رواية جعفر العمده الفصل الثانى عشر بقلم ليل ادم
حماده فتح الله: عارف أول مره تنتصر على جعفر يا شوقي
شوقي: لسه اللي جاي مجاش منه يابا اصبر على جعفر وكل بيت العمده
كارم : معلم اخويا معلم
تليفون شوقي بيتصل
شوقي : ألو
وداد : النهارده هيكون معايا كل الأوراق اللي في الخزنه
شوقي: أول ما تكون معاكي أبعتيلي أجي لحد عندك بنفسي يا دودو
وداد : شوقي مش عايزه محن مفيش بيني وبينك غير الشغل شغل وبس
شوقي: يابت ما ده كمان شغل وشغل عالي اوي ( وبيضحك)
وداد : سلام يا شوقي
شوقي : سلام يا دودو
في جانب آخر ومع حلول الليل
نعيم : أنا المعلم سيد يطلع اقفل يا مصطفى
مصطفى: ماشي ( ودخل للمعلم سيد)
سيد : مصطفى كفايه حوم حولين نفسك أنا قاعد النهارده هنا روح على بيتك
مصطفى: يعني مش محتاج حاجه يا معلم
سيد : لا مش محتاج حاجه
مصطفى: بعد اذنك يا معلم
سيد : مع السلامه يا اخويا
بعد خروج الجميع وفضي المكان على سيد اخد الاوراق من الخزنه وساب المكتب مفتوح وخرج منه طلع بيته
وداد : ايوه كده يا سيد الله ينور عليك
سيد : هنعمل اي الوقتي
وداد : ده ورق المكتب و وده ورق بيت الدقي وده ورق المصنع و ده بقا حلال عليا
شوقي: اي ده
وداد : دا بيت السيدة زينب اللي خرجت منه قصاد كل اهل المنطقة ادخله على ايد المعلم سيد ومش بس واحده من اهل البيت لأ ادخل وأنا صاحبه البيت
سيد : ( بيضحك ) ايوه خدي مش خسارة فيكي يا حبيبتي
وداد: يخليك ليا ياسيد الرجاله
سيد : هتعملي اي في الورق ده يا وداد
وداد: أنا عندي واحد محامي بالتوكيل ده ينقل كل أملاك جعفر بأسم المعلم سيد اي رايك
سيد : اه حلو ده
وداد : ياله بقا علشان عايز اقولك حاجه مهما ( وضحت ودخلت تجري على غرفه النوم)
في جانب آخر ومع طلوع النهار
زوجه نعيم : قوم يا نعيم شوف مين بيخبط كده على الباب
نعيم. : اي ده في اي ( وقام جري على باب الشقه)
مصطفى: مصيبه يا نعيم الخزنه اتسرقت بكل اللي فيها والمحل كان مفتوح
نعيم : انت بتقول اي ( ونزل جري على المحل ومعاه زوجته ونزلت صفصف وحريم جعفر و سيف على المحل )
نعيم : ( مسك مصطفى) أنا مش قولتلك تقفل المحل ورا سيد
مصطفى: المعلم سيد قالي أنا بايت هنا امشي انت علشان كده رجعت البيت وسبته
نعيم : يعني سيد قالك كده
مصطفى: اه والله
نعيم : ( طلع على بيت سيد خبط على الباب بطريقة مرعبه خرج سيد )
سيد: انت مجنون حد يخبط على الناس كده
نعيم : مين اللي خد الورق من الخزنه
سيد : مش فاهم
نعيم : لا فاهم يا سيد والورق كان معاه توكيل جعفر عامله وسط الورق محدش يعرف حاجه عن التوكيل ده غيري وغيرك
وداد : عايز من جوزي يا نعيم ( وفتحت الشباك و بصوت عالي)
ألحقوني يا ناس ألحقني يا معلم شوقي طالعين يتهجموا على بيتي
سيف : ينهار اسود يا نعيم ( وجري على بيت سيد )
شوقي: حلو اوي كده كلم الحكومه يا كارم وأنا طالع
كارم : عداك العيب يا معلم ( وفعلاً اتصل على الشرطه )
شوقي : في اي يا وداد
نعيم : ملكش دعوه باللي بنا إحنا أهل أخرج منها
شوقي: لا ما المعلم سيد اخويا أنا كمان في اي
سيد : ايوه ليه في اوعا ايدك يا نعيم
نعيم : ورق جعفر يطلع وربنا ما اسيبك
شوقي: ورق جعفر مع اخوه انت مالك يا عم نعيم
( وبدأ الشجار بين نعيم وشوقي وسيف بس المرادي الغلبه كانت مع نعيم و سيف وفجأة دخلت الشرطة)
محمد بيه: أنا شغال عليكم انتو بس ولا اي في اي
وداد : أتهجموا علينا يا بيه و ضربوا جوزي والمعلم شوقي الله يكرمه طلع يلحقني منهم ضربوا راخر
نعيم : أنا عملت كده يابنت الكلب
سيد : اه
محمد بيه: هات الاتنين على القسم
نعيم : محمد بيه سيف ملوش دعوه أنا اللي عملت كده
