رواية غيرة حب الفصل المئه و الخامس عشر بقلم احمد صابر
انا:شوشو مين
محمد: شوشو عمال يلعب ف دماغي وبيقولي ابوسك وبرجع اقول لا بعد كتب الكتاب عيب وحرام ف يرجع شوشو يقولي كتب الكتاب قدامو كتير ازا كنت مش عارف هخطبها امتى انا اقول ولو ولو الحلال مفيش احسن منو ع الاقل مش هبوس بس
انا: مش فهمة
محمد: الحمدلله
انا: امشي روح شغلك بقيييي
محمد: انا مش عارف الحيوان ده منزلش لحد دلوقتي ليه الساعة دخلة ع 7 انت يالااااااا
معاذ: هنا اهو
محمد قلع الجزمة وحدفو بيها: ده الي 6 بظبط هكون قدامك الساعة 7 الا 10
معاذ: طيب طول ماهيا مجتش 7 بظبط انا كده ف السليم لسا قدامنا 10 دقائق
محمد: لا يا جدع!
معاذ وهو بيديلو الجزمة: اتفضل ياباشا
اخد الجزمة لبسها وبص ف الساعة وبصلو: إياك تتكرر تاني
معاذ: حاضر.... بقول
محمد: هاا
معاذ: هو انا مش المفروض اشيل سلاح
محمد: عند المكوجي
معاذ: السلام
محمد: لا المفرود
معاذ بضحك: حلوه
انا بضحك: متخلف
معاذ بغمزة: يا صباح المانجا
محمد طلع السلاح وشد الزناد: قدامي يالااا
معاذ: حاضر استهدي بالله انت بس هنتفاهم كلو بالتفاهم وحيات امك متضرب
سحبو وراه ع السلم ونزلو
شوية ولقيت ملك نازلة تجري ع السلم وهيا بتلطوم: اتأخرت ع المدرسة اتأخرت ع المدرسة
انا: احسن
ملك: مش وقت شماتة خاااالص
دخلت المطبخ اخدت اللانش بوكس والميه وطلعت تجري وهيا بتحطهم ف الشنطة ركبت الباص ومشيت
انا: اروح اللبس عشان امشي ع الدرس
نزلت وانا بغني: مخصمااااك وابعد عني انا مش طيقاك
كان شاب معدي: لبسه الاسود ليه وانا لسا حي
مردتش ابصلو ودخلت وقفلت الباب ف وشو
انا: أشكال rubbish
دخلت البيت لقيت ماما ف المطبخ بتقلي البطاطس اخدت طبق البطاطس وطلعت من المطبخ وانا بتسحب وطلعت اوضتي وفتحت التلفزيون وقعدت اتسلى فيه وجمبي شنطة الموز وانا باكل الموز وبرمي القشر ف كل مكان دخلت امي ع صوت التلفزيون وبصتلي بصدمة وبصت ع منظر الاوضة بصيتلها وانا بوقي مليان اكل وشكلي يضحك
مها: انتي يابنتي عايزه تجلطيني
اتكلمت وانا بوقي مليان: بعد الشر يا ماما ليه بتقولي كده
رفعت الشبشب لفوق ومسكتو وانا قومت نطيت من ع السرير: ايييي مربية قرد ف البيت جايبة شنطة الموز بحالها مكنتي اختي الشنطتين التانيين جت عليهم
انا: لا يا ماما انا مش طماعة اوي كده
مها: يابنت البارده
وحدفتني بالشبشب جه ع دراعي: اه ايدي ليه كده يا حاجة انا كنت عملتلك اي انا لو درتك مش هتعملي فيا كده
مها: عشان اعرفك انك معفنة بصي ده منظر اوضة دي الفراخ متستنضفش تقعد فيها
انا: مالها يا ماما ده حتى قشر الموز مخلي شكلها لطيف دانا حتى بفكر اغير لونها من الموڨ للاسود
مها: دانا الي هخلي يومك اسود
انا: والله لو قربتيلي لنط من البلكونة
مها: نطي ياختي انا نفسي تنطي ع الاقل هستريح منك
انا: اي الام دي طب ع فكرة بقي انا لو موت حظابط هيقلب الدنيا
مها: ولما يعرف انك انتحرتي هيعمل اي هينقم من مين
انا: لا يعرف ان انا انتحرت لسبب وده بسببك
مها: وهيعرف ازاي بقى
انا: هبعتلو مسدج او اسيبلو جواب
مها: وانا هسيبك تعملي كده؟!
