رواية قصاص الفصل التاسع 9 بقلم جمانه السعيدي
لمار ...يسوق بسرعه ومامهتم الحالتي ابد
واني كل جسمي يوجعني من الضرب وملابسي كلهن دم
دخل بشارع اهلي ووكف كبال الباب
نزل وكسر باب اهلي تكسير
قبل لا ينفتح الباب رجع عليه فتح باب السياره وسحبني
نزلني و عتني حيل عثرت رجع جرني
مااشوف دربي من كد ماضربني
رجع دك الباب على صوت تكسير الباب طلعو الجواربن
فتحت الباب نهال
راسا دفعني عليه هي ابتعدت واني وكعت على وجهي
بعتبة الباب
نهال...هاي شبيه ليش هيج شكله شصاير
عماد....هاي بتكم وباجر توصل ورقة طلاكه
نهال...ليش شسوت هاي المعزايه
عماد.... اسئليه خل تحجيلج شلون تريد تنام وياا محمود
نهال...محمود اخوك
عماد....اي اخوي حقيره محمود كتله واني كتلته
لان تربيت شوارع وادبسززز
عافني ورجع للسياره وكام يصيح من باب السياره
اله افضحه بلمحمكه عندي شهود على فعلته السوده
كلشي مراح تحصل مني
صعد السياره ومشا
نهال طبكت الباب وعافتني بلكاع جمانه السعيدي واني صايره زركه من الضرب والدم يخر من كل جهه
وماحاولت تسئلني لو تضمد جروحي
وحتى ماي ماجابتلي
راسا رفعت التليفون واتصلت على بابا كالتله تعوف
كلشي وتجي بسرعه
سدت التليفون وتباوعلي بعين الحقد والاستحقار
حتى ماي ماانطتني عافتني كاعده باب البيت ولا كالت ادخلي تعاي احجيلي شنو صار وياج
ليش عماد يتهمج هيج اتهام
بقيت على نفس كعدتي ودموعي تجري
نص ساعه يمكن اكثر واني بعدني كاعده يم باب الشارع
وابجي
ابجي من ضلم الناس اليه
كاعد يشمروني واحد على الثاني
ومنتضره رحمة رب العالمين ياخذلي حقي منهم كلهم
اجا بابا بس شفته دخل كمت ابجي بصوت عالي ابجي
واعيط بصوت عالي اريد الحركه تطلع من كلبي ماكوو
بابا...ياستار شكووو شكووو شبيج منو سوا بيج هيج
كومني من مكاني ودخلني للبيت
قبل لا احجي اي كلمه حجت نهال
نهال...ليش دخلته البيتنا هاي نكسه وراح تنكس البيت
مسويتله عمله ماتتسولف
بابا ...شسوت احجي
لمار قبل لا احجي راسا نهال كالت
نهال...عماد كامشه نايمه وياا اخووو بغرفته
لمار...كمت ابجي ياربي شنو هذا الضلم حتى عماد ماكل هذا الكلام كال تريد تسوي علاقه وياا اخوي
راسا هي حولت الكلام وكالت لكاها نايمه وياا اخووو
بعدني ماحجيت بابا التفت عليه وعيونه مخنزه
بابا...صدك هذا الحجي
نهال...شنو قابل اجذب عليك راجع للبيت لاكيه نايمه وياا اخو بغرفته بس خوش مسوي بيه
خوش كتله بس ولله قصر لو ذابحه ومخلصنا منه
لمار....ولله كله جذب ولله العظيم هذا الكلام كله جذب
احجي وابجي وابد ماكسرت خاطرهم ثنيبنهم
كله جذب اخو يتحرش بيه لمن ماانطيته مجال ضربني
بعدين اني اتصلت بعماد لمن اجا عماد اتكاثرو عليه
حتى عمتي شهدت عليه باطل
نهال...انجبي وين لقيتي هاي السالفه حقيره
هيج اتكاثرو عليج بدون سبب
اكو واحد يضرب زوجته هيج اذا ماشايف منه شي موزبن
جان استحيتي عايشه عيشت الملوك
تاكلين وتشرببن وتلبسين بكيفج الرجال مدلله دلال
مالكيتي غير اخوو تخونيني ويااا
ادبسز فشليتنا باجر نصير سالفه بحلوك الناس كله تحجي بينا من وراج مافكرتي باابوج هذا المسكين
شنو راح يروح للدوام شلون يباوع بعيون الناس
بابا ضاج حيل كعد على الكرسي ولزم راسه
لمار...ولله جذب اني ماسويت شي موزين
نهال...اسمع زين بتك ماترجع تعيش وياي بنفس البيت
