رواية جعفر العمده الفصل الثالث عشر بقلم ليل ادم
سيد : وداد الورق راح فين أنا قلبت الدنيا عليه مش لاقي ورقه
وداد : منا قولتلك عندي واحد ياسيد هياخد الورق ينقل كل حاجه بأسمك
سيد : ( بفرحه ) اه صحيح أنا غبي اوي
وداد: ولا يهمك يا سيد الرجاله يومين وكل حاجه تكون تحت ايدك إلا البيت إحنا أتفقنا
سيد : طبعاً يا سيده القصر
في جانب آخر
شوقي : بالشفاء يا معلم جعفر كده المحل المصنع حتا البيت التاني بقا ملك المعلم شوقي فتح الله
كارم : والبيت ده اهو البيت ده يوجع اكتر يا شوقي
شوقي: اكتب اسمك هنا
كارم : ليه
شوقي: مش عايز البيت خد اكتب اسمك هنا البيت بقا بتاعك أكتب
كارم: تسلم يا معلم شوقي ياناصر الغلابة
شوقي: عائله العمده أنتهت يا كارم خلاص اعمل اللي يلد عليك
في جانب آخر
سيف : أنا عايزك بقا تقول الكلام ده قصاد محمد بيه وعد مني يا خالد لو عملت كده بيتك واهلك في رقبتي بس النهارده الموضوع ده يخلص بكره المعلم جعفر نازل جلسه أن ما لحقتش هياخد حكم
خالد: خلاص والله هقول بس أنا مصيري هيكون اي
سمير بيه: قول انك كنت ماشي في الشارع نده عليك شوقي ده قالك خد الشنطه دي دخلها المحل ده وانت مكنتش تعرف اللي جوها وسيف يقول إنه شاف وشك في الكاميرات نزل جابك وانت قبلت تيجي لانك مكنتش تعرف حاجه ورجعت تحل سوء التفاهم ده وبكده أوعدك انك مش هتاخد ساعه كمان
خالد: بجد يا سمير بيه
سمير بيه: والله ما بكدب عليك
خالد: لله الأمر ياله بينا يا سيف
سيف : ياله
في جانب آخر
ثريه : عايز اي يا كارم داخل بيت جعفر العمده برجلك ياقلبك يا أخي
كارم : ياله يا ------- ده بيتي مش بيت حد تاني العقد اهو بره ( وشد ثريه بره البيت وصفصف وطلع كل الحريم من البيت في الشارع قصاد البيت بره خرجت صفصف تجري على محل جعفر كان شوقي قاعد في )
صفصف: انت بتعمل اي هنا
شوقي: ( بص ل رجاله) طلعوا الست الخرفانه دي بره
سيد : (نزل على صوت الدوشه) في اي ياما
صفصف: انت اخر واحد يسأل في اي يا دلدول
سيد : بتعمل اي هنا يا شوقي
شوقي : محلي يا معلم سيد وقاعد في
سيد : نعم محلك
شوقي: اه والعقد اهو
سيد : يابنت الكلب يا وداد
وداد: لسانك ياسيد بدال ما شوقي يقوم يقطعه طلقني يا عره عمري ما شوفتك راجل طول عمرك هزء
سيد : الحقي ياما وداد بتقول عليا اي
وداد: فاكره يا صفصف لما جبتي واد صايع خد فلوسي مني وضحكتي عليا أنا بقا خدت منك أبنك الكبير وحبست ابنك اللي روحك في وخدت منك كل حاجه حتا البيت راح يا صفصف
صفصف: زرعه شيطان وسط بيت العائلة يا وداد عمري ما حبيتك ولا عمري كنت أتمنا ابني يخدك بس اعمل اي ابني كده بيحب ياخد عره النسوان
شوقي : طب اي حل مع أهلك بره يا معلم سيد
سيد : ( بص ل شوقي وبيبكي)
وداد: استنا يا عره الرجاله انت طلقني
شوقي: اي ده صحيح أنا قولت هتيجي منك طلق ياعم طلق
سيد : انتي طالق بالتلاته يا وداد حسبي الله ونعم الوكيل فيكي
وداد: سيد الشقه اللي فيها كراكيبك دي يا اخويا شقتي هسيبك تقعد فيها انت واللي ما تتسما ( وأشارت إلى صفصف) اسبوع تكون بره السيده زينب
شوقي: والله طلعت كريمه كنت هقولك يومين بس خلاص وداد حكمت
سيد: أمشي ياما
صفصف: والله ما اطلع معاك الشارع اكرم عليا من قعدتي مع واحد شبهك انت لا ابني ولا اعرفك ( وخدت الحريم مرات نعيم و ثريه ونرجس وخرجت قعدت قصاد محل جعفر)
مرات حماده فتح الله: اي ده يا شوقي النسوان دي قاعده بره ليه
شوقي: ولا يهمك ياست الكل ( وشد خرطوم المياه وغرق الحريم قصاد كل اهل المنطقة وضعف الجميع في الدفاع عنهم )
في جانب آخر
محمد بيه: سيف المعلم جعفر للأسف الوقتي حالا في النيابه مين قالك أنه نازل بكره
سيف : نيابه اي
محمد بيه: زينهم