محمد بيه: الواد ده عمل حاجه
سيد : لا الواد ده لأ هو نعيم بس
محمد بيه: سيبه هات نعيم وياله على القسم
نعيم : ( بحرقه وغل ) واللي خلق الخلق ما هتعدي يا شوقي واللي خلق الخلق هيخرج وهتتكسح وتترمي بره السيده كلها زاي الكلب
محمد بيه: ياعم امشي بقولك
بعد نزول الشرطة
شوقي: بعد اذنك يا معلم سيد
واقترب من سيف
شوقي: انت فاكر اني طالع عايز ألحق وداد و سيد تبقا اهبل أنا طالع بس علشان أضرب قصاد محمد بيه منكم علشان لما اضربك بالجزمه يبقا حقي ( وشد سيف علي السلم نزل بي الشارع لم عليه رجالته وبدأ ضرب في وسط حريم عائلة العمده و اهل المنطقة حاول كل اهل المنطقة لم الموضوع وسحب سيف من ايد شوقي )
كارم فتح الله: ثريه فاكره لما نزلتي الشبشب على دماغي قصاد كل اهل المنطقة
ثريه : ( وهيا سانده أبنها من على الأرض) ولو رجع بيا الزمن هضربك تاني يا كيمو
كارم: ( قلع الجزمه ) طب خودي بقا
صفصف : ( مسكت أيد كارم ) كفايه كده يا ولاد فتح الله خارج خارج بعد يوم بعد سنه بعد عشره خارج وساعتها وعزه الله ما حد منكم طالع من تحت أيده و انت واخوك و ابوك وكل اهل السيده عارفه مين هو جعفر العمده ياولاد حماده ( ولمت الحريم طلعت بيهم البيت )
في جانب آخر
جعفر:: نعيم في اي مالك
نعيم : ضعنا يا جعفر كل حاجه راحت
جعفر: حصل اي فهمني
نعيم : سيد اخوك سرق كل الأوراق بتاعتك وخد التوكيل من الخزنه
جعفر: انت بتقول اي انت مجنون
نعيم : والله العظيم كل الأوراق اتسرقت يا جعفر
جعفر: وجيت الحجز ليه عملت مع سيد حاجه
نعيم : وداد لمت علينا الدنيا عندها وأنا بسأل سيد علي الورق ولقيت شوقي فتح الله طالع مسكت في انا وسيف
جعفر: سيف ابني فين
نعيم : متقلقش طلعته منها قولت ل محمد بيه سيف ملوش دعوه
جعفر: سيد خد الختم من الدرج
نعيم: مش عارف يا جعفر
جعفر: اهدا يا نعيم بس سيبك من اي ورق اللي بره حد لمس منهم شعره
نعيم: معرفش يا جعفر أنا محمد بيه خدني على هنا علي طول
جعفر: ( بحزن شديد قعد على الأرض) لي كده بس ياسيد هحاسبك ازاي أنا الوقتي
في جانب آخر
سيف : تليفوني اللي بيرن ده
ثريه : انت في اي ولا في اي
سيف : ياما بقولك هاتي التليفون
ثريه : امسك
سيف : ألو
سمير بيه: ألو عندي اخبار حلوه ليك يا سيف
سيف : اي
سمير بيه: عرفتلك مكان الواد طلع من المنصوره
سيف : الله يكرمك يا سمير بيه
سمير بيه: مش بس كده لجلك ولجل المعلم جعفر بعت أجيبه وكمان ساعه هيكون على مكتبي تعالى
سيف : عشر دقائق هكون عندك
ونزل سيف من البيت خد عربيته جري على سمير بيه
كارم: ماله الواد ده
شوقي: يمكن يروح يجيب اتنين نايتي شبهه ( وبيضحك)
كارم : تبقا نمره ببلاش يا معلم
في جانب آخر
نعيم : اهدا يا جعفر والله هتعدي اكتر من كده وفات علينا
جعفر: ورحمه ابويا ما فارقلي الحبسه ولا اللي الفلوس ولا الورق نفسي اطلع من الحديد ده ساعه بس يا نعيم ساعه جحيم على دماغ كل واحد رفع عينه عليكم في غيابي مش طالب اكتر من ساعه والله يارب ( و بيضرب ايده في الحديد بكل غلا)
نعيم : اهدا يا جعفر مش كده هتعور ايدك
جعفر: اخوك ميستهلش حريه ساعه يا نعيم تفتكر ربنا هيقبل دعوتي
نعيم : والله ل تطلع يا جعفر اهدا على نفسك يا جعفر
جعفر: واللي بناها يا نعيم ما في نسل حماده فتح الله كله في السيده زينب
في جانب آخر
سمير بيه: اي ده مالك يا سيف
سيف : مشكله بسيطه كده بس الحمد لله تمام يعني
سمير بيه: طب اقعد الواد جي
سيف : أنا مش بس عايزه يجي أنا عايز اعرف مين اللي قال للواد ده يعمل كده في جعفر العمده
سمير بيه: يجي بس وانا هخلي يقولك كل اللي نفسك في