اني مااريده تخرب اخلاق بنتي وتعلمه على السوالف الموزينه هاي متعلمه على هاي السوالف ومراح تبطلها ابد
من هسه اكلك بتك ماترجع الهذا البيت
لمار..كنت منتضره اشوف ردت فعل بابا كنت منتضره يكله اسكتي هاي بنتي انظلمت واني مراح اعوفه ابد
اذا تردين انتي اطلعي من هذا البيت
نهال...لا تسكت لو اني وبتي لو هي هاي تسوي مصايب
ومااريده ترجع هنا وتعلم بتي على سوالفه الساقطه
لمار بقيت اباوع على بابا منتضرته يطيب جروحي بكلمه
بابا....وين تروح
نهال...الجهنم الحمره اشمرها بلشارع لا تخاف عليه تروح تشتغل بلملاهي وتعيش
لمار...كلشي مر عليه كووم والي عيوني جاي تشوفه كوم ثاني ابوي لا يمكن هذا مو ابوي
معقوله صدك كلام عماد ونهال عني واني بنته الي رباني على ايده مجاي يصدكني
راسا طلع التليفون مالته واتصل على خالتي
واني بعدني عيوني علي عيوني يحركني من البجي
مسحتهن زين ورجعت اباوع علي بلكت يطلع مو ابوي
واحد ثاني
بابا...الووو سمر شلونج
خالتي كانت مستغربه ليش اتصل عليه وهو من يوم ماتت امي مااتصل عليه ولا سئل
سمر...اهلا وسهلا خير لمار بيه شي
بابا...بعدج تريدها تعيش وياج
سمر...ليش ياستار ياربي صاير شي
بابا...بعدج تردبها تعيش وياج
طبعا هو يكول هيج لان اول ماماتت ماما هي كالت انطونياها تعيش وياا بناتي اني اربيه بس بابا ماقبل لان جانت عايشه بيت عياله
وهو جان يحبني ومتمسك بيه مااعرف هسه شنو الي غيره
بابا...ترديها لو لا فضيني
خالتي...اي اريدها طبعا اريدها
بابا...تعاي بسرعه اخذيها مااريد اشوف وجها
طبك التليفون واني تحديدا بهاي اللحظه متت
اي متت اذا ابوي الي اني عشت عمري كله وياا ويعرفني
ويعرف اخلاقي
صدكهم كلهم واني ماصدكني لا ويريد يخلص مني
عافني ودخل جوه هو ونهال جمانه السعيدي كاعده وحدي
من غير منضري المحزن وشكلي التعبان
وجسمي الي ينزف من كل مكان
بابا مايريدني دخل جوا ونهال ماسكتت ابد
تحجي عليه وتصور كلشي صار بيت عماد وكانما كانت موجوده تشرح البابا شلون اني جنت نايمه بحضن محمود
وشلون عماد دخل وشافني وضربني
وشلون يهدد يفضحني بلمحكمه
راسا قنعت بابا يتصل بعماد حتى يطلك بسكوت ويتنازل عن كل حقوقي حتى ماننفضح كدام الناس
تحديدا بهاي اللحظه رفعت راسي الرب العالمين وكلت عليه
حسبي الله ونعم الوكيل
الاهي اني مالي ايد بكلشي صار اريد اشوف فضيحه حقيقه تنزله على نهال
اريد اشوف حوبتي بيه
اتصل بابا على عماد وبقه يتعذر منه
وماحاول يدافع عني ابد
كلامه كان كله اعتذار عن الشي الي اني سويته
رغم اني ماسويت شي
واتفق يروحله للبيت ويخلص كلشي واتنازل عن الحاضر والغايب والذهب وكلشي ماناخذ منه بس يطلك
ماطلع بابا من الغرفه مايريد يشوف وجهي
اني جبتله العار بقيت كاعده وحدي حتى وجهي ماغسلته ولا شربت ماي
كلشي صار وياي كوم وردت فعل بابا كوم
موتني قضى عليه بردت فعله هاي
ماحاول يسئلني شنو الي صار وليش زوجج يتهمج بشرفج
ابد حتى ما باوع بوجهي
اكثر من ساعه واني كاعده بنفس المكان
منا لمن اجت خالتي دكت الباب
اني فتحتله بس شافتني لطمت على خدها يمه لمار شببج
منو سوو ببج هيج
حضنته وكمت ابجي ابجي بحركه
راسا بابا سمع صوته وطلع
بدون اي سلام واي كلام
بابا...اخذيه مااريد اشوف وجها بعد
خالتي...شبيه شصاير
نهال...اخذيه خلصينا منه ومن عاره
خالتي...شنو عاره لمار مربايه مااجيب العار
بابا...اخذيه وروحي