سيف : ياله يا خالد ( وخد خالد ع نيابة زينهم بسرعه قبل ما يتم الحكم على جعفر)
في جانب آخر
وكيل النيابة: يا معلم جعفر المحضر قصاد مني بتنكر اي
جعفر: عصام بيه حضرتك اكيد تعرف مين جعفر العمده أنا الحمد لله عمري ما امد ايدي في حرام ومش اتنين مليون جنيه هما اللي هيعملوا فيا كده
وكيل النيابة: آخر كلام عندك صدقني عايز أساعد بس انت مش عايز حد يقف جمبك
صوت دوشه شديدة بره
وكيل النيابة:(بصوت عالي ) في اي بره يابني
امين المحكمة: في اتنين بره مصممين يدخلوا يا عصام بيه
سيف :(زق الباب ودخل ) أنا سيف ابن المعلم جعفر وده الراجل اللي جاب الشنطه للمعلم
جعفر: (بص ل خالد قام مسكه من رقبته)
سيف : بس بس مكنش يعرف يا معلم مكنش يعرف حاجه
عصام بيه: نزل ايدك من عليه اسمع الكلام يا معلم جعفر
جعفر: مين اللي زقك عليا ياض
وكيل النيابة: اتكلم يابني
خالد: والله يا بيه ابن الراجل ده جالي قالي انت دخلت ل ابويا المحل أديته شنطه فيها فلوس مضروبة قولتله انا معرفش حاجه أنا جاي معاك وجيت معاه أنا لو عامل حاجه كان حد يقدر يوصلي
عصام بيه: اي اللي حصل
خالد: كنت راجع البلد وقفني الراجل اللي فاتح محل في وش محل المعلم جعفر قالي خد الشنطه دي دخلها للمعلم جعفر علشان بيني وبينه مشكله و أداني فلوس أنا كنت محتاج الفلوس علشان خاطر ابني مريض وعايز يعمل عمليه أنا ولا كنت اعرف جوه الشنطه اي ولا سألت
عصام بيه: هو اي حد يقولك خد الشنطه دي تاخد الشنطه أفرد فيها مصيبه
خالد: أنا مستعد اقول الكلام ده قصاد الراجل اللي خدت منه الشنطه
عصام بيه: اكتب عندك يابني
يفرج عن المتهم جعفر محمد العمده ما لم يكن مطلوب في قضايا أخره بكفالة مالية قدرها خمسة ألف جنيه و تفريغ كاميرات المراقبة لمعرفة مدا صلت السيد شوقي حماده فتح الله بالقضية والقبض على خالد محمد عبد النعيم وحبسه اربعه أيام على ذمة القضية وضبط وإحضار شوقي حماده فتح الله
جعفر العمده: الحمد لله
سيف : يعني يخرج من هنا
عصام بيه: من القسم
بعد الوصول إلى القسم ودفع الكفالة
محمد بيه: معلم جعفر انت ممنوع من السفر لحد انتهاء القضية
جعفر: محمد بيه نعيم أتعمل ليه محضر
محمد بيه: لا بس المحضر هيتم الوقتي
جعفر: ولو قولتلك علشان خطري عديها أنا مسامح في حق سيد اخويا
محمد بيه: ماشي يا معلم
جعفر: وطلب تاني
محمد بيه: اي يا معلم
جعفر: أخرج الوقتي بي ولو عايز حاجه ارفع التليفون اكون عندك أنا ونعيم وانت تعرف كلمه جعفر العمده
محمد بيه: وأنا مينفعش أحط المعلم جعفر في طابور عرض يا امين خالد
الامين : نعم يا محمد بيه
محمد بيه: هات نعيم من الحجز
الامين : ماشي يا محمد بيه
محمد بيه: معلم جعفر مش عايز مشاكل في المنطقه
جعفر: مفيش مشاكل يا محمد بيه توبه
محمد بيه: وادي نعيم وصل
جعفر: ياله بينا يا نعيم
نعيم : في اي
جعفر: مفيش عندنا فصحه امشي هات تليفونك يا سيف
سيف : ليه في حاجه
جعفر: ( شد التليفون و كتب رقم علي تليفونه )
عصفوره: ألو
جعفر: أنا المعلم جعفر يا عصفوره
عصفوره: عامل اي يا معلم حقك عليا مقدرتش اجي
جعفر: (قطع كلام عصفوره) عايز الرجاله تلف حوالين السيده زينب كلها الحكومه لو دخلت المنطقة قبل ما اقولك خلصت ورحمه العمده هاخد روحك
عصفوره: امتا
جعفر: حالا و مش عايز راجل يخرج من السيده زينب حبس على الجميع لحد ما أنهي اللي عايزه
عصفوره: خلصت يا معلم والله ما حد داخل ولا خارج من السيده قبل ما جعفر العمده يقولي طير يا عصفوره
جعفر: سلام
سيف : هتعمل اي يا معلم جعفر
جعفر: من يوم ما عرفتك وانا بقولك ابعد عن المشاكل علشان مش عايز اخسرك النهارده بقولك أنا عايز أخسرك انت ونعيم وأنا في خشبه واحده بس كمان ساعه مفيش ولاد حماده فتح الله
