رواية جعفر العمده الفصل الرابع عشر بقلم ليل ادم
حماده فتح الله: رميتكم قصاد عيني في الشارع دي بالدنيا يا صفصف
صفصف: شويه كلب أول ما وقع جعفر كلكم نازلين نهش فينا
شوقي: والله لو مكنتيش كبيره كنت قتلتك
دخل سيف المنطقه بالعربيه على سرعه قصاد المحل نزل جعفر من العربية
جعفر: مش قولتلك يا حماده هتدفن الأربعة على أيدي ( ودخل شد شوقي من جوه المكتب )
كارم وحماده واقفين محدش قادر يتنفس وسط كل اهل المنطقة كان نعيم وسيف ضربوا كارم علقه موت
جعفر: فين الورق ياض
شوقي: في المكتب جوه
جعفر : قوم معايا ( ونازل ضرب في شوقي بكل أفتره )
شوقي : اهو الورق اهو
جعفر: أمضي هنا ياض
شوقي : عقل ابنك يا حماده وكتاب الله هقتله
حماده: أمضي يا شوقي خلصنا
في جانب آخر
وداد نازله من البيت تجري وقعت في ايد صفصف
صفصف : رايحه فين يا عروسه تعالي
وداد : ابوس ايدك البيت اهو و الورق كله مع شوقي سبيني امشي
صفصف: سيد خود حقك منها ( ورميتها على الأرض)
في جانب آخر
جعفر: خود الورق في الخزنه يا نعيم هات كارم وتعالي يا سيف
سيف شد كارم من على الأرض
جعفر: اللي هيفتح بوقه في المنطقة كلها ورحمه ألعمده هعمله محرقه لوحده
نعيم : ( قرب من جعفر) بلاش دم يا جعفر
جعفر: هشششسسس اللي هسمع صوته هاخد عمره زق شوقي في المحل وكارم جمبه
جعفر: قولتلك يا حماده بلاش أنا قولتلك شد عيالك بره طريقي هتدفن الأربعة على أيدي مسمعتش مني
شوقي : (بصوت عالي) بتعمل اي يا جعفر
جعفر: بعمل اللي كان لازم يحصل معاكم يا ولاد فتح الله
ورش البنزين في كل مكان و أشعل النار في المحل وسط كل اهل المنطقة النار أكلت المحل بكل اللي في للمره التانيه على ايد جعفر خرج شوقي من المحل جري وخرج كارم بس كان جسمهم متضرر من النار
حماده: ارتحت كده حرام عليك يا اخي حرام
جعفر: الحرام ده انت أكلته ل عيالك يا حماده عيالك اللي السم مالي قلبهم مني أنا بقا بطهرك من السم انت وعيالك
تليفون جعفر رن
جعفر: ألو
عصفوره: اي الدنيا بره دكن
جعفر: أختفي يا عصفوره
جعفر: خود يا نعيم
نعيم : اي يا معلم
جعفر: امسح اللي حصل النهارده من على الكاميرات هنا و هنا الحكومه دخله المنطقة
نعيم: من غير ما تقول مسحت اللي عندنا هاخد اللي هنا كمان أمسحه
جعفر: تمام خود الحريم واطلع يا سيف
سيف : ماشي يا معلم
سيد ماشي مع سيف
جعفر: لا خليك انت يا سيد ارجع بيتك
سيد : انت بتقول اي يا جعفر
جعفر: اللي سمعته صح يا سيد ياله
سيف : (وقف عينه على جعفر)
جعفر: (بصوت عالي) قولتلك خد الحريم على فوق يا سيف وقف ليه
ولف وشه كان حماده قاعد على الأرض جمب عياله وكانت حالتهم خطر جدا
جعفر: البقاء لله يا حماده في الاتنين المحل اتحرق قضاء وقدر يا حماده تمام وخلي بالك الإسعاف داخله لو حد منهم في النفس هروح أقتله يا حماده سامع ولا لأ
حماده: ( عينه على جعفر وساكت)
جعفر: (بصوت عالي) سامع ولا لأ
حماده: سامع سامع
جعفر: يومين يا حماده لو شمس اليوم التالت ظهرت هاخد عمرك انت كمان السيده كلها تخرج منها
حماده: اعيش فين يعني يا جعفر
جعفر: روح في اي مصيبه بس هنا لا
وفجأة سمع الجميع صوت عربيه الشرطة. رجع قعد قصاد محله
محمد بيه: (راح محل جعفر) قولتلك بلاش مشاكل يا معلم
جعفر: هو في اي أنا قاعد هنا من ساعه ما رجعت من عند حضرتك حصل اي بس يا محمد بيه
محمد بيه: يعني كل اللي بيحصل ده ملكش دخل بي
جعفر: اهو اسأل حتا اي حد في المنطقة ولا بلاش تعالي معايا يا محمد بيه حماده يا فتح الله أنا قومت من على الكرسي بتاعي
حماده: ( بص ل جعفر وسكت )
محمد بيه: رد يا معلم حماده
