رواية جعفر العمده الفصل العاشر بقلم ليل ادم
نعيم : رايح فين يا سيف
سيف : رايح اعمل مصلحة كده ربك يكرم
نعيم : اوعا جعفر يشوفك كده لو شافك كده هيعمل مصيبه
سيف : لالا منا عارف متقلقش
نعيم: تمام تحب اجي معاك
سيف : لا خليك انت جمب الحريم وخلي بالك من المحل
في جانب آخر
شوقي : بتتفقي عليا يابنت الكلب
لمياء: لا والله غصب عني جعفر كان عايز يقتلني
شوقي : طب منا هقتلك يابنت الكلب
كارم : اهدا يا معلم شوقي ما ممكن تعمل اللي تطلبه منها من غير اي حاجه
شوقي: لا يا كارم البت دي ملهاش أمان
كارم : طب جرب كده
لمياء: والله هعمل اللي تقولي عليه بالحرف الواحد
شوقي: ولو غيرتي كلامك اعمل فيكي اي
لمياء: اقتلني
شوقي: لا يابنت الرقاصه هاخد نور عينك ولسانك اللي بتتكلمي بي ده
لمياء : موافقه والله موافقه
كارم : شوفت يا معلم شوقي
شوقي: استني مني مكالمه هقولك تعملي اي وخلي بالك عيني عليكي وأيدي هطولك لو روحتي اخر بلاد المسلمين هجيبك ياله يا كارم
كارم: ياله يا معلم شوقي
في جانب آخر
صفصف : يانعيم روح اتكلم مع سيد يمكن قلبه يحن يوقف في ضهر اخوه
نعيم : حاضر يا صفصف كفايه عياط بقا والله هعمل اللي عايزه
ثريه : المرادي شكلها مش خير ابدا ياما شكل جعفر راح يا نرجس
نرجس: متقوليش كده على جعفر أن شاء الله خارج صح يا نعيم قول حاجه
نعيم : أنا نازل ( ونزل على المكتب )
في جانب آخر
سمير بيه : أهلا يا سيف عامل
سيف: والله يا سمير بيه تمام بس كان عندي مشكله كده مع ابويا
سمير بيه: خير في اي
سيف : والله يا سمير بيه ابن حرام دخل عليه ساب عنده شنطه فيها فلوس مضروبة الحكومة جت خدت ابويا بيها
سمير بيه: المبلغ جامد يعني
سيف : اتنين مليون جنيه
سمير بيه: يا خبر مبلغ كبير فعلا طب الواد ده مفيش بينه وبين أبوك اي معرفه
سيف : خالص والله ولا حد يعرفه ف المنطقة كلها
سمير بيه: أبوك اسمه اي يا سيف
سيف : المعلم جعفر العمده
سمير بيه: اي اوعا يكون قصدك المعلم جعفر بتاع السيده زينب
سيف : اه هو
سمير بيه: لالا لايمكن يكون المعلم جعفر يعرف أن دي فلوس مضروبة ويمد ايده ياخد منها أنا أعرف أبوك من عشر سنين
سيف : لا والله
سمير بيه: هو في حد ميعرفش المعلم جعفر العمده يابني ده من اعلام معلمين مصر
سيف : اه عيل ابن حرام
سمير بيه: هات الصورة دي أوعدك هجبلك الواد ده لو في بطن الحوت
سيف : العشم برضوه يا سمير بيه
سمير بيه: ولا يهمك يا سيف
سيف: بعد اذنك يا سمير بيه
سمير بيه: اتفضل يا سيف نورت الشويه دول
سيف: ربنا يخليك يارب يا سمير بيه
في جانب آخر
وداد : حاضر يالي بتخبط الله هيا الدنيا طارت
وداد : نعيم
نعيم: ألف مبروك يا وداد اي مش هتعزمي على اخوكي يدخل
سيد : عايز اي يا نعيم
نعيم : اخوك في زنقه يا سيد مد ايدك ل اخوك الوقتي ولما يطلع اعمل اللي يلد عليك
سيد : أنا همد أيدي افتح الباب ( وفتح الباب) اطلع بره يا نعيم
نعيم : ( بصدمه قفل الباب) انت بتعمل كده ليه يا سيد اخوك يا جدع
وداد: هو مش قالك بره يا نعيم ياله بقا اسمع الكلام ولا انت مش بتسمع إلا كلام جعفر بتاعك
نعيم : ( ضرب وداد بالقلم )
سيد : انت مجنون وشد نعيم
بدأت خناقه بين نعيم وسيد ضرب نعيم سيد ونزل من البيت على المكتب
في جانب آخر
سيف : مالك في اي
نعيم : مفيش
سيف : وشك احمر كده ليه حد منهم عمل معاك مشكله تاني
نعيم : لا ياسيف مفيش حاجه بقولك ودخل المحل
في جانب آخر
شوقي : فهمتي هتعملي اي
