رواية كشف المستور الفصل الرابع عشر 14 بقلم جمانه السعيدي
شفت الرساله وسكتت ماحجيت ابد ماردت بابا يقلق عليه
كملنا اكل وشلت الصينيه ونضفت المطبخ
اشتغل وبالي مشغول كلش
حسيت الموضوع اكبر من تصوراتي
ثاني يوم رحت للمحكمه وحجيت كلشي الابو مصطفى
كال قدمي شكو حتى يعرفون صاحب الرقم
ولو اني متاكده هذا رقم ( كلك ) يعني بدون اسم
ثاني يوم طلبو محمد بمركز الشرطه حتى يسئلونه كم سوال
جمانه السعيدي
كعدنا الصبح تريكنا وبدلنا بابا راح للمحل
واني ومحمد رحنا المركز الشرطه
زين محمد يكدر يمشي بس اكيد بمساعدة العكازه
مالكيت مكان اصف بي سيارتي
صفيته بعيد بلشارع الثاني ورحنا مشي وصلنا واخذو اقواله وطلعنا
عبرنا الشارع الي بي المركز
جان يجي ماطور سريع اني مامنتبه ابد
الي صاعد الماطور ضربني بايدي حيل من يم العكس
بحيث ايدي موتتني عطت حيل من الوجع
محمد الله ينتقم منك شو خل اشوف شصار
هبه من وجع الضربه ادموعي كامت تنزل واحس ايدي مااكدر احركه ابد
محمد تاذيتي
هبه....عرفت ماراح تعدي سلامات بعد التهديد
محمد...شنو تهديد شنو هددوج
هبه امسح بدموعي اي هددوني
محمد...كله بسببي اني اعفيج من هاي القضيه اني ما اريد يصيرلج شي من وراي
هسه امشي خل نرجع تكدرين تسوقين بايد وحدا لو اناجر تكسي
هبه...لا ما اكدر حيل توجعني٠
محمد...خل اناجر تكسي ونروح للمستشفى انسوي اشعه الايدج
وفعلا طلعنا للمستشفى وسويت اشعه طلعت اشوية رضوض بايدي الدكتور كال لازم تربطيه بركبتج
وسجلي مهدء علمود الوجع
رجعنا للبيت وبابا شافه وتخبل وعرف همه مهدديني
محمد حيل حس بلاحراج
جمانه السعيدي
محمد اسف ماجنت اعرف مهددينها وهاي القضيه قضيتي واني راح امشي بيها وحدي
واتمنى الله يقدرني واكدر ارد جزء بسيط من فضلكم عليه
طلع محمد من عدنا واني دزيت بابا يجيب سيارتي
واخذت العلاج ونمت لان حيل توجعني ايدي
سمعت صوت التليفون يدك فتحت عيني صايره الدنيا مغرب واسمع بابا يصلي
هبه...الو
محمد...هلووو شلون صرتي
هبه...الحمد لله احسن
محمد... توجعج ايدج
هبه...شويه احسن على المسكن
محمد...باجر اجي اخذج دكتور اختصاص يشوف ايدج
هبه....ماكو داعي صرت احسن
محمد...ليش ماكتيلي مهدديج كلشي صار بسببي
هبه...ماجنت متوقعه توصل بيهم الجرئه الهل درجه
محمد...يمعوده همه اخوهم يردون يقتلو اله انتي
هبه...طبعا همه قصدهم يخوفوني باجر احول القضيه الابو مصطفى واني اشتغل ويا ابد ما اعوف هاي القضيه
محمد...لاهبه اني اخاف عليج وذوله ماكو بكلبهم رحمه
هبه...احنا كطعنا شوط طويل بهاي القضيه
وهمه لوما حاسين بخطر ما حاولو يخوفوني
انت هسه وين
محمد...اجرت غرفه بلفندق وخابرت خالي يحولي فلوس
امشي بيهن القضيه وهم اريد اسد الدين العليه
هبه...اي دين
محمد ...دينج انتي اطلبيني فلوس المستشفى وفلوس العلاج
هبه...تحجي صدك ترا ازعل عليك
محمد...لاتزعلين حتى اتعاب القضيه هم انطيج حقج
هبه...لاتكول هيج
محمد....اخذيهن هسه احسن اللج لان اذا طلعت حصتي من الورث اشيل خشمي وبعد ما اعرفج
هبه.....ههههههه ضحكتني واني ضايجه
محمد...فدوه الهل ضحكه الحلووووه
جمانه السعيدي
هبه ...باجر تعال للمحمكه الساعه بلتسعه حتى تشرح قضيتك بلتفصيل لابو مصطفى
محمد...انشاء الله
هبه مع السلامه
محمد...الله وياج اوكفي نسيت
هبه...شنو
محمد هسه لازم اني اداريج مثل ما داريتيني
هبه...ماتسوه بسيطه
محمد شكرا للضروف الحلوه العرفتني عليج
هبه.....خل نربح القضيه وبعدين اشكر الضروف براحتك
ثاني يوم اجه مشتري ملابس جديده وحالق شعرا طالع كلش حلو
اني رحت للمحكمه واني رابطه ايدي ومعلكته بركبتي
محمد...صباح الخير
هبه...صباح النور تعال ابو مصطفى منتضرك
وفعلا ابو مصطفى لزم القضيه واني ساعدته بيها ورا كم يوم كدرو ايلزمون الولد صاحب الدراجه
بس ما اعترف عليهم ابد
ولليل اجتني مكالمه مهمه جدا
من اخو محمد الجبير يطلب يلتقون بي ويحلون المسئله ودي بينهم
بس يتنازل عن القضيه ويطلع الولد
اجا محمد واخذ ويا بابا والمحامي ابو مصطفى وراحو عليهم
واتفقو ينطونه حصته بيت ضخم وحلو ومحلات اثنيين
هنه صحيح شويه اقل من حصته
بس هو وافق وكال مهما يكون يبقون اخواني
وتم كلشي بلمحكمه وبوجود شهود والمحامي تمم الاجرائات
من خلص كلشي اجاني
محمد موكتلج انتي وجه الخير
هبه مبروك رجعلك حقك
محمد شكرا جزيلا اليوم ارجع للنجف بس اكيد مراح اكطع التواصل وياكم
هبه...الله وياك بس لاتنسانا
محمد..مستحيل انساكم ابد
طلع واني حيل ضجت ما اعرف ليش يمكن تعودت علي
رجعت للبيت
هلو بابا اليوم محمد رجع للنجف
ابو هبه ادري لان اجه سلم عليه وودعني وعافلج هذا الضرف يمي
هبه....ضرف وينه خل اشوفه
فتحته لكيت بي مليون دينار ورساله
هذا اقل من حقج وتعبج وياي وباقرب فرصه راجع الكم
الفصل الخامس عشر والاخير من هنا
بدل ماتدور وتبحث علي الروايات خليها علي تليفونك وحمل تطبيقنا