حماده: ملوش دعوه يا محمد بيه
جعفر: اي ده ياساتر الواد شوقي بقا عامل زاي السمكه في الطاسه جلده قشر يا حماده ها قشر
نعيم : اه يامعلم قشر
جعفر: الله يرحمهم ويغفر لهم بعد اذنك يا محمد بيه
محمد بيه: (عينه على حماده فتح الله) اتفضل يا معلم جعفر
ورجع عند محله
نعيم. : ( بيبوس دماغ جعفر ) ربنا يخليك لينا يا اخويا
جعفر: ( حضن نعيم ) ربنا يخليك انت ليا ياض يا نعيم اللي باع واللي خان واللي أتغير اللي انت يا نعيم معايا ضهر وسند حفظت عهدي معاك أخويا معملش اللي انت عملته
نعيم: تربيتك يا معلم
سيد: جعفر الخال فتوح طردني في الشارع
جعفر: اعملك اي يا سيد
سيد : أنا آسف يا جعفر ورحمه أبوك كفايه اللي حصل معايا
جعفر: رحمه أبوك دي متتكلمش عليها يا سيد انت ناقص ياسيد ايوه ناقص زعلت ليه انت ناقص رجوله لما أمك تنزل من بيتها وتعمل عبيط تبقا ناقص رجوله
سيد : كانوا كتير وانا لوحدي
جعفر: لو رقبتي هتقع وسطهم يا سيد ياجدع ده المثل بيقولك الموت في الكتره ستره انت بتقول اي بس تيجي تقعد جمبي في الحجز تقولي نعيم عمل وعمل وانت بتضحك عليا تسرق الورق من المحل ليه ياسيد قصرت معاك في اي فكك من العياط وكلمني راجل ل راجل المرادي مش انت اللي هتقول خلاص يا سيد أنا اللي بقولك خلاص انتهت طلعوا بره يا نعيم
نعيم : ( بص ل جعفر)
جعفر: ( بص ب غلا ل نعيم )
نعيم : امشي معايا ياسيد الوقتي معلش
سيد : يعني ينفع يا نعيم
نعيم: اه ينفع يا سيد امشي معايا الله يكرمك
في جانب آخر
وداد : ( أول ما شافت نعيم ) نعيم علشان خاطري ألحقني
نعيم : سيد أطلع البيت جعفر لو شافك فوق مش هيتكلم معاك انت عارف اخوك بس أبعد عن أختي أنا عارف اختي اكتر منك يا سيد بلاش وداد يا سيد اسمع الكلام
سيد: يعني اطلع عند صفصف
نعيم : أطلع عندي بلاش صفصف
سيد : ماشي ( وطلع جري من غير ما جعفر ياخد باله)
نعيم : جعفر
جعفر: لا يانعيم
نعيم : أختي يا جعفر
جعفر: ( بص ل نعيم في صمت ) خدها يا نعيم بس لو جعفر ليه عندك اي محبه بلاش اشوف وشها بالغلط
نعيم : وطلب تاني
جعفر: اي يانعيم اروح لمحمد بيه اقوله أنا اللي حرقت المحل
نعيم : لا ياعم مش كده
جعفر: طب عايز اي تاني
نعيم : سيد طلع عندي مش هينفع ينام في الشارع مهما كان ابن العمده
جعفر: لو صفصف نفسها اللي كانت طلبت والله ما كنت قبلت يا نعيم بس هعمل اي معاك كفتك طبه معايا وخطوتك تقيله عندي
نعيم : ربنا يخليك ليا يا اخويا
في اليوم التالي
الامين خالد علي باب بيت جعفر
جعفر: اي ياعم خالد
خالد : محمد بيه عايز سيف التحليل طلع
جعفر: ماشي ياعم خالد هجيب الواد وجي
الامين خالد: ماشي يا معلم بعد اذنك
جعفر: اتفضل يا عم خالد
في جانب آخر
سيف : اي
جعفر: هو اي اللي اي ياله ألبس
سيف : أنا مش ناقص حبسه ياعم مليش في الحلاوه
جعفر: هو أنا برضوه هسيبك تاخد ثانيه جوه هتكتب عليها ونخلص البس
ثريه : ( سمعت الكلام خرجت ) يكتب على مين يا جعفر
جعفر: ادخل انت يا سيف
ثريه : في اي يا جعفر الواد ماله والظابط عايزه ليه
جعفر: (بصوت عالي) في اي مش قولتلك خلاص
ثريه : حتا جواز ابني مش هتدخل في
جعفر: جواز اي يابنت العبيطه ياله ننزل يابني
سيف : ياله
في مكتب محمد بيه
محمد بيه: اتفضل يا معلم جعفر
جعفر: يزيد فضلك يا محمد بيه
محمد بيه: نتيجة التحليل طلعت الدكتور جاي الوقتي يعلن النتيجة
جعفر: اسمع يا محمد بيه لو الواد أبننا هنكتب على البت وابني مش هيتحبس
محمد بيه: والله إن كانت لمياء ليها كلام غير ده أحب أسمعه
لمياء: ها اه ماشي اللي تشوفوا
الأمين خالد: الدكتور وصل يا محمد بيه
محمد بيه: خلي يدخل
