة تاني...طلعت لقيتو نايم جيت اخد التوكة
محمد: اقعدي هاديه يا إيمان
انا: يخربيتك بني ادم ب رأس شيطان
لقيت ملك نزلت وهيا حطا شعرها ع وشها: بسم الله الرحمن الرحيم ابليس انصرف انصرف
شالت شعرها عن وشها وقعدت تضحك وقعدت وشالت المخدة من تحت راس محمد وحطت راسو ع رجليها
انا: والمخدة اشتكت من اي مش فهمة
ملك: لا انا بحبو ينام ع رجلي
بصيت ل التلفزيون ورجعت بصيت لها: طب مارجلك هتوجعك كده انا عملة عليكي انتي والله
ملك: لا عادي
انا: طب سيبي شعرو...انا يعني قصدي يعني عشان يعرف ينام يعني عشان ينام اصلو جاي متأخر ف يعني براحتك بقى انتي حره
ملك: تعالي يا إيمان
انا: هاا
ملك: تعالي
