رواية عاد طليقي الفصل الأول بقلم جمانه السعيدي
اني نور عمري ١٥ سنه اني وحيدة ماما وبابا
ماما وبابا ازوجو على كبر ومآ صار عدهم اطفال غيري
السنه خلصت ثالث متوسط
والعطله توها بدت
اني مواصفاتي بيضه وعيوني عسلي ملامحي كلش حلوه شعري ثخين وبي كسره
بس اكو بيه عيب واحد
اني كلش ضعيفه عبالك عودة ماسحه
لا خلفيه ولا صدر
جمانه السعيدي
بيتنا ركن وبيت عمو ابو عادل اكبال بيتنا
عمو ابو عادل صديق بابا من زمان صار اكثر من عشرين سنه همه أصدقاء
يطلعون للفواتح والاعراس سواااا
حتى للسوك يرحون سواااا
اثنيينهم عدهم تقاعد حتى بالعسكريه جانو يداومون سوااا
يعني صداقتهم اكثر من الاخوه
ابو عادل عندا ثنيين ولد عادل وعامر
عادل السنه خلص كليه إدارة أعمال وعامر بعده يدرس
عادل يريد يسافر خارج العراق
يكول ماكو فرص عمل للعراق
اني لازم اسافر حتى يكون الي مستقبل
اذا ابقى للعراق مراح احصل شي ابد
اني احب عادل لا مو احبه وبس مجنونه بي
بحيث من اسم عطره بلشارع اروح اركض اني خاله طابوكتين اوكف عليهن واباوع اكو زرف بلحايط
حتى اشوفه من يدخل
بس هو ما شايفني ولا حاجي وياي ولامره
اني بعينهم بعدني طفله
وهو فعلا جسمي عبالك جسم طفله
عمو ابو عادل من اني زغيره دائما يكول هاي جنتي
نور جنتي
يمكن كلامه هذا هو الي خلاني انتبه العادل واحبه
رغم هو اكبر مني بهواي
واصلا ما شايفني ولا يدري بيه
ام عادل وأبو رافضين فكرت سفر عادل نهائيا
بس هو مصمم على السفر
حتى يمنعونه من السفر قررو يزوجونه
يعتقدون اذا ازوج راح يستقر وينسى فكرت السفر نهائيا
جمانه السعيدي
ابو عادل شوف عادل اذا تزوج راح اسمحلك تسافر
عادل بابا شنو بنات الناس لعبه شلون ازوج واسافر
اذا عفتها هنا منو يكول اني راح ارجع
واذا اخذتها وياي
اني رايح ومصيري مجهول ما اعرف وين راح استقر
لو شنو راح اشتغل
ابو عادل هااا هيج ماكو سفر بعد انت تريد تهج وبعد ما ترجع ما فكرت بيه اني وامك
عادل يعني انت عاجبك الوضع اذا ابقى بالعراق لو اشتغل حمال لو صانع بمحل
ما كو فرص عمل ابد
ابو عادل ازوج وسافر عوفها هنا ومن تستقر ارجع اخذها وياك لان هناك بأمريكا بنات بليس هواي
واني اخاف عليك
عادل ومنو الي تقبل تتزوج وزوجها يعوفها ويسافر
ابو عادل هاي الشغله عوفها عليه مالك دخل بيها
عادل شلون يعني عندك عروسه
ابو عادل اخطبلك نور بت عمك محسن
عادل شنو نور نور هاي طفله واني اصلا ما شايفه نهائيا
ليش هي شكد عمرها
شني كبرت موجانت طفله تلعب بلشارع
ابو عادل وين هسه بنيه شابه وحلوووه وهاي بتنا ولي نعرفه احسن من الي مانعرفه
عادل اذا انت ضامن اهلها يوافقون اشرط عليهم ليكدام اني اسافر مو باجر يكولون ليش عفتها وسافرت
ابو عادل اطمن محد راح يحجي وياك بهذا الموضوع ابد
وبليل اروح احجي ويه ابوها
عادل خل اكلك شي اخير اني ما مقتنع بهاي الزواجه ابد
بس راح اوافق الخاطرك
وشرطي الوحيد اسافر
ابو عادل موافق
بليل ابو عادل كال الام عادل حضري نفسج نروح نخطب نور العادل
ام عادل خاف صدك يسويها ويعوف بت الناس ويسافر ويفشلنا ويه العالم
ابو عادل مالج شغل بس يزوج راح ينسى فكرت السفر نهائيا