انا: اي هتقتليني ع طول
مها: مش كنتي عيزه تنطي متنطي
انا: لا رجعت ف كلامي انا بحبني أوي ولا يمكن افرط فيا
مها: يارب الصبرررر... ارجع الاقي الاوضة زي مكانت مش عايزه اشوف الزبالة دي انتي فهمة
انا: حاضر هترجعي تلاقيها فلة
مها: زي الاطباق كده صح
انا: يااااه انتي لسا فكره دانا نسيت قلبك ابيض يا ماما انا زي بنتك
مها: اممم نضفي ياختي نضفي
طلعت وقفلت الباب
انا: اقسم بالله لو مرات ابويا هتبقى احن من كده يكونشي خطفاني الولية دي مش بعيد والله او تكون فعلا مرات ابويا وهو الي مخبي عليا عشان متأثرش بس انا اساساً بت جبلة مكنتش هتأثر هو انا بحس اصلا هو يقولي بس.. بس خلاص لقيتها دي مرات ابويا فين بقى بناتها الي المفروض تحبهم اكتر مني وتخليني انضف البيت كلو واطبخ وامسح... لا بس انا امي وليه طيبة ومش بتعمل فيا كده طب اي انا رأيي اخليها نايمة بليل واخد السكينة واهددها عشان تعترف بس هو ده خلاص طب انا المفروض اعيش حياة سندريلا و....
مها من الخارج: نضفي يابت
انا: حااااااضر
شيلت قشر الموز حطيتو ف الباسكت وشغلت المكنسه وكنست الاوضة وظبط السرير زي مكان
قعدت اذاكر ولما الساعة بقت 2 ونص قومت لبست ومشيت ع الدرس
رحمة: حبي ليكي نار نار نار نار
انا: حتى اسألي ماني الجبار
رحمة: عندو فالقة ف نص سنانو بتثبت اي حد مكانو اسألي دومة
انا: اسألي ماني... عندو حسنه ف نص خدودو بيثبت اي حد يادودو اسألي دومة
رحمة: اسألي ماني
قعدنا نضحك وبعدين بصينا للمستر ورجعنا بصينا لبعض وحطينا ايدينا ع وشنا وقعدنا نضحك
انا: بس بقى خلينا نركز
لقينا بسملة داخلة: اهي كملت هتيجي توقعد جمبي انا عرفة
جت وقعدت جمبي فعلاً وعمالة تضحك ع اي حاجة: هموت وافهم بتضحكي ع اي
بسملة: في اي يا إيمان
انا: ضحكنا شوية وهزرنا اسكتي بقى متقعديش تضحكي ع الفاضي والمليان كده مش سامعين
بسملة: ههههههه
انا: هروح خبطاكي ب الكتاب ده ف وشك
بسملة: خلاااااص
خلصت دروسي وكنت راجعة من الدرس الساعة 5 وشايفة 4 كلاب طالعين يجرو عليا من بعيد: هوب استوب يانهار اسويييييح
كان فيه ناس واقفين وانا حاولت اتمالك اعصابي ومصوتش وفضلت واقفة مكاني: لو جريت هايجرو ورايا ولو فضلت واقفة هيتعمل مني كوفتة
طلعو يجرو ورا بعض ووقفو جمبي وفضلو يتخانقو مع بعض اتسحبت وحده وحده لقيت عادل اخو انچي الي ف أولى إعدادي جاي
عادل: ف رمضان
انا: ولا متكولش دماغي لسا فاكر تيجي انا كنت هتسوح
عادل بضحك: الكلاب جريت وراكي تاني ولا اي
انا: انا مش عارفة مستقصدني كده ليه
عادل: بس مسمعتش صوت يعني
انا: مانا مصوتش بقى شوية كلاب هيخوفوني
عادل: والله!
