رواية جعفر العمده الفصل الخامس عشر بقلم ليل ادم
الدكتور : ازيك يا محمد بيه
محمد بيه: اتفضل يا دكتور وائل
الدكتور: التحليل اللي معايا ده خاص بالناس دي
محمد بيه: اه تمام تقدر تقول النتيجة
الدكتور: فين سيف
سيف : أنا اهو يا دكتور
الدكتور: يبقا اكيد انتي لمياء مفيش غيرك قاعد أصلا اتفضل يا محمد بيه
محمد بيه: ( خد الاوراق من الدكتور)
الدكتور: الحقيقة أن الطفل ملوش اي نسب مع استاذ سيف خالص استاذ سيف عمل فعلاً علاقة مع لمياء بس الحمل مش ناتج عن العلاقه دي الحمل ناتج بعد علاقه تانيه حصلت تاني يوم على طول
جعفر: يعني أبني ملوش ذنب
الدكتور : لا ابن حضرتك ملوش اي نسب مع الجنين
لمياء: انت كداب أنا محدش لمسني إلا سيف وهو شاف بنفسه
جعفر: حصل يابني
سيف : بصراحه حصل
الدكتور: يا استاذه لمياء بلاش ندخل في تفاصيل توجع حضرتك
لمياء: دفعلك كام علشان تقولي كده
الدكتور: لا حضرتك اللي دفعتي كام علشان ترجعي بنت من الأول
لمياء: ( في صدمه وسكوت )
الدكتور: أنا قولت لحضرتك بلاش ندخل في تفاصيل توجع حضرتك أنا كده تمام يا محمد بيه
محمد بيه: شكراً يا دكتور تقدر تتفضل انت
جعفر: واحنا كمان تمام كده نمشي
محمد بيه: تقدر تاخد سيف وتمشي يا معلم
لمياء: ( قامت للخروج)
محمد بيه: بس بس خليكي مين قالك تمشي
لمياء: هو أنا عليا حاجه
محمد بيه: اه طبعاً عليكي انتي رميتي تهمه على مواطن ملوش علاقه بيكي وعليكي كمان مصاريف قضائية خودها يا امين خالد
الامين خالد: امشي معايا ( وخد لمياء)
جعفر: بعد اذنك يا محمد بيه
محمد بيه: أتفضل
خد جعفر ابنه وخرج من القسم الي حي السيدة زينب
جعفر: اي مالك عامل زاي المكبوب عجينه
سيف : مش مصدق اللي حصل
جعفر: ليه
سيف : مش متخيل اني كنت هحط على قلبي طفل مش من صلبي
جعفر: ربك كبير اهو أديك عرفت قبل ما يحصل حاجه
سيف : ونعما بالله
جعفر: عامل اي يا معلم نعيم
نعيم : الحمد لله يامعلم
جعفر: اهلا يا شيخ سالم خطوه عزيزه
الشيخ سالم: الله يعز مقدرك يا معلم جعفر
جعفر: أطلع انت يا سيف
سيف : ماشي يا معلم
جعفر: شكلك عايز تقول حاجه يا شيخ سالم
شيخ سالم: بصراحه اه يا معلم جعفر
جعفر: قول
شيخ سالم: خالك فتوح جالي لحد بيتي وطالب مني أتوسط ليه عندك ومش عايز غير أنه يرجع يعيش في المنطقه ب سلام
جعفر: بس أنا مش فاكر اني رفعت عيني ف خالي رغم كل اللي عمله
الشيخ سالم: يعني يرجع يقعد وسطنا تاني يا معلم جعفر
جعفر: اللي يقوله الشيخ سالم سيف علي رقبه اي حد
الشيخ سالم: خلاص أروح أنا وشوف شغلك يا معلم جعفر بعد اذنك
جعفر: انت منور الدنيا مستعجل ليه كده يا شيخ سالم
الشيخ سالم: كان الله في العون يا معلم جعفر اشوفك بخير ( وخرج من المكتب)
نعيم: راجل محترم اوي بصراحه
جعفر: عايز اي من راجل زاهد بتاع ربنا يا نعيم المهم قولي سيد عامل معاك اي
نعيم : حابس نفسه في الاوضه مش عايز يطلع منها
جعفر: سيبه يومين تلاته وهطلع أنا أتكلم معاه
نعيم : الله يباركلك يا جعفر
جعفر: روح شوف شغلك انت
نعيم: تصدق صحيت النهارده لقيت البت وداد مش في المنطقة كلها
جعفر: احسن أرتحنا منها
نعيم : على رأيك بس أنا بخاف من دماغ وداد اختي أصل أنا عارف تفكيرها كويس
جعفر: سلمها لله يا نعيم
نعيم: ونعما بالله
فجأة دخل عربيات كتير الحاره كلها رجاله حراسه
جعفر: في اي هيتصور فيلم عندنا ولا اي
نعيم: لا منا سمعت أن محل حماده فتح الله أتباع تقريباً ده اللي أشتر المحل
نزل من العربية واحد دخل محل جعفر العمده
راضي : أنا قولت عيب أدخل الشارع من غير ما أجي أتكلم مع كبير السيده كلها
جعفر: انت مين
راضي : أنا المعلم راضي
جعفر: نورت يا معلم راضي بس اي الفيلم اللي بره ده هو حد يدخل منطقة بالشكل ده برضوه
راضي: معلش يا معلم مكنتش اعرف انك هتزعل
جعفر: عيب عليك ده شكل واحد زعلان
راضي: أول مره اشوفك ف مش عارف بصراحه إن كنت زعلان ولا لأ
جعفر: أنا لو زعلان السيده كلها تزعل علشان كده مينفعش ازعل يا معلم راضي ربنا يجعلها عتبه خضرا عليك وتاخد خيرها ويكفيك شرها
راضي: شرها ولا شرك يا معلم
جعفر: الاتنين يكفيك شر الاتنين يا معلم
راضي: هنشوف بعد اذنك يا معلم.
جعفر: إلا صحيح يا معلم راضي هتبيع فيها اي ألماس
راضي : ( بيضحك ) لأ جبنه
جعفر: والله حلو بلاش تجيب بيض في المحل بقا مش هتحتاجه
بيضحك جعفر ونعيم وبيخرج المعلم راضي
نعيم : في حاجه مش مرتاح
جعفر: ليه بس كده يا نعيم الراجل تمام اهو
نعيم : ولا مرتاح ليك انت كمان يا جعفر
جعفر: برضوه لا دنت تمسك الشيشه بقا