راسا خالتي حضنتني وطلعتني من البيت مشينا شويه
واني احس كلبي يبس
ودموعي تجري ياربي شنو هذا الضلم
اجرت خالتي تكسي وطلعنا الشقته الي بلمجمع
بعد ماسئلتني اي شي
جان مبين من منضري اكو مصيبه جبيره
بس حست اني مجروحه ومراح اكدر احجي
اخذتني البيتها كبل بس وصلنا دخلتني للحمام غسلتلي
وجابتلي ملابس لبستني
جابتلي مي وعصير وجبرتني اشرب
وراحت حضرت الاكل وكعدت توكلني
انطتني حبايه مسكن وحمايه منوم وضمدت جروحي
بعدين غطتني وكالت نامي وارتاحي وباجر نحجي انشاء
الله اهم شي ترتاحين
بقيت شويه اتكلب لان جسمي يوجعني من الضرب
اي جهه انام عليه توجعني بسبب الضرب
بعدين نمت ماادري بنفسي
هاي الفتره صادفت عطلة اخير السنه يعني خالتي مااداوم
كاعده بلبيت حتى بناته بلبيت
بناته ثنيينهن صف خامس ابتدائي
كعدت بلعشره الصبح كوه كمت من الفراش جسمي كلعده يوجعني
خالتي....هله هله بهل كعده الحلوه
لمار...صباح الخير
خالتي...صباح الخيرات شلونج اليوم احسن
لمار...جسمي كله يوجعني
خالتي نروح للمستوصف هذا قريب بلمجمع
لمار...لا مايحتاح هسه اصير احسن
جابتلي ريوك اتريكت اني وياها والبنات
شغلت التلفزيون خالتي وجابت كرزات وكعدنا وابد ماسئلتني
لمار...ماسئلتيني شنو صار
خالتي....اي شي الي يصير مستحيل تكونين غلطانه
لان اني اعرفج زين انتي مستحيل يطلع الغلط منج ابد
لمار...ليش بابا ماكالي هذا الكلام
خالتي...ابوج عيونه معميه مايكدر يشوف الحقيقه
لمار كمت ابجي حسيت كلام خالتي طيب جروحي
خالتي...لا تبجين اي شي صار مايستاهل دمعه وحده من عيوني الحلوات
لمار...قبل لا ازوج اتوسلت بابا يلغي هذا الزواج الي مابي اي نوع من انواع التكافى من كل النواحي
بس ماقبل ازوجت وقبلت بلواقع وسكتت
رجال لا يفهمني ولا افهمه كل واحد منا بصوب
عشت وسكتت بعدين اخو بدا يتحرش بيه شكد حاولت اصده بكل الطرق وماكدرت علي جمانه السعيدي
كان يتصيد الفرص يريد يعاشرني بلحرام
حتى دنك بأس رجلي شكد حاول يقلل من اخو بعيني حتى اقبل اسلمه نفسي
الحد البارحه اتحرش بيه وكدرت اخلص نفسي
بعدين صعدت سبحت ودخلت لغرفتي لكيته منتضرني
حاول يغتصبني بلكوه
دافعت عن نفسي بكل قوتي ماخلصني منه غير عمتي سمعت عياطي واجت
قررت خلاص لازم عماد يعرف لان محمود صار اكثر من ثمن اشهر يتحرش بيه ويهددني لو اقبل بلشي الي يريده
لو اطلع من هذا البيت بفضبحه
اتصلت على عماد واجا شاف منضري ملابسي مكطعه وحالي حال نزل حتى يفتهم شنو الموضوع
اتفقو عليه محمود وعمتي اتفقو اني مو خوش بنيه وسمعتي موزينه وجاي اتحرش بحماي واريده ينام وياي
نزل عليه عماد غضب ضربني بكل مكان لمن كسرني تكسير
وجابني شمرني على اهلي
ويهدد يرفع عليه قضيه ويشهر بسمعتي
خالتي...عمت عينه كون وكسر بايده
لمار...كلشي صار وياي كوم وممكن يهون بس موقف بابا
دمرني موتني ذبحني
بابا صدك كلام عماد ونهال واني بنته جذبني
لا ونهال كالت مااريدها بلبيت اخاف تخرب اخلاق بنتي
ماكال هاي بنتي وهاي بنتي وخليهن يعيشن سوا
راسا اتصل عليج تعاي اخذيه
اني اريد اموت من موقف بابا ليش هيج يسوي وياي
خالتي...الله يلعن نهال على عماد على ابوج
الله ياخذ حوبتج منهم كلهم
هذا بيتج اكعدي واامري ودللي واذا ماتشيلج الكاع
اخليج بعيوني
لمار...سالمات عيونج حبيبتي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