انا: ايوه طبعاً
ومشيت بغرور وبعد كده ضحكت بصوت واطي روحت ع البيت غيرت هدومي ل هودي ابيض من عندو وبنطلون اسود وايد ليج ونزلت ورحت هناك رنيت الجرس وخالتي فتحلتي
مني: متدوريش.. ثم شاورت ع الغرفة.. جوه
ضحكت وبوستها من خدها ورحتلو لقيتو قاعد ف قعدت ع الكرسي ب زهقت: اوووف
كان باصص ف الفراغ وبعدين بصلي وابتسم: خلصتي دروسك
ضميت رجلي ليا وحطيت ايدي ع خدي: ايوه
محمد: مالك
انا: مش عرفة
محمد: كنت عارف انك هتقولي كده
انا: يعني انا ليه مش بنسى الحجات الوحشة
محمد: ازاي
انا: يعني انا مثلا لو حصل موقف معايا من سنتين انا وصحابي ومنستوش حتى لو بسيط بس زعلت وبعدها بفترة بفتكر نفس الموقف وبدايق ومش بحب اتكلم مع الشخص ده انا مش بشيل من حد اقسم بالله بس انا مش بعرف انسى والله يعني كلهم ليهم عندي مواقف زعلتني وهما دلوقتي منكرش انهم كويسين وبيحبوني وبنكلم بعض وبتقعد مع بعض وان لو عملو حاجة قبل كده ف كانت بتبقى غصب عنهم او مبيبقوش عرفين ان هدايق واعتزرو بس انا مش عرفة انسى ومثلا يجو ويحاولو يتقربو مني انا الي ببعد عنهم
محمد: متنسيش
انا: ازاي
محمد: يعني الواحد بيتعلم من غلطو اتكلمي معاهم عادي ولا أكن حاجة حصلت بس احزري لان الي اخد ع حاجة وعملها مره هيعملها الف مرة
انا: اممم همشي وراك
محمد: امشي ورايا ومش هتندمي
انا: مانا كل مرة بمشي وراك بتسوح ف الاخر
محمد: ياشيخة
انا بضحك: خلاص بهزر والله لو كده مكنتش اول واحد تيجي ع بالي احكيلك
محمد: بجد
انا: اممم... في موضوع كمان
محمد: أرغي
انا: لا تعالا كده
رحنا وقفت قدام المراية : اقعد
بصلي ب استغراب وقعد وانا قعدت أدلك ف شعرو وكنت بنعكشو
محمد: يالهوييييي شعري باظ يا إيمان كفاية
انا: اقعد ساكت بقى خلينا نقول الكلمتين... المهم ياعم اتخانقت معاها وقعدت تفتح ف حوارات ف قلتلها لخصي ف قعدت تهبل بقى ب الكلام فمردتش ارد عشان لو رديت همسح ب كرامتها الأرض لقيتها بقى دخلالي برايفت بتقولي عملة اي بيني وبينك انا كان نفسي افط ف الفون اجيب كرشها بس حظها حلو بعتتلي بقى صورة الكالونة بقولها الف سلامه ف بعتت وحده كمان انا مش عايزة اكسفها ف قولتلها انشاء الله تقومي بالسلامة مع اني اول مرة اقول لحد كده و.... حظابط انت معايا ولا اي... حظابط
بصيت عليه ف المراية: احيه ده نام
لسا كنت هطلع لقيتو مسك ايدي وحطها ف شعرو تاني: كملي سامعك
انا: بس هو ده الي حصل ياعم انهارده بقى رحت درس الدراسات لقيتها قعدت مكاني وانا مش بعرف اقعد غير ف مكاني عندت معايا وانت عارفني ف العند مفيش احسن مني
محمد: طبعاً انتي هتقوليلي
انا: هيا تتكلم والميس تقلها قومي وهيا متحركتش من مكانها ولا احترمت الميس حتى الميس قالتلي تعالي اقعدي مكاني الحصة دي مش مشكلة بس انا مردتش انا ممكن اقعد ف اي مكان عادي بس انا حبيت اعند معاها ف قولت للميس هنقعد بره وطلعنا بره تصدق بالله الجو كان تلج بس لو هموت محدش يمشي كلمتو عليا
لقيتو فتح عينو وبصلي ورفع حاجبو: احم الا انت يعني
محمد: مش دي الي حكيتيلي عنها قبل كده وانكم ع طول خناق مع بعض
انا: ايوه هيا سبحان الله عمري مرتحت ليها بحسها بت خبيثة ومش صافيه كده مع انها كانت بتتكلم معايا وبنهزر عادي بس كنت باخد حزري منها انهارده بقى خليت كرامتها ف الارض
محمد: شتمتيها!