راح يفكر يكعد ويستقر واني احاول الكاله شغله يلتهي بيها
اني شلون اخلي يسافر اخاف علي
اني قابل عندي عشره بس هو واخوووو
جمانه السعيدي
وفعلا راحووو البيت ابو نور وفاتحوهم بموضوع الزواج
نور سمعت ببت عمو ابو عادل بس جنت متوقعه جايين
قصص وروايات عراقية كرار صلاح خطار لان همه دائما يجونا
اكو مسلسل تركي اني متابعته كاعده ومندمجه ويااا
ومو على بالي ابد جايبن يخطبوني
ابو عادل احنا أليوم جايين نطلب ايد نور العادل
ابو نور نتشرف بيكم بس نور بعدها زغيره
ابو عادل لاتخاف البنات بسرعه تكبر واني راح اخليها بعيوني ومراح اقصر عليها بشي ابد
ابو نور ولله لو ادو الكره الارضيه كلها مالكه مثلكم
بس انريد وقت ناخذ رائى البنيه
ويصير خير انشاء الله
جمانه السعيدي
نور بقو هواي يحجون واني مندمجه ويه المسلسل
وابد بالي مويمهم
طلعو وامي اجت اخذت الريمون من ايدي وقللت صوت التلفزيون
نور ليش ماما ليش فدوه اني متابعه هذا المسلسل
ام نور اريد احجي وياج انتبهلي
نور شكووو شصاير
ام نور بيت ابو عادل اجو خطبوج العادل
نور وكفت على حيلي وكتلها انتي تحجين صدك
....هو هذا الموضوع بي شقه
...الله عليج أحلفي تحجين صدك
...هاي شبيج ما مصدكه وشنو يعني
نور يمه كلبي الحكيلي
...شبيج ماما شنو انتي تحبينه
...ماما اموت علي ولله ما مصدكه معقوله حلمي يتحقف
...انتي تخبلتي ماما بعدج زغيره وهو اكبر منج هواي
عادل ما يتوالم وياج ابد انتي بعدج طفله
...ماما شنو ما يوالمج اكلج احبه ولله احبه
كمت اروح وارجع بلغرفه معقوله عادل خطبني بهاي البساطه
جمانه السعيدي
...يمه العمر كدامج كملي دراستج وازوجي على كيفج
نور ماما اني موافقه ولله موافقه ياربي الحمد والشكر
عادل راح يصير من نصيبي
ماما تعتقدين راح الكه بدله على كدي ياربي اريد اسمن بسرعه
وين اكو بدله تكفي الوحده مثلي
ام نور يمه شببج مستعجله
نور يمه حلمي راح يتحقق تعرفين شنو حلمي راح يتحقق
اني وعادل راح ننجمع سويه
ام نور اني اريد انصحج هاي الزواجه ما متوافقه ابد
الولد جبير وخريج كليه وانتي بعدج زغيره
مو بعدين تتندمين
نور لا ما اتندم ابد ولله ما انتدم يمته يجون يخطبوني
ام نور يمه شبيج مستعجله
نور طفرت على امي وحضنتها وبستها احبه تعرفين شنو يعني احبه
ياربي اليله شينومني من الفرحه
ام نور رجعت خبر الابو نور البنيه موافقه على الزواج
طبعا ابوها فرح لان راح يناسب صديق عمره
وهم الولد ما يتعيب ابد
وقررو يعقد الهم الشيخ بيوم العرس لان مايردون هوسه
ابو عادل انطاهم فلوس المهر الي اتفقو علي وبدووو يجهزون بتهم
وبيت ابو عادل اشترو الغرفه والفرشه وعدلو ببتهم
الي ما يعرفونه كلهم عادل يمشي باجراءات السفر
قصص وروايات عراقية كرار صلاح كمل جوازه وحصل التاشيره
ومقرر ورا اسبوع واحد من العرس يسافر للخارج
واذا استقر وضعه هناك يدز ياخذ عروسته
الي هو الي هسه ما شايفها
بس كلام امه وأبو عنها كافي خلا يقتنع بيها
بدون مايشوفها او يحاول يتعرف عليها
للحكايه بقيه احبكمممممم
تفاعل حلوووو مثلكم
ترا اني اعرف البنات الي يتفاعلن والي بس بتفرجن
بدل ماتدور وتبحث علي الروايات خليها علي تليفونك وحمل تطبيقنا