لمياء: فهمت
شوقي : بمجرد ما المكالمة تتقفل تنفذي حالا
لمياء: ماشي سلام
شوقي: سلام
في جانب آخر
الامين : زياره ليك يا معلم جعفر
جعفر: مين
الامين : المعلم سيد
جعفر: ( بفرحه كبيره) سيد اخوية بره
الامين: اه تعالي معايا
خد الأمين جعفر لحد باب مكتب الظابط فتح جعفر الباب كان سيد عمال يعط وباين على وشه اثار ضرب نعيم ليه
جعفر: ( اقترب من سيد) مين عمل فيك كده يا سيد
سيد : شوفت نعيم عمل في. اخوك اي ياجعفر
جعفر: نعيم عمل فيك كده يا سيد
سيد : نعيم فاكر نفسه جعفر العمده وخد مكانك ولو قولتله عايز فلوس يزعل ويقولي مفيش فلوس والوقتي طلع البيت ضرب مراتي و ضربني كل ده بسببك
جعفر: ( ضم سيد ) حقك عليا يا جعفر أنا غلطان يابا والله لو ربك كتبلي يوم واحد بره الحبس ل هبكي اي حد يرفع ايده عليك دم
سيد : ربنا يخليك ليا يا اخويا
جعفر: روح خود من نعيم مفاتيح المكتب والخزنه واي فلوس عايزها تحت رجلك ياسيد ياض دنتا اخويا ابن دمي ياض دموعك دي بتوجعني
سيد : حقك عليا يا جعفر حقك عليا يا اخويا
جعفر: لا متقولش كده انت الكبير يا معلم سيد أنا اللي غلطان خلاص بقا فك وشك كده
سيد : اهو خلاص والله
جعفر: حد كلم حد منكم في غيابي
سيد : حد مين
جعفر: من ولاد حماده فتح الله
سيد : لا مفيش حاجه حصلت
جعفر: الحمد لله وانا ليا كلام تاني مع نعيم
سيد : لالا بلاش تقوله اني قولتلك ل يعملها تاني معايا
جعفر: ( حزن من كلمه سيد وقله حيله سيد ) خلاص يابا مش هتكلم بس خلي الواد سيف يجي يتقابل معايا قوله أبوك عايزك
سيد : حاضر بس بلاش برضوه تتكلم معاه
جعفر: حاضر يابا خلاص مفيش كلام في الموضوع ده
الامين : معلم جعفر حلو كده
جعفر: مع السلامه يا سيد امك في رقبتك يا سيد والحريم خلي بالك من سيف يا سيد
في جانب آخر
لمياء: اه والله يا محمد بيه سيف ابن المعلم جعفر اللي عمل كده ولو مش مصدق نعمل تحليل يثبت اللي في بطني ده ابن مين
محمد بيه: تمام إحنا نبعت نجيب الواد ونعمل التحليل ونعرف كل حاجه
في جانب آخر
سيف : نعم
سيد : أبوك عايزك
سيف : وانت عرفت منين
سيد: كنت عنده وخليك شاهد على اللي هيحصل الوقتي ده بالمره
سيف : في اي مش فاهم حاجه
سيد : هتفهم نعيم هات مفاتيح الخزنه
نعيم: مفاتيح اي
سيد : الخزنه
نعيم : لو السماء وقعت على الأرض مفيش مفاتيح لما جعفر يقول خودها إنما دي امانه معايا
سيد.: شاهد يا سيف يابن اخويا
سيف : شاهد على اي أنا مش فاهم حاجه أصلا
سيد : روح ل أبوك بقا علشان عايزك
عربيه الشرطة وصلت
محمد بيه: انت سيف ابن المعلم جعفر
سيف : اه أنا سيف ابن المعلم جعفر
محمد بيه: ( شده اركب )
سيف : في اي ياباشا حصل اي طيب
محمد بيه: لما تروح القسم هتعرف
نعيم : يامحمد بيه حصل اي عايزين نفهم
محمد بيه: اللي عايز يفهم يجي على القسم
سيد : اللي عايز بقا ( ولف وشه راح على بيته )
في جانب آخر
شوقي: ( اقترب من البوكس) عملت اي يابني مش كفايه أبوك
سيف: ابويا خارج خارج يا شوقي وساعتها وكتاب الله أنا اللي هضربك مش حد تاني
شوقي : معلش يا محمد بيه هاتله اي حاجه للسخونيه الواد ده لما بيسخن بيقول كلام غريب
نعيم : (ذق شوقي ) روح ياعم على أكل عيشك ملكش صالح بينا
شوقي : لا انت علاجك عندي بس لما يجي وقتك ( وضحك وراح محله )
في جانب آخر
وداد: مش قولتلك جعفر هيصدقك ويكدب اي حد
سيد : لا دماغك طلعت جباره يخربيتك
وداد : ولسه انت شوفت حاجه اللي جاي تقيل