انا: اكيد لا يعني
محمد: بحسب... ها عملتي اي بقى
انا: كانت بتدايقني ب كلامها ف كنت برد عليها بطريقة غير مباشرة وفيها احراج ليها ومتغير مغلط فيها
محمد: هتكلميها
انا: انا مش عيزه اكلمها بس انت رأيك اي
محمد؛ اممم رأيي انها لو كلمتك كلميها وخلي فيه حدود للهزاز بينكم وخلي كلامك معاها قليل انما لو هيا مكلمتكيش متكلميهاش بس انت متخصميش حد عشان حرام خلي ف نيتك انك مش مخصماها
انا: لا انا مش مخاصمة حد
محمد: شطورة اوعي بقى شعري الي طلعتي عين امو ده
قعدت انعكش فيه راح نازل ع حواجبو وبقى مغطيها راح مرجعو لورا وباصصلي بشر ف طلعت اجري
انا بضحك: طب والله كده شكلك احلى انا مش فهمة انت متعصب ليه
محمد: بصي عملتي ايييي
انا: ده جميل والله
محمد: جميل اي انتي نعكشتيه خالص قلتلك كذه مرة مش بحب حد يلعب ف شعري
انا: انت الي حطيت ايدي تاني ع فكرة
محمد: مش عارف بس حسيت براحة نفسيه بس انتي نعكشتية لييييه
انا: انا بحب انعكشو والله شكلك كيوت اوي هههههه
محمد: كيوت!! انتي بتكلمي ابن اختك يابت ماتحترمي نفسك
انا: حاضر
محمد: بحبك لما بتسمعي الكلام كده
انا: انا اصلا ع طول بسمع الكلام اصلا
محمد: انتي مأختيش بالك
انا: من اي
محمد: بقلك بحبكككك لما بتسمعي الكلام
انا: ايوه مانا ع طول بسمع الكلام
محمد: اسكتي
انا: هسكت حاضر
دخل ظبط شعرو وطلع: والله كان الاول احسن
محمد: بس يابت يا هبلة انتي
انا: هبلة!
محمد: مالك بقيتي حساسه اوي كده ليه
انا: ينفع متكلمنيش بقى
محمد: انتي زعلتي
مردتش ارد
محمد: طب ردي زعلتي... إيمان
انا: مردتششششش يبقى زعلانة اتفضل صالحنييييييي
ضحك وضرب كف ب كف: انا عمري زعلتك قبل كده
انا: ايوه كتير
محمد: اومال مالك وخده ع خاطرك اوي المرة دي كده ليه
بصيتلوا بعصبية لقيتو بيضحك رحت ضحكة بصلي وهو بيضحك: بحبك
انا: نعم
محمد: اي في اي مقولتش حاجة
فكرت ان بتخيل: اه طيب
الجرس رن وراح يفتح
علاء: بالله انك وحشتني ياجدع
محمد: اومال يأخي انت مبتوحشنيش ليه مش عارف
علاء: لا وحشتك بس بتكابر انا عارف متقدرش تعيش منغيري
محمد: لا عايش عادي اهو هو انت اكسچين يا علاء
علاء: ايوه لو موت هتزعل عليا جامد انا عارف
محمد: يا حبيبي اولع
علاء: صدقني هتحتاس من غيري
محمد: حبيبي انا محتاس بيك اصلاً
علاء: من ورا قلبك انا عارف
محمد: خش يا علاء ربنا يهديك يابني
انا بضحك: علاء الدين
علاء بضحك: ياسمين
محمد رما الكباية ف الارض وهو بيزقو للباب: يلا اطلع بره بقى
علاء: شيفة يا ڨانيليا بيطردني ازاي
انا: لا ملوش حق بصراحة
علاء: المدام أصيلة اوي
محمد: كنت فين امبارح
علاء: تدفع كام واقلك
محمد: روحك
علاء: لا وع اي كنت ف الصعيد
انا: اي ده الله مش تاخودني معاك
علاء: حاضر هاخدك وانا رايح بكرة واقلهم انك وحده هربانة وعليكي تار وياك نخلص منك بقى
بصيتلوا بقرف ورفعت حاجبي
علاء: يالهوي بص بتبصلي ازاي
انا: هتغمي عيني ولا اي مش فهمة انا اعمل الي انا عيزاه
علاء: اسكتي عشان معلقيش زي الماديليا وانتي شبه القزم كده
شديت المسدس من ايدو : لا لم لسانك يابا لم لسانك
محمد: نزلي يابابا السلاح ده مش مسدس ميه
علاء بصلي وانفجر ف الضحك
انا: استظرف كمان شوية يا محمد استظرف كمان شوية خليه يضحك ها
بصلي ببرود وبص لعلاء راح مبطل ضحك: ابو شكلك
وسيبتهم ودخلت جوه
بعد دقائق
محمد: إيمان
